(انقلبت الآية)
ومن كان السبب في قلب الآية؟
مين كان السبب في تغير زوجك عليك؟

يابنتي ماعندك أهل زوج متحكمين فيك أو مسيطرين على زوجك
ولا عندك شي إنت غلبانة فيه في حياتك

مع ذالك عايشة تعيسة مع زوجك..
ليش يابنتي ليش
وربي إني مقهورة عليك ومتألمة عشانك

نصحناك أشكال وألوان مع ذلك ماخطيتي ولا خطوة..ليش؟

نفس كلام ام الدان
آْنَـتي اللي دربتي زوجك خلال العشره على مدة البوز بدون شعور منك
بكل بساطه اكتسب تصرفك وانتي اللي تغيرتي الان ( صار تبادل ادوار )

شوفي تصرف روح الطير ، اكاد اجزم انها هي اللي دربت زوجها من خلال العشره على عدم الجدال بالمواقف التافه وتحويلها لضحك ، اثق انها هي اللي جعلته يعتاد على هذا الطبع منذ البدايه

الحلول المقدمه من الاعضاء فعاله وناحجه ولكن نحن دائما نرغب بالحلول السريعه
لاتقولي انا سويت وفعلت
تحتاجين لوقت ليس بقصير لتغير عادات سلبيه لدى زوجك، ابدئ بالتطبيق بنفس طويل وطولة بال وانشراح وابتسامه بعيداااااا عن الانهيارات النفسيه.
نحتاج الصبر لان الدواء مر


لدي صديقه بطيئة الفئ اذا زعلت زعلها ياخذ اشهر اوصيتها ان لاتنقل هذا الطبع لزوجها الذي نعرفه من عائلتنا ، ولان زوجها طيب وقلبه ابيض ولايحب ينام زعلان من احد

والله قبل فتره جائتني مرهقه تقول صار اذا يزعل ياخذ اشهر مايرضا !!!

مِن مَـن اكتسب هذا الخلق ؟

__________________
اللهم ألهمني الرشد

مرحبا عزيزتي أتمنى تكوني أفضل
بالنسبة للموقف
أعتبر بداية الموقف طبيعية انا مثلك لو شفت زوجي حايس بالمواعين عادي أقوله ليتك مستخدم بلاستيكات وهو ممكن يرد بتشنج ويقول انا اغسلها والا اذا رايق بيقول مستعجل ومو فاضي ادور..
بكل الحالتين انا لما طلبت منه طلبت لأنه زوجي
واذا ماقلت لزوجي اللي بخاطري اقول لمين!!
ومثل ماهو يبين لي الاشياء اللي يحب اسويها انا برضو أبين له ماأفضل..
وانا وانت موظفات وفااهمتك بخصوص فرق الصحن والملعقة..

بس حبيبتي أنتي جداا عاااطفية يوم موضوع السيارة خليتيه أحن شخص واطيب قلب و....،والحين صار سيء وانتي صابرة عليه...خليك موضوعية..زوجك أي تصنيف!!

النقطة الثانية
كلمته مافيه شيء يجذبني لك
صعبة جدا وقوية جدا لكن بدال ماتهدك المفروض توعيك وتنبهك..
شوفي زوجك كيف يفكر بنفسه وبراحته
شرا سيارة وقبل لاتخلص اقساطها اكتشف انها مو مريحة تخلص من الاولى واشترى ثانية مريحة..وهذا الصحيح
لكن انتي هل فكرتي بنفس تفكيره!!
هالموقف طبيعي يمر بمثل عمر زواجكم لحد ماتتعودون على الحياة وماتوقفون عند كل شيء..
ابتعدي عن زوجك لحد ماتتخلصين من اثار المشكلة علشان ردود افعالك تكون اكثر اتزان وهو برضو يفكر بكلامه..
انسي الموعد ولاتذكرينه وهو ماراح يذكرك
روحي لاهلك بالاجازة وبترجع حياتكم بإذن الله
بس لاتنتظرين اعتذارات واضحة
مجرد اصلاحات منك ومنه وصلى الله وبارك💘

من جد فاهمتني .. كلامك يوصف وضعي بالضبط .. تدرين أنا ناوية اخليه يندم على جملته اللي قالها (إن مافيك شيء يجذبني) هالجملة فوقتني من جد .. خلتني انتبه لنفسي فعلا .. وعندك حق ليش ماأسوي مثله يدور على الشيء اللي يريحه وأنا بخلي نفسي رقم واحد وبدلعها وماعاد بحرم نفسي شيء وبسعد نفسي بنفسي ماعاد بستنى السعادة من أحد .. عندي أشياء كثير ممكن أسويها .. سجلت في أكاديمية تعليم عن بعد وبحاول أطور من نفسي وراح أنجح بإذن الله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

على فكرة أنا عند رأيي فيه وماأنكر أبد إنه فيه صفات كثير إيجابية حنون كريم طيب .. بس مايعرف يتعامل معي أو بالاحرى مايحتويني .. اعرف إن أغلب مشاكلي معه أنا السبب فيها واعتراف بحساسيتي المفرطة وبكثرة زعلي بس تغيرت كثير عن قبل وبديت اتجاوز هالامور .. زوجي في المشكلة الاخيرة كأنه ماصدق بالمشكلة عشان يفرغ اللي بداخله ويقول اللي قاله ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لازلت اقول واردد كلام السلف الصالح اني لارى شؤم المعصية في زوجتي ودابتي
شي سهل اعمليه وتتيسر حياتك باذن الله

أنا ماأزكي نفسي ولكن الحمدلله انسانة ملتزمة في حجابي وصلاتي واستغفاري .. اسأل الله ءن يتقبل صالح أعمالنا ويثبتنا (يا مقلب القلوب ثبت قلوبنا على دينك )

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اها
هنا الاشكالية ..

انت ماعطيتي نفسك حقها ..اجل ليش تلومينه ؟ لومي نفسك بالاول
حطي سعادتك رقم واحد مو زوجك ..
الكلمه اللي يقولها زوجك لا تخلينه تأثر عليك علشان نفسك بالاول وراحتها ..

وزعله ومدة البوز بتأثر على نفسه وانت اصنعي لك جو من السعادة بعيدا عن زوجك
لا تربطين نفسك به

هذا اللي لازم يحصل أختي ريماس .. هذا اللي لازم يحصل .. أنا خليت زوجي محور حياتي ونسيت نفسي .. لبست لباس مايليق لي كأنثى وكزوجة .. أعتقدت أن هالشيء راح يشفع لي عنده لو بدر مني أي زلة أو تقصير في البيت أو معه كوني موظفة وننشارك أنا وإياه في الحياة .. لكن أكتشفت مؤخرا إن المقياس اللي قست فيه حياتي خاطئ .. وإن الزوجة تبقى زوجة مهما كان...

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أحتاج واحدة من العضوات القديرات اللاتي لهن تجربة في الحياة الزوجية ولهن خبرة تكون بجانبي استشيرها لاقف بشكل صحيح في حياتي الزوجية .. أحتاج الكثير .. وما العلم إلا بالتعلم..

أتمنى من إدارة المنتدى الموقرة أن تصلني بإحداهن للضرورة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..