انت باختصار

ما تبغى لجين تروح ( لغيرك )

لأنك ما تعودت اي شي تملكه .. ينتقل ملكيته لغيرك ..

و تعودت الشي الي تبغاه ؛ تحصل عليه باي طريقة
و حصولك على لجين هو يعني لك الفوز بتحدي نفسك و الآخرين

و انت تبغاها
لكن تكتب هنا كلام ( عشان تبغاها تقرأه و تنقهر اكثر بانه مالها قيمة عندك )
و الصحيح انك تبغاها و ما تقدر تستغنى عنها

__________________
[img]http://im78.***********/FRd0Bi.jpeg[/img]

بو خليفة طمنا ...

يا بو خليفة احنا ندري انك حملتها وانها فيها سلبيات مثل ما انت فيك .. محد كامل .. احنا بشر .. بس حط نفسك مكانا تبينا نييك وننتقدها ونلومها ونطلع اخطاءها؟ لا طبعا مب من الحكمة.. شنو بتستفيد اذا سمعتنا نذكر اخطاءها اللي انت عارفها؟ ماراح يتغير شي من ناحيتها .. تأكد لو هي تيي وتفتح موضوع بتلاقي الكل بنصحها ويبين غلطها ويحاول يقنعها تتغير ..

السلام عليكم ورحمه
المعذره عاد البارحه ظهرت من بيت ولد عمي وطيران سافرت سفريه قريبه ترويح عن النفس من المغثه

على العموم قابلت البارحه المدام واخوها طبعا انا أخذت وياي الوالد الله يطول بعمره

البدايه انا تكلمت وسالتها سؤال واحد شنو تبغين وانا موافق ولكن ضمن استطاعتي وظروفنا

ما عندها غير طلقني وعقب نتفاهم بالله عليج شلون اطلقج وعقب نتفاهم لاني اذا طلقت ما بينا بيكون تفاهم
بدات أصواتنا ترتفع تدخل الوالد الله يهديه وقال لها طلباتج اوامر وانتي بنتي واللي فيه خير لج ولعيالج احن موافقين عليه

طبعا المدام عيبها الكلام وبدات تهدأ قالت شروطي هو يعرفها فكل مره يناقشني فيها وعقب يرد بكلامه
قلت لها اسمعي لا طولينها وهي قصيره

دراسه انا موافق وهذا عهد عليا جدامهم اني أسجلج بالكليه تقنيه وداومي من حقج دراسه اقتنعنا
ولكن بشرط أنا ما مداني أقول شرط الا وهي تقول من غير شروط ومب من حقك قال لها أخوها اسكتي وخلينا نسمع

شرطي تلبسين عبايه مبنده وغشوه بالكامل وتغطين ايدينج غير جي ما عندي شروط بالنسبه للدراسه
اعترضت وقالت لا شلون ادرس وأنا متغشيه شنو بيقولون عني ( قلت لها ليش ماحد حريم يداومن وهن متغشيات او البسي هذا اللي أجوفه ببعض الحريم عيونهم تنبان منه ولكن انتي شوفي حل وغطي عيونج ) تمينا وقت واحن نتجادل بالنقطه هذه

رد الوالد وقال أيدينها مب لازم الله يهداك حسيته أنه متحسف حضر المهم انها مشينا هالشرط

شرط ثاني سفر ويا خواتج وحريم أخوانج موافق ولكن حريم بروحكن لا الا أذا أخذتوا أحد من الشباب موافق ولج فقط سفريه وحده بالسنه لانه عندنا بعضهن ما تدرى عنها الا بالطياره ولا كل كم شهر تقول مسافر اتشرا للصيف شتاء عيد عرس المهم أنها شايله جنتطها

هذا شرط مشته لي من غير جدال

والشرط ثالث والمهم بالنسبه لي تكونين زوجه تعرفين شنو يعني زوجه ما بيج تطبخين ولا تخمين لا مب محتاج لكن أبيج لي

طبعا هي تعرف نفسها قالت بحاول بس هي تقول جي وأنا بديت أحذف صواريخ فعلا استفزتني حزتها وبدات تتهاوش ويا أخوها الحمد لله انه ما قصر فيها برد جبدي المهم أنه عطاه من الكلام زين المشكله انها ما ترد منطق

رد الوالد وتدخل وقال هي عاقله وبتقوم بواججباتها وبدا يمدح فيها المهم انا كنا متفقين وبديت أهدأ قالت يا عم أنا عندي شروط

شرطها انه اذا تزوجت ثالثه أطلقها قال لها الوالد يا يبه حق شنو تستبقين الاحداث ردي بيتج بالاول وما يصير الا كل خير
قالت لا اذا عرس يطلقني وترى انا بتم بيت أخوي لغاية الولاده وزوجته ثانيه ما دش أي مناسبه أنه موجوده فيها ومب من حقه يسافر ويغيب عن البيت بالايام وعقب يحاسبني ويطالبني بحقوقه هو يلتزم في بيته وانا بعد بلتزم

قلت بس لهني وانتهى الموضوع انتي ما تبين صلح وانا مب حرمه تحكمني زواجي ثالث مالج حق فيه لو فكرت دامني مب مقصر وياج سفر وهالسوالف ممكن وبحاول مثل طلبج اختلفنا وبدينا نتهاوش

قلت اسمعي يا بنت الناس انا ما بيج وهذا أخوج وأبوي يسمعوني أنتي حرة نفسج من هالحزه ولكن عيالي جوفي حل من بينا
انتي براسج موال أنا مب عارفه وأخوها يسمع قلت اسمع اختك مب حرمتي من اليوم ولكن اذا سمعت أنها عرست أو سافرت ويا اليهال ترى وقسم بالله لاخذ عيالي او سمعت أي تصرف بدر منها بالغلط ترى باخذ عيالي

هي بدات تصيح وتمت تقول اليهال ما يخصهم من بينا وتمت تتطلب من الوالد ينصفها وعلى كلامها الفاضي ولدك يظلمني جي فجاه تحول نقاش بيني وبينه للاسف وارتفع صوته قال اسمعوا اثنينكم
انتوا حرام فيكم هالثلاثه وتم يقول خالد تبغى نحل الموضوع ولا جايبني للمشاكل وعوار القلب هذه انت ولدي وهي بنتي
قلت انا ما بيها ولكن اليهال مب متنازل عنهم

قالها اسمعي وانت تسمع تسكنين عندي بالبيت لج طابق ثالث كامل وخالد اذا بغى يشوف اليهال يتصل عليا بالاول ويجوفهم بجناح خالتج او اذا بغى يشوفنا لغاية ما أبنيلج بيت عدالنا وعقب انتقلي انتي واليهال فيه وحرمته ثانيه ما تدخل البيت الا اذا الله رزقها بعيال منه هذيج ساعه مالج الحق تمنعين عيالنا طبعا هي وافقت واستانست

قالت بيتي ماحد يدخله بعد قلت لها والله اسمعي لسكن حرمتي ثالثه اذا عرست فيه وأنتي طرشي أحد ياخذ أغراضج قالت هذا بيتي ملكي قلت لها صحيح ولكن ملكج وأنتي حرمتي غير جي لا مالج اي حقوق عندي بدات تصيح

حزتها عرفت أني غلط يوم اخذت الوالد وياي لكن مب مشكله هي مصيرها ترد بيت أهلها عقب ما يكبرون اليهال ومصيرها تعرف شنو قيمتها وحفلت لهم انه اذا سمعت أي تصرف غلط بدر منها او سافرت ويا اليهال والله حزتها بطلقها وتحرم عليها جوفتهم

مب متحسف عليها لاني عرفت أنها ما تستاهل كل صبري عليها

__________________

الحمد لله على كل حال

هي المشكله تعرف سلبياتها وتكابر لكن ما عليج بعلمها شنو يعني قرارها البارحه والله لخليها تعرف أنه الله حق
شنو الفرق بين أنها تعيش بيتها معززه مكرمه وعيالي بيتهم وتدرس وتسافر ولكن أنا وهي كل واحد بصوب
جاوبوني مب غباء وقلة عقل ترى هي لحين بيت ابوي وبتم حرمتي بالورق وين الافضل لها لو هي عاقله وتعرف تفكر
لكن سالفه تحدي وعناد وياي انت تقول شرق هي غرب
مب مشكله مب فارقه وياي

__________________

الحمد لله على كل حال

لا حول ولا قوة الا بالله

بتعرف ؟؟؟ على كثر ما كنت أظنك خبير بالحريم طلعت ما تعرفلهم أبد

قايمينها حرب انت واياها.. الله يهداكم ويعين والدك بس

__________________

وهي تدري أنه قرار الوالد بمنع حرمتي ثانيه من انها تدخل البيت الا اذا الله رزقها بهيال فيه ظلم لها وعدم احترام لحرمتي ثانيه جدام الكل
لكن أنا احتراما له وافقت

__________________

الحمد لله على كل حال

لو فيه ظلم لها ما كان والدك اقترحه ... لكن هو ولجين وأنت عارفين انه زوجتك استفزازية وبكل زيارة بتستوي حرب

__________________

في حريم شكل فقط مظهر على قولتهم لكن العقل ماشي لانها لو تكلمني بعقل ممكن حسيتها السالفه عناد وكلمة طلقني سهله ممكن لانها أمها مطلقه فتشوف جي سهل
لا الحمد لله من اليوم ابد لا بقوم حرب ولا شيء لاني الكل قال ما قصرت وياها وهذا قرارها وهي تتحمله
اخوها بنفسه قايلي وانا طالع قال أنا مب راضي على اللي تسويه لكن الله يسامحه أبوي ما علمها تتحمل مسؤلية ولحين عمي كملها
لكن خلها جي لا متزوجه ولا مطلقه

__________________

الحمد لله على كل حال