انا بسالكم سؤال ودي احد يجاوبني عليه !!!

انتوا لما تقرون مواضيع الخيانه والتعدد تجيكم الصيحه !؟؟

انا والله ابكي بكا واحس انو انا اللي صار لي هالشي
اتعاطف كثير معهن واكره هالصنف اكثر وانفر من زوجي اكثر !!!!

وربي تعبت احس كل اللي حواليني كذابين ومخادعين وخاينين ووووو

قسم بالله لي يومين مافتح المنتدى ولا ابي اقرا شي لان احس نفسيتي تتعب

هو انا ابالغ بالتفكير ولا وش سالفتي او لان زوجي المصون بالطالعه والنازله يجيب سيرة الزواج الثانيه مع انو مزح بس ياخوف يوم تنقلب جد !؟

امس جلست معاه وصارحته يقول والله مايبغى يتزوج بس يحب يهرج بهالسالفه 😭

مو عارفه اصدقه ولا اخذ احتياطي واكون مستعده لهاليوم واجهز شنطتي واطس عند اهلي

مجرد فضفضة احس مكتومة 😢


اشراقه 💓🌹💓🌹💓🌹

والله كل يوم أدعيلك من قلب وكثير من البنات اللي هنا ادعي لهن مع اني ما عرفكم 😢

قلبي يوجعني وربي وجع

اشوفكم وقت ثاني 🌹

مساء السعاده بحه ... ليه ترهقني نفسك وتعبيها بشي ماصار ويارب ميصير محايصير الا اللي ربي كاتبو يعني محا تسفيدي من تعكير مزاجك شي .... الاغلب انو صادق بس لاتصدقيه اغلب الرجال مالهم أمان انتبهي وعيشي حياتك التعدد يبقى كابوس مهما تكلمنا وسوينا ... وتفائلي بأنو محا يحب ولايبغى غيرك إن شاء الله والدنيا مو موقفه على رجال الله يعينك ويريح بالك يارب.

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

يوم الثلاثاء طلع عقب صلاة العشا .. وتأخر لحدود الساعة 12 تقريباً.

يوم الأربعاء قلت له باروح النادي .. وقبل ما أطلع شفته شايل بإيده شي بطريقة تبيّين إنه ما يبيني أشوفه .... وطلع راح صوب بيت ماما ورمى هالشي في زبالتها الخارجية!!

طبعاً شفته من شباك غرفة ولدي اللي تطلّ على بيت ماما.

ولقيت في غرفة الولد ثلاث أكياس بطاطس .. من نوع ما نستخدمه ولا نشتريه أبداً.

رجع ولقاني ماسكة أكياس البطاطس .. فخذهم مني بسرعة وهو يقول: هذول لليهال من ربيعي (!)


ما علقت .. وطلعت للنادي .. وقبل ما أتحرك من البيت رحت طلّيت في زبالة ماما لقيته رامي علب توزيعات.

اللي ينفهم من كل هالخربطان إن حد عطاه توزيعات حق الليلة لليهال .. وهو راح رمى العلب في زبالة ماما عشان ما أشوفها .. وخش أكياس البطاطس في غرفة الولد .. على أساس يعطيهم لليهال عقب ما أطلع .. بس وهقته لأنه ما كان متوقع أدخل الغرفة قبل ما أطلع.



طبعاً حق الليلة والتوزيعات هذي تبع الحريم .... ما في ريال يوزع.

وطبعاً حق الليلة خلص من أسبوع .. وما في ريال بيفكر يحتفظ بتوزيعات عيال ربيعه عشان يعطيه لما يرجع من الدوام.
.
.
.
أمس سويت كشري للغدا .. وهو كان طالع وما كل.

لما رجع سألته سؤال عن شي يخص ترتيبنا ليوم الجمعة .. فقال لي: باجر معزوم على الغدا؟

اليوم عقب الصلاة رجع ودخل البيت .. مع إنه بالعادة لو ناوي يطلع يرجّع الولد وهو يروح مباشرةً!

دخل وقعد حوالي ثلث ساعة .. وسألني إذا أبغي شي من الجمعية .. مع إنه مب وقت مشتريات الجمعية .. وعقب طلع من غير ما يلبس غترته وعقاله! .. ومب معقول يكون معزوم عند رياييل ويروح وراسه كشف!

من شوي بعث لي : سخني لي الكشري الساعة أربع!!




طبعاً آخر مرة طبخت له وما كل كان في الاجازة الماضية لما كنت زعلانة منه .. لأنه لما نزعل ما ياكل من البيت .. فقمت يومها رميت الأكل في الزبالة .. ولما رجع يسأل عنه عقب يومين وعرف إني رميته انقهر.

فاحتمال يكون خاف على مصير الكشري.

__________________


اللهم طِيبَ الأثر .. وحُسْنَ الرحيل.

مساء الخيرات 🌹🌹🌹

__________________

اختلافي عنك لا يعني اختلافي معك

سيناريو لحياة أي زوجة معدد !

حياة فيها تحليل وخش وتفتيش ومجاملات الشي الكثييير.

قلق ×قلق وانعدام للراحة النفسية في هذا الجانب.

مساء الخيرات
الله يريح بالكم ويسعدكم

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

مساء النور سديم وفانيني

بحة نفسي اهون عليك بس ماعرفت كيف ..

وأنت تحسين إن عوقتس من الشنطة بس

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

لاحد يجاكرني
سديتوا نفسي عن الحياة
بروح أدور لي شغله اتلهى

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.