وقفيه عند حده ولا تسكتين له ..
من اليوم ورايح رجلك على رجله اذا بيروح بيت امه ..
والشغالة حق ايش يوديها ويجيبها؟ ماخبرنا الشغالات يحتاجون مشاوير الا اول استقدامهم فحص طبي وبطاقة وبعدها خلاص .. تبي تحول الفلوس تعطي ام زوجك المبلغ ورقم الحساب وام زوجك تعطيه يحوله لها . تبي اغراض تقول لمعزبتها وهي تجيبها لها ..



همسة: اؤمن جدا بأن حدس المرأة لا يخيب..

يمكن لوفتي هو من باب اعطاء فرصة و اقفال باب الندم و لوم النفس
الملاحظ في حالة روان تحديدا بعد كل عاصفة لما ترجع لزوجها
تقول انه مش سيئ يمكن انا ما اعرفله و انه اب جيد و يحب اولاده و كريم و اوقات كثيرة يكون كويس
و من متابعتنا لمواضيعها هو جيد في ايجابياته و بالمقابل سيئ جدا في سلبياته
يمكن تربي علي القمع و مصادرة الرأي و العنف من والده فما يعرف للتودد و المسايس و يعتبرها ضعف
طبعا هذا خلل كبير في شخصيته و لا اريد ان اقول اكثر رغم اني فعلا موضوعها هذا قد يوحي بأكثر
انه نبقي نشوف ايجابيات الشريك رغم كل ما حصل منه من ضرب و تشهير و اهانة رغم اننا نملك الحلول و روان توظفت و بدأت بحياة جديدة و تكيفت مع فكرة الانفصال و اقدر اقول لم تكرهه
لو كرهتهه لما عادت و لو كانت الظروف بعيد عنه صعبة هذا يفسره وجود المودة و التقبل
و خلي نقول له رصيد طيب عندها

__________________

[QUOTE=مــريم;3502053]وقفيه عند حده ولا تسكتين له ..
من اليوم ورايح رجلك على رجله اذا بيروح بيت امه ..
والشغالة حق ايش يوديها ويجيبها؟ ماخبرنا الشغالات يحتاجون مشاوير الا اول استقدامهم فحص طبي وبطاقة وبعدها خلاص .. تبي تحول الفلوس تعطي ام زوجك المبلغ ورقم الحساب وام زوجك تعطيه يحوله لها . تبي اغراض تقول لمعزبتها وهي تجيبها لها ..

مع هذا الرد بان تتوقف مشاوير الشغالة للابد ..لكن في صعوبة بان تكون رجلها على رجله كل مرة. ..واطلبي من زوجك لعاد تتصل فيه ابد ويسويلها حظر تبي ماتبي خلك صارمة في هذا الامر ..انا ضد التصرف ببرود في موقف كهذا هذي يبيلها كسر راس وعين

رايي من رأي مريم
حدس المرأة بهاذي الأمور غاااالبا صادق .
استميتي بالدفاع و الحفاظ على زوجك و سلامة بيتك.
ما دري كيف لكن لا تستهيني بالأمر.
كلمي حماتك بجدية بما أنها شغالتها و خليها تشوفلها حل.

__________________
امي حياتي

شكرا لكم ولكلامكم الطيب
لكن للأسف زوجي ركبه عفريت


رجعت من بيت اهلي سلمت مارد
قلت كيفه
عرفت اليوم انه كنسل سفرتنا
كنا متفقين نسافر برا فترة اختبارات المدارس
راح من نفسه والغى كل شي
سألته ليه؟
قال لانك ذاك اليوم ما احترمتيني
انا خروف؟ انا تقولي لي تخسى؟
قلت طيب معتذرة عليها بوقتها
بينما انت ما اعتذرت لي عن سبك وسلوكك
قال ماراح اسفر مع وحدة ماتحترمني
حاولت اهدي الأمور
قلت له السفرة واعد فيها بنتك
وما اقدر اخذ إجازة انا طول الصيف
يعني لو ماسافرنا هالفترة بنجلس طول السنة
وفرصة نفتح صفحة جديدة مع بعض
قال هذا اللي هامك !
قلت لا انت اللي تهمني
كان ممكن اسلك لك أمور كثيرة
بس لانك تهمني احرص عليك
ولا ابي مشاكل تافهه تخرب خطة سفرة السنة
عصب وقال سفر مافيه واللي براسك اعمليه
قلت اوكي اجل انت اللي بديت



طبعا اتهمني اني احط راسي براس شغاله
قلت ليه مو انثى؟
قال الا انثى ولعينة وكل شي
بس مايبغى يصرخ عليها عشان امه
قلت حبيبي لاتصرخ بس لاتتعاطى معها
ان تكلمت طنشهاااا
راح لموال هذا قدرك وهذا مستواك
على أساس يستفزني
بعدين قال الطامة
قال لعلمك لو بنسفرها دايركت باخذ شغالتك
وبعطيها امي وانتي اللي ببتورطي
من هنا لحد ماتجي شغاله جديدة لامي

انقهرت.. قلت له ذي شغالتي؟
شي يخصني ليه تاخذه لامك غصبا عني؟
قال جاك العلم عاد! والا تبيني اترك امي بدون شغاله!

وانا مصاريف علي وانتي ماتستاهلين
وماتقدرين
كنت بسفرك بس حرام اخسر فلوسي
وانتي منكدة علي عشان شغاله تغازلني
كني انا اللي طالب منها تغازلني
ومسوي نفسه الطفل البريء



كلامه مستفز اوكي
وانه يحرمني انا وعيالي من السفر مستفز اكثر
سخافة وتافهه مو طبيعية بهالرجال
اكتب لكم وانا معصبه لابعد حد
اجل يلغي سفرتنا السنويه عشان طلبت منه يتكلم رسمي مع شغاله!!

زوجك حصل له نقطة ضعف لك ومستفزة ( براااافوو) وهذا هو اللي كان يدوره وحصله بسهولة بعد ماقدرتي تمسحي كل الامور المستفزة الاخرى!!

للاسف انتي اللي تقدمي هالامر له على صحن من الماااااس!

هالمرة راح اكون بصف زوجك لانه كلامه صحيح ،،،

عزيزتي ،، ليش بدل ماتقولي انه عاجبه موضوع الغزل ،، يجي ببالك انه متعمد اغاضة واثارة غيرتك !! وانه زوجك فعلا يجيد التمثيل ؟ او حتى انه لم يقصد بالبداية بس شاف انفعالك وعجبه وخصوصا انه عنده ماضي معك بهالشي ،،،

نعم انتي انثى وهي انثى اذن تعاملي معها فققققط ! باسلوب انثى لانثى ،، زوجك لاتتركيه يروح لوحده بيت والدته ( وهذا اللي يبغيك تسويه لما يثير عندك الريبه بحركاته) او متى مارحتي وشفتي حركاتها ازجريها حتى وان ضحكت تكلمي معاها بحزم وهدووووء مرة بعد مرة راح تفهم ..

اما موضوع السفرة فاسكتي عن الموضوع كم يوم ولاتحسسي زوجك بانك زعلانه او متضايقه او منقهرة! مشي حياتكم بشكل سلس جداا وبعدها افتحي الموضوع لما يهدأ ولاتجيبيه بتحدي بل بطلب

اقولك شي دام انه حاب انه يستحدم السفرة كعقاب ..لاتبيني انك متضايقة من ذا الشي قولي براحتك..لانه هو الحين مسكك من اليد اللي توجعك عرفتي وسفر الشغالة مقابل شغالتك مو مشكلة كبيرة عادي قدمي ثانية لك...وان قدرتي ع حسابك حتى تديني من ابوك عادي ولا انه ياخذها منة متى ماحب اخذها ...عادي انا موظفة وحامل ومسؤلية اطفال ومذاكرة ومن دون شغالة واموري ماشية ..منظمة اموري ولله الحمد ....صدقيني الحياة تمشي الباب اللي يجيك منه الريح سده واستريح اهم شي تخلصي من الحية هذي ..

ام ريمي ترى تصرف زوجي غلط
مو شي واو وبرافو
اساسا انا الزعلانه من البدايه
فجأه صار زعلان ويعاقبني
انصدمت لاني ماتوقعت هالسخافه

اوكي كان يقول لي بوريك وكذا
وقت ماشدينا بالكلام
لكن ما اخذت كلامه على محمل الجد
قلت ساعه غضب وراحت
انفجعت لما شفته ينتقم بالسفر
ليه خلط الامور ببعضها
وقصه انه فجأه صار مستخسر
ترى انا مساهمه 25‎%‎ من قيمه السفره
ولا نطقت وكثر خيري


هو الحين خلق مشكله كبيره
انا ماراح اعديها له بالساهل
حقوقي انا وعيالي خط احمر
يبي يزعل يقاطعني بكيفه
لكن مايلخبط ام الجدول وخطه الاجازه

ترضي احد يعطيك هديه
ولما تألفينها وتعتادين عليها
يجي يقول هاتيها بعطيها احد ثاني؟!


حتى لو كلام يجرررح
انا مو استبنه لاهله
وعيب يهددني بهالشي
يعني هذا اللي طلع معه!
قلت له امك ياما جابت شغالات بالاجره
قال لا دام شغاله بييتي تروح لها
ولا تتبهذل مع الاجره عشانك!

ايش هاللغه العدائيه
حتى وقت الخلاف ماكان كذا
يادوب نمت عند اهلي ورجعت
القى راسه مفتر 180 درجه
شيء غريب


اما السفر
فهو راعي سفرات مع اصحابه
والان قرر يهضم حقي انا وعيالي
لو ببين رضاي
بيطق التذكره بالوقت اللي مخططينه
ويروح يهيت برا مع اصحابه
واجلس انا فيها بحجه العقل والانوثه

انا ماراح اقرب منه
ولا اكلمه بحرف
بقاطعه تماما
ولا راح اقبل ابدا باللي عمله
هو هبب اللي ما يتهبب
ورضاي يعني ترى معك حق
بالتالي انا اعلنتها زعله كبيره
لحد مايصلح الامور اللي دمرها بيده

السخافه الحقيقية
كاتب لي بالواتس
لو ماطبختي قولي لي اجيب غداء
قلت شكرا بطلب ديلفري

يحرمني من سفره لاوربا
ويستنكر غضبي من تصرفاته
ويهدد ياخذ شغالتي
اخرتها بيضحك علي بوجبه ب50 ريال
هذا قدري عنده اللي مايستحي