والله يا بنت غامد إني مشغولة ولي فترة مو مرة على النت لكن موضوعك وأسلوبك من جد شدني ..

لا والله .. مو لدرجة أعرف الأسئلة الخاصة ههههههه لكن كنت أبغ أعرف لأي درجة كان عندك أستعداد لتقبل الزوج المعاق

هل لدرجة عدم وجود الأطفال ؟؟ أحس كلو ممكن يهون .. إلا الأطفال يابنت غامد ..

بعدين ليش زعل لما سألتي .. ؟؟

هذا موضوع من حقك يعني ..

الله يسعدك يارب دنيا وأخره معاه ... حبيت أذكرك بشغلة .. كل اللي سويتيه واللي راح تسوية لزوجك

تذكري تحتسبي فيه الأجر عند الله

__________________
اللهم إني أسألك حسن الخلق

طبعا هناك امور مهمه اذا اختي بمقتبل العمر والفرصه اكبر امامها .. هنا سوف يتم رفض الفكره.
اذا الخاطب اخلاقة ودينه مو تمام سوف يتم الرفض.
وتفاصيل مثل التدخين وغيره سوف تحتم الرفض.

الخوف من الزواج من معاق .. هو العقد النفسيه والترسبات اللي احيان كثيره سببها المجتمع وهذا حال معظم المعاقين أجرهم الله على ما ابتلاهم

لكن يمكن تكون فيه نقاط ايجابيه تخليني ادرس الموضوع وهي نااااادره وقد يخلو وجودها.. مثلا زي حالة زوجك الله يحفظه.

التعليم العالي .. احتكاكه لسنوات طويله بمجتمع متقدم يقدس هذه الفئة وهالشي اللي بيزيده ثقه بنفسه اكثر وبيفهمه انه تصرفات مجتمعنا تنم عن تخلف وانه اكثر منهم ثقة بافعاله وتفكيره .. وظيفته الراقيه ومجتمعها الصحي لنفسيته .. يعني النفسيه غالبا بتكون ممتازه .. وضعه المادي اللي غالبا يعكر صفو الاصحاء فمابالك بذوي الاحتياجات الخاصه ..والاكيد انه مش عاجز جنسيا لاي سبب .

ومع ذالك اجد انه الموضوع صعب جدا جدا ومن معرفتي لاخواتي لا اتوقع بانهم سيرضون بالزواج من معاق حتى ابدا بالتفكير. المسالة ما نقدر ناخذها من هالباب ارضى او لا ارضى .. هي قدرة على حياة مختلفه والتكيف والتحمل وهذه صفات تختلف من بنت لاخرى.

اختي انا اتوقع انك تسالينا انت هالاسئلة من باب بحثك للموضوع اجتماعيا فقط صح؟ ..وان حياتك مقتنعه فيها وراضيه والاكيد انك سعيده والحلو اكثر من المر فيها .

تعقيب على رد قريته لك.. انا عندي بالجامعه وما يخلى كل سيمستر من وجود كذا طالب بالشعبه وضعهم ممتاز

هناك مواقف خاصه بهم ومشدد عليها وهناك منزلقات .. لكن للاسف الجامعه لاتوفر لهم المرافق ماديا. لا ندعي الكمال لكن احسن من غيرنا يا اختي.

اختي زوجك كلة ايجابيات ربي يمده بالصحه والعافية واالاعاقه من ناحيتك كزوجة يمكن تكون سلبية هالنقطه لكن مع الحب والتفاهم والحوار اعتقد انه افضل من رجل بصحة 10 رجال ومتخلف منطقيا .

معجب كثير كثير باخلاصك لزوجك .. وما زلت ادعوا بان ربي يجعل خطيبتي بمثل منطقك ورشدك.

اميره
كنت امزح بخصوص الاسئله
اقصد انا مالي داعي اني جبت طاريها
هههههههههههههه

انا سالته قبل الملكه ولو اكتشفت عكس ماكنت اتمنى
لن اكمل معه
انا صريحه جدا
رغم ان عاداتنا تمنع ان الوحده تكلم واحد وهي لسه مو زوجته
بس اهلي اعطوني مجال
لأستوضح بعض الامور
والحمدلله

اما ليش زعل؟
فهذا هو الحساسيه فهمتي
يتحسس ليش تسئليني؟
قلت من حقي
قال ممكن رجل سليم بس مايخلف
وبالاخير تفهمني وطمني

وبعدها ملكنا
وطولنا بالملكه
يعني تزوجته بعد ان استعديت
داخله حرب انا مو زوراج
هههههههههههههههههههه

علاقه

كلامك منطقي لانه فعلا الازمه ازمة مجتمع
اما بالنسبه للجامعه فهو يتكلم عن ماقبل 11 سنه تقريبا

اما بالنسبه لسؤالي
لا
ماله علاقه ببحث ولا شي
فقط نقاش يا اخوي

ولانك ابن عم اردت ان ارى تفكيرك ووجدته مقارب لتفكير اهلي تماما
ولكن احب ان اقول
اتمنى من الجامعه ان تتطور اكثر لخدمتهم
وان تكون انت احد الاسباب
فلا تدري قد يرزقك ربي وينصرك بسببهم
فهم بشر ضعوف ليس لهم حول ولا قوه
كن عين الكفيف
وعافية المقعد
وصوت الابكم

وشكرا لك

وجدتي موفقي المقارب لاهلك, ايجابي او سلبي؟ بالنسبة لموقفك.

سلبي
ماعدا واحد
وهو اخوي الكبير
وهو شخص ملتزم

لا حبوبه أنا ماأزعل أبدا منك أنت أختي الصغيرونه..معك حق..أنا مثلا ماأحاول أتعاطف معه لدرجه يشك أنه غير الناس محمد عنيد جدا بس على مين..دائما أقسم الشغل بينه وبين أخوه سفره الأكل معروف اختصاص محمد يرتبها عمري ماحسسته بالعجز أو النقص أنت تقدر اذن اعمل..وأنا أتابع مع دكتوره نفسيه وهي الله يسعدها ماتقصر بتوجيهي للتأسيس الصحيح لأبني..أنا ماأبيه يتعود على الأخذ من دون عطاء بكره ينصدم بالمجتمع وممكن يصير انطوائي اذا ماتأسس مظبوط..
لي عوده مضطره أنام عندي امتحان الصبح تصبحي على خير موضوعك يونسني حيل..دعواتك..الله معك

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

احيكي اختي على حسن تعاملك مع زوجك
اما بالنسبة لسؤلك ...
فاتوقع ان رفضي او قبولي على الزواج من معاق ...يتعلق بمدى اعاقته ... ومدى قدرتي على تحمل هذه الاعاقة ...
ولكن اذا قرر ابني الارتباط بمعاقة.. فا اسفة ان اقول لكي انني لن اسمح له بالزواج منها ... لا لانها معاقة ... ولكن لانني ام وخاف على ابني من ان يظلمها ولا يتحملها ...

حبيت اسالك ...اذا سمحتيلي

انت قلتي ان زوجك درس الجامعة بكندا ...فهل تجربة الدرسة بره اثرت في نفسيته وخلته افضل من قبل .. .؟

ومشكورة على موضوعك الاكثر من رائع

هلا سابنا
اشوا والله خفت تزعلين
لانك ماشاء الله ماتحتاجين نصحي
بس قلتها من حب والله


تالا
اهلين فيك
والله انا ما اعرفه قبل الزواج
بس من خلال كلام اخواته نعم كثير تغير
يقولون صار يطلع اكثر ويعرف يختار كراسيه
فيجلس عليها ويتمشى بالبيت بعكس قبل
صار يعتمد على نفسه
يعني كان قبل اتكالي مرررررره
صار استقلالي
ومثقف وتوسعت معلوماته ونشاطاته
بس في شي احسه سبب له ازمه
وهي المقارنه بيننا وبينهم
والله احسه احيان يكلم نفسه من كثر مايحس بظلم
مو لنفسه بل لامثاله
يعني لمن يقرا الصحف ويشوف مشاكل المعاقين
يزعل ويتاثر ويعصب
واحيان والله ماياكل
يقول ليش كذا؟

وربك يعين