وهذا إللي بيصير ياأشغلتني بنتظر الشهر القادم وإذا نفس الشيء راح اخييره ياإما يلتزم ويساعدني بالاقساط ياإما خلاص أنا بتخلص منها ومن أقساطها .. يعني مايصير كمان كل شيء علي أنا إللي أقوم فيه .. كفاية الاقساط اللي علي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

جدا رائعة ولله الحمد امه واخواته ..

ياأختي والله العظيم أنا ماعندي مانع يساعد أهله وبشجعه على هالشيء بس مايقصر في التزاماته عشان هالشيء .. طيب أنا وش ذنبي؟!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

ياأخي أنت فاهم غلط .. أنا اللي طلعت السيارة باسمي من البنك .. مو هو اللي طلعها وكتبها باسمي .. ثاني شيء مستحيل ابيع الارض عشان اسكر ديني وتزين حياتنا .. حياتنا هو مسؤول عنها .. هو الرجل اللي له القوامة .. ولا الرجل مايحس برجولته الا في التعدد وفي فرض كلمته على زوجته وبس!!

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

شي جميل فكرت تريحي زوجك بس اخترتوا سيارة غالية مو مناسبة لإمكانياتكم
أتمنى تكوني فهمت قصدي من كلمة ترشيد استهلاك.

المهم أختي
إنت تبغي تفهمي زوجك إنت الرجال والصرف عليك وأنا مسؤولة منك.وإذا أعطيتك فلوس فهذا مو واجب علي .. هو من باب المساعدة ..و المفروض تشكر ربك وتقدرني على وقفاتي معاك..وتبغي تمشيه بالقوة على هذا الشي.

لكن منت قادرة تستوعبي معظم الرجال إلا من رحم ربي يبغوا يستفيدوا من فلوس الزوجة بأي شكل من الأشكال.. بما فيهم المجتمع سواء أهلك أو أهله..

بدليل زوجك استفاد من فلوسك أشكال وألوان..(برضاك)
بدليل هو شايف نفسه جالس يخدمك بسيارتك إنت واللي في النهاية تكون بإسمك. (ماراح يشوف إنه مستفيد منها)..
بدليل أخوان زوجك ماقدروا راتب زوجك أقل منهم، ساووه معهم.تعرفي ليش؟ لأن( زوجته مدرسة) وبنظرهم المفروض يأخذ ويستفيد منك انت ..وزوجك يعطي أمه زيه زيهم ولو كنت (ربة بيت) كان ممكن راعوا مسألة راتب أخوهم أقل من رواتبهم..

شوفي ياقلبي
هذول رجالنا وهذا مجتمعنا
ماتقدري تستغني عن زوجك ولا تقدري تقاطعي مجتمعك وتعيشي لحالك
عشنا كدة لاتتوهمي كثير وتعيش في الخيال كثير لا تحلمي بزوج يصرف عليك وماياخذ منك..ويقبل منك تساعديه بكيفك وقت ماتيغى حسب ظروفك.. هذا الخيار مو موجود عندهم . ولا عندهم مراعاة لظروفك . واجب عليك تسدي وتشيلي طالما تشتغلي.

وعشان ماتحزني على نفسك كثير مدرسات زيك وأخس..والخلاصة معظم الرجال مستفيدين من فلوس حريمهم اللي بيشتغلوا ..اللي يأخذ قليل واللي يأخذ كثير ،واللي يأخذ بشكل مباشر واللي يأخذ بشكل غير مباشر..
المهم لازم تكيفي نفسك مع الواقع.ولا تشغلي نفسك بالتفكير لأنك حتموتي قهر على نفسك.

مستقبلا لازم تكوني فطنة واعية ماتقدمي على أمور تندمي عليها
لاتنفعلي وفي لحظات عاطفية تقرري قرارات (مادية)ماتعرفي أبعادها والمترتب عليها.

اللي صار صار وانتهى
الآن إذا تحبي زوجك وشايفة فيه إيجابيات وحسنات تشجع وقررت تكملي معاه
برأيي لاترجعي السيارة وكملي أقساطها طالما هي باسمك يعني السيارة باقية لك. أحس عيب تبيعيها وكمان هذا التصرف بصراحة يقهر. إنت أتعاملي مع زوجك بأصلك .والرأي لك .

انسي حكاية الفلوس فترة حاولي فيها ترجعي الحب والاحترام لأنه انفقد بشكل كبير بينكم..وكلكم مو حاسين بالأمان ناحية بعضكم.

لا تراددي زوجك وتجادليه في الطالعة والنازلة والكبيرة والصغيرة،،
يعني مثلا في حكاية القسط كان ماحاسبتيه ليش أخوانك مايدفعوا أكثر منك ،ماراح يتقبل منك تقولي له رواتب أخوانك ومدري ايش .
مهما كان حيشوف أمه أولى وأحوج للفلوس،،أما أنت لو قصر معاك مو مشكلة لأنك موظفة ذات راتب.

أعطيه فرصة يعيد اتزانه المادي لأنه واضح هذه الفترة مضغوط بعدها حاولي باللين والسياسة تحسسيه إنك مضغوطة من الأقساط واطلبيه يدفع القسط وإذا مايقدر يدفع القسط يشاركك فيه..

وآخر شي لا تكوني دبشة في الكلام مع زوجك(ولا تنسوا الفضل بينكم)
وترى الأسلوب المباشر مع الرجال غالبا غير فعال.

شوفي لي ساعتين وانا اكتب ياويلك لو ما استفدت من كلامي

بصراحة كلامك واقعي وفي مكانه وهو الحاصل بالفعل .. وإذا أنا أخطات عندما حطيت نفسي بموقف صعب علي اني أتحمل تبعات هالشيء .. وهذي ضريبة الزوجة الموظفة حتى أهل الزوج عينهم على راتبها .. وهذا بالفعل صار من أبو زوجي بس زوجي وقفه وبين له إن ماله حق وإن الزوجة ماهي مسؤولة عن زوجها ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بعدما ذاق حلاوة الفلوس ماتتغير أفكاره؟!
بعد ما شاف الفلوس تجري في يدك وتمتلكي أرض بينما هو مايمتلك، ماتتغير أفكاره؟!

إنت ألقي نظرة بين الناس يتقاتلوا ويتقاطعوا عشان الميراث وهو مقسم من عند الله
كيف لو كانوا هم يقسموا فيما بينهم ، كان ايش صار في الدنيا؟!
باختصار الفلوس تغير النفوس.

انا اقصد فكرة السياره .. كانت فكرته والا فكرتك ؟
اذا فكرتك تتحملي القسط .. اذا فكرته وطلب تكون باسمك فانتي غلطانه

سألتها نفس سؤالك وأجابت هو اللي طلب منها.
راجع الردود تلقى جوابها.

اقسموا القسط بينك و بينه النصف بالنصف
و النصف يساعد فيه اهله و عشان ما يتزنق آخر الشهر و يعيشك تحت ضغط عصبي لانه مو قادر يكفي مصاريف الشهر

__________________

تعايشي مع وضعك ،، مستحيل زوجك يتحمل مسؤولية الصرف عنك وحطي تحت " مستحيل " عشرين خط .
شرعًا نعم ، هو ملزوم بهالشيء ، لكن بالواقع مافيه رجل بيدفع عشان زوجته وهي موظفة ..

لأن طبيعة بني آدم الطمع ، بيقول ليه أدفع وأنزنق وأفلّس وهي يجيها كل شهر راتب دبل راتبي ؟!
هذا غير نصايح الأهل والأصدقاء : زوجتك موظفة = صرّافة متنقلة .

وإذا الزوج مره كويس ، خلى زوجته هي تشيل مسؤولية نفسها .. بينه وبين نفسه انه ما قصّر وأحسن من غيره اللي ياخذ من زوجته فلوس ..

هذا الواقع صعب نغيره ، ولو بندقق بكل شيء بنتعب ..


وأنتي مش بخيلة ومنتي زعلانة لأنه مادفع القسط .. أنتي زعلانة ع أسلوبه الجاف وكلامه القاسي اللي قاله لك .

حاولي تبحثين عن حل للحساسية المفرطة وكيف تستقلين بمشاعرك بترتاحين جدًا ..

سؤال لو مافي إحراج ، كم تصرفين من راتبك بصراحة ؟ الثلث أو أقل ؟

__________________
سبحان الله وبحمده ، سبحان الله العظيم