و تعرف ليه فكرت بداخل نفسي ؟؟؟؟
لإني عرفت إنه أمي و اهلي ما راح يغنوني عن زوجي

لإني جلست عند أهلي فترة يوم نزلنا اجازة و أمي صارت تقسى علي
فلازم الأهل يقسواا عليها علشان تعرف هي قيمتك و ما راح يقسوا عليها إلا إذا عرفوا إنك متحملها و صابر عليها
و إذا عرفوا بأغلاطها

السـلام عليكم
كيـف حالك اخووي الاخلاق

يعلم الله اني سجلـت بالمنتـدى عشان مشكلتك لان كنـت مجرد متابع لدرجه ان لازم يوميا ادخل المنتدى

المهم اخووي بخصووص رأيك الاخير انك تجتمع مع اهل زوجتك
احييك صراحه على هالرأي لانه راح يثبت لهم ان شاري بنتهم

لكــن مسألة الهــديه هذي اكبــر خطــأ ممكـــن تسووويه لان الزوجه لما تكون زعلانه ببيـت اهلها وزوجهـا يجيب لها هديه تسمى رضاوه واعتقـد ان الرضاوه المفروض تكون لك مو لها
واقولك هذا الشي لان زوجتك والمعذره على هذه الكلمه تفكيرها صغير مثلا ترسل لزوجها وابو بنتها انها تحب حياة العزوبيه ومدري كيف هذا يوضح انك تتعامل مع مراهقه

الافضل عشان تأخذ احترام اهل زوجتك هو انك تدخل وتتكلم بكل وضوح وتحط النقط على الحروف وتقول انا طردت من هالبيت والحين رجعت ودخلته وهذا الشي كبير على اي رجال لكني شاري بنتكم ايضا هالكلام مهم بالنسبه لأم زوجتك لانها شافتك ونت تنطرد من بيتها وبعدين شافتك ونت تدخل وبيدك هديه !!! هذا ماراح يخليها تطلع من حياتك بالعكس بتتدخل بكل شي لانها تحس انك سهل

اقولك قصه حصلت لأمرأه عجوز قريبه لنا اذكر ان عندها بنتين وكلهم متزوجات ومره جت وحده من بناتها تتشكى من زوجها وجت الام وقومت الدنيا وماقعدتها وخلت بنتها تتمرد على زوجها وقعدت البنت عند امها كم شهر وبعدها رجعت لبيتها وفي مره من المرات جت البنت الثانيه تتشكى على موضوع قريب لمشكلة اختها لكن هالمره الام قالت احترمي زوجك وقعدي ببيتك وهذا جنتك ونارك طبعا استغربت البنت وقالت يمه اختي صار لها زي كذا ونتي قلتي ....... قالت الام زوجك غير زوجها !!!

فهمت يااخوي وش اقصد اخر موقف بينك وبين امها ونت تنطرد وبعدها انت داخل بأيدك هديه حتى عند اخوانها ونت تتكلم معهم وتوضح انها اخطأت بحقك هم بعينهم بيشوفون هديه على الطاوله !! صدقني ماراح يعطونك قيمه

وبخصوص زوجتك كما هو واضح انها مراهقه اذا دخلت على المجلس وشافتك جاي وبيدك هديه بتقول ببالها
طردته من بيتنا ورجع بيده هديه!!! ايه مايجي الا بالعيين الحمرا !!! ولكن اذا اعتذرت ورجعت بيتها ممكن تجيب هديها عشان تحس انه الرجل اذا اعطيته حقه واحترامه عطاني من الدلال والهدايا وكذا


هذا رأيي بالموضووووع والله يوفقك دنيا واخره




فيه شطحه خفيفه

قصتك ذكرتني بسالفه كنت جالس مع الوالد الله يخلييه ونتكلم عن الزواج قلت اهم شي الحب ضحك ابووي وقال لا ياولدي اهم شي الاحترام هذا المشكله الي بينك وبين زوجتك عدم احترامها لك
كل شي يجي مع الزمن الحب والموده والاشياء ذي بس الاحترام ترا صعب يجي انا اكره خراب البيووت ولكن فيه رأي قاله اخووي نهار المطيري اعتقد انه افضل لك زوجتك صعبببه وطبعها كذا ممكن الزمن يخفف طباعها ولكن الطبع مايتغير

عليكم السلام ورحمة الله وبركاته

أهلا وسهلاً بك عزيزي OnlyHuman9 أشكر لك اهتمامك ,,


مداخلتك واعية فقد اشتملت على الكثير من الرؤى الصحيحة والمنطقية ....فهنيئا لك على هذا ..


ملاحظة:
في عضو اسمه onlyhuman وكثير أشوفه موجود في الموضوع بس ماله ولا مداخلة لا يكون أنت


تحياتي ,,

ايه هذا انا بس مافعلو اشتراكي قلت اسجل مره ثانيه

والله يعينــك اخووووي

حبيت اضيف اضافه مهمـه
اثناء تواجدك عند اهلها اذكر لهم ان اهلك مايعرفون اي شي عن المشكله وانك ماتحب احد يتدخل بحياتك ولا تحب ان غسيلك ينشر هذي الجمله ممكن تخفف من حدة المشكله لان فيه توتر بين العائلتين وبعد بتوضح لهم ان طريقة بنتهم ماتعجبك

بادئ ذي بدئ
أرفع لك القبعة
على أخلاقك العالية مع رفيقة دربك

(((إنما النساء شقائق الرجال، ما أكرمهن إلا كريم، وما أهانهن إلا لئيم )))

موضوع الهدية
من وجهة نظري
لو تتأخر فيها شوي افضل
على الي سوته من طرد وتخلي عن البنت وتمزيق بعض الصور والرسالة عن راحتها في بيت اهلها
اشعر من الخطأ انك تكافئها بهدية على الاقل في الوقت الراهن


تمنياتي لك بالتوفيق وحياة سعيدة

مرحباً بك أختي ..

أقنعتموني بعدم جدوائية تقديم الهدية في الجلسة ....وبخليها لبعدين ..


تحياتي لكم ,

بسم الله الرحمن الرحيم ...


السلام عليكم ورحمة الله وبركاته ...


بعد الإطلاع على جميع المشاركات والأراء المطروحة في هذا الموضوع وبعد التفكير مليئأ فيها أقدمت على الخطوة التالية :

طلبت بشكل رسمي ( برسالة كتابية على الإيميل ) من أخيها المتدخل في عملية الصلح التالي :

1- أن يكون اجتماع بيني وبين بعض من أخوانها الرجال. >>>> في هذا الاجتماع ببين لهم كيف أختهم تعاملني .

2- بعد الاجتماع الأول اجتماع آخر بحضور والدتها وبعض من أخوانها ( أقصد أخوان زوجتي ).>>>> يفترض بعد الاجتماع الاول أني كسبت أخوانها إلى طرفي وبذلك سيساعدوني على كسب والدتهم أيضاً.

3- على زوجتي أن تحضر إلى الاجتماع الأخير وان تقدم اعتذارها أمام والدتها وأخوانها على طردتها لي ورميها بنتي علي وان تطلب مني أمامهم أن أرجعها إلى البيت.

4 - نجلس ثلاثتنا ( أنا وهي وأخوها ) في شقتنا لمناقشة كيفية إدارة حياتنا الزوجية .


أرسلت له مطالبي هذه الأن ....وأنتظر على أمل البدء في الخطوة الأولى وهو الشروع في عقد اجتماع مع الرجال فقط.



أرجو عدم إغلاق الموضوع ...لاحتمالية حدوث بعض الأمور التي أحتاج فيها إلى أرائكم .


تحياتي,,

الله يهديها لك ويطيح ما في راسها من عناد ...
الله يوسع صدرع عليها ....الله يكبر عقلها وتحس فيك ...

الله يعطيك الصبر ...ويعطيها الحكمة وينور دربها...

اخي الكريم اذا كنت باقي على زوجتك وتحبها لا بد من الصبر ....نتائجة مثمرة ...

انت عجووول....وزوجتك يبيلها وقت علشان تستوعب مشاكلها واذيتها ...

الصبر ....الصبر ...خلها تعيد حساباتها وتفقدك ....

باذن الله...

راح ترجعلك بعقلية ثانية وتفكير ثاني ان شاء الله يسرك ويطيب خاطرك

وفقك الله لما تحب وترضا ..

__________________
الفيلم الوثائقي : أحداث الاربعاء 16 - 11 على اليوتيوب

أختي سافر معي ...أشكرك على هذه الدعوات التي تريح النفس ..


الآن مر على مشكلتنا 23 يوم ولم يحدث بيننا أي تواصل ما عدا الرسائل التي أرسلتها هي والتي لم أرد عليها .. يعني مطنشها


اليوم أرسلت لي رسالتين :

1- طبعأً هي الآن في زيارة لأخت لها في مدينة ثانية تبعد 300 كيلو متر ...أرسلت لي :

" مبسوووووطه مررره في ( اسم المدينة ) وناسه وطلعات مع خواتي تفتح النفس "

ملاحظة مهمه : طبعاً سافرت مع أمها وأخت ثانية ولكنها لم تخبرني ... أنا دريت بالصدفة عن سفرتها ..وحاولت أقطع الشك باليقين فاتصلت على أخيها الذي اتفقت معه أنه كل بين يومين بجي أخذ بنتي ..فقلت له يا أبو فلان بجي أخذ بنتي ...فحاول الاتصال بأخته فوجد أنها مسافره ومعها ابنتي...فرد علي قال ما بتقدر تشوف البنت الليلة ...خلها بكرا ...قلت له ليش ؟؟ طبعاً حسيت منه أنه ما يبي يقول لي لأنها ما أستأذنت لا مني ولا من أحد من أخوانها الرجال ...قال لي مسافره ...فعتبت عليها عند أخيها ليش تسافر من دون ما تقول ..فقال أنه عتب عليها هو أيضاً ..

طبعاً رسالتها اللي تقول فيها أنها مبسوطة كانت بعد اتصال أخيها بساعات ..


الرسالة الثانية :

أرسلت لي نكته ...أحسست من هذه النكته ( طبعاً لا أستطيع أن أكتب النكته لأنه من غير المناسب أن تكتب هنا) أحسست بأنها تعيرني علي شيء فيني فهي نوعاً ما واضحة شعرت بالإهانة داخل نفسي ....طبعاً لست متأكدا ولا أريد أن أظن فيها ظن السوء ....ولكن ما سر هذه النكته ؟؟


كيف تقرأون الرسالة الأولى والثانية ؟؟

الله يعينك اخووي

اسمحلي ياخوي انتقدك شووي
انا كل ما ادخل المنتدى القاك متواجد !!! يا اخي اذا زوجتك سافرت 300 كيلو ومستانسه وماهمها لا بيتها ولا زوجها ولا شي

انت بعد خذ امك وابوك ورح عمرره وغير جو شووي
الشيئ الوحييد الي اذهلني في زوجتك هي مدى معرفتها فييك !! لدرجه حسييت انها تقرا المنتدى وتقرا مشاركاتك لان قبل فتره كتبت ان زوجتك الى الان ما اتصلت ولا اعتذرت وبعدها كتبت انها ارسلت لك رساله مكتوب فيها الحين عرفت غلاي !!! انت امام امرين يا ان البنت تدخل المنتدى او انها فاهمتك زين
بكل الحالتيين الان دبر لك سفره غير فيها شووي هي في بالها انك جالس بس تفكر في الموضوع وهذا صحيح لانك متواجد اغلب الوقت هنا بالمنتدى فأنت رجل تحرق نفسك عشان انسانه مريحه راسها


انت الان انس مسألة الاجتماع وابحث لنفسك عن سفره خفيفه تغير فيها الجو الكئيب الي عايشه واجمل السفرات الي تكون مع امك وابوك خذهم يغيرون جو واسألهم اذا هم راضيين عليك اذا راضيين صدقني امورك بتتيسر ان شالله

اما بخصوص زوجتك استمر على وضعك ومن الممكن انك اذا ارسلت لك رساله استفزازيه زي الي ارسلتهم ان ترد عليها برساله الله يهديك لعلها تكون دعوه مستجابه واستمر بالتطنيش


الان مسألة انك تجتمع مع اهلها ستصعب الامور لانه الى الان ماطاح الي في راسها خلها زياده عند اهلها
فصدقني الانسانه الي ترسل لزوجها هالنوعيه من الرسايل ماراح تقول له بعد يومين اسفه لانه واضح انها فخوره بالي سوته عش حياتك مع الوقت ومع دعوات امك وابوك هي بتليين ولكن الوقت هذا مو تقضيه هنا بالمنتدى اطلع سافر غير جو