رد: خيوط الألم تنبعث منها أمل ( مساحتي الخاصة
أشرقت شمسنا وفيصل مو عادته كان متحمس كثير ويضحك كثير ، قلبي فرحان لفرحته وودي لو يرتاح ويتلاشى كل الخوف اللي فيه ويعيش الفرحه مثل فيصل ، رفض اليوم انه يروح الشركه او يتواصل مع اي فرد من أفرادها قضى يومه كله لي ومعي تمشينا طول اليوم ماأتذكرنا الشقه الا بعد التعب وباليوم هذا فاجئني بإتصال كنت في المطبخ أسوي له ولي قهوه دخل عليّ وهو يكلم ويضحك : ههههههههه طيب خذها هي معك
ناظرته مستغربه من ومارد ،خذت الجوال وسمعت صوته وكان الفنجان بيطيح من يدي بس تداركه فيصل وخذه : ي هلا بهالصوت جعلني فداااه
الجد بفرح وكنت اجهل فرحته من إِيش : ليت البلاد اللي تبعدك عني كم خطوه كان أحبي لك وأضمك الشوق هد حيلي عمري شويب هب شبيب ي بنيتي
دمعت عيوني : وانا ليت الأمر بيدي لأهدم بلاد الغربه ولحظنك أوطاني أرتمي
فيصل منزعج: هوب هوب انت وإياها لا وقدامي بعد << قرب من الجوال >> ذاك زمان ي جدي هي اللحين لي ولوحدي تأخذ أذني قبل اذا أرضا لك بحضنها او لا
ضربته ع صدره وأبعدته : ماعليك منه جدي انا لك كنت وبعد ولو تبي انا لك ملكك لوحدك أنا حره ماجا الشخص اللي يستاهلني ويسحب منك أملاكك
نظره غريبه من فيصل وكأنه تحطم وردني ضحك جدي : هههههههههههه وجدي فيك ي فصيييل حيلك فيه واكسير عود غروره
ههههههههههه أبشر ماطلبت شي
الجد : طمنيني عنك عساك مرتاحه ومبسوطة
براحه: الحمدلله طيبه ومبسوطه كثير وناظرت فيصل وابتسمت له ، بو فهد ماقصر معي
فيصل ابتسم ابتسامه خفيفه وجدي بفرح : عسى الله يقرب ذَا اليوم واشوف فهد بحضنك
تقشعر جسمي وتوترت وبصوت كله خجل : آميين << غيرت السالفه >> وينها جدتي إشتقت لها
جدتك طلعت زواره مع ام فيصل اذا جات وصلت لها سلامك
طيب سلم عليهم كلهم وع منى بالذات لها وحشه
يبلغ إن شاءالله هههههههه روحي لفصيل تلاقينه محروق من ناره
مافهمت له وناظرت فيصل وكان جد وضعه غير قبل : هههههه طيب في آمان الله
خذ جواله وفنجانه وطلع من المطبخ ولحقته وجلسنا ع الشرفه وجلست أراقب فيه وهو يناظر للبعيد ، قلت أسولف بدل الصمت اللي حنا فيه : بعد عمري جدي مشتاق لي وانا ميته من الشوق له
مارد هز براسه فقط ويرتشف من قهوته ، " كملت " أنتظر الأسبوعين تمر بسرعه خلاص ماعاد فيني صبر للبلاد هاذي ابي ارجع السعودية بأقرب وقت مليت هنا و....
قاطعني بنبره شبه معصب : ودك نحجز ع طيارة بكره !!
نظرة مصدومه : هاا
وقف : تم ماطلبتي ي الغاليه
جا بيمشي ومسكت ايده : وشو تم وحجز وو انت تتكلم جد !!
بنفس النبره : أنا أدور ع اللي يسعدك وإذا هذا بيسعدك أكيد أني بسويه
: اييه صحيح رجعتي للسعوديه تسعدني بس ماقلت ابيها بكره ...
قاطعني: بس قلت ليت الأيام تمر بسرعه وهذا انا سرعتها لك
غمضت عيوني وفتحتها: هو كلام يعني << ماعرفت وش أقول >> انت وش فيك تغيرت من يوم كلمت جدي فيك شي
سحب ايده ومشى : تعبان وابي انام
من وراه : اللحين، غريبه تنام بدري
قبل يدخل الحمام عزكم الله : نعست فيها شي ذي !!
قفل الباب ع وجهي وانا علامات التعجب والإستفهامات!!؟؟؟ جلست أفكر وش سبب إنقلاب مزاجه كذا وماأنتبهت لنفسي إني باقيه مكاني عند باب الحمام الا لما طلع ينشف إيديه : خير بغيتي شي منتظرتني هنا
هزيت راسي بلا وهو كمل طريقه وصعد خذ الغطا والوسادة وهيأ مكانه وجلست ع الطاوله قباله وهو انسدح وغمض عيونه : تصبحين ع خير
قلت : مو قبل اعرف وش فيك
إيديه ع عيونه : مافيني ، قومي نامي
سحبت ايده من عيونه: لا فيك شكلك تصرفاتك يقول فيك
إلتفت لي : هديل حبيبتي ماودي نتزاعل والله إني مااحب زعلاتك وأحب الهدوء اللي حنا فيه لذا قومي نامي واتركيني بحالي
بإصرار: لا بعد ذَا الكلام تبيني أقوم مستحيل وش فيه وش زعلتك فيه انا
بعد الغطا عنه بعصبيه: اوووووف ليش ماتسمعين لي لو مرره اذا قلت ماودي يعني ماودي
: ع راحتك بس تأكد اذا كل ماتواجهنا عقده ومافكيناها مع بعض العقده ذي مهما كملنا راح تتعقد بشكل أكبر وأفضل حل لها هو التفاهم والمواجهه . << شفته ماتكلم ومعطيني ظهره >> تصبح ع خير << مشيت وفكري معه وش اللي مزعله مني ليش معصب وضايق كذا وأول ماوصلت للسلم نطق وقال >> أغاااار
إلتفت له مستغربه أكلم نفسي يغار من من !! وهو مازال ع وضعه ماإلتفت: أغار عليك بشكل جنوني ومن زمان الشعور هذا يقتلني يذبحني علاقتك بجدي ومن كل شخص يقرب منك أعشق ضحكتك لما أشوفها معهم وأتمناها لي وسببها أنا وبس أنقهر من اي أيد تلمس خدودك وتمسح دموعك وانا قلبي محروم منه نار تكويني لما أشوفك بحضن غيري ويهديك وانا اللي أولى من الكل بالحضن هذا محروم من كلامك والغزل وانا الولهان لهم أسمعك تتغنين فيهم لغيري أدري جدي لكن بعد غريمي إلتفت لي كنت واقفه مصدومه: شفتي الشعور هذا وين وصلني جدي أصبح غريمي أحارب من بحبي هههههه جدي اللي يملك شي انا ماملكته والله اعلم إني ماراح أملكه بيوم اعترف إني ند ضعيف لجدي ههههههههه يااه ي قلبي بس
ماادري وش أقول كلامه لجمني عمري ماتخيلت انه يغار ومن من ؟ من جدي !! << من سرحاني وصدمتي ماإنتبهت له وهو يقرب مني ، بصوت همس : أغار عليك من أقرب أشياءك أنا مجنونك ي هديل
بلعت ريقي بصعوبه : هذا هو سبب منعك لي من إني أكلمهم
فك ايدي وابتعد عني وعاقد حواجبه : إييش
بحزم : غيرتك من جدي هو سبب منعك لي من إني أكلمهم صح
غمض عيونه وشد بقبضته وفتحهم : أكييد لا
ناظرته مو مصدقه كلامه وع نفس وضعه : كنت متأكد انك راح تفكرين فيني كذا للأسف .. أنا جد أغار عليك مو شوي بعد الا جنوووووووون بس والله واللي بسط سبع ورفع سبع انه منعي مو لهذا السبب << مشى وتغطى وانا ظليت بمكاني أفكر بكلامه بعده صعدت جلست أفكر وأحاكي نفسي : بالأمس أعترف يحبني واليوم غيرته عليّ !! وانا اتهمته بالأنانية !!
تقلبت كثير بفراشي ماعرفت انام أفضل حل للي انا فيه هو اللجوء لرب العباد قمت صليت وقريت لي قران مدري ليش تعمدت أقرأ بصوت مسموع وبعد السكون والراحه قدرت انام ..
وفي صبح التالي جلست من نومتي وحصلته بعده نايم من نومته المبهدله إبتسمت جهزت فطور وسويت قهوه وخذت كوبه وقربته من خشمه وبدا يصحى ولما فتح عيونه ضحكت : هههههههههههه في واحد قال لي إني مدمنه لدرجة ماأصحى الا ع ريحتها وانا اليوم أشوفه مدمن مثلي
إبتسم لي : في أشياء كثيره نتشابه فيها مو بس كوب القهوه
إبتسمت : قم تعدل الفطور جاهز
باس جبيني : إن شاءالله حبيبتي
كل يوم يبوس جبين او يدين وغزله مايوفره وطبعاً كل هذا يأثر فيني مو مايأثر توتر وخجل ومشاعر ثانيه مجهوله هو ملاحظ وماخفاه الشي هذا لكن ماتركه سبب يمنعه من اللي قلبه يستهويه لكن أبداً ولا مره تجرأ وتعدا وعده رغم انه حقه محترم رغبتي وهذا اللي غير نظرتي فيه واحترمته كثيير وتركني أجاهد ع نفسي كثير وأغيرها ..
ع طاولة الأكل : بتروح الشركه
وهو يأكل : لا، بنطلع انا وانت للسوق باقي اسبوع وشوي ماودك نشري هدايا للأهل
محاوله اخفي فرحتي : الا لازم طبعاً بس انت ماعندك دوام اليوم
رفع راْسه لي : لا اليوم مافيه شغل مهم الا العصر أوقع ع أوراق وبعدها وجودي هنا ماله داعي يعني باقي الأيام لك << ختمها إبتسامه وبادلته ،، قام من ع الأكل وقال : ماله داعي تخفين فرحتك بالرجعة بسبب كلامي أمس انا كنت مفكر راح أفهمك شعوري لكن واضح من أمس انك فهمتيه غلط .
جيت برد لكن منعني وقال : مو زعلان والله، أحبك كيف ماأنتي قومي تجهزي لا نتأخر
تجهزنا وطلعنا وتصادفنا مع مادلين كان شكلها تعبان بعد السلام والسؤال : شو خلاص مسافرين
ابتسمت لها : إن شاءالله
ناظرت فيصل : يعني خلاص
فيصل شد ع ايدي : مشينا حبيبتي
ماطافتني نظرة الضيقه والزعل من مادلين ومشيت معه وفكري باللي صار لكن قدر يجذبني له مع سوالفه كان يتكلم عن منى وطلباتها هي والبنات وعن السعودية << وانا عند سيرة السعودية وأهلها أنسى العالم كله 😍
تمشينا ع أسواق لندن ولما تعبنا قلنا نجلس نرتاح شوي ونكمل بعدها وبعد السوالف العامة قلت : فيصل ودي أسألك ع حاجه بس مو عارفه كيف
إبتسم لي : قولي وش سؤالك
بتردد: امم عن مادلين
تغيرت ملامحه: وش فيها
ترددت أكثر بعد ماتغيرت ملامحه : لا خلاص
بحزم : شي بديتي فيه كمليه
احم : مازالت تحبك ؟!
لنفس النبره : وإذا وين المشكله ؟!
بصدمه: وشو وين المشكله
بنفس النبره : ايه وين المشكله مااحد يملك قلبه ولا هو حر هواه وش اللي يزعل بالموضوع ان كانت تحبني المهم انا أحبها او لا وانا جاوبت ع السؤال هذا كن قبل وفهمكم وش هي مادلين !!
مع نفسي صدقت مااحد ملك هواه وقلبه !! تكلم وبنفس النبره : أنا ي هديل كل اللي بقوله لك وأتمنى تثقين باللي بقوله وتصدقينه وأتمنى الموضوع هنا ينتهي !! أنا حطيت بين نصب عيوني خوف ربي وشرعيته وماتعديت حدود ديني وإسلامي انا واجهت بغربتي أشكال وألوان تشتهيه النفس لكن خوف ربي وتربيتي أبعدتني عنهم ومادلين من ضمنهم حتى بعد ماأعترفت لي بحبها ورغبتها فيني !! أنا ماملت لأحد قبلك ولا ظني بعدك بميل وكل النسوان من بعدك عدم .
مابعد كلامه كلام وإبتسمت له : حبيبتي اذا إرتحتي خلينا نقوم نكمل لأنه نص ساعه وراجع الشركه
طيب بس انا مابي اروح للشقه بروح لسمر
إبتسم لي : طيب بس نخلص
خلصنا تسوق ومشتريات ونزلني عند سمر وهو راح الشركه ، عند سمر بعد السلام والسؤال : حكيت لها ع أمس
إبتسمت تطمني : الغيره درجات وأنواع الغيره لذة العلاقه لكن بحدود يعني مثلاً الغيره اللي تخنق الواحد ذي مزعجه والغيره اللي توصل للشك ذي مرض لكن غيرة فيصل عليك ذي ممتعه وطبيعي شعوره هذا اللي تعتبرينه خوف انتي حارمته وعم يشوف حقه لغيره طبيعي بيغير عليك من جدو لأنه هو بيتمنى يكون حبيبك الوحيد اللي بقلبك وتصرفه الأخير معه حق حس بإهانه منك لما أتهمتيه سبب غيرته الأنانية فيصل حاول من قبل وكتير شرح لك أسباب المكالمات بس انت رافضه ومابتقتنعي ليش ؟
مدري سمر انا واثقه فيه ومصدقته حتى أفضل من قبل انا ملاحظه تغيره وإهتمامه ومن صدق حبه ومشاعره بس مدري ليش فجأه يصير كل هذا ويتغير بلحظه
بجديه وإهتمام : قلبك مادق له
ناظرتها ع انه مافهمت لها وأبتسمت وحطت أيدها ع قلبي : هذا مادق ؟!
توترت وتوردت خدودي وضحكت : ههههههههههههه يعني بفهم من خجلك انه دق
إبتسمت لها : أنا ماأعرف وش هو الحب ولا كيف شعوره لكن اذا كان هو نفس اللي لما تكونين موجوده معه ماودك الوقت يمضي او ينتهي وتضلين معه اكبر وقت ممكن !! اذا كان هو ذه اللي لما يضيق صدرك ع ضيقته الف مره !! اذا كان هو ذه الحب اللي لما يضحك تحسين عصافير الفرح كلها تسكن داخلك !! هو ذَا الحب اللي لما يتوجع تحسين بالآه قبل ينطقها !! هو ذَا الحب اللي ودك بالعالم ينتهي وانت بس بحضنه !! هو نفس الشعور اللي لما ماتعرفين سبب ضيقتك من بعده وسبب فرحك من قربه !! هو نفسه لما تحسين بالشوق له حتى وانت معه !! هو نفسه لما الحكي كله يضيع وحواسك كلها تنصت لكلامه وحركاته !! اذا كان هذا هو نفسه اللي يسمونه حب أظن أن قلبي دق
جلست تصارخ وتضحك ودمعت عيونها: هههههههههههههههههههههههههه اذا ماكان هذا كله حب شو بيكون ي قلبي
ناظرت صورته اللي معها ومع جوخان : إيييه ظني أحبه بس هذا << أشرت ع قلبي وعقلي >> مو متفقين مع بعض هذا يبيه ويتمناه<< قلبي >> وهذا خايف من صدمه ويبعدني عنه << عقلي >>
بإبتسامه ضمت كفوفي بين كفوفها : عيشي الحب ي هديل لاتبخلي ع نفسك الشعور الجميل حرري مخاوفك كلها إستقبلي الفرج بحريه ريحي عقلك واتركي قلبك يعيش كلنا محتاجين الفرح والحب بحياتنا ليش لنمنع حالنا منها أعترفي لنفسك انك بتحبيه حتى عقلك يرضخ ويقتنع باللي حسه قلبك وبعده أعترفي لفيصل هو بيستاهل المكافأه بعده صبره ولا شو
بخجل : صح
بحماس : شو رأيك هلأ تحكيه وتعترفي له
بصدمه : لا لا لا
ضحكت : هههههههه شو لا لا حرام عليك هو ينتظر هاللحظه من زمان
بخجل : بس ماأقدر << جلست أفرك بإيدي >>
طيب ماتحكيه عندي طريقة أحلى ( هلأ بتروحي شقتك بتعدليها وعدلي حالك فاجئيه بليله ينتظرها من زمان ومن هالليله اعتبروها اول ليله بزواجكم عبروا فيها عن حبكم وصبركم اعترفوا لبعض عن كل شي وماتخبوا شي )
عجبتني فكرتها صادقه فيصل ماقصر معي بشي ويكفي انه محترمني وماغصبني ع حاجه من حقه ويكفي انه تغير عشاني ويبدي يبدأ معي بدايه من جديد انا لازم أنسى كل شي هو ضحيه مثلي وكل منا له عزة نفس وحاول بطريقته يحارب عشانها لكن الفرق هو أَذًى واعترف وعالج وبذل جهده بمداواة الجرح وانا حبيته ويمكن عشقته وصار لازم يتوج الحب هذا واليوم إن شاءالله ..
إتصلت عليه يجي ياخذني لكن مارد رسلت له إني رايحه للشقه ومايحاتيني وإذا وصلت طمنته، سلمت ع سمر اللي توصيني أخبرها بكل شي 🙈
طلعت من عندها وانا مرتاحه كثيييييييييير طول الطريق أفكر بطريقه حلوه لبداية أجمل الليالي وتكون ذكرى حلوه بينا وصلت الشقه واستغربت الباب كان مفتوح ابتسمت شكله جا ومن خوفه علي ترك الباب مفتوح جعلني فداك دخلت وأنصدمت صدمة عمرررري منظر ماأتمناه حتى لعدوي بصوت كأنه طالع من بير عميق : فييييصل
رفع راْسه مصدوم : هد هديل حبيبتي
( اول مادخلت شفت مادلين حاضنته وكان شبه عاري المنشفه ع خصره) سبحان من أعطاني قوه تمثلت فيها وإبتسمت له وطلعت نزلت اركض ع السلالم وهو وراي ينادي علي ومارديت عليه ركضت نص الشارع احاول أتنفس من ضيقتي ولأول مره ماأبكي يوم صرت بحاجتها عاندتني!!
ومضه :
الخيانه !!
كسر من نوع لن يجبر أبداً !!
09-03-2016, 11:58 AM
ضوابط المشاركة
العرض العادي
