اسمعي يا فرح: سأقترح عليك بعض الخيارات ولكنها خيارات مرة فاستخيري ونفذي ما تريدين: أ- إما أن تستمري لدى أهلك بهذا الوضع بدون اللجوء إلى الطلاق حتى يفرجها الله سبحانه. ب- أو إن كنتِ ارمأة عاملة فاستأجري شقة صغيرة وقريبة من بيت أهلك تلمُّك أنت وبناتك.. فإن أتى الرجل للزيارة فأهلاً وسهلاً، وإن لم يأتِ فدعيه وشأنه.. واستبعدي الطلاق حتى يفرجها الله سبحانه. ت- أو اتصلي عليه وتحدثي معه بكل صراحة.. وضعي معه النقاط على الحروف بشرط عدم ذكر الطلاق. |
فرح انا أؤيد هذا الرأي
لو اكتب لك من اليوم لبكرة معاناتي مع اولادي بسبب الطلاق راح تعرفين قيمة النعمة اللي عندك زوجك حتى لو كان أنذل أهل الأرض اصبري عليه مؤقتا لين يكبرون بناتك ساعتها اسحبي على ام امن جابته لا تضيعين بناتك انتبهي ارضي بأي شي يقترحه لين يهجد و ينزل اللي في راسه ، معليش سنة سنتين ثلاث اربع مصيره يتعدل مع الدعاء احمدي ربك لقيتي احد يكتب لك تجربته ترا تشتت الاطفال مو في صالحهم ابدا ارجوك لا تهمشين رايي و كلامي عشانهم والله ما عمري اهتميت لاحد الا للحرمة اللي تشاور بالطلاق وهي عندها بنات مثلك ... لا تهدمين مستقبلهم و مشاعرهم بنفسك اخاف عليك من الندم اللي قتلني الف مرة و على بناتك من الضياع و الاالام النفسية السيئة اللي راح يتعرضون لها ولدي الى اليوم و هو يقول ليش تتطلقين من بابا .. الى اليوم و هو يترجاني اطلع اسلم على ابوه يقول نبغا نتمشى مع بعض بالسيارة ليه يا ماما تتطلقين كلامه هو و اخته سكاكين تطعن قلبي و ابلعها اقول بكرة تكبرون و تعرفون و في داخلي اتمنى احقق شي من رغبتهم اصبري عليه ما تدرين يمكن وضعه يتغير .. يمكن الله يهديه تحت اي ظرف و ينتبه لمسئولياته .لا تفقدين الامل ما دام فيه رب لك لا تغلطين غلطتي و تجازفين ببناتك انا كنت اقول بعيش حياتي بشوف غيره تطلقت و الى الحين ما شفت غيره ولاني قادرة مو لشي لكن ما ابي اكسر اولادي فوق كسرتهم اللي حصلت بعد الطلاق اتمنى تفكرين بكلامي بعقلك بعقلك بعقلككك يا فرح تعالي على نفسك و فكري في بناتك الله يسامحك بكيتيني و ذكرتيني بأشياء انا احاول انساها و اعيش الله يصلح حالك و يجمع بينك و بين زوجك على خير |
قبل يومين جاب لي البنت الصغيره ساعتين بسسسس ورجع اخذها ..
|
اختي والله اشعر بمعاناتك .. واسأل الله العظيم رب العرش العظيم ان يفرج همك ويجمعك بزوجك واولادك في القريب العاجل .. اختي انا لا اريد الطلاق وفي نفس الرقت اكره ان ابقى معلقه .. ووجود زوجي في حياتي كعدمه .. وحتى وان لم يحصل الطلاق سيبقى البنات بعيد عني .. والله ما زلت محتاره فيوضعي لا آكل ولا نوم ولا وناسه .. افكر في حالي ونهاية وضعي مع هذا الزوج ليل نهار ..
|
يا قو قلبك .. شفتيها ولا لنتي ..!!!
شيطانك كبييير يا فرح و لا شلون عاطفة الامومة مالها تقدير عندك انتي قدامك حلين فقط واحد في صالح بناتك و الثاني مو في صالحهم اختاري اللي يريح ضميرك بس اتمنى ما اشوفك مثلي بيوم من الايام ماني عارفه وش اكتب لك اكثر من كذا بس زعلانة على وضع بناتك و ودي احميهم من مستقبل مؤلم اذا حصل الطلاق محد رابح في الطلاق غير زوجك ترا انتي و بناتك بتبكين الييين يجي وقت تتمنين الموت ولا تشوفين اولادك بعيد عنك اسمعي شوري و العني ابليس و صدقيني ربي بيفرجها مثل ما كتب لك البليغ |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|