اول شيء موضوع المواجهه اخريه بس لا تلغينه
واجهي في وقت تحسينه محتاجك فيك
واجهي في وقت تشوفينه تعلق فيك
حالياً الزمي الاستغفار وخليك هاديه وكلي امرك لله
ومارسي حياتك في بيتك وكأن شي ماصار وهو لا تكلمينه انتظري منه المبادرة
اقري بوصله الشخصيات وشوفي تحليل ناعمه الهاشمي عليها
بعدين اسمحي لي احسك دقيقة بزيادة ومكبره عيوبه بالمجهر
حياتك كذا ماراح تمشي لا معه ولا مع غيره
لازم تتغيرين والتغير هذا لمصلحتك انت لانك بتشوفين الحياة بنظره اوسع وافضل
ابتسمي وخليك ايجابيه الوقت اللي بعد الفجر خليه لك مارسي الرياضه فيه عشان يخف التوتر اللي عندك
اشربي نعناع وبابونج دايماً
اعملي مساجات بصفه مستمره او ع الاقل رغوه في البانيو كفيله بانها ترخي اعصابك
وبعد كذا زوجك اذا بادر وتكلم معك عامليه بنمطه اذا كان جنوبي او شمالي
انت سوي كذا بالفتره الحاليه ونشوف بعدين وش بيصير لا تستعجلين بالطلاق

ماعندي غير ادعيلك ان ربي يصلح امورك مع زوجك

بس صدقيني الطلاق ماهو حل وادا سائت اموركم وماتعدلت

اشوف لازم اهاليكم يعرفوا بالسالفه يمكن احد عاقل يحل مشاكلكم

وقبل كل شي الجأي لربك بالدعاء والصلاة والصبر وربي راح يعينك ويفرجها عليك يااارب

اختي اسمحي لي انتي من االبداية داخله كانك حرب
ولا استاذ لازم يسمع كلامك وينفذ الي بخاطرك
غلط والف غلط
الحياة الزوجيه تتطلب مرونه واصعب مراحل الزواج اول سنه
حبيبتي اسمعي نصيحتي
لما يجي في خاطرك تتناقشي معاه او توصلي له شي مو تعال واجلس واسمع غلط
انتي رتبي كلامك ووضعي ماتريدين في نقاط
اختاري وقت مناسب وواعملي جو غير عادي
شمووع وورد واستقبلية عند الباب بشكل جميل وريحه حلوه وابتسامه ساحره
احضنيه وقولي اشتقت لك ياتاج راسي دلليه ودلعيه خليه يموت فيك
ولما يدخل جو رومانسي ابدي تدللي وقولي الي بخاطرك
توكم معاريس حرام الجو النكدي حقك وربي
زوجك يجلس عالتلفزيون بالساعات معناته محتاج انثى ودلوعه وتدلعه وتهتم فيه
حبيبي الرجال اسرار واسرار
وكل يوم راح تكتشفي سر
اختي لما يكون متسطح للنوم جيبي كريم مساج وسوي له وريحيه ودلعيه
عوديه ع اهتمامك حتى لما تزعلي وتبطلي تدلعيه بيفقدك وبيراضيك
اختي حبيه وحبي نفسك تدلعوا وتدللوا
غيري اجوائكم باستمرار
كل ليلة جو احلى والوان احلى
تقربي من قلبه
اختي انا فهمت شخصيتك من خلال كلامك وحديثك وردودك

جروح
هو خلاص شكله بايع ولاله نية يتكلم ولا يفكر يقول حنا مانتفاهم وهو الصادق انا وياها تفكيرنا غيرر جدا حتى لما نجي نتكلم كلام عادي هو شرق وانا غرب هو اغلب الناس كذا معاه محد يفهم له لانه يشوف هو بس الي فاهم

وفاء غانم
مشكورة ع الدعوات والله يتقبل هو مايبي احد يتدخل وسبق اتدخل ابوي واخوي وكله تفاتيف الامور
احس مابينا مودة وخصوصا من ناحيته اقوله يعجبني شي يسوي عكسه هذا غير انه يشوفني بعين سخط جدا وخصوصا الفترة الاخيرة رغم اني تغيرت وحاولت اني اسكت وامشي كثير

ملكة الاحساس
انا ماحطيت عيوبه تحت المجهر لكن والله زوجي عيوبه اكثر من مزاياه انا حاولت اغير من نفسي الفترة الاخيرة
واكلمه وادلعه واسوي له مساج
والله انه يعتبرها ازعاج وتلصق لما نجي نتناقش يقولي تتطفشيني تجي عندي وش فيك وش صار
مع اني مرة رجع من الدوام وجهه قالب قعدت عنده السرير واسوي له مساج واقوله وش فيك من مزعلك والله بكل رقه
قبل يومين برضو واحنا ف السيارة مر رجال يده محروق بشكل فضيع انا لاشعوريا يوم شفته خفت وتاثرت ومسكت يد زوجي تخيلي وش ردة فعله صرااااخ بصوت عالي لا تتطالعين خلاص وفك يدي بقوة قلتله وش فيكمن سمح لك تصرخي علي كذا انا خفت ومسكتك يقول اي لا تمسكيني
تخيلي بعد ذا الموقف لا يعتذر ولا يقول شي عادي ادخل البيت وابكي مع نفسي واطب طب نفسي واجهز له غدا نفسه فيه
ومثل هالموقف كثير
ياما احاول اقعد معاه واسولف سواليف تعجبه يحاول يتجنبني بالتلفزيون ولا جوال
وياما طلبت منه اشياء ف لحظات ود وصفا مايسويها بالعكس يقلب الطاولة والصراخ علي
والله حركاته غريبة انا مو قادرة افهم وش يبي
ف كمية تناقضات يقول مايهمني الاكل ويقولي انتيي مقصرة ف البيت والدوام مامنه فايده
يحاسبني ع كل يوم ما اسوي فيه غدا وف نفس الوقت احيانا هو يطلب مني ما اسوي غدا
يحاسبني ع لبسه المكوم يحاسبني انه مايلاقي اكل جاهز وقت الظهر وهو عارف اني ف الدوام وعارف شغلي قبل لا تنزوج
وشغلات كثيرة ماتعبتر موضوع خصام هو يتخاصم فيها
طريقة مششيتي طريقة كلامي خصوصا لما نكون برا البيت احسه مني عاجبته ولاهو متقبل شخصيتي

فيه شي ثاني لما ترجعي من دوامك وتدخلي السياره
سلمي وامسكي يده بكل رقه وقولي وحشتني حبيبي اخيرا انتهى دوامي عشان اشتقت لك
الرجال تقدرين تجيبيه بكم كلمه حلوه
بس اسلوب المناقشة الي كانه صاحبتك مو زوجك مستحيل يمشي ابدا
وراح ينفر منك ويصد وصدقيني انتي بتتعبي وتخسري
نصيحتي انا مجربه لاتضيعون اول سنه بالمناقر
اختي الرجال يحب الحرمه لما تشتغل ماتحسسه انها تتعب وتتذمر
بيتك ع طول رتبيه وبخريه عشان ماتتعبين وقفلي الغرف الي ماتستخدمونها واعهديها بالنظافه بالاسبوع مره
لما ترجعي بيتك لاتروحي ركض للمطبخ لا
غيري استحمي وتعطري واحضني زوجك واسحبيه قولي تعال ساعدني ابغاك جنبي
وربي راح يتغيير
لاتجعلي حياتكم روتين مملل من اولها ويروح في نقاشات ومشاكل
احجزي خارج البيت يوم بفندق وغيري جو البيت حاولي تتقربي من زوجك
زوجك ماينفع معاه النقاش ابددا ابددا زوجك بيجيبه الدلع والدلال

زوجي احسه مثل الطفل اذا تعلق بشي ينسى كل شي
واذكر اول ماتعرفنا بعد الخطوبة بعد اسبوع واحد بس قالي احبك
انا استغربت قلت مامداك تعرفني عشان تحبني يقول انا كذا احب بسرعه بس اذا حبيت حبيت
والحين اتوقع حب هالبنت مو قادر يتعامل معاي
زوجي مافيه خبث الرجال واضح جدا يعني مايقدر يحب وحدة ويحب اثنين ويهتم ف زوجته لا تركيزه ف وحده
واعتقد لما قال ببني حياتي قصده بيبتي حياته معاه مدري متى امداه يثق فيها ويبني اماله معاها

ويمكن يدرك بعدين سوء فعلته لكن الحين مستحيل يحس انه قاعد يسوي شي غلط

زوجك قريب من زوجي تقريبا بس ولله الحمد عرفت لزوجي وبرمجته ع نفس المودم تقريبا
لما يرجع وهو تعبان نصيحه لاتسالينه اطلاقا ولا تفاتحينه حتى باي شي
اجلسي عنده وسوي مساج رجوله وكلام عسل فقط لاتسالينه انتبهي
زوجي خانني بداية زواجي وصارت مواضيع كثير تقدرين تقراينه من معرفي
بس يارب لك الحمد امتلكته وامتلكت قلبه وصار يركض لرضائي وانا نفس الشي
لما يصارخ انا اسكت لما انا اصرخ واعصب هو يهدا ويسكت
وبعدها بيوم او باخر الليل نتناقش وبكل حب
اول سنة مزعجه جدا بس الذكية تقدر تكسب ماتخسر

اختي انتي جعلتي الفوهه تكبر بينكم
اختي امتلكي زوجك قبل يفلت منك نصيحه مني
تقربي منه دلليه ودلعيه ونسيه شي اسمه حياه وطلبات ومطبخ انبسطوا حبيبتي
ابتدائي معاه بالتدرج بالدلع والدلال
ولو سالك وش سبب هالتغيرات قولي الشخص مع الوقت يكتسب خبرات
وانا احاول اخلي مملكتنا جنه

مشكلتك الاساسية انك شايفه ان زوجك يحب البنت
يا اختي انت مصدقه انه بيحب وحده بس
ولو فتشتي وبتلقين غيرها واجد يمكن هي جابت راسه ع قولتهم بس تاكدي انها مو الوحيدة
اللي ما اخلص لحلاله بيخلص لبنت الحرام !
ولا تنسين ان التجسس حرام اتركيه سوي اللي قلت لك عليه ولا تستعجلين النتائج ماتجي بيوم وليلة
انا معك تتطلقين لو كان يزني او يشرب اما مشاكل بسيطه زي كذا حلها سهل والحين مع البرامج الجديدة صار فيه تهاون وصاروا المتزوجين يغازلون فيها للأسف صارت مشكله عامه مو انتِ بس اللي تعانين فيه غيرك واجد

والله مو اول سنة او اسبوعين حنا. تهاوشنا ودخلو بينا الاهل والسبب نزلنا نتمشا ووداني سوق شعبي وانا امشي رفعت عباتي شوي عشان التراب قام صرخ علي ف السوق ومافي كلام ماقاله
انتي غبية انت ماتفهمي ف وحدة تسوي كذا ف السوق بلاها من طلعه معك
والله كانت اول. صدمة لي قعدت ابكي اقوله ليش يصير فيني كذا وانا عروسة
وتوالت المشاكل بينا كل يوم والسبب كله منه
انا بعد انثى ابي من يدلعني يراضيني ياخذ بخاطري
تجيني الددورة وانتي بكرامة واصير امشي ببطئ يصرخ علي ف الشارع امشي زين وش فيك اقوله تعبانه يقولي ع اساس اول مرة تجيك تعدلي بلا دلع
تخيلي. ف امس حاجاتك لشخص يهزاك
ومثل هالمواقف كثير
يمكن انا مافدرت اكسبه لاني انا كنت اعامله ع اساس انه انسان عادي وكل شي عنده اخذ وعطا
وانا اصلا مو عاطفية ولا اعرف ع رايحة والجاية احضن واتلزق ف احد هو الانسان الوحيد الي حضنته حتى اهلي ما احضنهم
انا مستقلة جدا لكن وقت الرومنسية رومنسية جدا بس باقي اوقاتي عمليه افكر واخطط حتى ف سعادتنا ف تعاملنا
تفكيري احيانا احسه مختلف عن البنات تماما
صحيح اني اهتم بشكلي ومظهري الخارجي ك بنات لكن تعاملي غير
وربي لما نتقابل مع اهله واقاربه اقرا ف عيونهم انه هذيلا كيف متفاهمين انا من النوع الي عادة محد يجرأ يتكلم معي باريحية
وهذا عيب فيني يمكن لاني احط حدود دايم مع الي يتعامل معي
وماخلي احد ياخذ راحته ف الكلام معي الا بارادتي
لكن زوجي غير عني عفوي مسالم يتكلم مع الكل
لكن معاي جامد وانا مع الكل جامدة لكن مع زوجي غير شخصية غير تماما
فهو ينقهر احيانا يقولي هالكلام تقوليه للناس ليش ماتسوين كذا قدام الناس والناس ع بالهم انتي عاقلة وحد شايفك غيري

عجزت ابين له انه هو انسان مختلف في حياتي عجزت افهمه انه انسان مهم في حياتي انه شريك حياتي
وهو ولا حاس ولا فاهمني

يمكن فعلا مافي توافق بينا انا سالته مرة لو عندك صديق نفسي شخصيتي تماشيه قال لا ماحب الشخصيات الي كذا
وانا سالت نفسي لو في صديقة كذا بماشيها بقول لا لاني فعلا ماعرف اتعامل معاها