متفائلة
امس رجعنا بدري
وجلس بالبيت ماطلع
كان بالمجلس
وكل شوي طالع المطبخ
مره يسوي له كوب شاهي
ومره ياخذ برتقاله الخ
هو كان متعشم اجي اكلمه
وانا سحبت عليه
وجلست اقرأ قصة لبنتي لحد مانامت

انا موجوده ومنزرعه بالبيت
وياما قدمت الخير
يدل طريقي اذا بغاني
لكن انهان مليون مره واجي له ذليله لا
عملتها قبل كذا كثير
وكنا ننهي الخلاف ومن بكرا كلام اعظم
يعني كان يسترخصني وقتها
مو كل الرجال يقدرون مبادرات الزوجه
بعضهم يركبه ابليس ويتمادى اكثر
ويعتقد ان هذا الحل الامثل لهالزوجه
وان الدوس يخليها تتعدل

مشكلتك تقارني بين الليل والنهار😅

الليل اعطي
والنهار كشري

ع الاقل لما تعطي في الليل تخف حدة مشاكله في النهار وزي ماعالجتي مشكلتكم في الليل بأنوثه طاغيه
عالجي مشكلتكم في النهار بأنوثه مشربه برجوله 😂

وحركات زوجك لما يدخل المطبخ دليل ع انه ماعنده متنفس غيرك ويرغب فيك حتى وانتو زعلانين
يعني أفعاله تعكس كلامه يرغب فيك ويقول مو أنثى
هاه تصدقي الفعل ولا الكلام 😬

وبعدين في بعض الرجال مايجي له نفس في زوجته لما يتهاوشو انتي غير
( عاد افرحي ياأجمل انثى)
يالله بنام و لا تروحي لاهلك الا لما (..)

نصيحة يا كنافة ، أن لا تصدقي كلام الخصام و المشاحنات !! مهما بلغت حدته !!! و لا تأخذيه محمل الجد ( درجة أولى ) !! ...
و بالمقابل ، تذكري كلمات الصفاء ، فهي الاصدق و هي الحقيقة !

__________________
أشهد أن لا إله إلا الله و أشهد أن محمدا رسول الله صلى الله عليه و سلم

مشكورين اخواني
خصوصا متفائلة اللي تحاول تعطيني امل
لكني ماراح اقرب منه
اقلها لو صدني بتتضاعف المشكله
وبيتدني تقديري لذاتي اكثر
.................

لا حول ولا قوة إلا بالله ..
خلاص كنافة اسكتي وروحي اقري قرآن وصلي ..
من الضيق ماقمتي تستوعبين الكلام اللي تقولينه ..

زوجي عنده بالدوام بنات اشكال والوان
احلى واصغر مني.. ويحتك معهم بالعمل
يقدر يسد خانتي بأي وحده منهم
ح
واعز اصدقاءه متزوج 2
والثانيه مسيار
برضو يقدر يعمل مثله


والحجج بجيبه
اني ما اقدره حسب مفهومه للتقدير
واني طلبت منه الطلاق


طيب
نجي لواجبات البيت
انا هالاسبوع طبخت مرتين بس.. وبدون نفس
غصبا عني
حتى ملابسه.. اكوي كل شي يوم بيومه
زمان كنت اكوي كل شي وابخر الدولاب
الحين ماني قادره.. غصبا عني

اسعد لحظاتي لما يكون برا البيت
واذا دخل احس بكتمه في صدري


ولي 3 ايام ما احط ميك اب
ولامه شعري على فوق
ماعمري جلست بدون مكياج من تزوجت
كنت يوميا اكحل عيني
الحين ماني قادره ابدا ابدا


مشغله نفسي ببنتي وولدي
بس

تتوقعي انو يتلكك علشان يتزوج؟؟

احتمال وارد جدا جدا
خصوصا انه يحاول يخطئني بكل قوته
مركز له فتره على اني زوجة سيئة
ويشكك بانوثتي وتربيتي واحترامي الخ الخ

وقبل كم يوم لما شدينا بالكلام
قال لي انتي عارفه اني مقتدر واقدر اخذ 4 حريم
وكل وحده تشيلني على كفوف الراحة

قال هالجمله لما قلت له عاملني كويس او كل واحد يروح بطريقه

كنافة

بما انك عرفتي هدفه ليه تساعدينه في الوصول له ؟

هو يبغاك تنهز ثقتك في نفسك بالتحطيم هذا لانه والله أعلم عنده مشكلة ما ( حتى لو على مستوى الثقة ومتضايق من نفسه ويبغى ويحب يشوفك مثله)

لا تكون ردود فعلك انفعالية ابدا امامه وتعاملي ببرود حتى لو زود العيار في الكلام

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

اذا كنت هاديه زاد العيار اكثر
واذا طنشت او ابتسمت او كملت شغلي
يقول: يعني استهتار اكثر من كذا ماشفت!
لحد ما اثور وانفعل.. يقوم يقول هذي انتي
مو متربيه ولا محترمه الخ الخ