يسعد ايامك ياام ريان

اليوم السبت

ماهو الحاصل!

امر ما يكدرني ويشغلني كثيراً
المعذرة

اليوم حصل موقف ......... ما اقدر اوصف شعوري ناحيته!!
بس جا ببالي اول ما ارجع اسجله!!
ليش؟!!
ما ادري، يمكن لانكم وقفتوا معاي
او الاحساس الاكبر حسيت اللي قاعد يصير ثمار دعواتكم!!!
بياثث الملحق ، اصر اروح معاه لفينا شوي واذن العشاء
بدا يلف بالسيارة في السوق
وصوت المسجد كان عاااالي
وهو مستمر يلف
وصل للمسجد نزل وقال قفلي
توقعته يبي (دورات المياه) كعادته وبيطلع
طلع من الدورات ودخل يصلي!!!!!
فاتته الركعة الاولى بس
اول مرة يصلي بالمسجد بدون ما اتكلم
شعور ما اقدر اوصفه


ملحوظة:- هو محافظ جداً على صلاته، لكن بالبيت!!

يسعد صباحكم اخواتي العضوات

احب اشكركم في البداية

على الاستجابة لندائي بالتضامن مع الاخت (شوك11) في توقيعاتكن

وهذا التصرف النبيل ليس بمستغرب على اناث راقيات مثلكن

فبارك الله فيكن وفي مشاعركن وفي جهودكن

وبارك الله في أم ريان اللي اتاحت لنا هذه الفرصة العظيمة لاكتشاف

قيمة الاخوة الصادقة التي نكنها لبعضنا البعض

ويسرني انتهاز هذه الفرصة الطيبة

بدعوة بقية العضوات بمساندتنا في دعم اختهم الكريمة أم ريان

بأن تفطم (شوك11 ) وتضعها في محرقة التاريخ

كي يتسنى لها ولنا الاستمتاع بالروح الجميلة الطيبة والتفاؤلية

التي تمتاز بها ام ريان.



علماً بأن

يوم الجمعة القادم 1436/2/6هـ الموافق 2014/11/28م

سوف يكون اخر يوم لوجود التضامن في توقيعي

تاركاً لكم حرية ابقاؤه في توقيعاتكن من عدمه

ابي اقول شي
او بالاصح اتكلم عن شي حدث من شوي!!
طلبت بنتي منه يودينا لان معلمتها طالبه منها ملف، فرفض بحجة مطر
وطلع غرفته، نزل لمحني ابكي
شوي قال لبنتي اذا تبون تروحون يالله
ركبنا السيارة وقبل ما يحرك مد لي يده فيها مفتاح البيت
قلت وش هذا:- قال مفتاح البيت
قلت:- ما ابيه!
رد:- بس لا تقولين اني ما عطيتك
انتهى
فيه شي بداخلي انكسر للابد
باختصار يعني مثل ما تشبعت من اختي واخوي وما عاد اقدر اسامحهم، احس وصلت لمرحلة التشبع وممكن في اي لحظة اسكر الباب الصغير الموارب اللي تاركته بيني وبينه عشان بناتي
ما ابي اوصل لهالمرحلة، ونبهته كم مرة انه ما يوصلني لهالشي
اعرف وافهم نفسي زيييين
واذا قلت اني وصلت مرحلة اني اقفي وما عاد ارجع فانا اعنيها!!

وش فايدة مفتاح البيت ، لبيت ما فيه دفا جدران ولا مشاعر
ليه كل مرة تعصب وتزعل تتهمني بان لي ماضي اسود ؟!!
لو كنت فعلاً مثل ما تقول كان والله ما همني وش تقول
لكن 34 سنة عند امي ما فكرت ولا جربت اعاكس او اجرب او حتى احاول
اللي لاعبه بيديها ورجولها قبل الزواج تاخذ شخص ما يفكر مجرد تفكير يشك فيها
واللي طالعة من بيت اهلها صفحة بيضا تقذف؟!!
مو شي يقهر انك نظيف وبريء وينظر لك بهالشكل؟!

الله يعينك ياأختي ام ريان

من جد زوجك حالته حالة

الله يعينه على نفسه وانه يصلح نفسه قبل فوات الاوان

وجزاك الله خير على صبرك

واتمنى في المستقبل الاستفادة من الفرص التي تأتينا

وتأخذي المفتاح، وبعدين ناخذ حقنا منه نفسياً

هو ماخسر شيء

وانتي اللي خسرتي فرصة مفتاح البيت

سبحان الله حاجة غريبة في نفوس البشر (حتى انا لاحظتها على نفسي)

اكون زعلان ونفسي يتحقق اي شي من طلباتي

ولما يتحقق الاقي نفسي ارفض واقول

( ماابيها!!! تأخرت يافالح زمانك) زي قصة مفتاح البيت معك

طيب والحل معاك ياانسان!

نعم اكون زعلان مع زوجتي واتمنى انها تجي تعتذر

ولما تجي تعتذر ، ارفض وابدأ في (التغلي - الانتقام لتأخرها - عدم الاستفادة من اتيان الفرصة- ( مدري وش نسمي هذا الغباء اللي فينا نحن البشر)

ام ريان

ممكن تشفقي علي ونتحرك كم خطوة للامام

تراكي تأخرتي

هروب من واقعي السيء
املاً في حياة افضل

اطبق هالشي الان بقووووة ، بشكل ما تتخيله
وهذا سبب الفجوة الحاصلة الان
اول لما ازعل انعزل عن العالم عشان ما اطلب منه شي ولا احتاج له
نفسيتي تتغير على اطفالي
الحين انا هو انا
لم يعد يكسرني او يءوثر فيني
لكن الامر مهما كان مرهق
لاني اشعر اني مثل الغريق اللي يقاوم يبي يعيش!!

يعني شاسوي
اخرب على كبر
ما سويتها وانا بنت مراهقة عندي كامل الحرية سواق خاص وحرية تامة
اسويها الحين وانا ام عيال