لا ما رحنا.

وما حصل حوار آخر غير اللي كتبته.

حالياً في بيت أخته .. وركبت سيارته.

لما كنت اكلمه العصر عن التشييك على سيارته نبهته لكيس معطر وردي صغير موجود في سيارته صار له كم شهر .. وقلت له يشيله لأنه وجوده يضايقني .. وقال لي: ما دام يضايقج خلاص باشيله.

طلع راح يصلي العشا ورجع (يعني كانت عنده فرصة يشيله)

لما ركبت السيارة لقيته مكانه .. شلته قبل ما يركب السيارة ورميته .. وما علق طول الطريق .. ما أدري ما انتبه لأنه ليل .وإلا لأن اليهال والخدامة معانا.

__________________


اللهم طِيبَ الأثر .. وحُسْنَ الرحيل.

أحسن ......

مهرة

انت عسل و الله

الله يرضى عليج يا روح.

رفعتي معنوياتي والله.

__________________


اللهم طِيبَ الأثر .. وحُسْنَ الرحيل.

لاني زعلانه عليها
ومااحب نضحك عليها
او تضحك على نفسها

ماهي مشكلة الاخت مهرة؟

وماهو الحل من وجهة نظرك؟

__________________

رائعة أنت يامهرة الله يحفظك ويكتب لك كل خير🌼

__________________
سبحان الله وبحمده..سبحان الله العظيم

قداامك العافيه يامهره اذا رحتي عمره اشربي زمزم بنية الشفاء والحمدلله الورم صغير وليفي له حل بإذن الله
قلبي معك ومتابعتك حتى لو ماشاركت

متابعة بصمت وبإذنه تعالى شايفة مبشرات حلوة قادمة
ربي يسعدك ويسعد عيلتك حبيبتي مهرة
بتستاهلي كل شي حلو لانك انسانة بالغنى عن التعريف ماشاءالله تبارك الرحمن
وشهادتي دايما مجروحة فيكي
دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

صباح الخير.

أشكركم جميعاً والله يسلمكم من كل شر.




البارحة رجعنا متأخر .. حوالي وحدة بعد منتصف الليل .. كنا كلنا تعبانين ونعسانين.

نيّمت البنات ورجعت غرفتي .. تسبحت وجهزت نفسي للنوم ودخلت السرير .. وهو دخل يتسبح.

كل واحد منا عنده مخدتين .. خليت المخدة اللي بنام عليها .. وحرّكت المخدة الثانية تمهيداً لأني أحطها بيني وبينه .. مسكت موبايلي عشان أشوف شي .. وحسيت بثقل في عيني فنمت على طول.

الفجر قام عشان يصلي .. وأنا قمت بعده .. لقيته حط المخدة بيني وبينه لما كنت نايمة.


رجعنا نمنا عقب الصلاة ونشّينا الصبح .. صبّح عليّ وسألني إذا نمت عدل .. وجاوبت على قد السؤال .. سألته عن عوار ريله فقال إنه صار أخفّ وايد عن قبل.


سلطان كان قايم قبلنا وسمعنا صوته وهو يلعب في غرفته .. فكانت فرصة أكلمه عن الولد بخصوص دراسته وامتحاناته .. وطلبت منه (ما أدري للمرة الكم؟) إنه يعطيه شوي من وقته لأني فعلاً أعتقد إنه حالياً محتاج أب أكثر من حاجته لأم .. وللأمانة كان متجاوب معاي في الكلام وكان يطمنّي ويهدّي مخاوفي اللي أحسها تجاه الولد.


عقبها رحنا كلنا المطبخ .. وجهزت الريوق لكل واحد منهم .. بما فيهم زوجي.

أخته دخلت علينا المطبخ تعطيني شي .. وبصراحة ارتحت لما دخلت ولقتنا كلنا يالسين مع بعض.

لما كنا ما نتكلم كنت أجهز دلة الشاي وآخذ لي كوب وأطلع أيلس في الصالة لين هو يخلص ريوقه ويطلع من المطبخ.

واللي حصل إن أمي من كم يوم يت المطبخ وسألته عني .. قال لها: بتيي عقب شوي.

عقبها ماما اتصلت فيني تقول لي: كنت عندكم وبوسلطان قال إنج بتيين تتريقين ولا ييتي! .. واضطريت أتعذر لها بأني تريّقت بدري.
.
.
.
وبخصوص طلعة السينما .. أنا ما طريتها ولا هو طراها.


واللي حصل إني أمس لما رجعت مع ماما هو ما كان رجع البيت ..والمفروض إني ما كنت باسوي غدا.

بعثت له: أطلب لك غدا معانا؟

فرد: لا شكراً.

توقعته بيتأخر .. لكنه رجع البيت عقبي بشوي .. وتغدا معانا باقي غداه مال أول أمس.
.
.
.
ما أحكي يوميات .. إنما مواقف أعتقد أن لها مغزى ما.

__________________


اللهم طِيبَ الأثر .. وحُسْنَ الرحيل.