اقتباس:
المشاركة الأصلية كتبت بواسطة لست كغيري*
وكيف برأيك استقل بمشاعري عشان ارتاح؟
|
انا اعاني من المشكلة هذي واحاول جاهدة من اني اخفف التصاق بزوجي و"شحذ" اهتمام وحب
والحمدلله قدرت أخفف .. عن طريق اشغال نفسي بهواياتي البسيطة ، واقرا في العلاقات واسمع لمستشارين بهالخصوص الخ ..
وضعك يساعدك أكثر من وضعي ، عندك وظيفة تشغل وقتك .. وجمعة مع المعلمات وسوالف وشيء يمشي الوقت ..
وأهلك كمان حولك هذي نعمة كونه يجي الخميس وتنتظرينه ع احر من الجمر تزورين اهلك وتنبسطين بشوفة اهلك ..
انا بعيدة عن اهلي .. وربة منزل مش موظفة .. واذا جاء الويك اند زوجي يقضيه مع اصدقاءه وانا طبعًا خارج الموضوع
وطبعا ايام الدوام مايرجع الا المغرب وياكل له لقمتين وينام
فكان كل تفكيري بزوجي ليه ماتحبني ليه ماتسوي ليه ماتتكلم ليه ماتفاجئني الخ الخ
لأنه مافيه الا هو حالياً قدامي .. وحتى لو سافرت لاهلي تلاقيني ما انبسط كلل تفكيري فيه ليه ما ارسل لي؟ ليه مارد ع مسجاتي ! ليه جالس يشوف سناباتي بدون مايعلق ! اكيد زعلان ! اكيد ماصار يحبني ...الخ
بعدها استوعبت اني بهالشيء جالسة أضر نفسي انا وبس .. جالسة اجيب لنفسي الامراض ومحد حاس !! الحمدلله اني صحيت على نفسي .. وجالسة اشتغل ع نفسي واقلل اهتمام فيه ..
فكلامي هذا كله ابغاك تحاولي تستمتعين بالنعم اللي ربي انعم فيها عليك وتجاهلي الشيء اللي ابتليتي فيه .. مافيه شخص بدون هموم .. مافي شخص حياته كاملة هذي سنة الحياة
العيشة الحلوة بنعيشها بالجنة ان شاءالله ..
والسيارة لا تتكلمين فيها هالشهر .. ان شاءالله الشهر الجاي لكل حادث حديث ..
بكره اصحي وروحي وانتي مروقة ، لا تعطين طالباتك واجب فرحيهم .. سولفي مع الموظفات ..
واذا رجعتي استمتعي كونك متزوجة .. احضني زوجك جهزيله حاجة خفيفة .. بعدها استمتعي بقيلولة مريحة لسه ماعندك اطفال فاستمتعي بهالنقطة ..
واحجزي لك حلا من انستغرام خذيه معاك لاهلك يوم الخميس تقهووا عليه ..
ويوم الجمعة اطلعي امشي عند البحر .. او احجزي لك جلسة مساج ..
استمتعي بحياااتك وقللي من القلق والهم
اتمنى لك حياة سعيدة