مستكثرين عليها ردة الفعل وانها تعصب؟ تركتوا كل شي الا انها ردت وتلفظت؟
حطوا نفسكم بمكانها وبلا مثالية! ومستكثرين انه جاي يراضيها بعد! تحاسبون على رد الفعل وتتجاهلون الخطا؟ شخص يخون مرة وثنتين وثلاثة وسيئ المعشر وعصبي تسبب لها بعاهة وتعب نفسي.. عطته فرص مو فرصة! ماذا بعد؟ تنتظر لين تفقد عقلها ولا يبلاها بمرض نفسي؟ رجعتي له او لا.. شوفي لك مصدر قوة ثاني وامني نفسك.. عمل او تجارة لان ابوك ماراح يدوم لك الله يطول بعمره لايكلف الله نفسا الا وسعها.. ولدك مثل اي طفل ممكن يتعلق بخدامة او اي شخص.. اذا حاسة ماتقدرين تكملين لاتحملين! حطي نفسك اولوية.. حقك على نفسك اهم شي الحين.. قيسي على ذلك مستقبلا تخيلي نفسك بعد 10 سنين وزوجك بنفس الطبع ومعك 4 اطفال فكري كيف حالك بهذاك الوقت؟ هل ترضيك ميزاته وتكتفين فيها وتقتنعين الى هذاك الزمن ومابعده؟ تقدرين تعطين عائلتك وتشيلينها بهذي النفسية المتعبة؟ تغيير شخص هو ضرب من الخيال.. لانه اذا ماتغير من نفسه مستحيل يتبدل حاله! فكري بواقعية.. في شي يستاهل -غير ولدك- تحافظين عليه؟ انتي اخصائية وتعرفين ايش اقصد.. تحرري من كلام النساء الانشائي محد يقدر يجبرك على شي.. ولا تلجئين لمخلوق لا أم ولا أب ولا أخوان ولا زوج ادعي ربي ينصرك ويريحك ويبعدك عن الشر ويكافيك اياه وناجي ربك باخر ثلث من الليل ان يكتب لك الخير ويرحمك ويطلعك من هالقصة سالمة سواء تطلقتي او لا |
انا مع هذا الرأي .....
حبيبتي في هذا المكان الذي يمثل مجتمع مصغر لاتستغربي من شي المرأة عندهم واجب عليها تصبر على زوجها ولو كان زاني وخاين ألف مره المهم انها تصبر والا تأثم بعدم صبرها في نظرهم .... والرجل ولو كان أفسد رجل على وجة الارض فهو مسكين يعتبر طفل كبير لازم تراعيه وحامل عيبه بجيبه على قول المجتمع ولو بس غلطت زوجته مره وحده وخانت بالتلفون مره وحدة والا بس شك مجرد شك فيها تعالي شوفي الردود وتعجبي على الحال الا وصلنا له اليوم .... خصوصا ردود الحريم.... من أصدق العبارات الا مرت علي في حياتي المرأة عدوة المرأة ..... ماننكر خطأها في تلفظها عليه بكلمات سيئة مره ما تليق فيها ونصحناها .. بس تستكثرون عليها زعلها وحزنها وكأن زوجها صاحب الحق .... |
بالعكس محد أنكر عليها زعلها الي جاها منه مو شوي ملكة صبرت وتحملت وعانت كثير ربي يفرج همها ويفك ضيقها ويرزقها من حيث لاتحتسب
احنا أنكرنا ألفاظها لانها اكبر من ان تتلفظ بهالألفاظ كل انسان يتعامل بأخلاقه وتربيته لذلك لا نرضى لملكة ان تنزل من قيمتها او قدرها مهما كانت الأسباب وهي لها الحق ان تترك زوجها وهذا قرارها الشخصي لكن وين الأهل الي يحتوها ويطبطبو عليها ويوقفوا بجنبها علشان تتخذ قرارها وتتجاوز أزمتها ربي يعينك ملكة ويفرج همك يارب |
وانا ايضااا عصبية ونكككد زوجي جعلتني انسانة بلا رغبات وبلا صوت حتى صوتي نسيته لكن قلبي محروق محروووووق واحس اني تعيسه وغرقانة و أولادي هم القشة الي اتعلق فيها واصبر لاجلهم ..
الله يفرج همك ، رأيي تصبرين وتضبطين نفسك ولسانك، وتعيشين معه ويعيش ولدك بينكم وخذي مانع حمل لا بأس وخلي لك عالمك الخاص واتركية وشأنه قدمي واجباتك وعيشي حياتك وهو من يحاسبه الله على مراهقته وغباء افعاله ، وعن عصبيته اول ما يبدأ يصرخ قولي في نفسك انا وسط اعصار وبيمررر [ انا اصبر نفسي بهذي الجمله ] .. التزمي بدينك وخليه يخجل منك ومن نفسه وحاولي يشوفك تصلين الوتر واخر الليل وارفعي يدك بالدعاء وادعي بالهدايه والسعاده ،، لانه سبحان الله الدين يعطي صاحبه هيبه ويخاف الاخر من ظلمه لا يدعي عليه .. الله يفرج همك وبسسسسس اسأل الله ان يعوضنا بالجنه ونعيم الجنه . |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|