سواء انتهت مشكلتك بحل مرضي
او بالطلاق لاسمح الله
أنا مبسوطة انك بديتي تفكرين براحتك وكيف تنهين الحرب النفسية اللي عايشتها
ولو انتهيتي على الطلاق حاولي يكون طلاق ناجح ( اكيد سبق واقريتي عنو لكن حبيت اذكرك )
ربي يريحك ويسخر لك الخير

ما دام حل العمل غير مطروح فلن يجد بديلاً سوى تقسيم الوقت خلال إجازته!

خليهم ياخذون الوقت كله!
.
.
.
حبيبتي بوفارديا .. ما تزعجيني فديتج .. انتو اللي سامحوني لو انفعلت بزيادة شوي.

__________________


اللهم طِيبَ الأثر .. وحُسْنَ الرحيل.

لا من طبعي ولا من شخصيتي إثارة المشاكل.

أنا بالفعل أريد أن أنهي كل شيء بهدوء .. وسأحرص على هذا حتى النهاية.

وإن شاء الله أطفالي يكونون في مأمن نفسي قبل كل شيء.

__________________


اللهم طِيبَ الأثر .. وحُسْنَ الرحيل.

مهره
اذا طلق مثل ما تريدين وبكل برود وتحضر ما بتقولين باعني بسهوله وبدلني بغيري
ما بتقولين هانت عليه العشره والعيال
بتصعب عليش حالش

__________________
وهل من مصير اخر ؟

أدري.

أنا صعبانة عليّ نفسي في كل الأحوال يا كوكي!

ومن ناحية بدلني .. فهو بدلني من زمان .. ما يت على الطلاق!

__________________


اللهم طِيبَ الأثر .. وحُسْنَ الرحيل.

الله يعينج

استخيري وادعي

مالج غير ربج عارف اللي فيه خيره لج

__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "

أمي زعلت مني لأني ما رحت لهم البارحة.

أخت زوجي كلمتني اليوم وقالت لي إنها وايد حطت في خاطرها لدرجة إنها بكت! .. تقول إحنا مالنا ذنب في اللي صار عشان ما تيي عندنا مثل قبل .. وإن لو عدوي ياي لين عندي لازم أدخله وأكرمه لأن الإنسان يتصرف حسب أصله وتربيته.

قلت لها: أنا مب زعلانة لأن ماما استقبلتها ولا حاطة عليكم أي لوم .. بس انتو ما ترضون على كرامتي تنهان أكثر من جذي .. وحتى لو انتو شايفين إني عبيطة ومكبرة الموضوع خذوني على قد عقلي الله يخليكم.

قالت: كرامتج محفوظة .. وانتي صاحبة البيت واحنا اللي طالعين وانتي اللي داخلة .. تعالي يالله خلي ماما خاطرها يطيب.

قلت لها: ما عليه .. الله يرضى عليج لا تضغطين علي .. وإذا على ماما أنا باكلمها واستسمح منها.

قالت لي: براحتج.
.
.
.
بعدها بشوي اتصلت بامي وسلمت عليها .. قالت لي على طول: أنا وايد زعلانة! طول الأيام الماضية انتي ما تيين وأنا ما قلت لج شي .. بس البارحة كلهم موجودين وكلهم يسألون عنج وما عرفت شو أرد عليهم! .. أحنا نبا الموضوع يتم بينا ما نبا حد يحس بشي وتكبر السالفة اكثر.

قلت لها: يمه انتي أكثر وحدة المفروض تحسين فيني .. انتي مريتي بنفس الموقف وتعرفين تأثيره عدل .. يمه الله يخليج حافظي لي على شوية الكرامة اللي باقية لي.

قالت لي: يا بنتي انتي عزيزة وغالية .. بس بعد مب زين اللي انتي تسوينه .. تاكلين في نفسج وتقهرين عمرج على شو؟!!! .. أنا بغيتج تيين وتغير جو وترفهين عن نفسج شوي .. تشوفين الناس وتسولفين وتضحكين .. ما تمين بروحج بين أربع حيطان ياكلج الوسواس .. والا هو بكيفه هو واللي معاه .. حتى من وقت ما راح الدوام ما كلمته ولا اتصلت فيه بشوف شو اخرتها معاه.

قلت لها: يمه انتي على بالج أنا مبسوطة باللي يصير؟ .. على بالج مرتاحة لاني محبوسة في بيتي ومب قادرة اييج مثل قبل .. بس خلاص يمه عقب اللي صار ما أقدر ايي وكأن ما صار شي!! .. واذا عليه تراه هو ولدكم وانتو اهله .. ما اباكم تزعلون من بعض ولا تشيلون على بعض بسببي.

قلت لها: يمه الله يخليج لا تزعلين مني ولا تشيلين في خاطرج .. أنا عمري ما اشتكيت من شي .. بس خلاص ما فيني صبر أتحمل أكثر.

قالت لي: أنا ما أزعل منج .. الأم مهما قالت لكن قلبها ما يقدر يزعل أو يشيل على عيالها .. وانتي بنتي مثلج مثلهم والله .. لكن شو باقول؟ .. ما باليد حيلة!

__________________


اللهم طِيبَ الأثر .. وحُسْنَ الرحيل.

ربي يسهل امرك ويريح بالك
آلمتني حالتك وابكتني
مهما تفاعلنا معك وادركنا المك يبدو ان هناك ما يؤلمك اكثر مما تبوحين به للدرجة التي جعلتك متمسكة بقرارك
بالتوفيق ان شاء الله

ام سلطان - زوجك حسب ما اذكر يعرف معرفك هذا

ما تتوقعي انه ممكن يكون متابع اخبارك هنا وعارف افكارك


الله يعينك

دعواتي لك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

لو شاف هالموضوع راح يعصب كثير.

يمكن فرصة عشان يطلق!

__________________


اللهم طِيبَ الأثر .. وحُسْنَ الرحيل.