06-03-2011, 04:52 PM
|
المشاركة الأصلية كتبت بواسطة روح الطير
تسلمي حبيبتي كويتية30 ما عملنا شئ..
بس شفت ردود صابرة الأخيرة ، حسيتها الحمد لله أحسن دحين من قبل .. و ضحكتني ردة فعلها مع المصري  مشكلة صابرة بدنيتي ، إنها تسعى للكمال و المثالية .. و انسانة حالمة و خيالية نفسها تعيش في عالم مثالي صنعته في خيالها و أحلام اليقظة اللي كانت تعيشها و تبنيها و في عالم الأحلام تبعها ، رسمت صورة لفارس الأحلام .. و تبغى زوجها يكون نسخة من فارس الأحلام .. لكن للأسف ، الواقع يقول عكس كذا و الدليل إنها انقهرت من المرأة المتبرجة و اللي كانت تتكلم مع الرجل و راحت تخاصمهم صابرة بدنيتي .. ما تقدري تخلي العالم كله مثل ما تريدي ،، و حتى في البرّ و الديرة و النياق ووو إلخ راح تلقي الشئ الصالح و الطالح عيشي الواقع و تقبليه ، بكل عيوبه ( قبل ميزاته ) .. خليك مرنة .. و الشئ هذا يحتاج منك مجهود مو شهر و لا شهرين .. يمكن سنتين و أكثر .. و الله يوفققك ، نبغى نسمع اخر اخبارك ..  |
06-03-2011, 05:07 PM
06-03-2011, 05:24 PM
06-03-2011, 07:10 PM
|
المشاركة الأصلية كتبت بواسطة صابرة بدنيتي
اشكركم كلكم اخواتي وكل من شارك بموضوعي اسال الله ان يجمعني فيكم بجنات النعيم
راح احكي لكم الي صار بسفري..المهم يوم الخميس كنت انتظر زوجي يجي عشان نسافر لديرتهم..كنت فرحانة جدا تاخر ودقيت عليه قلت تعال بسرعة عشان نستمتع في الخط ونروح بالنهار..مرة ومرتين ادق يقول جاي المهم جا وقال انزلي بصوت عالي وصارخ علي ..قلت ليه تصارخ علي؟؟ قال مثل مانتي تصارخين وانا اقسم بالله لا صارخت ولا شى حتى كنت استهبل بمكاللاماتي وارسله مسجات استهبال عرفت انه يبغى يسوي معي مشكلة ..المهم طلع البيت وقال عشان صراخة ماراح نسافر!! جن جنوني قلت لا بنسافر وانا وش سويت رحت هناك وقلبت علي مرة ثانية..لاحظوا انا كنت هادية بس لمن اشتد الحديث خلاص فقدت السيطرة على نفسي ..المهم سافرنا والجو متكهرب ورجعت زوجته تدق وترسل مسجات وانا بقلبي حرقة وحطيت ببالي انها هي الي شحنته عشان كذا صارخ علي..قلت له اذا انت ماتقدر تحكم زوجاتك مالي عيشة معك رحنا اكثر من 400 كيلو وهو جالس ياكل فصفص وساكت وانا ربي الي يعلم بي مقهورووة وقفنا عشان نصلي وضيعت جوالي ولا انتبهت الا بعد ماقطعنا مسافة مية كيلو ولا اكثر شوي ادور بالشنطة ماحصلت الجوال..والجوال فيه صوري وصوره بس الحمد الله انه بكووود ولا احد يقدر يستخدم الجهاز الا اذا فرمته وقفنا السيارة بالظلمة وجلسنا ندور وندق على الجوال مقفل ..خلاص انا هنا انرفع ضغطي ولا صرت اشوف الدرب نزلت من السيارة وقلت له استاذن منك ودي اصرخ صرخة اطلع الي بصدري من قهر نزلت وصررررخت صرخة وربي كانه جبل بصدري وجلست ابكي وادعي الله..بعد مارحت رجعت السيارة وتخيلو لا نزل عندي يهديني ولا شى جالس ياكل فصفص بالسياارة ..لمن رجعت قال خلاص بنرجع البيت قلت كيف بنرجع البيت وحنا قاطعين اكثر من 400 كيلو انا منهارة وتعبانة ..قال نرجع وودي اقولك شى قلت قوله الحين ...قال انا تاكدت انه مابينا عيشة وروحي لاهلك سليمة احسن ماتروحي مجنونة ..قلت له اجل كذا؟ قال نعم وانتي علي حرااام...................انهرت وضاقت بي الارض قلت له وش سويت عشان تحرمني قال تتلفظين بكلام مو زين وترفعين صوتك ..ام اولادي مابيها تكون كذا وانا خلاص كرهتك وعفتك ولا ابيك جلست ابكي واصيح قلت انت توصلني لدرجة الاستفزاز والقهر وعشان نزلت صرخت صرخة عشان ما اتهاوش معك تقوم تعاقبني ...طبعا هو الي ركز عليه وقتها اني اتلفظ بكلام مو زين وارفع صوتي ماكان عنده عذر اخر وحملني مسؤولية ضياع الجوال ..وقال ضياع الجوال من احد الاسباب الي تخليني افارقك...!! قلت له وش ذنبي دخلت المصلى ونسيته وحالتي حالة ومرفوع ضغطي اشوى اني مانسيت نفسي واقسم لكم بالله اني كنت مرفوعة لسابع سما... المهم جلست ابكي وكلمت اهلي وكلمووه وقالهم ترى بنتكم تتلفظ بكلام مو زين وانا من حقي اختار ام لاولادي امي جلست تلوم علي وصررررت انا الظالمة زي العادة..تاسفت له وقلت سامحيني ماراح اتلفظ ولا ارفع صوووتي اقسم بالله اني كرهت نفسي وكرهت ايامي ..زوجته ارسلت مسج قالت له سلم على زوجتك الي هي انا وقوله بنجي نتقهوى عندها..وشفت المسج جن جنوني مرة ثانية ...قلت له اذا انت رجال وقف حركات زوجتك... قام دق عليها وقالها اذا دقيتي بيومها فانتي طالق واذا دقت هي بيوم فهي طاالق ... ثاني يوم رجعنا بالطرق وجلس يعطيني محاضرة ويقردني وجلست ابكي قلت له انا اخلاقي مو كذا وانا عمري ماكنت اتلفظ بالفاظ شينة بس انت ترفع ضغطي باسلوبك وانت الي تخليني انهار ..واخذت وعد مع نفسي اني ماراح اسمح لنفسي يطلع مني كلام ماهو كويس لانه اصلا انا ماني كذا...وندمت ندم شديد رغم والله اني مو انا السبب..لكن كما تعلمون زي العادة المهم رجعنا ديرتنا وراح يبات هو في بيته الاول ..عقب ساعتين دق علي وقال تراك ظلمتيها وهي دقت عشان تعزمك عندها في البيت وكلمت اولادي عنك وقالت لهم هذي زي امهم ومن ذا الكلام...المهم تكلمنا مع بعض واعتذرنا لبعض وقلت لها تراني انا مو سيئة واذا تزوجني زوجك هذا نصيب انا مالي ذنب وقلت لها انتي اول فرحته وانتي ام عياله وانتي الاساس ..حاولت ارقق قلبها اتجاهي عشان ترتاح..قلت لها انتي الي خالفتي وعدك وصرتي تبي تحاربيني وانا عمري ما سويت لك شى ..قال والله كلام حريم وياثرون عليها وطلبت مني نفتح صفحة جديدة ...قلت لها ابشري بنفتح صفحة جديدة وانا والله اني بكون لك اخت وصديقة وكل شى تبينه بس احسني الضن فيني وشوفي هل انا استاهل ولا لا..وقامت دقت علي من جوالها وصرت نتبادل الرسايل والاتصاللات وكننا اعز صديقات ..طبعا انا فرحت جدا لهذا واتمنى انه فعلا علاقتي فيها تكون طيبة وانا اقسم بالله لايمكن اخذلها وبحطها بعيوني ..واليوم ان شاء الله بزورها وبنجلس مع بعض الزبدة ان علاقتي بضرتي تحسنت وصارت كويسة ..بس زوجي جرحني بكلامه وسالفة كل شوي يحرمني ويطلقني ايش الحل ولا ايش الطريقة الي استخدمها معه.. ارجوو من الماضي الدفين تتواصل معي |
لذلك لازم اقووم أجهز قبل لا يجي
07-03-2011, 12:35 AM
07-03-2011, 02:23 AM
|
المشاركة الأصلية كتبت بواسطة شيخة البنـــات
صبووورة بعد عمري أول شي حابة أعتذر منج بسبب تحوير موضوعج قبل يومين بس صدقيني آنا ما كنت أقصد وماكنت حابة أساسا يصير هالشي ولكن هذا اللي صار وآنا منحرجة منج جدا أتمنى بس إنج تسامحيني وتقبلين إعتذاري يالغالية حزنت كثير على اللي صار وقت سفركم حبوبة , يعني مدري وش شقوول ولا شنو أحجي بس بقولج شي مهم لا تدققين بكل شي ولا تحكين ف بالج كل شي وأي شي , بمعنى زوجج على قد ما يحاول يستفزك انتي اخذيها ببروود أعصاب وهدوء , يعني احنا سبق وتكلنا ياقلبي إن العصبية والكلام بالصوت العالي وسوء الحجي هذا ما نبيه يطلع منج صح ! وانتي الحمدلله تغيرت عصبيتج عن قبل واااايد وخفت كثيير , ولكن لما يصير موقف معين مثل اللي تفضلتي وذكرتيه أعلاه تثورين وما تقدرين تمسكين أعصابج << هذا مربط الفرس انتي لازم تتعلمين وتتأقلمين تضبطين أعصابج بأي طريقة شوفي يالغلا آنا وايد عصبية لكن الفرق اللي بيني وبينج إني لما تكون عصبيتي مع طرف سلطته أعلى مني يعني شخص مثل عمتي أخت ابوي ( ساكنة معانا ف بيتنا و مثل اختي ) , مو مثل ما عصبيتي لما أكون مع اختي الصغيرة , ولا مثل لما يحتد النقاش مثلا بيني وبين خطيبي , يعني في فرق في الرد وفرق في الأسلووب , فهمتي ياقلبي ,, انتي لازم تضبطين أعصابج مع زوجج بالذات وتتعاملي معاه معاملة خاصة ومن نوع ثاني ,, كان الأجدر فيج لما صارخ عليج تردين عليه وتنزلين له بإبتسامة حلوووة , لما لاحظتيه طول الدرب ساكت ( ولو إنج مقهووورة حدج من تصرفه ) بعد كان الأجدر انتي تسولفين , تقولين نكت , تفرفشين , و ولو ظل بعد ساكت همن تحاولين محاولة ثانية , شفتيه بعد ساكت ومافي فايدة خلاص انتي سويتي اللي عليج واللي قدرتي عليه , عشان بعدين لما يصير بينكم نقاش تذكريه باللي صار وبإن هو اللي رفض الكلام و زيد حدة المشكلة . أدري بحرقة قلبج وقهرج وحرتج على تصرفاته اللي منتي عارفة لها تفسير واضح , لمكن نرجع ونقوول انتي لازم تتحملين قدر الإمكان , انتي تحبينه و قدرج ونصيبج مكتوب لج جذي , حلو جدا إنج وعدتي نفسحج ما تتفلظي بأي لفظ سيء وصدقيني لما تكون إرادتج وعزيمتج قووية راح تقدرين تنفذين هالوعد , وعلشان ينجح هالوعد وتقدرين تنفذينه , اعتبريه وعد قاطع بينج وبين رب العالمين , إنج أبدا ما تتلفظين بأي لفظ سيء لأي شخص مو بس زوجج يعني مهما كان الأمر ومهما كان الموضووع , و حالي وقوي عزيمتج وإرادتج وصدقيني بإذن واحد أحد راح تقدرين تتخلصين من هالشغلة وترتاحين , وآنا والاخوات عارفين إنج منتي جذي بالعكس انتي طيووبة وحبووبة وقلبج مافي على حنانه وطيبته ونقاوته , وبدليل حب الجميع هني لج وخوفهم عليج وحرصهم على مصلحتج كل هذا من حبهم لج , وما حبوج كل هالحب إلا بسبب طيبج ونيتج الصافية ياعمري عسى ربي يحفظج ويخليج لكل أحبابج << وانتي تقرين قولي آمين إي وعلى طاري ضرتج الحمدلله شي حلوو إنكم تصافيتوا وتكلمتوا , و هي لما تشوف طيبتج وقلبج النظيف راح تحبج وايد وترتاح لج كثييير وبإذن الله راح تخلص كل هالمشاكل ياحبيبتي , وعارفة إنج لا يمكن تخذلينها أبد لانج اصلج طيب ياحياتي , إن شاء الله تكوونوا على أتم وأحسن حال على طوول , بس بعد ما أنصحج ياقلبي بكثر الزيارات تجبنا لأي طاريء لا سمح الله , و صدقيني هي راح تكسبينها وتكوونوا مع بعض في أحسن حال يااااااااااااااارب حبووبة مضطرة أقووم رغم إني ما كملت كلامي , مدري ليش وياج الكلام برووحه يطلع ما يوووقف من كثر حبج بقلبي ياعمري , بس لأن خطيبي جايني اليووووم لذلك لازم اقووم أجهز قبل لا يجيأنتظر منج تفاصيل زيارتج لضرتج وإن شاء الله كل شي يكووون على خير أحبــــــــج وسامحيني ياعمري |
07-03-2011, 02:26 AM
|
المشاركة الأصلية كتبت بواسطة روح الطير
صابرة بدنيتي ..
كم مرة نقول و نردد ، لا تفكري في اللي فات .. افتحي صفحة جديدة و لا تخربي حياتك بيدك لا تقولي بأرجع كرامتي و هو اللي عمل و هو اللي استفزني و هو اللي و هو اللي .. إنت ما تقدري ( تحكميه ) .. إنت تقدري تحكمي ( نفسك فقط ) .. حذرناك من زمان و زوجك حذرك من عدم التعصب و التحكم و السيطرة في أعصابك .. زوجك ما عاد يهتم ، من جد تراه بيتكلم .. لإنه ( طفش و زهق و ما عاد يتحمل ) .. و معليه .. لا أحد يجي و يقول إنه ( يحبك و يعشقك ) .. هو كان يحبك ، بس إنت كسرتي كل شئ بصراخك و مضاربتك معه كل شوي .. عشان كذا ، ما صار يهتم في صراخك ، و لا يهتم في أي شئ .. الرجال يبغى يشتري راحة بااله بأي ثمن .. و بما إنك انسانة ( غيارة ) .. فأنصحك بالتقليل جدا من زيارة زوجته .. لإنك راح تفتحي أبواب جديدة على نفسك و عليها و على زوجك .. ----------------------------------- و الرجال بياكل فصفص و ساكت طول الخط ، عشان يتجنب ( النكد و المشاكل ) .. هذه هي طريقة الرجال في حل المشاكل .. أو إذا تبغي النووع الاخر من الرجال ، فهو اللي يضرب زوجته .. يعني يا يسكت ، يا يضرب .. فإنت أختاري ، مين الأفضل فيهم ؟ ----------------------------------- ليت تقري كل نصايحنا من أول موضوع لك ، لااخر موضوع .. لإنه واضح إنه نصايحنا و ردودنا ما بتجيب أي نتايج ايجابية .. |
07-03-2011, 02:46 AM
07-03-2011, 03:16 AM
07-03-2011, 03:20 AM
|
المشاركة الأصلية كتبت بواسطة أم داليا
إسالوا المفتي عن حكم قول زوجك ..
أنت علي حرام .... أنظري إلى ماقاله الحنابلة في هذه المسألة .. ثمان أقوال .. أرجحها : بأنه يمين إلا ان ينوي به الطلاق .. أو الظهار فإن نوى بقوله الطلاق فهو طلاق .. و إن نوى الظهار فهو ظهار .. و إن لم ينوي به شي فهي يمين ... تلزمه الكفارة عند الجماع ؛ |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
