لا تطلق
وانتظر الى ان تضع مولدها بالسلامة
وبعدها لكل حادث حديث

__________________
انا لله وانا اليه راجعون

انا ايضا ارى كما ترى سرب الخيال

انك يابو خليفه لاتحسن التعامل مع زوجاتك

فانت عصبي ومتهور

طفشت الاولى وبتطفش الثانية

تطلق لجين علشان اخوها طلب؟؟!!

اترك لجين لين تولد بالسلامة

واسالها مباشرة هل هي من تريد الطلاق

واذا صمتت فاعلم انها لاتريده

أسأل الله عز وجل أن يرزقكما السعادة .. لكن مهما يكن أخي أيهون عليك أن تقول وداعا يا حبيب العمر..

الله يجزاكم خير جميعاً...

اختي توفي ...

هي ما كانت بيت عمي كانت بيت أبوها ويا عمي ,,, وكانت حالتها بدت تتحسن يعني بدات تشرب العصير عمي كان مجابلها حتى الكلام كانت ما تتكلم الا وياه وكلمات مختصره جداً ,,, المهم حضرتي تلقفت ويوم شفتها تحسنت أصريت أردها البيت ,, وعمي ما كان موافق ,, أخذتها واستوا بيني وبينها بعض الاشياء هي ما تقبلتها ,, وعلى أثرها تعبت ,, وانتكست حالتها ,, ودخلت المستشفى ,,

واتصلت على أخوها وجاء ,, ولما شافها ...

بدينا نتهاوش بالمستشفى وقال انت تزوجت على اختنا واحن سكتنا وقلنا أختنا مب قايمه بحقك ,, ولكنك الحين تراكض وراها والثانيه طاردها بيت أهلها ,, عيل شو أنت متزوج عليها ,,

بدأ كل واحد فينا يتحاذف بالكلام واخرتها قال طلق أختي وولدك تعال استلمه من عندنا عقب الولاده احن مب ملزومين بتربيته ..

ما فكنا من بعض الا عمي ,,,

علشان جي قررت أقطع تواصل وياهم وطلبت من أختي تجيب لي أخبارها على الاقل اطمن على وضعها وهي بالمستشفى ..

* والاخت اللي تقول أخوانها يبونها لحين عشان الورث ,, لا يا بنت الحلال أخوانهم ما يهمهم هالشيء وبالعكس طلبوا مني أسجل حلالها باسمي ما عندهم مشكله ,, لكن أنا رفضت وقلت لهم عندي زوجه ثانيه ,, خوفهم كله من أمها ...

* موضوع أني ما أعرف تعامل ويا الانثى ولازم أخذ دوره أطور من روحي ,, انا طبعي معروف للكل وعندي واحد زائد واحد يساوي اثنين ,, والمدام ثانيه هي اللي طلعت من غير شوري وانا قايل لاخوها مثل ما طلعت ترد وعقب نتفاهم غير جي ما عندي ,,
وطبعا حضرتها وصلها خبر طلب أخوان لجين اني أطلقها ,, تصدقون وأنا قايل أنها مب هينه حصلتها ردت اليوم البيت ويا أمها ,,
سويت روحي عادي جدامهم احتراماً لامها ولا هي ورب الكعبه مب طايقها ...

قلت أسافر كم يوم لاني احس روحي مضغوط من المشاكل ,, وعقب لكل حادث حديث وزوجتي ولدي الله يحفظهم ..

__________________

الحمد لله على كل حال

السلام عليكم أخي
الواضح أن زوجتك الثانية أفرحها خبر طلاقك من لجين وهذا يبين نيتها عندما طلبت منك أن يكون منزلها قريب من لجين فقط لتغيظها والله أعلم هكذا يفسر الظاهر وخاصة أنها تركت المنزل عند ملازمتك مرض لجين مع أنها وافقت قبل الزواج على شروطك
ولتحمد ربها أنها بكامل صحتها وبكنف أسرة من أب وأم ولم تذق مرارة ما ذاقته لجين كان الأولى بها أن ترأف بحالة لجين بدل إسراعها إلى منزلك لإستغلال أول فرصة سانحة
الله يشفي لجين ويعوضها بأيام سعيدة مع زوجها وولدها

ما أقول الا جعلني ماني بحرمتك الثانية

أخ زوجتك الأولى أشهد ما قال الا الحق والكلام الصحيح ... سكتوا على زواجك الثاني لأنها مب قايمه بحقك !!

المطاردة والتعب والجهد الذي لاتزال تبذله لزوجتك الأولى ولا أنت محصل شئ سوى الحرمان .. لو تبذل 10٪ منه لزوجتك الثانية وتقوم بمسؤليتك الشرعية تجاهها فقط لإنجاح الزيجه ، وال 90٪ خلها للأولى.
ستشعر بالاستقرار والسكينة والراحة وتلبيه للواجبات مع الزوجة الثانية التي طالما افتقدتها سابقاً بل حًرمت منها وهذا كان السبب الرئيسي للزواج

لكن للأسف حتى 1٪ لم تبذله للزوجة الثانية، ودك تتخلص منها، وأسلوبك معها سئ جدا. تًمسك عليها الأخطاء الصغيرة قبل الكبيرة ولا تهتم بها ولا تقيم لها وزناً.
حتى مبادراتها تجاهك وإقِبالها عليك، تتم تفسيرها منك بسوء نية !! ولا تفسرها بحسن قصد ونية.
وها أنت نفسك سبب حرمانك من الزواج الثاني وليست هي !!


وللآسف لاتزال مستمر حتى، بعد وقوع المشكلة بينك وبين زوجتك الأولى وآخيها !!
وستسافر وتغير الجو بدون اصطحاب زوجتك الثانية !! وهي الوحيدة معاك الآن، وكانت تريد السفر مسبقاً.

تم التنبيه من الأعضاء مشكورين قبل زواجك الثاني بكلام جميل قبل الإقدام عليه !!
أنه يتبعه مسؤليات و واجبات وتم التحذير من أشياء آخرى ... للأسف الآن أهملت المسؤليات ووقعت بالمحظورات !! .. أرجع لموضوعك !!


آخيراً آخي خالد ... بوضعك الحالي تحتاج أن تكون الشخص العاقل الحليم العادل !!

أجمل تحية لك ..

__________________
***من لا يقبل النقد لايستحق المدح ***

8
معليش ياخ يقولك زوجته الثانيه ، سوت غلط وخرجت بدون اذنه وانت تعرف خروج الزوجه من غير اذنها خطا كبير .. يصل العقاب الالهي للعن ...

وبعدين كيف يسافر وياها ويترك زوجته في اشد ظروفها النفسيه ، موب لهدرجة عاد النذاله
واذا بيسافر هالوقت تكون سفرته بروحه ...

وبالنسبة لتعامله السئ مع زوجته الثانيه فحتى زوجته الاولى سمعت منه كلام زي السم باشد مراحل ضعفها وتعبها النفسي .،.
هو مشكلته بالعصبيه لو يحل عصبيته كان عاش بامان وسلام ...

يعني العصبيه على كل الزوجتين ...

لا تاخذك العاطفه وتلوم تعامل ابو خليفه مع زوجته الثانيه ...

والمفروض تعتذر عن غلطتها مهما كان لا يحق للزوجه خروجها بدون اذنه

ماعرف كيف تتناقلون هالبنت مثل ماتبون
طيب ماكان عندها رد فعل لما جيت بتاخذها من بيت ابوها

او هي ارفضت وانت بعصبيتك خوفتها وراحت معاك مجبرة

وزوجتك الثانية اتق الله فيها

قلت مثل ماطلعت ترجع

فقامت تبي تصلح مابينكم بحركة المستشفى
وانت عبارة صايدها

طيب حتى لو كانت متقصدة هالامر هالشي ايجابي انها تبي تصلح الحال

ومع ذلك رايحه تجي مع امها فبدل ماتستقبلها وتعاملها بالمعروف

تبي تتركها وتسافر ياخي حط نفسك مكانها ولو مرة

كانك ماصدقت انها طلعت من بيتك وماودك ترجع

ترى مو ذنبها انها تزوجتك وقلبك مع الاولى
هذي مسؤوليتك مع مسؤوليتها

والا انت بس غاوي شقا

خذ الثانية وسافر معها واترك لجين لين تتشافى جروحها
وترجع لوضعها الطبيعي

مو انت علاجها مو قربك علاجها فلاتحمل نفسك وتحملها فوق طاقتها

والزوجة الي تستخدم ذكائها للمحافظة على بيتها وزوجة مانقول عنها مب هينه
ونشكك بنيتها نقول عنها حكيمة

هي من حقها تستخدم الطرق الممكنه لجذبك وانت ملزوم تفتح لها المجال بدون سوء نية

مو كل شي تسويه تاوله انها تبي تقهر لجين او انها تبي تسحبك من لجين

هي تتصرف طبيعي في محاولة جذبك وودها يصير لها مكانه بقلبك مثل زوجتك

وحتى لو كان ودها تستولي على قلبك كله وين الغلط ؟

انت زوجها حلالها ماهي عشيقه وجاية تخطفك من زوجتك
انت الي طقيت بابهم وتزوجتها فخلك قد ثقة اهلها لما عطوك بنتهم

وافصل بينها وبين لجين
كل شي تسويه قول ونعم الزوجة تبي تجذبني مو تقول تبي تاخذني من لجين


عط نفسك وعطها فرصة بدون ماتدخل لجين بينكم
واياك وظلمها لئلا يبيلك ربي في زوجتك الاولى وابنك

وانت ياخالد من كلامك عنها وهذا وانت تحاول تطلعها مب هينه وتستغل الفرص

واضح لنا انك تظلمها بتصرفاتك
فكيف اجل الواقع
ولو نشوف حياتكم من وجهة نظرها ؟

مو من حقك لو عندك مشاكل مع الاولى

تجيب هالمشاكل لبيت الثانية وتفسد عليها يومها

لا حول ولا قوة الا بالله

ربي يشاقيكِ ويعافيكِ ويرفع عنك يا لجين .

أرجوكم يا جماعة دعواتكم لها بالشفاء . بحاجة جدا لدعواتكم

__________________

اخوي ابو خليفه ..

الله يهديك و يفكك من حراره هالدم الي فيك ..

اتمنلى ماتعااملت مع لجين بشده .. لان هذا يؤذي الجنين ويؤدي لسقوطه من الرحم ؟؟؟؟؟؟؟؟؟

كيف تقبل لجين لجنينها الان ..
ومره ثانيه اذا قال لك اخوها اترك اختي .. وبنرسل لك ولدك ..

قل له انا ابي ولدي وقبله امه ..

ولاتنسون تشترون غرفة البيبي .. واغراضه ..

لا تررجع لجين للبيت .. ولا تنساها من باقات الورد .. لانها رومانسيه .. واكتب على البطاقه كلامك انت ..
لان الي يطلع من القلب بيوصل للقلب .. حتى لو كان ركيك ..

بالعطله الي راحت زرتكم .. وبطريق ابو ظبي دبي .. ذكرتكم ودعيت لكم ان الله يردكم لبعض ردا جميلا .. ماشاء الله بلادكم جميله ..

__________________