أكرمي نفسك، سويتي اللي عليك وزيادة وتنازلتي بما فيه الكفاية
طبيعي الحزن شديد حاليا لكن الزمن كفيل بالنسيان
اختلف مع اللي يقولون حاولي ، إنتي حاولتي اكثر من اللازم
باقي هو ، لكن واضح ان الرجال خلاص والدليل كل شوي يسال ليش مااخذتها أغراضك
قدامك بعثة وإنني بنفسك تقولين ماراح يروح معاي فليش المحاولة وإنني باقي لك طلقة فقط
ربك هو الوحيد القادر على جبر كسرك
الله يفرج لك يارب
حبيبتي معالي
الله يصبرك ويجبر كسرك
الموضوع مو بسيط
ويحتاج منك وقت وصبر حتى تتجاوزيه
وانتي ماقصرتي
حاولتي تعطيه فرص ثانيه وهو رفض
خلاص هو الخسران
فكري بهالطريقه
لاتعتقدي انك لحالك الخسرانه
انا بس اعتب عليك انك ركزتي على السكن
ونسيتي سبب الطلاق الرئيسي
اللي هو سوء خلق زوجك معك
والضرب والبهذلة وقلة الادب
هم صرفوا نظرك عن هالسبب
وانتي للاسف بلعتي الطعم
لكن بينك وبين نفسك تذكري هالسبب
وتأكدي انه مايستاهلك
ولا يستاهل يكون زوج ابدا
لانه مايعرف يقدر ويصون زوجته
وهذي النوعية ماعليها ندم وحسافه
لو انك اختي راح اقول لك
انتي موظفه الحمدلله
ومعك بنت وحده مو اكثر
وعايشه بخير وسلام مع اهلك
خلاص انسيه
انسيه
واذا فيه خير بيرجع
هو لو متمسك فيك بيرجع
ولو انتي تبغي تستعجلي رجعته
فانصحك يوميا بقرأه سورة البقرة
السورة هذي سحر
لو مارجعته.. بتهدي نفسك
وبتمنحك الطمأنيه اللي تحتاجيها
لا تدورون له مبررات مهما كانت غلطتها المفروض ما يمد يده إلا لو خانته أما غيره
عندها أهل يربوها يوديها لهم .... وبعدين هذي ليست المره الأولى ....
عجيب أمركم مطلوب من الزوجه ما تعصب ولا تطلع عن طورها مهما كان استفزاز الزوج وكأنها قطعة جماد من غير مشاعر ...أما الزوج يا حرام مسكين تجيبون له مبررات لإستفزازه وعصبيته من تحت الأرض ..
أجل ليش العقل والحكمه على قولكم عند الرجال ??
هدوا اللعب يا بنات
وأعطوها فرصة تراجع نفسها وتنظر في زوجها
ماراح اقدر اقرا الموضوع مرة ثانية
بس حسب ذاكرتي حتى لقاء مع أبوها ما صار
هالشي غلط
ولازم تلتقي جميع الأطراف حتى لو تم الانفصال
المهم يلتقوا وجها لوجه فرصة للاصلاح والتفاهم
__________________
الحمدلله الذي بنعمته تتم الصالحات
هو رفض يقابل والدها
رفض يعتذر لها
رفض يوعدها بعدم الضرب
علطول ماصدق وسلم البيت
يستعجلها بشيل اغراضها
وحتى السكن مع الاهل ..اهله هم من اقترحها وليس هو
ومعالي لو بترجع له من غير ماتغير شخصيتها وطبعها ايش الفايده ..
حتى تحصل الطلقة الثالثه وبعدها يفقد الامل بين الزوجين
اقدر جهد الاعضاء لاجل الاصلاح
لكن وجهة نظري هو اعطاء الزوجين مهله وفترة يبعدون عن بعض ..الفتره هذي كفيلة بمراجعة النفس ومعرفة اخطاء كل طرف ...
وزوج معالي واضح جدا بداخله تراكمات عليها لو معالي بستخدم معه كيد نساء واسلوب الملاطفه واللين قدرت عليه
بعض الزوجات تستهلك رصيد محبتها بداخل قلب زوجها من غير ماتشعر بافعالها وتظن انه خلاص الموقف عدى وانتهى
يا تكون عصبيه وكل فتره تنكيد وطلبات و زن وتظن مجرد ما تقوله احبك خلاص مسحت افعالها وبعده ترجع لنفس الموال
ماينفع كذا الا شاف تغيير من الداخل وتغيير بالافعال ..