والله يا الوفاء كلامك هذا هو اللي كنت أقوله لنفسي
هو اللي كان مصبرني على نذالته معي فترة طويلة
لعلمك انا اخر مره رحت لاهلي زعلانه قبل سنتين
يعني مو من عوايدي هالتصرف
بس مشاكلي معه دمرتني
الهم اكلني اكل
حسبي الله ونعم الوكيل

أنت صورة مصغرة لحياتي
حتى كلماتك أحس بوقعها علي جداً
وكأني أنا اللي كاتبتها
ما أبي أقول لك وين وصلت بقراراتي وحياتي معاه عشان ما تتأثرين
لكن رح يستهلك من صحتك وعقلك الكثير
لغاية ما نفسك تعافه صدق
إلا إذا تداركتي هالمرحلة باستشاري
لأن حياتك معاه ما ينفع معها اجتهادات منك فقط
بعض الناس مريضة ، وتشوف هالاجتهادات واجب
أو شي طبيعي
وتتمادى وتتمادى وتتمادى لغاية ما تنصدم بخسارة اللي قدامها!!
تدرين يا كنافة
يقول لي " ---" خلاص فهمت " ----"!!
يقدر يقدم لي كل اللي كنت احتاجه وما يكلفه شي
بس بمزاجه وبكيفه كان يرفض ويتهرب ويراوغ ويلف ويدور
لأنه يعشق دور اللي ياخذ ما يعطي
الدليل إنه لما يجون أهله ، أو لما أزعل يتعدل وينتبه
لكن شوي وراجع
مع إن كل الأشياء اللي كنت أبيها ما تكلفه شي
بالعكس أشياء طبيعية عشان الحياة تمشي
وأقدر أستمر معاه
لكن ما يبي !
مثلاً
مستحيل نطلع نتمشى أجلس بالستة شهور والسنة ما عرفت تمشية معاه
مستحيل يجلس يسولف معاي ، أبدا أبداً ولا يجلس معانا عازل نفسه
مستحيل يقضي مشوايرنا
نسافر زي الخلق مع إني أنا اللي أتحمل كل ريال
وفوق هذا محبوسين في البيت أنا وعيالي بغرفة وحدة
ما يلعبون
ولا حتى يتجرأون يطلعون للحوش
يا ويلهم
ولو يطلعون غرفتهم نزلهم عشان ما يشغلون مكيف ثاني ويصرفون
وإذا اقترحت عليه أي شي أبسويه في البيت وأنا أبتحمل كل مصاريفه قال لا
والدليل سنتين بدون مطبخ
وبيت ثلاث أرباعه فاضي
تصرفاته مقصودة
وعقله ملياااان خزعبلات
يشوفني كرت بيحرقه أي يوم
فماخذ كل احتياطاته
24 ساعة تواصل مع أهله
التلفون ما يطيح من يده
وإذا قربت إجازة قلت له يومين أقل شي بالشرقية
رد وعد بس موب ألحين، وفجأة يسافر لاهله
ويرجع ولما يحتاجون عياله مستوصف وديهم ما أعرف لهم
وهو في الحقيقة ما يبي يدفع !!
كل شي تتخيلينه وما تتخيلينه على ظهري
هو بس غدا وعشا أحياناً من هالمطاعم لأنه موقف لي بسالفة المطبخ!
تصدقين حتى شامبو جسمه وشعره يستخدم اللي أجيب ولما تخلص ينتظر لغاية ما أشتري
أو يشتري له واحد !!
ياخذ ياخذ ياخذ
ياخذ كل شي
اللي تتخيلينه واللي ما تتخيلينه
وينتقد كل شي
وما يعجبه أي شي
حتى المفرش اللي ينام عليه ما عمره قال خذي وغيريه
يستمتع يعيش كالطفيلي على حساب الغير
وينتقد الناس إنهم ما يعرفون المراجل!
وفوق هذا كله تسع سنين ماحد دخل بيتي
ما يبي أحد
أنا أروح إيه
أحد يجيني لااااااااا
وإذا جاني أحد والله ما يسوي ولا يجيب لي شي مع إني أبعطيه فلوس بس يجيب لي
يقول مالي شغل
وأدفع ويجي الطلب وهو أول من ياكل
يجلس على الدرج
ويدق مليون مرة " جا العشا، وين العشا....... الخ"
ومن تجيني بنت خالتي( الوحيدة المسموح لها) كل شوي يتصل
عيالها لا يلعبون
باب الشارع انفتح كم مرة
الكورة لا يلعبون فيها يكسرون لمبات البيت
وملاحظات ملاحظات ملاحظات
أدري مالك علاقة بكل اللي قلت
بس النهاية للناس اللي مو طبيعية هي وحدة
أو يمكن أنا منضغطة وكلامك اللي فوق حرك الراكد كله!
الحقي عمرك ولا عاد تجتهدين إلا بمساعدة استشاريين
عشان ما تكرهين اليوم اللي عرفتيه فيه

شوك شفتي بعد كلامك ذا كله
ومعانتك مع زوجك وجحوده ولؤمه
عادي يجيك احد ويحملك كل المسؤوليه
ويقول: ماعرفتي مفتاحه.. سايسه.. داري بيتك

هالناس هم اللي مقوين شوكه الرجال
ومعطينه كل الصلاحيات يخطي ويخطي ويخطي

واذا الرجال رافض تماما العلاج
ورافض المستشار وحلول المختصين
هنا مافي فايده لاي اصلاح
لازم تكون فيه قناعه من داخله ورغبه واراده

بالنسبه لمشكلتي
دام هو اللي جاني وطلب نرجع
بشوف ايش ممكن يصير بينا
هو لو تركني والله ماكان فكرت ارجع

إذا هو ما يبي مستشار
أنت تواصلي وبدونه
وما لك باللي بيتكلم ويحكي
هم مو عايشين نارك
ولا حياتك
ولو صاروا يوم بمكانك
والله ما يتحملون
اعرفي وش تبين
وافهمي وش تبين
ولا تستهلكين روحك كثير لاجل سراب تطردين وراه
بلا مفاتيح بلا خرابيط
فيه رجال " عاهات " في هالحياة
مفاتيحهم يتركون لوحدهم يعيشون هالحياة زي ما يبون
وأذاهم يكون على أنفسهم بس .

صدقتي ياشوك عاهات
واحنا النساء لازم نعرف كل شي
ونصلح كل شي واذا ماتعدل معناه احنا
فشلنا ..
وجاني من هالكلام بس هم مايعرفون حياتي
ولاعاشوها .. اخليهم يتكلمون زي مايبون
ولااكشف اسراري واقعد ابرر وبالنهاية انا
واثقة اني تصرفت صح ..

كلمي مستشار ..
واذا رجعتي بيتك وجاتك فرصه ترحون سوا
روحوا ..
اتمنى من قلبي فعلا تكون وعوده جاده ..
وحاولي انتي تسددي وتقاربي ..
موضروري تردي عليه عند كل حوار اللي
يطنَش طنشيه .

وفي كلامك معه ابدئي بمدح بعض صفاته
ومواقفه معك ثم اذكري مايضايقك منه ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

شوك زوج كنافه كريم جداً وأنا أستغرب إنها تقول حتى يعرفني أنه مو رومنسيه وسار يعطيني الي أحب وهي الفلوس



الرجل الي يدفع لزوجته هذا دليل حبه لك يا كنافه صح لسانه متبرئ منه لكن أعطيه درس وقبل الدرس انتبهي لكلماتك خاصه الي تمس الرجوله عشان مايمسك عليك شيئ
عامليه مثل مايعاملك لكن لازم يعرف قبلها إنك رح تعامليه مثله وعيشي حياتك رح تلاقيه يتغير ويراجع نفسه
بس انتبهي زوجك فيه مميزات كثيره لاتقارنيه بأحد ولا يعميك الشيطان ويحسسك إنه ماتصلحو تكملو سواء

ياكنافه زوجك مو مثل زوج شوك حرام مافيه مقارنه ، جيبي شغاله تشيل منك ضغط البيت والتنظيف وتفرغي لنفسك وأطفالك ، وش تبي الوحده غير زوج يصرف عليها وقايم ببيته وعياله وموفر لها السكن ومغنيها من الناس تغاضي عن بعض السلبيات وتعايشي الحياه ماتكمل لأحد .

__________________
الحمدلله حمدا جزيلا ...

السلام عليكم..
عليكي ان تحددي ماذا تريدين..
قرات موضوعك ويظهر لي انك لا تطرحين المشكلة من اجل ايجاد حل.. وانما تبحثين فقط عمن يقول لك انتي على حق وزوجك ما يسوى..

زوجك قد اصبح كومة سلبيات..

الأعضاء الكرام اعطوكي حلول لاسترجاع كرامتك، وترويض زوجك شيئا فشيئا، وتهيئة جو هادئ يسعد فيه الجميع، وصالح لتربية اطفالكم،،

لم ينصحوكي بالسكوت والخضوع،، ولكن في نفس الوقت لم يحرضوكي عليه، لا تسكتي، لا تصبري له، لا تتحمليه اكتر،،أتدرين لماذا؟ لانك غير قادرة على خوض هذه التجربة.. لو كنتي قد الطلاق وتحمل مسؤوليته كلها.. واهم شي عندك كرامتك كما تدّعين،، كنتي اليوم رحتي وطلبتي الطلاق فعليا وقبلتي بكل تبعاته من اللحظة مهما كانت صعبة...

كيف تجعلين زوجك انسان سيئ وتقبلين التجريح فيه من الأعضاء؟؟ كيف تحسين برجولة زوجك وتخليله مكانه حلوة وانتي هون قابلة بعض الأعضاء يقدحو فيه؟؟

حتى لو زوجك فيه صفات سيئة..فيه ايجابية بعد..وبمجرد انه زوجك عليك ان لاتقبلي بالتجريح فيه وتحريضك عليه..وجعله غير صالح للعشرة.. ثم تروحين المساء وتجلسين معه على نفس السفرة، وتتبادلان الأحضان،، اراهن انك لن تقبلي ان يرى زوجك هذا للموضوع...

هما امران لا ثالث لهما..اما انك ضعيفة ولا تقدرين على الطلاق،،.
او انك ناكرة للعشرة.. انا بدالك بعد الكلام لي صار هون.. زوجي بيكون مو رجال بعيوني.. بدك يحكولك اتركيه هذا الانسان لا يستحقك؟ انا بقولك.. اتركيه يا كنافه هو لا يستحقك وسيئ، تمردي عليه وتطلقي لاسترجاع كرامتك المهدورة عالآخر... الكرة في ملعبك تصرفي..

المستشار ضروري لاكمال حياتكم.. كليكما تحتاجان طرف محايد يتابع معكم وساعدكم على فهم اخطائكم.. ليس زوجك فقط..

رجعتي ياكنافه ؟

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

زوجك ماهو سيئ للدرجة هذه مثل ما قالوا الأخوات ..

إنت كمان يا كنافة لاتزعلي .. جافة جداً مع زوجك .. و جدية جداً معه ،.

افتكر بعد ولادتك ، كان هو يطبخ و ما يخليك تطبخي أي شي ..
و زعلتي و نكدتي و انه ايش فايدة وجودك انت في حياته ؟

قلنا لك اهتمي بنفسك و استغلي الوقت لنفسك و دلعي حالك ..
و انت زعلانة ، ليش هو يطبخ و ليش ما يخليني اطبخ و انا إيش دوري ووو إلخ

.
.

دحين لما تطبخي كل يوم ، تقولي يبغاني طباخة بس اجهز له فطوره و سحوره ؟

( ايش تبغي بالضبط ؟ حددي .. )

.
.

أكرر .. زوجك مو سيئ جداً

صحيح المرة هذه هو غلط .. لكن مو دايما هو الغلط