سلطانه


طبيعي إنكِ راح تتأثرين

وطبيعي إنك راح تزعلين

وطبيعي إنك راح تنقهرين


أصلن مهو من الطبيعي إنك ما تنقهرين ولا تتأثرين


لكن هالمواقف يحتاج لها قوة في اتخاذ القرار


وزي ما قلت لكِ ، لا تفكرين بعاطفتكِ ، فكري بعقلكِ


سلطانه ، ترا الكل يقدر يفرق بين الحسن والسيء ، لكن قليل من الناس اللي يفرق بين السيء والأسوأ منه ( وإنتي منهم إن شاء الله )

أقصد طلاقكِ وانفصالكِ عن زوجك شي سيئ ، لكن الأسوأ هو البقاء مع زوج يشرب


ومدام إنتي تركتي شي لله ، أكيد بيعوضك الله خيرا منه أكيد




وكذلك لا تتوقعين إنك بين يوم وليلة راح تنسين الموضوع ، لكن مع الأيام راح تنسينه شوي شوي .



وحطي في بالكِ ، إنك منتي اول وحدة تنفصل عن زوجها وقت الملكة ، ولا راح تكونين آخر وحدة


والحمد لله إن لكي رب ما راح ينساكِ




بالتوفيق

__________________

سلطانة أختي بعدي عنه

صدقيني أعرف الحالة اللي انتي فيها

أنا كنت مثلك .. من كم شهر كنت مخطوبة وبعده اكتشفت انه يشرب وكمان مثل خطيبك يشرب برا كنت متردده ومتأثره بكلامه ومدري ايش

كانت العاطفة هي اللي مسيطره علي لكن أنا مابقيت ساكته علمت أهلي بكل السالفة وهم وقفوا له واصروا اتركه بدون مناقشة

وتركته وانا مقتنعه انه من يترك شي لله يعوضه الله أحسن منه . يعني هو كان مثل خطيبك كل امور دنياه تمام لكن كان يشرب

بعد ماتركته بفترة وصلني كلام انه كان يشرب هنا مو بالخارج بس لكن بالخفى وبفترات متباعدة

والله والله يااختي اني ألحين بعد ماراح تأثير كلامه وبعد ماانتبهت من تأثير عواطفي أحس بفرحة كبيرة كل مااتذكر اني تركته واني اكتشفته قبل مااتورط معه

والله اني احيانا اصيح من الفرحة واقوم اصلي شكر لربي

اسمعي نصيحتي وبعدي عنه . وتأكدي انتي ماتركتيه لشي الا لوجه الله وهذا اللي بيحسسك بالرضى عن نفسك

ومثل ماقالوا الاخوان والاخوات استخيري كثير

ياحبيتي مانعرف وين الخيرة ولا وين الاصلح لنا الله وحده هو اللي يعلم سبحانه

استخيري وفوضي امرك لله .

الله يريح قلبك ويهونها عليك

سوسو اخبارك ياعسل

طمنينا عسى النفسيه تمام


الله يفرج همك يارب ويرزقك من حيث لايحتسب

__________________