لها اكثر من شهر زوجته زعلانه وخارجه من بيته
وانا سمحت له ينام عند أولاده كل يوم بس يوم عن يوم او كل يومين يجي عندي كم ساعه ويروح لهم ينام عندهم اغلب الوقت زعلان ومهموم ورغم اللي فيني اداريه وانسيه زعله وحتى لما يعصب اسكت وتحملته وتحملت انه اغلب وقته بعيد عني .. قبل يومين جا زعلان وجلس معايا بدون نفس وانا كنت مخلصه التاسع ومحتاجه انه هو يحتويني .. لكن كنا زي الأصنام ساعات جنب بعض هو على اللاب وانا جنبه وأطل بالتلفزيون بالاخير اتصلت بنته وقبل يرد قال نطلب اكل ولا اروح اتسحر عندهم ؟ قلت كيفك رد وقال لها بتسحر عندكم سكت شوي ولما قام بيلبس جلست ابكي وتجادلنا .. بختصر انا كنت اقوله ليش انا مو ادميه جالسه جنبك من اليوم استناك تعبرني وليش لما قلت لك بكيفك على طول اخترت تروح عندهم وانا دايما احتويك بس علشان اليوم انا محتاجه لك تعاملني كذا انا غلطانه ولا مو غلطانه تاخذني بذنب غيري وهو كان من بين كلامه .. انتي ماده بوزك وانا من اليوم استناك تتكلمي تقولي ع الأقل نبغى سحور وانتي قلتي بكيفك يعني روح لهم قلت له ما تروح لهم اجلس عندي انت طول وقتك ع اللاب ماعبرتني .. قال الشغله كانت لك مو لي وما ارجع بكلامي بروح .. ووووو بالنهايه طلعت السياره وانا ابكي ونزلت عن اهلي ربع ساعه الا اتصل قال انا ابغاك تفهميني انا متضايق انا تعبان بدال ما تضميني تهدي بوزك قلت له انا طول وقتي احتويك لكن اليوم تعبانه ومحتاجه لك لكن للأسف مالقيتك وكل ما احتجت لك ما ألقاك .. قال انا عندي مشاكل بالبيت وانتي عارفه ووووو وانا أسف قلت له اتصالك عندي بالدنيا وماني زعلانه .. طبعا هذا كله وانا اتكلم بنبرة بكا .. عدا امس .. واليوم موعدي للتنويم يبغوا يدوني طلق صناعي.. قابلني بالمستشفى وكملنا الامور وقالوا بكرا الفجر اجيهم طبعا رجعني وتوقعت نروح بيتنا .. راح وداني بيت امي .. قلت له ليش انت ما راح تجلس عندي ؟ قال اجلس فين ؟ قلت ببيتنا قال نروح ايش نسوي .. يعني بتسوي لي فطور .. قلت عادي نجي نفطر عند امي قال عاد ما قلتي من بدري قلت انت كذا مرتاح وانت بعيد عني ولا تعرف اخباري ولا تكلمني قال ايوا ارجعي للبكا .. ما راح تتغيرين قلت له الان انا بفهم انت ليش بس تصارخ عليا وتنافخ وتكلمني بدون نفس انا ايش سويت لك ؟ قال ما أحب البكا قلت وانا ما أحب قسوتك ترى انا ما سويت لك شي وعموما بالطقاق ماني ميته عليك ومو لازم اشوفك ونزلت ابكي كتبت له انه خلي النونو يموت اصلن ما ابغاه وحلفت اني ما راح اتنوم بكرا ولا راح اخذ طلق صناعي واللي يصير يصير بالله عليكم ايش ذنبي انا أتحمله بوقت زعله ولما احتاجه ما القاه؟ انا ما غلطت عليه بس اكتشفت انه هذي اخلاقه سوآء عاملته بطيبه او بغيره هو يحب المشاكل ويحب الزعل انا اللي يبكيني الان انه كسر فرحتي بالنونو .. كان يقول ابغاك تولدين بس علشان اشوف ابتسامتك والفرحه بعينك .. الان بس علشان زعلان منها يحط حرته فيني ؟؟؟؟ زعلانه مزري كيف اروح اولد واتهيأ لهذا الشي وانا قلبي مكسور ومقهوره .. وربي ليا اكثر من ساعتين دمعتي ما جفت .. مو قادر بس يطبطب علي بهالوقت مدري ليش تزوجت انسان عنده مسؤوليات وكبير ومو فاهم احتياجاتي او فاهمها بس يتجاهلها لان ماله مزاج خساره قبل كم يوم كانت علاقتنا حلوه وكان نفسي اولد وافرح ويفرح معايا بس الان بعد مشاكله كرهته وماعاد ليا رغبه بالحياة كلها لانه مو اول مرا يقتل الفرح بقلبي خسارة حبي له مدري ليش كتبت ومدري ايش منتظره تقولوا ليا بس الدنيا سودا بعيوني وجيتكم |
تصفيق حار واعجاب لردود روح الطير 👍👍👍
انا كنت نفس رايها من زمان بس ماكتبته علشان مايفهم ردي بطريقة اخرى .. وعلى فكرة كلنا نحن الزوجات نبغى عاطفه واهتمام من ازواجنا بس غلطتهم زي غلطة زوج منفردة فترة الملكة والسنوات الاولى من الزواج يعيشوننا دلع وحب واهتمام وبعد ماتتعلق الزوجه بزوجها خلاص يخففون المقدار .. وتبدا الزوجه تتسول المشاعر والعواطف السابقه.. علشان كذا انا ارفع نظريه اللي تحب زوجها بشدة وتتعلق فيه غلطانه لانها بتجر لنفسها ﻵﻵم نفسيه وتعب ماله داعي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|