بالعكس الغيرة شي ايجابي المفروض تتمسك بها والمشاكل الصغيرة هذه موجودة بكل العوائل لا تفكر انك راح تجيب واحده بدون ما يصير بينكم اي مشاكل هذا مستحيل اذا فكرت تطلق عشان هذا السبب اظن انك كبرتها اما اذا في اسباب اخرى فهذا الشي بيعتمد على الحالات الاخرى وبالاخير انت ادرى مننا ولكن نصيحتي لك لا تسعجل باي قرار تتخذه في حياتك ولا تعتمد على القرارات اللي تاتي وقت الغضب تريث وبالتوفيق

__________________
ومن يتق الله يجعل له مخرجا

ماس
للامانه هل جات فتره حاولت إثارة غيرتها ؟

اصبتي ي ام دان ..

لا للآسف الصلوات الحمدالله نؤديها الظهر والعصر بالدوام .. المغرب وقت وصولي للبيت اصلي وارتاح شوي والعشاء اصليها بالبيت وساعات بالمسجد اذا كنت خارج

الآذكار للآسف مقصرين جدا .. وزوجتي الله يهديها كثيره السماع للآغاني الحزينه وووو !!! وهالشى أحاول اقلل منه وابعدها عنه

هو في شي عشان تحصله

مافي الا العافيه

نعم سافرت وقت طلبها للطلاق

وهالشى حرك غيرتها وواحد من أسباب رجوعها

وقتها غسلت يدي لآنها كانت دايم ترسل لي روح ي ولد الناس تزوج ولا اقولك انا ازوجك واخطب لك

اوافقك الراي الغيره ايجابيه بس بالمعقول ليس بالجنون

لآن هالشي اذا زاد عن حده ينقلب ضده ويصير متعب لي ولها

اختي الفاضله ..

السابق محذوف ولا عندي مايدفعني الى ان ادخل في دوامات مثل هذه .. الجوال صرت اتعمد اتركه بالبيت واخرج عششان ماتشك اني اكلم او شي من هالقبيل وانا خارج المنزل ..

تآمني بالله حتى الواتس صرت ماادخله كثير وجاتها فتره تقول انت ليه ماتدخل الواتس اكيد عندك بديل واكييييييييد في جوال ثاني .. !!! شك * شك = جنون

فهمتي مااحاول اني اشرحه لكم

أجل مو من قليل كل يومين زوجتك مسوية مجنونة ،،هذا الشيطان باني له قصر عندكم وجالس بينكم،،ولا راح يرتاح غير لما يفرق بينكم..

حياتكم مافيها خير وتوفيق وبركة لأنكم أعطيتوا الشيطان المساحة اللي يريدها.

غيروا نظام حياتكم واحرصوا على الصلوات بوقتها حاضر ولا تنسون الأذكار بعدها..
أذكار الصباح والمساء حصن منيع وقوي،،
ورد يومي من القرآن،
اتركوا الأغاني والله إنها سبب الشقاء والهم والحزن ودمار الأفكار.

أصلح نفسك وأصلح مابينك وبين الله يصلح الله مابينك وبين زوجتك،،
وزوجتك أنت تاخذ بيدها وتعلمها الخير والدين وتعودها عليه ،وإذا انصلحت علاقتها بربها راح تنصلح علاقتها بك..

فرج الله همك وأصلح الله حالك.

ي ام دان .. زوجتي مجنونه باافعالها ،،

مااخفيك انها لسى مصممه على اختلاق المشاكل ..

اليوم تحديدا بعد صلاه الجمعه .. دخلت البيت وسلمت وجلست العب مع بنتي وهي ..

قلت لها بكره بروح اودي الوالده للمستشفى عندها موعد و بنفس اليوم خذي فلوس وروحي للصالون ( وسوي ماتحتجينه ) بنفس الوقت قلت لها خالي يبى يشوف بنتي لانها كان مسافر وقت ولادتها وتوه رجع من السفر .. وقلت لها خلال ماتكوني موجوده بالصالون راح تكون معاي بنتي ونروح عند بنت خالتي وتجلس مع جدتها الوالده وخالتي وانا راح اكون معاهم ..

اللي حصل انها رفضت فكره انها تجلس معاي ومع اهلي وقت ماهي مشغوله في الصالون .. بحجه انها تخاف وماتقدر تغيب عن بنتها هالفتره .. قلت لها مايصير يعنى يوم يكون عندك شغله او مشوار عادي تجلس مع جدتك وامك لكن اهلي صعبه .. في اي مله ذي !!

ردت بكل بجاحه والله بنتى ماتروح عند ناس ماجابوا لها شي ولا تحمدوا لي بالسلامه .. رغم تلك الفتره هي اللي ماراحت ولا نزلت عزتهم و طالبه طلاق وجالسه ببيت اهلها !!

قامت تقول اهلي واخواتي جابو لبنتي اللبس الفلاني من المكان الفلاني وصرفوا عليهها وووو تمنن على ... وانت ماانت داري عنا .. رغم يوم كنت ارسل تقول خذ فلوسك برجعها لك مانبي منك شي .. !!!

قمت انا اخذت ملابس البنت وقلت لها لا عاد اشوفها هنا وشكرا بنتى وانا اصرف عليها واجيب لها دام هذي اخلاقك في المعامله ..

قامت تقول كيف ترمي ملابسي بنتي انا ماني قاعده لك بالبيت ولا دقيقه وبكلم خالي يجي ياخذني قلت لها لا اشوف ولا احد من هالخوال .. ولي امرك هو يجي ولا انا اوديك ..

الحين دخلت الغرفه الثانيه وجالسه !!!

الخلاصه :: هالانسانه ماتبي تعودني او تعود بنتي تروح عند اهلي وتزورهم عن طريق انها كانت تجيب لها وانههم ماجابوا لها شي!!

هل في اخلاق اعظم من كذا !؟

من أول ما كنت تكتب تفاصيل حياتكم و أنا كنت أريد أنبهك لهذه النقطة
قصة خوالها
خالها
ولد خالها
لكن طيب منك اللي عملته
و أسأل الله التوفيق في هذه النصيحة
كون حازم حزم المحب لا حزم الخصم