سبحان الله قرأت موضوعك واستغربت من تفكيرك

زوجك قاعد يسلك لأخوه عشان لا يفتح معاك الموضوع ولايتدخل وهذا شيئ حلو وانتي معتبرته غلط انه يرد علين كذا احل ايش تبغيه يقول لأخوه تبغيه ينفذ كلام اخوه ويجيك ويكلمك في موضوع الورث؟؟؟

انتي الي بدأتي وفتحتي معاه الموضوع وطبيعي يعطيك رأيه بغض النظر عن سالفة أخوه لو السبب اخوه كان كلمك قبل ماتكلميه

مااعرف ايش مزعلك بالضبط من سالفة أخوه

زوجك تصرفه رائع جداً واخوه مالك شغل فيه يتكلم لبكره المهم تصرف زوجك معاه

المهم الي راح راح لا ترجعي تفتحي سالفة أخوه ركزي كلامك ع كب القهوه عليك واحراجك امام ام زوجك فقط

ياربي جاء العيد وكبرتي شي مايتكبر

زوجك كان مايتكلم معاك في موضوع الفلوس ومارتحتي حتى خليتيه يتدخل ويبدئ رأيه وهو كان ساكت الله يهديك ياسموره

اسلوبك معاه ف الكلام مو حلو كءنك فعلا شايفة نفسك بعد الفلوس

مع الاعضاء غير ان اسلوبك غلط بالرساله حتى
الاحترام مطلوب وجمله طلع لك لسان وشاطر تسوي كذا
غيره ماراح يعديها بالساهل غير انها مو وجه لوجه ممكن نقول ضغطك وانفجرتي
بالعكس رساله يمدي تاخذين وقتك وتفكرين وش تكتبين

سموره استهدي بالله
واذا جاء ابكي وقولي الله ياخذ الفلوس بتفرقنا
وسوي فيلم هندي وشويه دراما
وقولي له خلاص كرهت سيرتها لاتجيب سيرتها
وقفلي عالسالفه


انا كنت كاتبه باول رد انتبهي من تفتيشك
لكن ماسمعتي النصيحة
الحين تنازلي وقفلي الموضوع بالحسنى

للأسف سمورة ما تعاملتي مع الموضوع بذكاء و حكمة .. تهورتي و تسرعتي و خربتي على نفسك

الأعضاء فيه منهم عطوك خطوات تمشين عليها وماقصروا بس للأسف ما استغليتيها وقلبتي كل شي ضدك .

كذبت عليه ... ماكنت ابغى اكذب بس اضطريت .. قلت له مره تركت الجوال مفتوح وانا اخذته قبل لا يتقفل عشان اكلم امي ..وجاني فضول افتح وشفت بالصدفه الرسايل ... واعتذرت له ... وهو ماهتم للموضوع توقعت بيعصب وبيزعل ليش قرييت رسايله هو واخوه بس ماعطى للموضوع اهميه او لاني اعتذرت عشان كذا سكت ... قال هالفلوس بتجيب مشاكل ... قلت له كرهتها والله مابغى أخسرك ... ومن جد انا كرهتها ومليت من سيرتها.. واحس زوجي قاصد يكرهني فيها لان قبل مانتصالح قلت له يدي حرقتني ابي مرهم له .. قال حطي عليها اللي جابوها لك اخوانك...

الحين عدت على خير الحمد لله... وسألته وش قصة انك تبغى تتزوج... قال كذا فاضي بس حبيت اسولف مع امي عشانها زعلانه مني ...

قال لو انك مو يتيمه كان وريتك شغلك ...

وقاال كلام كثير وبما معناه اول عيد لك وانتي مو عند اهلك وعشان كذا بتغاضى عن الكثير وخلي هاليومين يمروا بسلام..
واعتقد كان هادي عشاني كنت ابكي واقوله ابغى ارجع بيتنا ..
وبعدين ياجنا انا مو شايفه نفسي بالعكس وماحب هالصفه للغير كيف لو فيني ..

شكرا لكم ..

__________________
-

فأجبر خَاطري .. بفيّض نعَمك ❤ ....

الاعضاء كفو ووفو
بس حبيت انبهج لنقطة وهي " شلون لو امتلكتي شيء "
هذا تصريح ضمني فيما يتعلق بالبيت و تسجيله ب اسمه
هالنوع من الجمل طنشيها ولا تتناقشين فيها
بحيث ان لا يفتح موضوع سجلي البيت باسمي

__________________

حاجة الناس إليكم من نعم الله عليكم ، فـ لا تملوا النِعم ☁✨

يلمح يصرح يطلق لو ماكتبت بإسمه ... مارح اكتب ... وان شاء الله بتبع نصايحكم ... اشكرك زين

__________________
-

فأجبر خَاطري .. بفيّض نعَمك ❤ ....

حبيبتي سمورة خلص هالسيرة ما عاد تفتحيها
ولو تم الارث ما تتحدثي فيه وان انفتحت السيرة من قبله اختصري
وشددي على كلمة المال آخر اهتماماتي وما بدنا نحكي فيه ويخرب علاقتنا لانهى اسمى من هيك بكتير
وزودي جرعة الاهتمام فيه بحيث تمتصي عصبيته

ربي يسخركن لبعض ويسعدكن دنيا وآخرة

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ان شاء الله ميمو ... اشكرك ...

__________________
-

فأجبر خَاطري .. بفيّض نعَمك ❤ ....