طلعت من الغرفه وماحصلته موجود طلعت برا وحصلته جالس يرتب المكان رفع راسه مبتسم ع جنب : الحمدلله ع سلامة الأميره
مارديت عليه جيت بدخل وقفني : ممكن لو سمحت يعني تجملين وجهي عند اللي راح يوصلون شوي وتنزلين من برجك العالي وتجلسين معنا بدل سجنك
إلتفت له : فيصل جد مالي خلق ..
قاطعني ورمى اللي بيده بعصبيه : وانا اللي لي خلق للمشاكل وضيقة الخلق انا اللي قلبت وحبست نفسي داخل ومو مقدر اللي يتسوى لي ولا اعتبرت الشخص اللي معي مزهريه وجوده من عدمه رِن الجرس وقطع علينا الحديث مر من جنبي معصب وضرب كتفه بكتفي : آآه
كمل طريقه للباب ولحقته : هلا ومرحب حياكم
جوخان : كيفك ؟ إشتقنا لك بالمكتب
مبتسم له : حتى انا والله خلاص ماعاد فيه غياب الشغل راح يكون أبدا من اي شي ثاني ع الأقل يثمر فيه
جوخان : شو ؟!
فهمت التغميزه يقصدني ☹
سمر سلمت علي وتبادلنا السلام ودخلنا داخل وجوخان وفيصل طلعوا برا يجهزون الأكل وانا وسمر سوينا لهم ولنا قهوه وبعدها جلسنا نتبادل الحديث ..
سمر بإهتمام : حالك مو عاجبني حتى فيصل حسيت كأنه صاير شي
ابتسمت لها : عادي متعودين هو الحياه معه كذا لحظه عسل وباقي الأيام علقم
ضحكت : هههههههههههه لا انت كذا بتظلميه هو صحيح مغرور وشايف نفسه وجاف لكن والله فيصل اللي بيفهمه بيعرف إله قلبه طيب كتير وحنون هو بس عصبيته دايما بتخرب عليه
بمسخره : ههه ع كثر ماقاله جدتي قبل وانت اللحين ماشفت هالطيبه منه وحنيته
بجديه : طيب ممكن أعرف شو المشكله اللي بينكم
حكيت لها وقالت : طيب ع حسب مافهمت وسمعت منك هلأ فيصل ماإله زنب هو معه كل الحق بكلامه وشعوره هيدا ، بتصرفك معه هيك مفكره انه هو اللي مانع عنك المكالمه ومابده تحكي جدك !!
ايه انا أظن كذا جدي مستحيل يتصل ومايتكلم معي ويتطمن بنفسه عليّ هو ي انه مايبي أكلمه او انه جدي مو بخير ولا يبيني أعرف عشان ماأطلب نرجع البلاد هو أناني ويحب نفسه كثير هو أساساً جابني غصب عني هنا وعشان يكسرني
: لا إنت غلطانه فيصل ماإجا هو وانت معه لنفسه صدقيني انت ظالمه فيصل كتير
ثرت عليها : عشان إِيش جابني هنا عشان العشق اللي بينا وانه مو قادر يبعد عني لحظه عشان كرامة زوجته اللي مسح فيها الأرض من بداية زواجهم هو سبب واحد فيصل يحب نفسه وعنده كرامته فوق كل شي واللي ماقدرت يسويه هناك قدام جداني بيقدر يسويه هنا ويكسرني
بهدوء: مثل شو طيب ؟ يعني فيصل جابك لهون من شان شو ؟
حطيت وجهي بين كفوفي وبكيت : مدري مدري بس فيصل ناوي يعذبني << رفعت راسي لها >> كل يوم كل يوم يعاملني زين أجلس انتظر ثمن هالطيبه يطلعها من عيوني عودني ع كذا ، هو حب يكسرني بإبعادي عنهم وهذا هو كسرني كل يوم أعاني من بعدهم واللحين مانعهم لا يكلموني ولا أكلمهم .
: طيب ماسألتيه هو ليش يمنعك تحكيهم
أسبابه فاضيه مره الوقت متأخر وراح نقلقهم ومرات تو مكلمتهم وكثرة الإتصال عليهم راح يقلقهم وانا والله ماأقدر ارتاح الا اذا كلمتهم بالي كله معهم وقلبي عندهم
: بس معه حق فيك تحكيهم بين فتره وفتره المفروض انت معه بسفرة شهر عسل وعمل بعرف انك معترضه لكن هما يفكروا هيك واللي فهمت من كلامك قبل انك رضيتي تجي معه حتى تثبتي لهم عكس كلامهم واتصالك الكتير بيثبت كلامهم انك مش سعيده معه ولا مرتاحه صح ولا أنا غلطانه.
بعد هدوء وتفكير : صح بس انا حيل خايفه وأحاتي
مبتسمه : لشو الخوف لو حصل شي لجدي او جدتي أكيدا فيصل يكون معه خبر وبياخذك إلهم ماتخافي حبيبتي
اهمم
مبتسمه : هلأ نجي للمهم
ابتسمت لها : إِيش !!
مبتسمه : علاقتك مع فيصل ؟!
اختفت الإبتسامه : وش فيها
هو سؤال صريح انتي بدك العلاقه تتغير وتتقدم ولا بدك تنهيها
عقدت حواجبي : مو انا اللي ابي انهيها هو اللي يبي وهو اللي خيرني بداية زواجنا واخترت أبقى لكن بعد ماصرح برغبته للزواج اخترت أنهي العلاقه اللي مش موجوده من الأساس اخترت أنقذ مابقى من كرامتي
: بس انا عّم شوف غير هيك فيصل بده العلاقه حاب يتقدم خطوه لقدام ولا شو ؟!!
ابتسمت سخريه : هو من ناحيه يتقدم انا ملاحظه الشي هذا بعد بس لييييش ذه اللي مخوفني !!
: ليش بالعكس علاقتكم تأخذ خطوه لقدام شي كتير حلو ؟
افهمي علي حبيبتي لو فيصل تقدم بالعلاقة وخذ مني اللي يبيه انا أنتهي بتحطم راح يكسرني لأشلاء متناثره بياخذ مني كل شي كل اللي أملكه وبيرميني مكسوره وضعيفه ويكون هو أرضا غروره وانتصر لكرامته .
سمر مصدومه : ماتفكري هيك حبيبتي فيصل مو نيته يكسرك
بأسف : فيصل خسر ثقتي فيه او بالأصح ماتركني أثق فيه
قطع علينا الحديث جوخان : الأكل خلص وانتو هون بتحكو
ستمبر مبتسمه: هلأ بنجي حبيبي
طلع وانا مصدومه منه : حبيبك ذه مره يتكلم باللغه العربيه ومره لبناني
ههههههههههه يؤبش قلبي بيحكي هيك من شاني
بحب : الله يديم حبكم ويتوجه بزواج ويسعدكم دوم
آميييييين يارب وإلك مثله ، حكينا مانتهى هون بدنا نكمله بس بعد الأكل
إبتسمت لها : إن شاءالله
فيصل كان شكله جد متضايق رغم انه يحاول يبين عكس طول وقت الأكل ماناظرني ولا تكلم معي واشوف علاقة جوخان وسمر ماحسدتهم لكن ضاق صدري بعد ماخلصنا أكل تجمعنا حول النار وتبادلنا الحديث سمر طلبت من جوخان يغني لهم في البدايه رفض لكن أصر عليه فيصل وطلب منه نفس الأغنية اللي غناها بيوم حفلتنا وعم السكون بالمكان الكل أنصت لصوته الرهيب بحته عجييييبه فيصل كان يترجم لي الأغنية بصوت واطي وأنبهرت منه يعرف لغة تركيه 😳
وبعد السهر والسمر ودعونا وظليت انا معه رتبنا المكان ونظفناه وكطريقة إعتذار : تبي أسوي لك قهوه معي
ببرود: لا ابي انام لأنه الفجر بنمشي من هنا
تحطمت : اوك << دخل غرفته وانا بعد دخلت حاولت أنام بس تفكيري بأني انا غلطت ولازم أعتذر منه عذبني >> اوووف << جلست أفكر كيف أعتذر وكل فكره تردني لورا ألف 😤
خلاص ناني وبكره أعتذري له هو أكيد نام اللحين ،،
وطلع الصبح صلينا ومشينا ع طول وطول الطريق أحاول أعتذر بس 😑
ملامحه مشدوده ماتشجع 😬 فجأه : فيصل مافيه مقهى قريب هنا طلعنا من دون نشرب قهوه وراسي مصدع مره
من دون ماينطق بحرف شوي ووقف عند مقهى وخذ كراسون وقهوه ودونات ورجع مده لي : جلست اشرب واناظر فيه وهو يناظر الطريق ويشرب من قهوته وساكت طلعت روج وكتبت ع الكوب حقي : فيصل افتح الكوب مو قادره اشربه كذا وايدي كلها شوكولا
خذ الكوب وانا مبتسمه لكن تحطمت رده بسرعه زممت شفايفي : ماابيه خلاص
ناظرني وانا مسويه زعلانه لكن مااهتم رد إلتفت وكمل قيادته وصلنا المدينة ونزلني الشقه : وين بتروح مو نازل معي
ببرود : لا طالع الشركه
طيب انا دخلت وهو مشى صعدت غرفتي دورت ع الجوال حصلته طائفي ركبته ع الشاحن وبدلت ملابسي خذت لي شور دافئ وبعده سويت لي قهوه وجلست أفكر كيف أعتذر منه وخطرت في بالي فكره بس قبل لازم أتأكد منه خذت جوالي رسلت له : (بترجع وقت الغداء )، إنتظرت يرد ومارد طول عليّ أكيد مشغول أنتظره يرد وانا اشوف وش فيه موجود ينطبخ وجهزت أغراضي وبعد ساعه رسل : ( لا ، لاتنتظريني تغدي انا برجع متأخر ع الليل )
فتحت عيوني ع وسعها وش يحس فيه هذا بيتركني كل ذَا الوقت لوحدي اوووووف رديت كل شي مكانه سد نفسي 😕
ومر الوقت وانا ملانه وطفشانه نعست ع الصوفايه فتحت عيوني لما حملني طوقت يدي ع رقبته ويد متشبثه بياقته همست : آسسفه
: هممم
رفعت راسي من ع صدره وناظرته: قلت آسسفه
طيب
عقدت حواجبي : وشو طيب أنا اعتذرت لك
ببرود : وانا قلت طيب
تحركت وجلست ارافس الا ينزلني : ي الخبل حنا ع السلالم بتطيحيني كذا ثبتي
بعناد : لا مافيه نزلني اقدر امشي
عند اكثر ومسكني أقوى ونزلني لما وصلنا : مجنونه
انت المجنون
طيب
عصبت : لا تقول طيب
طيب
اوووووف قلت لاتقول
جا بيمشي ووقفت بطريقه : وين رايح أنا هنا أكلمك
شد ع ايدي : وش تبين مني بالضبط
كشرت من الألم : إيدي توجعني
وخف من مسكته : وش تبين
ماده البوز : انت ليش تسوي فيني كذا
بهمس : وش سويت
ع وضعي : ذَا اللي تسويه
ايه وشو
: أنا عرفت غلطتي وأعتذرت لك اول مره ع الكوب وماإهتميت ولما سألتك ع الغدا كنت حابه اطبخ لك كإعتذار لكن تعذرت بالشغل وتركتني لوحدي لوقت متأخر ولما أعتذرت لك بعد ماأهتميت << بقهر>> معلق ع كلمه طيب لييييش تسوي كذا
أبعد عني خصلات شعري : لأنه ماابي منك أعتذار والسلام ابيه << أشر ع قلبي >> إبيه يطّلع من هنا
بس << منعني >> اووش تعبت والله تعبت من الشد الند معك تكفين هدنه
نزل تحت وانا جلست مكاني أفكر شوي ولحقته ماحصلته لكن سمعت صوت الماي في الحمام إنتظرته وطلع وكان شعره مبلول : وش فيك
شعرك مبلول
لمس شعره : أدري ، يعني نازله عشان شعري
لا جيت أقول لك حتى أنا تعبت وودي أرتاح
بإهتمام : وش اللي يريحك
ماأظن تقدر عليه
جربي
قل انت وش اللي يريحك
: ينتهي كل هذا و
قاطعته : ذي رغبتك من البدايه وانت اللي مطولها ليش جيبتني هنا وبعدتني طالما ودك تنهي هذا
تنهد : آآآه << تقدم وصم ع فمي بإيده >> لو بس تعطيني فرصه أقول كل اللي عندي كان إرتحت بس انت لا دايماً متسرعه وتفهمين اللي تبينه انا طالبك مره بس مره عطيني أقول كل اللي عندي وأرتاح
نزل ايده ونام ع الصوفايه : بتنام هنا
مغمض: ماودي أكون مزعج لأحد حتى لو ع سبيل راحتي
لا عادي تقدر تنام فوق
بس الأفضل نبعد ولا نزيد من أوجاعنا
سكت وقفت مكاني فتره وبعده صعدت غرفتي تقلبت بفراشي وكلامه يتردد عليّ ، نمت وجلست ع أبشع كابوس لكن ماكان جنبي وماكنت أدوره دورت ع جوالي ومن دون ماأشوف الوقت إتصلت ع رقم حافظته عن ظهر غيب وبعد طول الرنات وصلني صوته : هلا
قلبي ينبض بسرعه : جدي
بخوف : بِسْم الله عليك وش فيك
تداركت نفسي : مافيني شي ي الغالي إشتقت لصوتك وماقدرت الا اتصل عليك
وانا والله مشتاق لك واعد الإيام بصبر ربي يرجعكم بالسلامه
كيفك وكيف صحتك وجدتي وش أخبارها تاخذون علاجكم بوقته ولا
انا بخير وجدتك بعد والحمدلله ناخذ علاجنا بوقته وأمورنا تمام ، طمنيني عنك وعن فيصل ؟
تذكرت فيصل : الحمدلله طيبين
الجد بخوف : وش فيه صوتك مو عاجبني كلش
عدلت صوتي : أحم أحم ، يمكن لأنه كنت نايمه
أتمنى ي الغاليه
حبيبي انت لاتحاتيني انا والله بخير ومبسوطة بس مشتاقة لك
هانت ي ضي عيني قريب نجتمع إن شاءالله
إن شاءالله ، سلم لي ع جدتي وأخليك ترتاح
يبلغ ي الغاليه سلمي ع زوجك وانتبهي ع نفسك
إن شاءالله في وداعة الله ، سكرت منه وإلتفت وكان فيصل متسندع الجدار ويناظرني : إرتحتي تطمنتي عليهم تأكدتي إني ماأكذب عليك او أخبي عنك شي
فيصل أنا ...
قاطعني ونزل ولحقته : فيصل انا ...
إلتفت لي مبتسم : صدقيني مامنعتك لأنانيتي ولا لسبب ما غير لمصلحتك ، ليش لاحقتني تبررين اللي تبينه وصار كلمتيهم وتطمنتي عليهم خلاص صعيد نامي واتركيني أنام
لا ماراح ننام الا بعد ماتسمعني
مكتف: وليش أسمعك وانت ماسمعتيني قبل
طيب انا هنا تكلم والله بسمعك للأخير
يستهزأ: وبتصدقيني ولا بتشكين بنوايي
ع حسب اللي تقوله
فتح ايديه: تصبحين ع خير وانسدحع الصوفايه
وانا خنقتني العبره : أنا خايفه حيييل خايفه انا صدقتك والله صح تأخرت لكن صدقتك ومعك حق لكن حلم مزعج صحى خوفي وفكرت صاير شي وماانتبهت الا أنا متصله عليه وماأرتحت الا لما سمعت صوته << جلست ع ركبتي وبكيت>> حياتي متعبه كوابيس وخوف من الآتي حتى انت أخاف أتعود عليك ولا اقدر أتركك بعدين أخاف من معاملتك ذي أخاف من طيبتك ومن قسوتك الخوف صار جزء من حياتي << جلس قبالي ، رفعت نظري له >> مريضه صح اييه وابي علاج لخوفي ذه ابي أعيش طبيعيه مثل كل الناس انام مرتاحه وأقوم مرتاحه ماأخاف من اللي راح افقد او من بترك ماأخاف من اي خطوه جديده بحياتي ابي علاج للوجع اللي هنا << أشرت ع قلبي >> أبي أعطي وأستقبل من غير تفكير او خوف تعبببببببت << بكيت بحرقه وهو ضمني ويمسح ع راسي ويهديني >> أووووش خلاص أهدي أهدي ي قلبي آنا آسف آوووش
وانا أبكي : وانا بعد آسفه لأَنِّي ماصدقتك وآسفه لأَنِّي ماسمعتك وأسفه لأَنِّي تعبتك معي
بعدني ومسح دموعي وابتسم : بس يكفي دموع وإعتذارات إبتسمي أشوف
إبتسمت وعيوني تدمع ومسحها : اول مره اشوف بسمه بدموع بس جد حكاااايه
هههههه خبل
عليك تعلمت الخبال منك
أحسن لك
هههههه طيب ننام
لا ماابي مافيني النوم أمس كله بس نايمه
ناظر الساعه : باقي نص ساعه ع الفجر يعني تنفع نومه
لا مايمديك حتى تغمض عيونك ننتظر الصلاه ونام بعدها ، نوتر بالوقت هذا أفضل عسى ربي يفرج علينا
إبتسم : ع رايك يلا قومي
وبعد الوتر جلسنا مع بعض نسولف عادي ثم صلينا الفجر ونمنا ..

ومضه :
لانريد الا ماليس لنا ..
بالكاد هو مؤلمآ..
ولانستطيع المضي قدما.. 😔
#أدبية _الهوى

الجزئين الاخيرن مميزين حقاً إبداعا و صياغة ...
أحسنتِ

__________________
أشهد أن لا إله إلا الله و أشهد أن محمدا رسول الله صلى الله عليه و سلم

أتمنى أن ينال ع إعجابك حتى النهايه وسأنتظر ملاحاظاتك مهما كانت برحابة صدر 💝

تعجبينني يا وعد الطيبة

__________________
أشهد أن لا إله إلا الله و أشهد أن محمدا رسول الله صلى الله عليه و سلم

مبدعة ورائعة 👌

__________________
سبحان الله وبحمده..سبحان الله العظيم

صحيت من نومتي مع الظهر تروشت ولبست ونزلت تحت مستغربه هدوء الشقه دورت عليه وماحصلته إتصلت عليه ومارد سويت لي كوب قهوه ووصلتني رساله ( في إجتماع أكلمك شوي)

جلست ع الشرفه مع الكوب لساخن وبرودة الجو جلست أفكر بكل شي حياتي من البدايه الى أمس وبكلام سمر أنا وفيصل محتاجين للصراحه كذا ماينفع نكمل، بس أنا لو صارحنا بعض أنا بكون مستعده او بصدقه باللي يقوله انا تعبت تعبت ليش انا كذا ماكنت كذا أبداً من السبب باللي أنا فيه ياااارب ساعدني ، دخل وقت الآذان قمت صليت وقريت لي ورد اليومي ووصلتني مسج( عشر دقايق وأكون عندك جهزي حالك بنطلع نتغدا برا ) إبتسمت أنا بحاجه أطلع من هنا قمت جهزت نفسي ع السريع وأتصل علي أنزل ونزلت له وانا نازله تصادفت بمادلين: السلام عليكم
أنا : وعليكم السلام ، أهلين ، كيفك ؟
: منيحه كتير ، شو طالعه
إبتسمت لها : إيه بنروح نتغدا
تغيرت ملامحها : عافيه ع ألبكون
ودعتها ونزلت له : السلام عليكم
فيصل : وعليكم السلام ، وش فيك تأخرتي عليّ
: تصادفت مع مادلين وخذنا الكلام
فيصل ملامحه تغيرت : بأيش تكلمتوا
: عادي كلام عادي ليش تسأل
ناظر الطريق : كذا ، المهم وش حابه تاكلين
امممم اي شي المهم نغير جو
إلتفت لي مبتسم : ملانه صح ، أعذريني مضطر إتركك أغلب الوقت لوحدك
لا عادي مش مهم
رافع حاجبه : قصدك وجودك من عدمه
فتحت فمي بتكلم لكن منعني : عادي متعود ع الكلمه وحفظتها ، ماعلينا بس انت تعرفين عنوان سمر ليش ماتروحين لها
: صح بس سمر مو فاضيه كل الوقت وانت بعد مانعني أطلع لوحدي
بشده : أكييد طلعه لوحدك هنا مافيه اذا تبين تطلعين كلميني أطلع معك ولا أرسل لك حد أثق فيه
زممت شفايفي : اذا ع كذا الجلسه بالشقه أفضل
طيب نزلي وصلنا ، طلبنا الغدا وتغدينا وطلعنا نتمشى وتأملت بأطفال يلعبون وسرحت فيهم لدرجة أضحك معهم من دون ماأحس ضغط ع ايدي : تحبينهم
إلتفت له وانا مبتسمه: كثييييييير أضعف عندهم
فيصل يناظرهم مبتسم : الحياه من دونهم ماتسمى حياه هم حلاوة الدنيا الله يرزق كل من يتمناهم .
آميييين
وكملنا طريقنا إتصالات كثيره تجيه ومايرد عليها وانا إنزعجت بصراحة : من اللي يتصل وانت مصفط عليه
بدون إهتمام : شخص فاضي ماعليك منه
: بس إصراره يدل انه شي ضروري
قفل جواله : لاتهتمين وقتي كله لك ومعك وأي شي ثاني يتأجل
إبتسمت له وسرحت وإبتسم لي وضغط ع ايدي : وش فيك
صديت عنه : سرحت بكلامك
: ايه ليه قلت شي غلط
: لا بس غريب نوعاً ما
: وش الغريب فيه طيب
: انه يطّلع منك ولمن لي أنا
سكت ومارد وانا بعد سكت ومر الوقت مرتاحين ومبسوطين لعبنا ملاهي 😍كنت خويفه بس وجوده جنبي أعطاني شي من الأمان وع الليل جلسنا عند الجسر ع كلامه لقاء العشاق المكان جداً روعه بالليل منظر خيالي بس اللي تشوفه هناك مزعج ويمكن مزعج لي انا بس 😒 الأخ كان يضحك عليّ وع ردات فعلي : أمسك بريئه قطه مغمضه
منزعجه منه : شب وبعدين إحساسك هذا عشان إني إستحيت يحق لي أستحي قرف بصراحة كذا عند العلن وانت بعد المفروض تستحي ع وجهك وماتطالع
ههههههههههه طيب بس ملاحظه ي قطوتي أنا لما أكون معك مايهمني وش يدور باللي حولي
سحبت ايده نمشي من المكان : أقول نرجع للشقه أفضل
شدني من ايده وقربني: لا الا الليله ذي بالذات مانبي نرجع للشقه مالي مزاج لها
فتحت عيوني ع وسعها : كيف يعني ننام بالشارع
ضحك : ههههههههه خبله وربي أمشي بس نجلس لنا بمكان
جلسنا ع الكراسي وجالس ساكت وانا مليت : فيصل قم نرجع للشقه
بهدوء: ليش نرجع خلينا شوي
: بس أنا مليت وبردت
فصخ جاكيته ولبسني : اللحين تدفين
: طيب ليش ماتبي ترجع
: لأَنِّي مالي مزاج لها ودي بمكان كذا مفتوح ارتاح فيه
: ليش وش فيك
: تعبان وابي أرتاح
بإهتمام : تعبان من إِيش وش اللي يوجعك
حط ايدي ع قلبه : هذا يألمني ومو راضي يريحني
ومازالت ايدي ع قلبه صمت ليش سكت مدري إلتفت لي : ماودك تعرفين وش منه يشكي
مارديت عليه وهو صد : أخاف أنطق وأهدم كل شي بنيته بلحظه وأخاف أسكت وأزيد وجعي
سحبت ايدي من صدره : السكوت موجع لكن بعد يكون أفضل حل
كملنا جلستنا ساكتين ومر الوقت علينا كذا وأخيراً قرر نرجع للشقه وع طول نمنا ذيك الليله صحيح كل منا باله مشغول لكن تهربنا بالنوم ..
وطلع اليوم الثاني هو طلع لشركته وانا طلعت لمقهى مع سمر ودار الحديث بينا اللي هو عباره ع جلسات علاجيه وهكذا مرت أيامنا هو مشغول بالشركه وانا بجلسات العلاج اللي هو مايدري عنها ، حاولنا كثير مانتصادم مع بعض مرتاحين كثييير بالهدنه رغم أحياناً أفتقده إنشغل وابتعد كثير يقضي اغلب وقته بالشركه أحياناً أقول كذا أفضل عشان مانتصادم ونتضايق وأحياناً لا أبيه موجود إحتاجه وأفسر الأمر من الملل ، الحمدلله العلاج نفع معي كثير تغيرت بعض الشي وقررت أتقدم خطوه بحياتي وأطلع من قوقعة الماضي ومأساتها جدي صرت أكلمهم مرتين في الأسبوع وبحظور فيصل أحياناً نكلمهم مع بعض كوابيسي الحمدلله إختفت بس الله اعلم اذا كانت فتره وترجع !!
وبعد كل الأحداث هاذي وشغل فيصل وعلاجي قررت أبدأ أنا بالخطوه رتبت الشقه وجهزت عشا وطلبت منه يرجع بدري وصار لما رجع إستغرب الترتيبات مع انه كان عادي ومش مبالغ خفت يفكر لو بالغت بطريقته المعتاده : من زمان ماجلسنا ع وجبه انت ترجع من الشغل تعبان وتبي تنام وتطلع بدري قبل نفطر قلت اليوم غير وش رايك
مبتسم : جمييل << إلتفت لي >> ظنيت غيابي عنك يسعدك ماتوقعت بتشتاقين لوجودي كذا
مارديت عليه : أجلس بجيب العصير وارجع لك
رجعت له وكان جالس ع الطاوله وجواله بإيده ولما جيت تركه : عسى عجبك ترتيبي هو صحيح مو مثل الشيف فيصل لكن حاولنا نكون قريبين منه
بغرور : تتعبين وماتوصلين للفيصل لكن تحت أمرك نعلمك
شب زييين والله أني مو سيئه
ههههههههه نمزح معك بعد العشا جلسنا مقابلين الشرفه ونشرب قهوتنا رِن جواله وعطاه مشغول ورد تالي ونفس الشي آخر شي قال : أقفله أحسن
: من ذَا الشخص اللي دايم يتصل عليك وماترد
يشرب من فنجانه: إنسان تافه ومزعج
ايه من هو ذه
: لاتزعجين نفسك عشانه خلينا بجونا الرايق
عرفت انه يتهرب ومايبي يتكلم وبعد صمت قصير إلتفت لي : باقي أسبوعين ونرجع المملكه
بفرح نقزت : اي والله مرت الأيام بطيئة لكن الحمدلله مرت وقربت رجعتنا
ملامحه هاديه عكسي : للدرجه ذي تبين الرجعه وجودك معي ...
قطعته : لا لا والله مو اللي فهمته ماأنكر إني رافضه السفره ذي من البدايه لكن سبحان الله عسى ان تكرهوا شيئاً وهو خَيْرٌ لكم ، السفره هاذي غيرت أشياء كثيره وفادتني كثير بغض النظر عن بعض الأشياء << إبتسم ، وإبتسمت له >> بس لابد نشتاق للبلاد وللأهل والغربه لو اسبوع تحن لأهلك ولبلادك كيف شهر حنا لو سافرنا عمره ولهنا كيف بلاد نجهلها .
مسك ايدي : يعني مبسوطه معي
هزيت راسي ايه وانبسط وعدل من جلسته وقابلني : يعني << وسكت لحظه وناظر بعيوني >>
إبتسمت له : وش فيك سكت
إبتسم : خايف أتكلم وأخسر أجمل لحظه بحياتي
ههههههه إنعديت مني بالخوف
هههههههه شكل
طيب خذ نفس عميق وطلعه ثم قل اللي تبي تقوله بشجاعه ههههههههه
طيب << نفذ كلامي ، ومسك ايدي وقال : أحبببك
تصنمت مكاني وأختفت كل ملامحي وبردت أطرافي وهو ناظرني كذا واختفت إبتسامته: مصدومه صح أدري بس
قطعته ووقفت لكن مسك ايدي ومنعني ووقف قدامي : بما إني قلت إسمعيني لأخير ع الأقل
صميت ع أذوني : لااه ماابي أسمع شي تكفى أتركني أطلع الغرفه تكفى
سحب ايدي من أذوني ومسكهم : لا بتسمعين كفايه هروب ومكابر أنا تعبت وانت بعد من حقنا نرتاح ونبدأ من جديد ، إيه أحبك إنعميت ع عيني وحبيتك
عقدت حواجبي وابتسم : يمكن ماأعرف أعبر لكن والله إني صادق ومو نيتي ألعب عليك او اكذب او لغرض شخصي والله العظيم حاولت أحارب الشعور هذا وأكابر ع نفسي هربت منك كثييييير خايف من إني أحبك وأخسر نفسي لذالك قررت أبعد مهما كان الثمن عزتني نفسي وكبريائي كرهتك وحملتك كل المسؤليه رغم انك ضحية مثلي أكره وانزعج لما اعرف انهم اخطوا عليك او أزعجوك لكن اتذكر كبريائي وأقول تستاهل عساها بزود بعدت عنك ست شهور خصوصاً لما تواجهنا واعترفت لك كرهت وجودي معك بمكان لأنه يومها حسيت بظلمي كرهت جدي وابوي اللي حطوني بالموقف هذا طولت بالغياب لكن شي ردني للبلاد وتعذرت لكم انه شغلي انتهى هناك وانا والله لو ابي طولت الشغل لأنه انا مديرها لكن رديت لك تدرين ليش
مارديت عليه ظليت ساكته وكمل : انت السبب مافارقتيني لحظه رغم انه ماكنا مع بعض ولاتواجدنا كثير يمكن ضميري هو سبب وجودك معي دايم حتى بنومتي تشاركيني قررت أرجع وأنهي الحياه المتعبه وواجهت أمور كثير مثل كلامي مع منى ومصارحتها معي وعرفت منها وش كثر عانيتي من الناس وكلامهم ومن اختي بالذات أنزعجت وكرهت نفسي كثير كلمتك بيومها ابي أخفف عنك وأبيك قدام عيني واسمع لك مثل ماكنت تفضفضين لمنى لكن مدري ليش كل ماكنا مع بعض اتغير وابي بس انرفزك واكرهك فيني وأبعدك عني وقلت لك إني بتزوج << حاولت جاهده ماأبكي ، كمل كلامه >> في البدايه سبب قراري والله يشهد هو إني ابي أعتقك مني اعرف نفسي واعرف كبريائي وعزة نفسي ممكن تدمر الشخص اللي يواجهها وتقلبه رماد ، والسبب الثاني هو انتقام لكبريائي بس الفكره كلها تلاشت بلحظه لما قلت أطلقك رغم انه هذا المراد لكن حسيت رصاصه أخترقت قلبي أستغربت الشعور هذا ، فضفضت لزيد عن كل شي لأنه يعرف من البدايه مثل ماقلت لك قبل وواجهني بالحقيقه اللي انكرتها وهو إني أحبك وأكابر لكن نكرت وخربطت معه بالحكي حتى ضايقته مني وطاب مني أطلقك وهو ياخذك يومها ماشفت قدامي وإنهلت عليه بالضرب وهو جلس يضحك رغم ضربي المميت له وقال لي ( إنت تحبها وميت عليها بس تكابر ع نفسك عزة نفسك فوق كل شي حتى ع حبك ، تذكر قبل زواجكم لما طلبك جدي ورفضت وانا تدخلت وطلبتها لي وساندتني انت لكن جدي رفض ، وشوف نفسك اليوم عدت لك نفس الحكي لكن ردة فعلك تغيرت قبل رحبت وشجعت واليوم ثرت وعصبت إسأل نفسك ليش وش تغير وتعرف انه كلامي صحيح ) رجعت البيت وكل ماأتذكر كلام زيد أرد أنكره لكن من تذكرين لي الطلاق أعصب وأثور لما أتخيلك مع حد ثاني او زيد مثلاً حاولت أتغير وصار الين ذاك اليوم << شد ع مسكته وآلمني بس ماتكلمت>> شفتك مع الخسيس وانهالت عليّ أفكار خايسه وانعميت إنقههههرت وشب نار بصدري شعور قاتل وفضيع عقلي وقف من اي شي ثاني وظل منظر اللي شفته اخر صوره تمركزت عليه عيوني وثبته عقلي ضربتك ورميت عليك كلام نفسي ماادري كيف قلتهبس كنت أبي أنتقم لذاتي ومن حبي لكن مثل كل مره إنت تصفعيني بكف أقوى وتنتصرين عليّ من ضيقتي يومها وشعوري إني ظلمتم وأنك طول ماأنتي معي راح تنظلمين أكثر تكلمت واعترفت لجدي بكل شي واتهمتهم بأنه هم السبب بكل شي متناسي مرضه كل همي إني اعتقك مني وأبعدك جدي ماقصر يومها زاد عليّ وطلبني أبعد وماأتدخل فيك من يوم ورايح وانه اتزوج واستقر بعيد عنه وطلب مني << شد أكثر >> أط طلققك كون إني أقرر شي وأنفذ شي ثاني رفضت وعصبت عليه نسيت سنه وشيبته ( قبل سمعت لك وطاوعتك وتزوجتها لكن مستحيل اسمع لك مره ثانيه وأطلق مثل ماغصبتنا ع بعض تحمل نتيجة هالزواج مهما كان ) عانيتي مني ومن أشياء ثانيه كثير وماكنت لك خير سند ولكن لما قربت منك حسيت فيك وتعلقت فيك أكثر يومها أعترفت لنفسي باللي حاولت جاهد أنكره أني حبييييتك لا انا عشقتك وأعترفت لجدي يوم أصر ع انه اطلقك كذبني مثلك لكن بالنهايه صدقني والسفره للسب هذا ولأسباب ثانيه لكن الغايه الأولى هو إنه نتقرب أكثر من بغض وأتأكد من مشاعري ناحيتك ونبدأ من جديد نعطي نفسنا فرصه لكن واجهت أسباب ثانيه منعتني أصرح لك في البدايه لكن الحمدلله جات هالفرصه ومابيها تضيع صدقيني هديل أنا أحبك وأبيك ومو عشان انتقام ولا غرض شخصي وراح أثبت لك انا بظل معك مثل أنا وماراح أقرب منك الا لما تتأكدين بنفسك وتصدقيني رغم انه صعب لكن وعد بصبر مثل صبرك وأكثر شوي .
سحبت ايدي منه لما ارتخى من مسكته وكان ينتظر مني كلمه لكن كل اللي صار إني سحبت نفسي من المكان وصعدت بهدوء فوق بدلت ملابسي وتغطيت وغمضت عيوني وتركت دموعي لوحدها تحكي ..

ومضه :
صه ..
فقط إنصت لتلك الدموع وستدرك مالم عجزت عنه الشفاه ..! 💔

وفقك الله يا وعد لما يحبه و يرضاه !!!.
فنانة تبارك الله

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الرائع تواجدك هنا بين حروفي 🌷

جميعاً حبيبتي الأجمل من كل هذا هو دعائك أكثري منها عزيزتي ولَك مثل ذالك 💝

ليله كئيبه وحزينه لم اذق طعم النوم وهو كذالك لم ينم أسمع بخطواته لكن لم يتجرأ ويقابلني يمكن خاف من المواجهه حالياً ويمكن ماعاد فيه حكي للمقابله إنتظرنا الشمس لما طلعت هو خذ ملابسه وطلع وانا ظليت مكاني حايره وخايفه ع حالتي المبهدله رِن جرس الشقه وتركته ماكنت ابي أقابل اي حد بحالتي هاذي شوي ورن جوالي وكانت سمر : هلا
سمر بخوف : وينك انا عند الباب بدق مابتردي بيك شي حبيبتي
بتعب: لا اللحين بفتح لك
سكرت منها وفتحت لها الباب وأول ماشافت حالتي ضمتني وانا كنت ابي بس الوكزه وأبكي وبعد ماهديت سمتنا فتره وماسألتني وش فيني يمكن لأنه تبيني أنا أبدا : قال لي أحبك قال لي كل شي من سافر ببداية زواجنا لليوم هذا قال أحبك بكل بساطه كان يعرف بمعناتي والكلام اللي يرمى عليك وساكت ولما عرف انه يحبني تحرك وقرر انه يبدأ من جديد حتى بحبه لي أناني لما أكتشف حبه هذا قرر يبعدني عن اللي أحبهم وهو يحتل بحبه يصل ماراح يتغير ماراح يتغير ذي كذبه كذبناها ع نفسنا فيصل هو نفسه فيصل .
بتفهم : انتي من شو مزعوجه من إعترافه لإلك وإلا من شي تاني
بعصبيه: من كل شي مزعوجه من فيصل نفسه وأنانيته من اعترافه لي بكل برود قال أحبببك طيب وانا واللي أحبهم
قاطعتني : دقيقه هدوله الانسان لما يوقع بالحب هذا الشي مو بيده يقرره ولا يقدر يمنع حاله منه وفيصل زات الشي لما كان ينفر منك ويبعد كان عّم يشوف كرامته أبداً شي لكن بالحب مافيش كرامه لهيك خسر زاته وكرامته اللي عّم بيشوف انه انهانت من بيه وجده ومنك وبعرف بتقولي انا مالي دخل انا ضحيه ايوه بعرف هاد الشي وهو كمان بيعرف لكن لما الشخص بيستسلم لأفكاره وقناعاته بيعتمي عن الحقيقه ، لكن لما فيصل أستوعب هيدا كله قلبه هزمه وخسره وسلمه لإلك صدقيني فيصل مو أناني متل ماأنتي مفكره فيصل إنسان طيب وبيحبك كتيير فيصل إله أسبابه التانيه لازم تسمعيه وتفهميه ماكان نيته نفسه أبداً ، وأنا عّم شوف رفضك لحبه ولكل هالحجج الفاضيه سببه واحد وهو خوفك من حبه صح ولا أعترفي لحالك لو مره لترتاحي
نزلت راسي وحارت ع خدي دمعه : ايه خايفه وبقوه بعد
تمسح ع شعري : من شو خايفه حبيبتي مو حنا عدينا الخوف هيدا وقررنا مع بعض نبدأ خطوه لقدام من دون خوف ليش أنهزمتي له وسلمتي حالك من تاني لإله
سحت دمعتي ونزلت غيرها : قررت أتقدم خطوه واترك كل الماضي والخوف وراي قررت أعيش اللحظه من دونهم لكن فيصل ماساعدني وردني للخوف بيده سلمني له مثل لما قررت أتزوجه فكرت هو المعين والسند لي بعد الله لكن خذلني ولما قررت بنفس التفكير خذلني للمره الثانيه
بإهتمام : بشو خزلك هي المره
ناظرتها وعيوني كلها دموع : مو سهل علي والله انه يعترف لي بحبه أنا أصلاً كنت خايفه من قبل أتعود عليه ووجوده بحايتي كنت خايفه أتعود ع معاملته اللطيفه لي كنت خايفه أتعلق فيه وصار هذا كله وكل يوم أحط احتمال بأنه اليوم هذا راح يتبخر كل شي وفيصل يرجع نفسه فيصل وانه هذا كله حلم او هدنه لحرب مميت وبعد جلسات العلاج فهمت انه هذا ماله داعي وإني لازم أعيش كل لحظه معه براحه عشان اطرد هالخوف من قلبي وعقلي لكن اللحين عرفت بحبه لي اخاف استقبل الحب هذا وأحبه وتكون علاقتنا جديه وأصحى باليوم الثاني ع خذلان وأكون خسرت كل شي بتحطم ي سمر والله بتحطم وماراح أتحمل << حضنتها وبكيت وهي ظلت تُمسح ع شعري وساكته >>
وبعد ماهديت صلحت لنا قهوه وطلعنا ع الشرفه وبجديه: انا بحكيك هلأ كوني صديقتك مش دكتورتك او نصيحة علاج << إلتفت لها بإهتمام >> حبيبتي حكيت لك قبل هلأ إني مريت بمرحله من حياتي متعبه جداً وطلعت منها تمام بمساعدة صديقي فيصل طلعت منها صحيح والكل مفكر إني رجعت قويه لكن انا من الداخل مهزوزه ومكسوره ماحدا يعرف هاد الشي حرصت ع انه مايبين حتى ماأضعف وأكون ضحية نفسي كزبت كل شي وماعدت أثق بكل العلاقات حبست نفسي بقوقعتي ومنعت عني أجمل شي بالكون وهو الحب لما قرب مني جوخان واعترف لي بحبه صديته وبعدت عنه وقلت لنفسي أكسريه قبل يكسرك وضيعت سنين كتير بهذا القرار ولو ترجع سنين لورا ماخذت القرار هيدا تعرفي ليش لأنه ضيعت عليّ أجمل وأرق شعور من أصدق شخص بحياتي تحت كابوس الخوف لو ماسلمت حالي إله كان عشت الحب هيدا وماضيعت يوم من عمري بدون حب جوخان ندمانه كتير إني سلمت حالي للخوف وندمانه أكتر ضيعان كل السنين وبتمنى إني لحقت عمري بالوقت المناسب عهدت حالي إني بعيش كل لحظه حب منه وبستمتع فيها واطرد الخوف نهائياً من حياتي وهلأ عّم فكر توج علاقتنا زواج كفايه تضيع وقت بدّي شوف ثمر هالحب بدّي عوضه عن صبره علي بدّي أعطيه كل الحب اللي حرمت حالي وحرمته منه قررت أنسى كل الجراح والماضي وزته ورا ظهري وأبدأ حياتي من جديد عنوانها زاتي أولاً وجوخان حبيبي بعدها وهلأ أنا بقمة سعادتي وراحتي ماتفكري انه حياتنا عسل وأيام ورديه لا لابد فيه مشاكل أصلاً هي نكهة الحب لكن بنرجع بعدا أقوى وبحب أكبر الحمدلله لهيك نصيحتي إلك ماتتركي خوفك من أوهامك يمنعك من أجمل وأروع أيام حياتك وتضيعي عليك سنين بخوف ماإله داعي حرري زاتك وقلبك من قيودها وأطلقي عنانها إتركيها تحلق بسما الحرية والراحه وتستقبل الحب من دون خوف بكره طالما حبك بالحلال ماتخافي من شي أبداً سلمي حالك لحبه وأستقبليه وماتمنعي قلبك من انه يحبه .
بخوف وتوتر : بس أنا ...
قطعتني مبتسمه : أنا مابقول لك سلمي حالك سلميه جسدك ولو انه من حقه بس بحالتك بيقدر ومابيغصبك عليه ماتخافي وانا بقصد سلمي قلبك إستقبليه واتركيه يحبك وحبيه انت كمان ماتمنعيه شوي شوي راح تلاحظي إنك جاهزه لكل شي ومستعده تعطيه حتى انت بتكوني بدك هاد الشي يصير فاهمه علي حبيبتي
ابتسمت لها براحه : إيييه حبيبتي انت مهونه علي أشياء كثير وان كان للسفره هاذي ميزه فهو معرفتك وإني قدرت أتعالج ع يدك وتشافيت بفضل الله ثم فضلك
ضمتني : وانا زات الشي وأكتر حبيبتي .
وجلسنا نسولف عادي وبعدها إستأذنت مني وراحت وانا جلست أفكر بكلامها وقررت أمشي ع كلامها خذت جوالي بكلم فيصل بس هونت وخطرت ببالي فكره أفضل وبعد العشا جهزت نفسي وخذت جوالي وطلعت وتمشيت ورسلت له ( أنا طلعت من الشقه وجالسه بنفس المكان أحتريك لاتتأخر عليّ تعرف انا لوحدي هنا ) ومانتظرت الرد لأَنِّي أعرفه رده راح يكون مباشر 😁
ونص ساعةالمصائب هو قبالي إبتسمت له قبل يهاجم : أهلين
عقد حواجبه : هلا . انا ماقلت لك اذا بتطلعين كلميني قبل
نفس الإبتسامه : وكلمتك أقصد رسلت لك
بنفس الحده: انا قصدت قبل تطلعين مو بعد ماتطلعين
ع وضعي : انت خايف من إِيش ي ابن الحلال ريح حالك ماراح يصير لي شي
بنفس الحده : هذا ظنك واحتفظيه لنفسك بس انا أعرف منك بالبلاد الغريبه وباللي ممكن يصير فيها مسكت ايده وجلسته جنبي : طيب آسفه وأحاول المرّه الثانيه أنفذ اللي قلته
بحده : مافيه أحاول حبيبتي فيه أنفذ
نبض قلبي وشديت من مسكته من كلمه حبيبتي اللي متأكده طلعت كذا منه من دون مايحسب لها وهو لاحظ علي وسحب ايده مني وفكر انه ازعجني لذالك غير السالفه : ايه ولش مناديتني هنا وتحتريني أظن انه له سبب
إبتسمت له : وكيف عرفت ؟!
مبتسم ع حنب: بحكم معرفتي فيك كان طلعتي ورجعتي ولا إهتميتي تقولين لي وبعدين راسله تحتريني معناته فيه سبب
توترت وقلت : جيعانه
انصدم وفاتح عيونه مستغرب : وشو ؟!
ضحكت : هههه جيعانه ابي أكل يعني
ناظر فيني مستغرب وقال : وش ودك تاكلين
مبتسمه: ع ذوقك
طيب يلا مشينا
مسكت ايده : خلنا نمشي ماابي السياره
ابتسم : طيب بتركها هنا ونرجع لها تالي
ومشينا للمطعم وتعشينا ساكتين وان تكلمنا كلمه او كلمتين توتري قبل منه كان اهون بكثير من توتري اللحين بعد إعترافه لي ..
وبعد العشا تمشينا وطلبنا لنا آيس كان رافض بسبب برودة الجو بس قلت له خاطري فيه ومو كل يوم بكون في لندن انا رضا بعد جهد وجهيد 😁
قطع علينا لحظة التناغم والروقان نغمة جواله 😤 وكالعاده يرن ويقفله تركت ايده وبحزم : اوووف منك ومن جوالك انا اللحين ابي اعرف وش سالفة المتصل هذا
سحب ايدي وشدني له وحوطني من خصري : أمور عمل مالك فيها وهذا مساهم وماعنده سالفة إتركينا منه وخلينا بنفسنا
ماصدقته عارفه انه هناك شي ومخبيه عني : لا انا تعبت خلنا نرجع الشقه
ناظر فيني مستغرب : بس الليل تو بأوله ولندن بالوقت هذا تحلو
معنده: لا ابي ارجع افهم تعبت وابي ارتاح
مارادد معي : طيب ، بس نروح للسياره << ظلينا نمشي الين وصلنا مكان السياره وهو كل شوي يناظر فيني ويراقب حركاتي وانا أصد عنه وأفكر وش مخبي علي وش ذَا المكالمات المزعجة وصلنا الشقه ومن قبل لا ينزل نزلت دخلت الشقه وغيرت ملابسي ودخلت فراشي وهو صعد يأخذ ملابسه وناظرني فتره ونزل : اوووووف ليش تحب تعيشني بمتاهه ليش ماتصارحني وتقول الصدق اوووف << بلحظه تذكرت كلام سمر واللي كنت ناويه عليه وكيف خربت كل شي عضيت ع شفاتي قمت من فراشي ومشيت بخطوات هاديه وناظرته من فوق وكان جالس ومغمض عيونه وراد شعره بإيده ع ورا ، رجعت مكاني وجلست أفكر كيف أصلح اللي خربته وخذت جوالي ( نمت ؟!
رد ( لا .
خبله وشو نمت ادري انه مانام وش تبينه يرد يعني مع سؤالك هذا ي خبالتي والله اووف جلست أفكر وأفكر ( ليش مانمت سببه الإتصالات مثلاً ) من غباء لغباء أكبر 😒
رد ( قلت لك لاتفكرين في الإتصال لأنه مش مهم واللي مانع عني النوم شي ثاني )
رسلت ( من ؟!
رد ( جوابي مايعجبك لذا أحتفظ فيه أفضل )
عرفت انه يقصدني رسلت ( طيب أحكي لك حكايه يمكن تنام &#128522
رد بفيس ( &#128522
رسلت ( كان هناك شاب وسيم جداً يحب نفسه كثير وطموح أبعد عن الناس اللي يحبونه لأجل طموحه ونجاحاته كان حر نفسه وقرارته وفي يوم من الأيام أرغم ع فعل شي ضد إرادته ورغبته شاف الشي هذا اذلال لكرامته دخلت في حياته العمليه والممله فتاة جميله وعشان يبعدها ع حياته الجميله بنظره صدها وعذبها لكن أراد الله شي لم يتوقعه هذا الشاب وهو انه وقع في غرام تلك الفتاه وأعترف لها بعد جهد وجهيد لها لكن لم يكن بالحسبان هو صد تلك الفتاه له كان متوقع كل شي بسيط وهين وكلمة أحبك راح تجبر كل شي مكسور وينتهى الأمر بنهاية قصة سعيده لكن رد الفتاه هو الإبتعاد ومقابلة الحب هذا بالصد !! فكر الشاب انه الحب هنا إنتهى بعد تصرفها وممكن فكر انه بالحركه هاذي إنهان وانه كرامته اللي يراها كل شي تمزقت بسبب الحب هذا لكن الفتاه كانت محتاجه تبتعد حتى تجمع أشتاتها وتفكر بهدوء تام عشان توصل للحقيقة الشاب مايدري وش كثر عانت وتعبت الفتاه لأنه دايماً كان بعيد عنها ومايفهم سبب تلك الدموع غير انها ضعف الفتاه لكن لو جرب مره وسكت كان سمع حكي تلك الدموع وعرف بمعاناتها اللي ماقدرت شفاههاتنطق فيها ، الفتاه كانت تبي تقول له اليوم انها مستعده تبدأ معه حياه جديده وعلاقة صادقه ومن البدايه بس خجلها وتوترها منعها من ان تتكلم واللحين هي أرسلت له وتقول حبك بالقلب محفوظ لكن تريث عليها شوي الين هالقلب يتعافى كلياً ومستعد يعطي مقابل حبك ) لما رسلتها تقدمت بخطواتي وناظرته من فوق وانتظرته يقرأ وكان مندمج فجأه رفع راسه لي ورد لجواله يقرأ ثم وقف وناظرني وابتسم أومىء لي براسه وأشر ع جواله اذا هذا صدق والله ضحكت وهزيت له راسي ايه ورد يقرا وصرخ من فرحته وجاني ركض وضمني بقوه كان فرحان مبسوط وانا خفت للحظه لكن طردته قبل يتمكن مني وقابلته بنفس الحضن وضميته ولما حس بأيدي ع ظهره شد أكثر وضحك مبسوط : هههههههههههههههههه ، بعده ابتعد عني وقال : مستعد أنتظرك العمر كله وراح أثبت لك صدق حبي وراح أداوي كل جروحك اللي كنت سببها واللي ماكنت راح أنسيك كل ماضيك المؤلم واعيش معك حاظرك اللي كله فرح وأبني لك مستقبل كله سعاده << نزلت دموعي غصب عني ومسحها لي >> راح انهي الدموع هاذي للأبد وأبدلها بضحكه دائمة وهذا وعد الفيصل ، ضميته ولأول مره أتجرأ وأسويها بإرادتي حطيت راسي ع صدره وباس راسي : تطمني ي الغاليه ي معشوقة الفيصل خوفك هذا بيدي راح أنهيه وماراح يصير بينا شي الا لما تكونين مستعده له << ارتحت كثير من كلامه وشديت ع حضنه شوي الا احس رجولي تطير وصار يدور فيني ويضحك بصوت عالي وضحكت معه ع خباله >> انا اليوم ملك مااحد قدي انا مبسووووووووووووووووط فرحااااان آآآه وأخيراً حبي الوليد بيكبر وأخيراً راح أتكلم من دون ماأتردد وناظر عيوني : انا ما أحبك انا عديت الحب بأشواط أنا مجنوووونك وربي يشهد
دمعت عيوني مدري فرح ولا من شي ثاني لكن اللي اعرفه إني ماأقدر أقول شي ولا احس بشي مثله وضمني وهو حاملني : ههههههههههه قلت انه الحكايه راح تنومني وانا بعد الحكايه ماعاد فيني نوم صرت أنشط من كل يوم
ضحكت عليه : ههههههههههههههههههه بس انا فيني النوم نزلني أشوف
نزل فيني لتحت : تخسييين تطيرين نومتي وتتركيني أسهر لوحدي مافيه نوم ي ماما سهرانين سهرانين وبكره الشركه مسحوب عليها ها وش رايك فيني
هههههههه هو باقي رأي ينقال طيب وش نسهر عليه
امممممم اي شي المهم أعيش هاللحظه ماابي أضيعها أخاف انام ويطلع حلم
لا مو حلم حقيقه اممم كل يوم أقرأ الرسالة وتأكد هههههههههه
ضحك : ههههههههههههه كأنك تدرين وش بيصير الرسالة ذي راح تتم بالمحفوظات ماراح تنمحي أبداً
هههههههه كنت أظن إني بس أنا خبله طلعت متعدي بأشواط انت
بهيام: لا والله الا هذا جنونك ومايسوي
للدرجه هاذي تحبّني
وأكثر والله العظيم راح أثبت لك صدق كلامي وعد
ضاع كل الحكي وظل مكانه صمت وتبادل النظرات اللي كل نظره فيها دواوين حكي ..

ومضه :
لنعيش اللحظه مهما كانت نعيشها من دون خوف او تردد ناسين الماضي تاركين أوجاع الأمس ، عِش لحظتك ولاتفكر حتى إِيش بتكون اللحظه الجايه ، لاتفكر ببكره وأحداث بكره فقط عِش حلاوة اللحظه ولاتحرم نفسك من متعتها 💝