انا معجبه بشخصيتك ام دان
بس حبيت اسجل اعجابي

ام دان
فكري بنفسك ... وبنفسك فقط
واحبيها اكثر من غيرها

هو من قرر الزواج وهو من يعايش تبعاته وتبعات طلاقه
بعيداً عنك ام دان وبعيد عن حياتك وسعادتك

لا تكوني حنونه ومثاليه على حساب سعادتك

هي تعايشت معك لزمن
وتفهمك وتفهم طيبة قلبك
وقد تتبع من الاساليب مايجعلك تسعين لها فيما تريد
حتى لو من حيث لا تشعرين
لهذا اختارت التواصل معك

كما كانا انانيين بزواجهما
كوني انانيه ولا تبالي

كنا على السفرة جالسين نتغدا ومزاجنا كلنا بفضل الله رايق ونسولف ونمزح وكل شي تمام،،ويدق جوال زوجي ،،

زوجي طبيعته يفتح الجوال سبيكر ،وأول مايفتحه يقول ألو مرحبا السلام عليكم،، ردت عليه بنت صغيرة (بنتها) هلا وغلا بابا حبيب قلبي ونور حياتي،

زوجي مجرد ماسمع صوتها ارتبك صار يوقف شوي ويجلس شوي ،،

لكنه ماترك الطاولة ولا بعّد عني،

البنت تقول له كيف حالك يابابا اشتقتلك وحشتني ماتبغى تجينا وليش ماتجينا،نفسي توديني المراجيح،ومن هالكلام،

زوجي تلخبط وغير السالفة صار يقول لها إن شاء الله أشوفك قريب وانتبهي لدراستك وسألها إذا تحتاج شي..

البنت تلح عليه الحاح شديد تبغاه يروح لهم وصارت تبكي تكفى يابابا لاتتركنا أنا أحبك واشتقتلك وكلام كله عاطفي..زوجي تأثر من دموع الصغيرة وقال لها خلاص بجي أسلم عليكِ اليوم بعد المغرب..

أنا استمريت في غداي وهو يتكلم وماكنت أطالع فيه، طول الوقت وأنا أطالع بالصحن والأكل..ولما خلص مكالمته كنت خلصت أكلي،الصراحة خنقتني العبرة،قمت من السفرة ماانتظرته الين يخلص أكله،غسلت إيدي ورحت غرفتي وقفلت الباب بالمفتاح.

جا زوجي يدق الباب وأنا مارضيت أفتح خلاص صار عندي تشبع من الهم وماعدت قادرة أتحمل أكثر،،بكيت من كل قلبي وهو سامع صوتي..وصار يحلف والله لو ما تفتحين الباب بكسره،،المهم إني بالنهاية فتحته،،وصار يعتذر . قلت له من فضلك لاتتكرر هذه المواقف قدامي،قال أبشري والله ثم والله ماراح يصير شي يزعلك وهذا عهد أمام الله...

شرايكم الحين،
حليت مشكلة ولده طلعتلي بنتها،
شسوي ياناس.

اللي يبي يستفزني رجاءاً لا يكتب،ترا أنا مو ناقصة.
أبغى حل للوضع.

مبتعثة ايش اللي معجبة فيه دخيلك بالله
خلاص أنا مو متحملة حاسة نفسي بنفجر..جالسة أكتب ودموعي ع خدي..

أصداف
علموني كيف أحب نفسي

الله يهون عليك الي فيك ويخفف عنك قادر على كل شي سبحانه

__________________
الحمدلله حمدا جزيلا ...

دوبي أرسلت لأحمد أسأله ايس سوى بالموضوع قال لي بتشوفين الحل بكرة.

سؤال واحد

ليش انت مو راضيه تورين زوجك رسايل التهديد والتجريح اللي تراسلها لك ؟

خلاص هي مسختها

كل امس وهي تراسل رسايل تهديد وتجريح
واليوم مختارة التوقيت اللي تكونين متواجدة عنده علشان تغيظك وتحرق قلبك
وبكرا نشوف وش تسوي

خليك على سكوتك وطيبتك الزايدة لين مايبقى لك اعصاب وقلب سليم

ريماس حبيبتي أنا ماعلي منها أنا ممكن أوريه كل شي لكن ماني عارفة و ش بتكون ردة الفعل عند زوجي

أول وريته رسايلها زعل وتفاقم الأمر بينهم و طلقها أنا مارأبغى أتسبب في ضررها
ثاني سبب بعض الأخوات قالوا ممكن يحن لها ويرجعها

والله ياريماس المكتوب مامنه هروب، وإن بغى من نفسه يرجعها مافي شي يرده لكن ليش أنا أحنن قلبه عليها.

بنتظر لبكرة أحمد قال والله بيقطع العرق ويسيح دمه،مدري وش بيسوي.

الله يبدل حالك عزيزتي ام دان ويرزقك راحة البال عاجلا غير آجلا

ما بعتقد عندي نصيحة افضل من غيري بس ما شاءالله عليكي اتعاملتي مع الموضوع بحكمة بتمنى يكون عندي ربعها
المهم ما تحسري بداخلك وتضغطي على نفسك لانو نفسك لها حق عليكي

اسأل الله ان يرزقك السعادة من حيث لا تحتسبين

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه