عزيزتي(...)
ذكرتيلي برسالتك انو الكلامات ماتقدر تعبر مدى حزن الانسان احيان
فهمت واستوعبت الالم ولاني قادر اعبر عن مدى هالالم,حسيت من مكالمتك انك مازلتي تحطين جزء من اللوم علي
على الرغم من قولك انك سويتي كثير من الاخطاء

(...) ابي ولو مره بحياتك توقفين التفكير عن نفسك وفكري وش وصلتينه له وقتها راح تحسين وش هو احساسي
انا ماني معصب بس مكسور الخاطر ومجروح انو الانسانه اللي حبيتها يوم من الايام تكرهني هالقد.
من يوم بديتي تكلمين اهلك وتخبرينهم عن مشاكلنا..
ورب الكعبة لو تسألين أي مرشد إجتماعي أو أي أحد يفهم في العلاقات الزوجية راح يقول لك أنه هذا من أكبر الأخطاء إللي ممكن ترتكبيها في حياتك
وأنا عارف إنك منتي مقتنعه


فضحتينيي زوجك قدام الله وخلقة((((يقصد انو اكلم اهلي واشكيلهم مو السالفه الخاصه))))
قدام اهلك
قدام أهلي
وش تبغيني أسوي ؟
آخر مره يوم كلمتي أهلك وقلتيلهم "إنه طلقني" ألحين ما أمدانا نتفاهم في الموضوع رحتي ونشرتي غسيلينا قدام الناس ؟
ولا حتى كلمة آسف ؟
أنتي ما عندك أي خلفية قد أيش ذيك الحركة دمرتني من الداخل
ويمكن لاحظتي إنني سكت وما عاد قلت لك شيء

فعلا فعلا أنا أيقنت ذاك اليوم وحدة من ثنتين
يا إني ما أستحق الإحترام
أو الشخص إللي معي ما يحترمني
وبعدين مين قال إني طلقتك أصلا ؟

لا وترفعين التلفون بعدها بفترة وتهدديني إنه راح تكلمين أهلك
وبأعلى صوت والجيران كلهم يسمعونك ؟

بالله هذا تصرف ؟

لا والله
أنا آسف
أنا ما أقدر أعيش مع وحدة زي كذا

لو يصير إللي يصير
ومهما كانت الأسباب
فأفعالك مالها أي مبرر

وبعدين أبوكي الله يصلحه ويخليه لك
جالس يطنش مكالماتي
هو ما يدري أن الشخص الأول المتضرر هو أنتي
لو أن أهلك صاحوا عليكي مضبوط
وحتى لو وصلت إلى درجة الضرب
بس عشان تعرفين هذي أسرار بيوت
ما تطلع
كان تلاشينا هذي الأشياء

عموما يبدو لي إنه أنتي ما همك
وأنا فعلا آسف إنك ما قدرتي تحبيني مثل ما حبيتك
والله لو إنك بس عرفتي قد أيش إنني مشتاق أمسكك وأحضنك وأشم ريحتك
راح تقولين مهما صار بيننا تحبين رآسي وتقولين لي آسف
والله وأنا أرتب ملابسك إنني أشم كل قطعة قبل لا أحطها في الشنطة

حبيت كل شبر في جسمك بس أنتي ما سترتي علي

الله يسامحك
ويعينك في دنياك وآخرتك
ويعوضك بخير مني