أخواني في نقطه مهمه بالنسبه للإجهاض اللي حصل..

انت يا أخي الفاضل هل تواصلت مع اهلها و رحت لهم سألتهم شو صار؟ كيف صار الإجهاض؟ يا اخوي ما يخصه المحافظه على الحمل او غيره... أحيانا الإجهاض يجي فجأه يا اخوي... و كل شي له حكمه... انت بنيت أحكام مسبقه بناءا على زعلك على فقدان الجنين... و أكيد اهلك و من حولك بعد يقولون لك كلامي سلبي عنها... و أكيد راح تتأثر فيه... و الدليل ان ردودك تغيرت هالفتره و ذكرت بيت الطاعه و الطلاق و الخلع و رد المهر و الأمور المالية...

ما تصير الأمور جذى يا خوي...

الأولى انك تعرف شو اللي صار... و انتظارك لخالها مب منطقي... لأنك تقدر تروح انت و أبوك و تقعد مع ابوها و تتكلم معاهم من زمان... بس انت تراخيت يا خوي و فضلت انك تتنظر خالها...

روح لهم و اعرف الأسباب.. و بعدين قرر بناءا على الأسباب...

أشكرك على الرد
أنا كلمت أبوها قبل يومين وقال لي بالحرف الواحد البنت ما أدري وش صار فيها حالتها غير طبيعية أول ما أكلمها تبكي وتعصب وترفع صوتها بشكل غريب وأنا والله ما أقدر عليها وخايف تسوي بنفسها شي
والخلاصة إني ما استفدت من كلامه شي إلا أنه قال شوف لك حل بسرعة أنا تعبت من هذا الموضوع
وكأنه يقول الطلاق ولا شي غير الطلاق
لأنه أعلن أنه ليس له دخل بالموضوع وأنه غير قادر على ابنته وأمها
حيث طلبت منه أن أحضر شيخ لرقية ابنته قال لي ياليت تجيب لأمها أول
وهذا هو سبب طلبي معرفة ماهو الحكم الشرعي إذا طلبت الخلع

الحكم الشرعي يقوله لك القاضي

واتوقع ترد لك المهر فقط

بس بصراحه انت غريب حتى خساير الزواج تبغاها تردها لك

عاد لاتصير طماع

اسأل الله ان يعوضك بالزوجه الصالحه

__________________

هذا مو طمع بس مصيبة إذا الشرع ما خلى على عاتقها وعلى عاتق كل من تطلب الخع بهذه الطريقة وبهذه السرعة وبدون سبب عقوبة رادعة كأن ترد خسائر الزوج على الزواج كاملة خصوصاً أن الزوج ليس له ذنب فيما حصل

وعسى ان تكرهو شيئا وهو خيرا لكم

لذلك لاتستعجل في الطلاق اطلب مقابلتها لوحدكما في بيت اهلها

__________________

يا ترى لو انا اللي قلت هذى الجملة هل راح تمر مرور الكرام ؟؟؟؟

مثل ما يصير معي من بعض العضوات هنا ؟؟؟؟

لكن اخوي الشرع ما ظلمك خذ مهرك واحمد ربك يكفى البنت انها راح تكون مطلقة

و نادرا تجئ زوجة تكلب الخلع دون سبب نادرا جداً

لكن قول أيش الحل بالرجال اللى آخذين بنات الناس لعبة يتزوج و يطلق دون سبب

شفتي الاستبداد الذكوري كيف يافتاه
بامكانه ياخذ مهره واثاث بيته وشقته جاهز ويرجع يتزوج بكر الابكار واحلى واحسن وافضل منها بمليون مره
ولا هو خسران شي..والمجتمع راح يتقبله وبيعطيه ولاراح يعايره بشي يعني مو خسرانين شي بس سبحان الله بعض الرجال فيهم حقد مو طبيعي على المراه..المراه راح تخسربكارتها ومالها ومستقبلها..وشايفين انها ماخسرت شي ولازم تتادب ليش تطلب الطلاق ...وهي ماطلبته الا لانها ماحست بالامان معاه ..بس هم الا مايسحقون المراه ولو بكيفهم دفنوها وهي حيه عقاب لها ليش تطلب الطلاق

اذا انت شايف انك ماظلمتها ولا غشيتها بشي وكان تعاملك جدا طيب معها خلال هالاسابيع فمن حقك تاخذ مهرك فقط اما غيره مالك حق وبلا طمع...
اما اذا في شي خافي وكايد والبنت مستحيه تقوله ويمكن اهلها ماودهم بتكبير الموضوع وخلاص مالقو حل الا الطلاق لانه ماله حل ثاني والله وحده اعلم وش هو هالشي ونت جالس تخيرها يارجعلو لي كل ريال دفعته بالزواجه هذي او رجعوها لي ..فثق بان الامور ماراح تمشي بالطريقه اللي كنت مفكر فيها..
واتق الله واترك بنت الناس بحالها وعدل الخلل الي فيك
بعض الرجال يسوي بلاوي الدنيا في بنت الناس بعدين يجي يسوي نفسه انه مظلوم قلبه ابيض وملعوب عليه وخسران عشان بس يركع بنت الناس له او ياخذ كل فلوسه..وولا يتمسك بالاطفال منها الا تجيب منه اطفال بالقوووووة تجيب ولا تسقطينه وليش ماتحملين وليش تسقطين عشان يلاقي شي يضغط فيه على البنت وترجع وتتحمل مشاكله ووجع راسه يعني هالسيناريو انا حفظته وفهمته وشفت عينات ماشاء الله منه ..شي يقرف ويحوم الكبد

والله الحمد لله إن زوجتي وأهلها قالوا بالحرف الواحد أنت إنسان ما جانا منك شي بس خلاص البنت ما تبغى تكمل معك وبدون أسباب !

يا خوي حكم من اهله و حكما من اهلها..... روح لهم البيت مع اهلك و اطلبها و اقعد معها و مع امها و ابوها و اسأل عن السبب الاساسي....

انت للحين ما تعرف السبب الاساسي و كل شي عندك فرضيات....

اخط خطوه و روح لهم البيت و اسأل عن الاسباب....