ما اقدر اقول لابوي ما اقدر ما اقدر
لما زعلني زوجي وطلقتي قبل 6شهور
ابوي كان غضبان عليه حتى بعد رجعتي
وزوجي عمل المستحيل حتى يراضي ابوي
زوجي كان يجيب له هدايا ويزوره ويطمن عليه
وانا برضو تعبت لحد ماتحسنت العلاقه بينهم
لان ابوي مايرضى احد يزعلني مهما كان
وقال لزوجي قبلها لو بنتي جتني زعلانه انساها
واحتمال زوجي فهم روحتي لاهلي ابتزاز
او تهديد حسب كلامه.. لهذا السبب


وصعبه ارجع البيت واقول رجعت عشان الاغراض
ما ادري ما احس فيني قوة لهالشيء
ومنحرجه من امي لانها تدري اني زعلانه وزوجي مطنشني


واخاف زوجي مبلغ امه بالخلاف اللي بينا
وقتها بيكون شكلي سخيييف لو رجعت من نفسي


خايفه اتهور اكثر
ياليت رد باقي الاعضاء على هالنقطه

انا بدأت اندم على خروجي من البيت
الان استوعبت اني لعبت بالنار
وان ابليس اقنعني بتصرف خاطئ
صحيح لي الحق ان ازعل
لكن في بيتي
حتى لا اضع نفسي بهذه الورطه
او على الاقل اذهب ثم ارجع
ولا اناقش المشكله بالتلفون وانا عند اهلي

لو اني صدت زوجي بوضع سيء
او يخونني او حتى ضربني او لا يصلي
هنا بامكاني الخروج وهو سيندم
لكن ازعل واخرج بسبب كلامات تافهه
فهذا تصرف غير حكيم ابدا
انا اعترف الان بخطائي
ولو ربي كتب لي استمراريه مع زوجي
فمستحيل اكرر هذه الحركه ابدا ابدا

كنت اتوقع من تسكت وتجلس ببيتها بلا كرامه
واكتشفت ان هروبي هو الضعف بعينه
وربما وضعت شرخ كبير لعلاقتي مع زوجي
وهذا سيجعله يبرر تقصيره لسنه قدام

الان استوعبت ان بعدي عن زوجي يجعله يقسى
ويفكر فقط بعيوبي.. لانه حساس ويكابر
وبعدي عنه جعل في نفسه ألف شي وشي


الشيء الوحيد الذي قد أخرج منه بهذا المأزق
ان ابين لزوجي ان خلافنا مكتوم بيني وبينه
وان لا احد من اهلي يعلم باللذي بيننا
واني لا ارغب ان يطول البعد لهذا السبب
اي ان انهي الموضوع بحجه ان لايتدخل بيينا احد
لذا متررده في الاتصال عليه
اخاف ان اسمع كلام جارح ويزيد الخلاف اكثر واكثر

ومسأله ان اعود بنفسي للبيت تخيفني جدا
ثم افكر واقول ان زوجي سيقابلني بتجهم
وبعد كم يوم سيقدر اني احتفظت بمشاكلنا ورجعت لاجله
ثم اقول ربما يحدث العكس
ويستصغرني ويستخف بي لو عدت من نفسي


انا لعبت بالنار حين خرجت
ولا اريد ان ازيد النار واكبر الموضوع لوالدي
واعتقد شبه واثقه ان ابي سيسألني اليوم
لان بقائي عند اهلي اكثر من ذلك غررررريب

تصدقون لما اقرأ مواضيع الناس يضيق صدري
يعني اللي تشكي من زوجها مايهديها
اتذكر ان زوجي مغرقني هدايا وعزايم

واللي تشكي ان زوجها يخونها
اتذكر ان زوجي ماشاءالله مايشوف غيري
رغم كل المصايب اللي صارت بينا

واللي تشكي ان زوجها ما يحترم ابوها
اتذكر ان زوجي ماشاءالله محترم كل اهلي
ومكرمهم ومقدرهم

واللي تشكي ان زوجها مايصرف عليها
اتذكر ان زوجي يعصب اذا انا صرفت
ودايم يقول انتي زوجتي مسؤوله مني

واللي تشكي ان زوجها يفضل اهله عليها
اتذكر ان زوجي مايسمح لاهله يغلطون علي
وفارض احترامي على اخواته غصبا عنهم

هذا غير اني اذا مرضت يستأذن عشاني
واذا تعبت يقوم بشغل البيت بدالي
ولنا 3 سنين متزوجين وماشاءالله لليوم يتشيك لي
عمره ماجاء ينام جنبي قبل يفرش اسنانه ويتعطر


لكن وقت ماكنت زعلانه منه ماشفت الا عيوبه
كنت اشوف بس لسانه الزفز وهجره الفراش
ورغبته يعيش دور سي سيد في البيت
رغم ان لسانه مايصير زفر الا وقت مايتضايق
وشخصيه سي سيد عمليا ماراح تضرني
وحتى هجر الفراش مستجد له 6شهور
وهو قال نتيجه مشاكل سابقه
وانا الان فهمت انه بسبب خروجي السابق من البيت

ذاك الوقت جلست اسابيع ببيت اهلي
وخليته يتنازل ويعتذر بدل المره ألف
لانه وقتها طلقني بلحظه غضب
وكنت ابي اعلمه ان الطلاق مو شي سهل
ومارضيت ارجع له بالساهل
واظن لهذا السبب نافر مني بعد عودتي
واخاف اللي صار الحين يزيد نفوره
لاني عالجت المشكله بمشكله ثانيه


ما ادري ابكي والا اضحك
لكن الحمدلله على كل حال

كنافه دامك تبين زوجك وتشوفينه كذا
ارجعي لبيتك
ومب عيب قولي له عن مشاعرك تجاهه وانك تبينه ولا سويتي كل هذا الا لان نفس منه ياثر فيك
ورجعتي ماتبين ابوك يعرف بالموضوع وتخسرينه

انا اشوف مافيه شيء تقولين له الصدق
لاتكبر بينه وابوك وبنهايه انتي الي تخسرين وبنتك
ترا الرجل اذا صد صد ياقلبي
وكلمه من ابوك ممكن تخليه يطلق بالثلاث

هذا رايي والله اعلم
بس تنازلين ازين من تكبر بينه وابوك

__________________
سبحان الله وبحمده

كنافة انت الان تفكرين بعقلك .... استعيذي بالله وصلي ركعتين واطلبي الله الخير
ثم عودي الى بيتك واجعليه يحس بقيمته عندك بما انك سابقاً حاولتي ان تكسريه حتى يعتذر عودتك الان توضح له انك لانريدين كسره مره اخرى وانه غالي عليك وحبيب لك ولاتسطيعين تركه او اجباره على نفس الفعل السابق .. ايضاً وضحي له انك لاترغبين في اعاده المشكله السابقه بنفس الاحداث لانك لاترضين له هذا اول مره فكيف لوحصل مره اخرى

شيلي غراضك و رجعي بيتك حتا لو صارت مشكلة بس بتكون بينك و بينو

المشاكل الي بتطلع للاهل بتكبر و بتترك اثر بالنفس

انا افكر اتنازل هالمره
لان زوجي ما اتوقع بيقدم اي خطوه
بالعكس بيزيد عناد وتحدي
ويمكن اذا طالت السالفه اسبوع او شهر
تصير انعكاساتها اصعب
علي وعليه وعلى اهلي وعلى اهله
ولو رجعت من نفسي بعد مده طويله
بيقول جتني بعد ماصفقتها الدنيا
وبيفهم رجعتي استسلام وضعف وفشل
وممكن يعايرني فيها بعدين
ويقول لماعفنتي عند اهلك وماسألت فيك، رجعتي لي


لهذا السبب فكرت ارجع بيتي اليوم
بحجه ان ماعندي اغراض كفايه
او ما ابي اشغل اهلي فيني
او اي شي غير اشتقت لك وهذا الكلام
يمكن وقتها تطيح فكره الحرب اللي براسه
اذا شافني بارده ومو مهتمه وعادي رجعت بيتي
زي اي زياره قصيره لاهلي رجعت بعدها
ممكن هو بنفسه يستسخف اللي صار
واحاول اهدي نفسي كم يوم
واذا هو حاول يتودد لي بعدين اعاتبه انه ماجاء اخذني

احس حلو السيناريو
بس اعرف نفسي ما اعرف اطبق صح


الاقتراح الثاني اني اكلمه اليوم
واحاول اتفاهم معه باللين واقنعه ياخذني
حتى احفظ ماء وجهي ولا احرج نفسي
هذا صراحه اللي اتمناه
بس مخاطرتها عااااليه
لان احتمال كبير يعصب ويزعلني بالتلفون
او يقول كلام من نوع: ماهميتيني.. مو فاضي لك
وبكذا يكون من سابع المستحيلات ارجع له البيت
وهذا اللي مخليني متردده


شوروا علي جزاكم الله خير
اسفه ادري تعبتكم

قلبي لاتكلمينه بتزيدين الهوشات
بعدين انتي الي طالعه من بيتك من نفسك ارجع بروحك

كنافه نقاش بالتلفون مب مثل وجها لوجه

حبيبتي خلي الكبر شوي عنك هذا زوجك وانتي تبينه
ولا كسره كذا الا تصرفك السابق
وش فيها اذا بينتي له غلاه وانك تبينه صدقيني زوجك يحبك وانتي من بديتي بالجفاء من سالفه طلاقك المره الماضيه

لاتتعذرين ملابس ولا غيرها
الا اشبعي غروره وحتياجك له وقولي الصدق خلي الغرور ياحبيبتي

__________________
سبحان الله وبحمده

كنافه تكفين لاتكلمينه بالجوال
السالفه بتكبر زوجك اخذ بخاطره بقووه عليك
وكلامك معه بالجوال ممكن تنهي الي باقي لك معه

الا خوذي بنتك وروحي لبيتك
حبيبتي بقولك شغله ترا رجعتك لبيت ابوك مطلقه ماراح تتعاملين مثل زيارتك هذي مهما كان ومصيرك اخذه معدد
وبنتك الضحيه ياعند زوجة ابو ياعند زوج ام

تنازلي وتعوذي من ابليس وروحي لبيتك بدون ماتناقشينه نهائي او تنتظرين من مبادره او كلمه تطيب خاطرك حطي براسك الي كم شهر قدام هو يبيك ويغليك وانتي ياعمري بعض تصرفاتك معه كسرتيه

__________________
سبحان الله وبحمده

حبيبتي كنافه صباحك سعادة
شفتي شلون الخلاف الأخير خيرة لك
عشان تراجعين نفسك وتتخلين عن الكبرياء والعناد اللي كان فيك في الماضي
زوجك يحبك وانتي تحبينه
والخلاف راح تتجاوزونه بالإرادة والحب

سبق وذكرتي ان زوجك يتابعك في تويتر صحيح؟
حسناً
اكتبي في تويتر

اولا غردي بشيء عن الصباح وكم هو سعيد
<< ليرى انك سعيده ولست نكديه!

ثانيا اكتبي

أن الوفاء والحب لا يكفيان لإنجاح العلاقة الزوجية .بل قدرة الزوجين وحدهما علي مواجهة اي خلافات بأسلوب إيجابي يضمن تجاوز أي أزمات بدون تدخل طرف ثالث

انتظري لساعات
ثم اكتبي ربي اشفي بنتي فرحة دنيتي واطلبي الدعاء واختفي تماما

<< سيقلق وسيتصل انسي ان هناك خلاف اذا سألك اخبريه انها تعبت قليلا وخفتي عليها جدا ولكنها الآن بخير
تناسي ان هناك خلاف واسترسلي بالحديث فورا عن ابنتك بقلق وخوف انها قد ترتفع حرارتها فجأة وانك خائفه من ذلك وانك لن تنامي هذه الليله ستبقين عندها واسترسلي تماما وتجاهلي الخلاف
اذا سأل اجيبيه بلا كبرياء

بقول لك شي
وحده من خواتي فيها كبرياء عجييييب مثل زوجك ههههه واذا صار بينها وبين احد خلاف بسيط جدا ماتتنازل ابداً
مستحيييييل خاصه الاشخاص اللي سبق وتنازلت لهم وصدوها تعتبر هذا اهانه لكرامتها ومستحيل ترجع تتنازل لهم مره ثانيه على قولتها وتقول انها كانت غبيه وقتها !!
تدرين شلون تنسى الخلاف؟؟
اذا جتها صدمه

اتذكر اني اختلفت معها على شيء بسيط جدا هههههههههه
وشهور وهي مقاطعتني هههههه
وفجأة صار حادث بسيط لواحد من اخواني مادريت فيها الا تكلمني وخايفه ههههههههه
ومن يومها نست الخلاف
وكذا طبعها مع الكل تزعل وماترجع الى في حال صار لنا صدمه ههههههه

زوجك عنده فكره انك اهنتيه وصديتيه قبل وكنتي عنيده
غيري هالفكره اللي اخذها عنك
لانه مستحيل يتنازل مرة ثانيه ويهين نفسه -حسب تفكيره-

اعملي اللي قلت لك عليه واذا مااتصل انتي ارجعي لبيتك مع بنتك وعلى طول كلميه عنها وقولي محتاجه ملابسها وغياراتها لانها استفرغت ووسخت ملابسها
ولا تكثري تبرير بسرعه تكلمي بخوفك على بنتك وانشغلي فيها وابعدي عنه
وبعدها ارجعي طبيعيه

ومثل ماقلت لك اذا رجعتي قوي علاقتك بربك واقرأي سورة البقره
وقومي بواجباتك وطنشي
خاصه العلاقه الخاصه طنشيها تماما شيليها من بالك
لانه اذا كان عنده ضعف انتي تزيدينه بضغطك عليه لانه مو مثل ماتشوفينه يكابر ويعني مو هامني
لاااا هو يفكر اصعب من تفكيرك بس مو قادر وانتي بضغطك عليه تزيد قلقه وهو حساس خلقه
فيتوتر والتوتر يزيد حالته سوء !!!
انتبهي لذلك !!
من اصعب الأمور على الرجل ان يشعر بالعجز او عدم القدرة على اشباع زوجته !
هالشي يكسر رجولته داخلياً ومستحيييييل يعترف لك بهالشي عشان ماتهز صورته قدامك
ويمكن حاس انك سبق وكسرتيه وهالشي حاز بنفسه ويبعده عنك

اعكسي الفكره بتصرفاتك الجايه

ولاتحسسينه انك متوتره من هالموضوع ابدا واساسا المرأة لاتحتاج للجنس كالرجل فهي تحتاج الاحضان والحنان .. الخ لهذا الرسول صلى الله عليه وسلم اوصى بمداعبة المرأة لأن هذا ماتحتاجه فعلا من العلاقه
اذا رجعتي لبيتك انسي موصوع العلاقه تماما وحاجتك العاطفيه منه خذيها بنفسك
ضميه بوسيه وكل شي بنفسك اعمليه
وانسي موضوع الجنس تماماً
ارجعي لبيتك وبعد ايام وضحي له ان هدفك من الزعل مو اهانته ولا كسره ولكنك احتجتي للراحه فتره وارتحتي ورجعتي
زوجك طيب وحساس ويحبك وبينكم بنوته
غيري نفسك وقوي علاقتك بربك عشان تتغير حياتك

هو كان طيب وانتي عاندتي وكسرتيه وحزت بنفسه ورجع يستعمل معك منهج والده لأنه يظن ان الطيب ماينفع معك وان هدفك تذلينه وتكسرينه !!


بعد كم يوم من رجعتك قولي له من اليوم حنا انولدنا من جديد وفتحنا صفحة جديدة بحياتنا
انا انت وانت انا
واللي يزعلك يزعلني
واللي يقول عنك كلمة كأنه يقولها عني
ومستحييييل اسمح لأحد يقول عنك كلمة غلط او تنكد عليك
وحنا كبار وخلافاتنا بيننا حنا قادرين نحلها لا اهلي ولا اهلك يشوفون اللي بقلوبنا

نصيحتي لك للأيام الجايه لا افراط ولا تفريط
حبي ربك ثم رسولك ثم ابنتك ثم نفسك ثم زوجك

جربي اللي قلت لك عليه
وطمنيني عنك
بالتوفيق يارب
لن انساك من دعائي