لا حول ولا قوة إلاّ بالله

ياناس مو كل رجال مسافر بيروح يرتكب الحرام ، أحسنو الظن

بعدين الرجال ماتقدر الحرمه تحكمه لاتسافر ولاتروح ولاتجي ، أفعاله

الله سبحانه يحاسبه عليها ، ياكنافه ياحبيبتي تعوذي من الشيطان

لاتخلينه يكبّر براسك ، قال رسول الله صلى الله عليه وسلم :

إن إبليس يضع عرشه على الماء، ثم يبعث سراياه، فأدناهم منه منزلة أعظمهم فتنة.

يجيء أحدهم فيقول: فعلت كذا وكذا. فيقول: ما صنعت شيئا. قال: ثم يجيء أحدهم

فيقول: ما تركته حتى فرقت بينه وبين امرأته. - قال: - فيدنيه منه، ويقول: نعم أنت » رواه مسلم.

الي عليك الحين قبل لايسافر حاولي تصلحين لايروح وأنتو متزاعلين يقول تعالى ( والصلح خير )

إضغطي على نفسك وإحتسبيها لوجه الله ، وبين الرجل وزوجته مافيه كرامه .

الله ييسر أموركم يارب .

الحين بالله بس فكري لحظه.
هو مثل ماتقولين مقصر معك بالفراش انتي أعلم بقدرته
يعني كمان بيروح بالحرام وهو اساسا ماعنده ذيك القدره اللي تحمس! !!
لاهو رايح يخون ولاشي مع انك زمان قلتيها بنفسك
واعترفتي انك وااثقه انه مو من هالنوع. .
بس انتي اظنك قلبتيها عناد معاه
السالفه مو سالفة خيانه زي ماتبررين انتي شايله بنفسك عليه وتعاندين
يمكن كمان الحمل مأثر على نفسيتك وخلاك حساسه حبتين
الله يهدي بينكم الأمور

راجعي ردودي..والحل بين يديك..لاتعكري صفو حياتك
بتهيؤات وتنبؤات لا أساس لها من الصحه..الحل بين يديك..

انا اعترف اني انفعاليه ودقيقه ببعض الامور
ودايما احط كرامتي وكبريائي قبل كل شي
حتى لو على حساب نفسي وبنتي وبيتي
لكن تعز علي نفسي جدا اذا انهت او تبهذلت
ما اقبلها ابدا من زوج او غيره
ومستعده ابيع العشره بلحظه اذا حسيت باهانه

اللي حصل الان
زوجي لبس وتعطر عشان يطلع
ناديته وقلت له ممكن تجلس
جلس
قلت له: انا ممكن اتحمل اي شي منك الا الغلط على اخواني!!
قال: بهذي انا غلطان واسف
قلت: اتمنى اهلي خارج اي نقاش بينا لانهم خط احمر
قال: للمره الثانيه اسف.. والاعتذار رجوله مني
قلت له: الرجوله الحقيقيه انك ماتهين نسايبك تحت اي ظرف
قال بعصبيه وصوت عالي: للمره المليون اسف!! خلصتي!!
وجلس يبرر باني ياما قارنته باخواني وكلام اهبل
قلت له: يعني لازم اناديك حتى تعتذر عن اهانه اهلي؟
قال: لو ماجرحتيني كان جيت لحد عندك
قلت: جرحتك بايش؟
قال: بردك هديتي (يقصد الفلوس) ومقارنتك لي بصاحبي!!

طبعا كلامه بالنسبه لي جدا تافه
علقت عليه بكلمتين وانه اساء الظن
وسألته اذا بيسافر؟
قال: اكيد انا حاجز ورحلتي بكرا
قلت له: توقعت تلغي السفره اللي ماوراها خير بدليل اللي صار
وقلت له اني ما ابغاه يسافر خصوصا بعد الجفاء اللي بينا
قال: بالعكس فرصه نبعد عن بعض ونشتاق لبعض!!
قلت له عن شكوكي ومخاوفي وغيرتي
عصب واتهمني انو تفكيري وسخ
وقال: واحد غيري بيكذب على زوجته ويقول رايح عمره.. بس انا صريح معك


خلاصه الموضوع
هو جلس يبربر ويتهمني اني مستكثره عليه الوناسه
وان انا تعمدت انكد عليه قبل السفر
وكان صوته جدا عالي ومعصب وهو يتكلم
ويقول مو معقوله بكل سفره مع اصحابي تنكدي علي
ويقول لو انتي مو حامل كان اخذتك باريس او لندن زي العام الماضي
واتهمني اني اتأثر بكلام صديقاتي (غير صحيح ابدا)
واتهمني اني اقارن نفسي فيه (غير صحيح ابدا)
واتهمني اني ما افكر الا بنفسي (غير صحيح ابدا)
مارديت عليه
بعدين هو سكت وهدى فجأه
وقال: انا رايح مشوار قصير وراجع.. اذا رجعت ابغى اشوف مزاجك غير
وسأل اذا ابغى شي من برا.. قلت: لا
وطلع

-





بقول لك شي بس لاتزعلن مني
هو صادق يوم يقول نشبه الصراحه
بضنك لو جلس ماسافر انه ماراح يلجأ للحرام
تر انتي غلطانه ترا حتى هنا في السعوديه اذا بغو يروحون للحرام يرحون للشقق وفنادق
لاتضنين ان الخراب في بلاد معين الرجال ماقصر عطاك فلوس
وبيسفرك على العيد وش تبين بعد؟؟؟؟؟؟؟!!!!!!!
الله يعينه عليك ترا فيه بعض الرجال يسافرون ولايعطي زوجته خبر ولا يسفرها ولايعطيها فلوس
انتي احسن من غيرك

__________________
استغفر الله وأتوب إليه

جزاك الله خير
ماقد فكرت ارقي نفسي وزوجي ولا اعرف كيف
لكن بحاول ان شاء الله بالايام الجايه
لان كل شي متاح لنا ومو قادرين نعيش مبسوطين
شقتنا ملك.. بنتنا قمر.. راتب زوجي عالي.. عندي شغاله
كلنا جامعيين.. اهلي واهل زوجي زي العسل
وانا جميله جدا بكلام الناس واعترافه هو
ولا نشتري الا اغلى وافخم الاشياء
والفرق اللي بيني وبين زوجي 4 سنين بس
يعني عندنا مقومات السعاده
بس حياتنا نكدددددد
وهذا اللي جايب لي الاكتئاب.. احترت وتعبت من جد

يا بنت الحلال
الرجال اعتذر. و ثلاث مرات
مو لازم تطلعين الاعتذار من مصارينه
الله يهديش بس
و كلامك انك تتوقعي منه يذهب للحرام
على فكرة و كلمة صراحة. كبيرة و فيها اهاانة شديدة
تعادل غلطه على اخوانك
ماتوقعتهامنك كنافة. لازم تكوني منصفة معاه
و يا ريت تعتذري عن اتهامك له. و عن مقارنته بأصحابه لان المقارنة كذلك تجرح و ليست شيء تافه

__________________

جزاك الله خير

اول مره اشك بزوجي
لانه جرحني ولافكر يراضيني
وملحوس عقله بهالسفره
وانا شاحنه عليه لابعد درجه
لانه مقصر معي بجوانب عاطفيه ونفسيه له فتره
الله يستر بس

ردودك هي اللي شجعتني اكلمه واسمعه
جزاك الله خير