الاخت غاليه
والله كثير الرجال الي مثل ابن عمها
دامه عديم مسوليه واستراحات وطلعات ماينفع
لان منتشره هالاشياء ببعض المناطق
وغالبا يكون سيء من جميع النواحي
وفي كثير مطلقات يقولون الصدق اذا احد سالهم خصوصا لو للزواج
لانها امانه
مو زي الرجال يقولون ابن حلال وطيب
وهو خمار نكار
عشان يمكن يتعدل
الله يكفينا شرههم

وصاحبة الموضوع انصحك لا تتخذين اي قرار لين تهدين
ولاتتزوجين بسرعه وتطيحين برجال شين
والاختيار الان اصعب بكثير
لانك مطلقه
واغلب المتقدمين بيكونون سيئين
انتبهي
والله يوفقك

تدرين هاذي المشكله ودايم اقولها المطلقات اي وحده يتقدم لها يجي في بالها الفكره هاذي
لو كان سيئ مافكر في غير البكر للاسف
اعرف مطلقات كثيير ويتقدم لهم من خيرة الناس لكن بسبب فكره انا مطلقه وممكن انه سيئ

الحريم متناقضات ممكن تقول لك فيه حالة نفسيه واهي معصبه وتطلع عيوب من تحت الارض
لكن اذا رضت عنه مافيه افضل منه
معك فيه رجاجيل كثيير مو حقين زواج مسؤوليه لكن هذولا راعين سفر وكل سنه مسافر وراعين بنات
اهي قالت يسهر في اصحابه في استراحه ومافيه شاب مايسوي كذا الا نادر

انا مااقنعها بالعكس خلها ترتاح فتره لكن ممكن تكون فرصه زواج على قولتهم عصفور في اليد ولا عشره على الشجر
والحين قايم سوق المعددين كل واحد يبي يجمع له حرمتين موت بطي على الاقل المطلق ماعنده غيرك

صاحبه الموضوع خذي راحتك في التفكير وفكري بكل الحلول

ام جوري الحب مش مضمون ومتغير أما العيال هم سندش وفرحتش بالدنيا الله يعوضش

__________________
وهل من مصير اخر ؟

انا وصلت علم لأبوي اني رافضته ولعد يدق بابنا

طليقته غير العلاقة الي بيننا تكلمت معي بأمانة وقالت زينه وشينه
نظرة البعض غريبة الاطفال مو كل شيء حتى الأب له دور في كل شيء الابناء يحتاجوا اب يرعاهم ويتحمل مسؤوليتهم مو اتزوج أي كلام واقول يلا اهم شيء العيال
فكرة الزواج حاليا بطلعه من راسي شايفه انه مو وقته ليه العجلة

ام طليقي اتصلت البارحة تسأل وقالت والله يا بنتي ما قد شفت زوجين مثلكم مكملين بعض قلت لها والله انه واحشني حيل وجالسة ابكي قالت انه قال لها انه مسامحني ويدعيلي ومستعد يدور لي زوج صالح وانه يحبني ويبغاني اشوف حياتي حصلت بيننا سواليف بعدها لمحت لي اننا نرجع لبعض قلت والله ودي قالت والله يا بنتي لكي اجر عظيم اصبري على حاله وربي راح يرزقكي ويعوضكي كل خير قالت واذا ما تقدرين روحي شوفي حياتي ربي يوفقكك قلت لا والله ابغاه يرجعني قالت ابشري هاليومين راح يرجعكي وودعتني وقفلت الخط

مدري هيا بتحاول تقنعه ولا ايش حاصل بينهم صراحة ما ادري بس بعد اتصالها ارتحت شوية وقلبي تطمن

ادعولي يا اخوات

__________________
· خير ما أتمنى في الوجود دعائك لي عند السجود ومرافقتك في جنةالخلود

مررة تاثرت من موضوعك
ما اقول غير الله يختار لك ماهو خير لك سواء بالرجعه له او الانفصال
نصيحتي استخيري ف كل قرار حتتخذيه والخيرة فيما اختاره الله
طليقك رجل في زمن ندر فيه الرجال وانتي صحيح اخطأتي لكن واضح معدنك طيب واهلك طيبين وتستاهلين كل خير

دعواتي لك بالفرج القريب والسعادة الدائمة

عندي احساس ان طلاقك خيرهً

انا بنتظر امه وش راح تسوي وان شاء الله يرجع وانا مستعدة اضحي عشانه يا ما ضحى عشاني ودام الامر مو في يده راح اكون واقفة معاه ياليت عقلي كان كذا قبل ما اطلب الطلاق بس والله الواحد ما يحس بالنعمة الا لمن يفقدها

__________________
· خير ما أتمنى في الوجود دعائك لي عند السجود ومرافقتك في جنةالخلود

حقيقة قلبي يتمنى لك عوده

اسأل الله أن يجمع بينكما عاجلا غير أجل على رابطة زوجية
والله يرزقكم من حيث لا تحتسبو

_وقد يجمع الله الشتيتين بعدما، يظنان أن لا تلاقيا..
اكبري الامل

أسأل اله أن ييسر لك الخير حيث كان

انا مع غاليه
مهما كان طيب وحليو مايبيع بدقيقه
الي يحب مايهون عليه
والرجل يبيع باي وقت
والحمدلله جت الحين احسن ماتضيعين عمرك معه ويبيعك بدقيقه