لاحظي أنك لم تكملي عشرين يوماً
وكيف صار حالك

هل تتصورين وضعك بعد سنة وأنت مطلقة وأهدرتي فرص الصلح

صراحه ماقصرتي يوم تنازلتي وطلبتي لم الشمل
وهذا ماهو عيب بل يدل على رجاحة عقلك
طبعا أنتي أكثر معرفة منا بظروف زوجك المالية وحالة والده الصحية
ولو تنازلتي أكثر اظن مافيها شيء وتستاهل بنتكم من يضحي لأجلها
عذرا على السؤال
هل فيه صلة قرابة بينك وبين زوجك ?

معالي الوزيرة

أكرمي نفسك، سويتي اللي عليك وزيادة وتنازلتي بما فيه الكفاية
طبيعي الحزن شديد حاليا لكن الزمن كفيل بالنسيان
اختلف مع اللي يقولون حاولي ، إنتي حاولتي اكثر من اللازم
باقي هو ، لكن واضح ان الرجال خلاص والدليل كل شوي يسال ليش مااخذتها أغراضك
قدامك بعثة وإنني بنفسك تقولين ماراح يروح معاي فليش المحاولة وإنني باقي لك طلقة فقط
ربك هو الوحيد القادر على جبر كسرك
الله يفرج لك يارب

__________________
ربي فرج همي ويسَر امري

حبيبتي معالي
الله يصبرك ويجبر كسرك
الموضوع مو بسيط
ويحتاج منك وقت وصبر حتى تتجاوزيه
وانتي ماقصرتي
حاولتي تعطيه فرص ثانيه وهو رفض
خلاص هو الخسران
فكري بهالطريقه
لاتعتقدي انك لحالك الخسرانه

انا بس اعتب عليك انك ركزتي على السكن
ونسيتي سبب الطلاق الرئيسي
اللي هو سوء خلق زوجك معك
والضرب والبهذلة وقلة الادب
هم صرفوا نظرك عن هالسبب
وانتي للاسف بلعتي الطعم
لكن بينك وبين نفسك تذكري هالسبب
وتأكدي انه مايستاهلك
ولا يستاهل يكون زوج ابدا
لانه مايعرف يقدر ويصون زوجته
وهذي النوعية ماعليها ندم وحسافه


لو انك اختي راح اقول لك
انتي موظفه الحمدلله
ومعك بنت وحده مو اكثر
وعايشه بخير وسلام مع اهلك
خلاص انسيه
انسيه
واذا فيه خير بيرجع
هو لو متمسك فيك بيرجع
ولو انتي تبغي تستعجلي رجعته
فانصحك يوميا بقرأه سورة البقرة
السورة هذي سحر
لو مارجعته.. بتهدي نفسك
وبتمنحك الطمأنيه اللي تحتاجيها


الله يوفقك

8
بس حركاته يافاكهه كلها تهرب

هو رفض يقابل والدها
رفض يعتذر لها
رفض يوعدها بعدم الضرب

علطول ماصدق وسلم البيت
يستعجلها بشيل اغراضها
وحتى السكن مع الاهل ..اهله هم من اقترحها وليس هو


ومعالي لو بترجع له من غير ماتغير شخصيتها وطبعها ايش الفايده ..

حتى تحصل الطلقة الثالثه وبعدها يفقد الامل بين الزوجين



اقدر جهد الاعضاء لاجل الاصلاح

لكن وجهة نظري هو اعطاء الزوجين مهله وفترة يبعدون عن بعض ..الفتره هذي كفيلة بمراجعة النفس ومعرفة اخطاء كل طرف ...

وزوج معالي واضح جدا بداخله تراكمات عليها لو معالي بستخدم معه كيد نساء واسلوب الملاطفه واللين قدرت عليه

بعض الزوجات تستهلك رصيد محبتها بداخل قلب زوجها من غير ماتشعر بافعالها وتظن انه خلاص الموقف عدى وانتهى
يا تكون عصبيه وكل فتره تنكيد وطلبات و زن وتظن مجرد ما تقوله احبك خلاص مسحت افعالها وبعده ترجع لنفس الموال

ماينفع كذا الا شاف تغيير من الداخل وتغيير بالافعال ..

السلام عليكم

آسفة على الانقطاع ولكن حصل امر لم يكن في الحسبان ..

توفي ابو زوجي.. قبل ثلاثة ايام يوم الجمعة في الليل ..
اتصل علي طليقي ليلتها الساعة الواحدة ليلا وبلغني بالوفاة وهو يبكي ثم أغلق السماعة ..

إنشغلت عنكم بحضور العزاء

اسأل الله ان يرحمه ويغفر له ويصبر اهله ..

سأرجع لكم لا حقا

__________________
ربي احفظ لي ابنتي ..

عظم الله أجركم.. رحمة الله عليه

عظم الله أجرك الله يرحمه ويغفر له

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يرحمه وعظم الله اجركم
وقفي مع طليقك هالفتره

عظم الله أجركم واحسن عزائكم معالي الوزيرة

الله يغفر له ويرحمه ويصبر أهله

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]