لا مااقدر ... بس جدامي فتره كافيه للتفكير . الحب شي حلو تملكه لك موب شريك معاك يتهنى فيه اشكرج اختي ع المداخله

اختيه مهره الفلوس اللي حطيتها كنت اقدر اخش عنكم واجنب الحديث بالتفاصيل بس طالما فتحت موضوع حبيت اخط تفاصيلي فلا تخلين موضوع تافه وهي الفلوس تبعدنا عن المهم في الموضوع شخص تحبينه ومن خلال كلامه حسيت انه مخنوق وعليه التزامات توقفين متفرجه ؟؟ والجزئيه الثانيه اللي ذكرتيها باخذها في عين الاعتبار بتظلين اخت وعزيزه حتى لو رمستج ساعات تكون عوفه. .

الرمسة العوفة ساعات تبين لج أشياء انتي يمكن ما تكونين منتبهه لها ولا مدركة لأبعادها ومعناها ... فتحملي الكلام لأن الغرض بالتأكيد هو مصلحتج .. واللي يريح ضميرنا أولاً وأخيراً.

وموضوع الفلوس اللي انتي شايفه انه تافه .. فاسمحي لي اخالفج الراي .. ومثل ما سالفة الحب والمشاعر مهمة .. فبعد الفلوس وباقي التفاصيل مهمة.


المهم .. ارجعي اقري كلامج اللي لونته باللون الأحمر .. واسألي نفسج: ريال مخنوق وعليه التزامات وراتبه ضعيف .. ليش يبا يتزوج مرة ثانية؟

ترا الزواج الثاني بعد فيه التزامات .. كيف بيأدي هالالتزامات الإضافية؟ .. كيف بيدفع مهر؟ .. كيف بيوفر لج سكن؟ .. كيف بيصرف عليج؟

__________________


اللهم طِيبَ الأثر .. وحُسْنَ الرحيل.

الله يسامحج يامهره تساؤلاتج ماطرت ع بالي يالله خاطري ارمسه واعرف الاجوبه منه
روضه دنيا ضاقت فيني احبج معاج احلى ايام عمري انتي احلى شي صار خلينا نتزوج ياروضه ونعيش حياتنا حالنا حال الناس ها كل اللي ركزت فيه يامهره خليني اعرف باجر شو مخبي لنا بس بعيش في بيت ابويه مستحيل اطلع من بيتنا ماراح يتغير شي اللهم سالم ييكون معانا هاللي اتخيله واباه قوم تعاونوا ماذلوا

تعيشون حياتكم حالكم حال الناس؟
بس الوضع اللي تتخيلينه مب نفس حال الناس حبيبتي.


تخيلي اخوج خليفة ياج في يوم من الأيام وقال لج: انا احب بنت وابا اتزوجها وباعيش وياها في بيت ابوها.

بترضينها على خليفة يا روضة؟

__________________


اللهم طِيبَ الأثر .. وحُسْنَ الرحيل.

مهرة
انتي اخت وعزيزة ونصيحتج اتقبلها بصدر رحب ..
بس بضطر هالمره اتجاهل النقطه اللي انذكرت عن نور عيني خليفه لانها اتخذت منحنى اخر بعيد عن موضوعي ..



مهرة كيف موب حال الناس؟؟ مافي شي قاصر علينا بفضل الله والزوج اذا ماعنده الزوجه تسد مكانه وبعدين انا موب خسرانه شي على الاقل اطلع بياهل من تجربتي بشخص يباني واباه بشرع الله واذا مااتفقنا كلن في حال سبيله اختيه محد ايده قاصره الحمدلله
وتالي يروم يعيش حياته بكيفه الله يوفقه لو ماقدرنا نستمر والياهل في حضانتي بعيش وانا مستانسه مع النونو وواهليا ربي يحفظهم وشهادتيا في مخباي بتوظف ساعتها اذا اباه واذا ماباه ابويه ربي يحفظه موب عيزان عن عياله ولا عن عيال عياله .


همسه .. مهره عندي اخت مطلقه من ولد عمي زواج تقليدي طبعن واليوم متزوجه بمتزوج عقب ماعرفته هو كويتي والحين في الكويت وصار تحتها اربع بيبيهات ربي يحفظهم ابويه لليوم ينزل مصرفها في حسابها لانه عالم بظروفها و ظروف زوجها كان معارض في البدايه بس ماقدرت تتحمل الوضع والعيشه ساعتها ابويه تدخل واقنع زوجها انه الاب ملزوم من عياله لانه محاسب عند الله وعيال عيالها اذا الزوج رافض ماارح يصرف على عيال الزوج تخيلي البيت اللي استأجره ابوي لاختي يدفع مقدم سنه جدام . وكل شهر مصرفها في حسابها ينزل .. ومرات ابوي يقولي روضه دقي على خواتج جوفي محتاجات شي اقوله ان شالله يعني وين الاهانه للزوج اهني..
بالعكس سعيدين ومستمرين ..

روضة سامحيني .. بس الزوج اللي يقبل ان ابو زوجته يصرف عليه بكل أريحية بدون ما تعوره كرامته .. وبدون ما يحس بنفسه صغير .. صغير وايد جدام زوجته وأهلها .. ما ادري شو اقول عنه؟!!






متأكدة مب خسرانة؟

مب خسرانة اذا اكتشفتي انه يبا يستغلج مثلاً؟

مب خسرانة اذا اكتشفتي انه يدور متعة نفسه بدون خساير وبدون ما يكلف على عمره؟ .. وانتي الوسيلة والبنت الجاهزة لهالدور؟


لا تقولين انتو ما تعرفون سالم .. صح احنا ما نعرفه .. وانتي بعد ما تعرفينه زين .... عشان جذي مثل ما تتوقعين منا نحط احتمال انه صادق معاج فلازم بعد نحط الاحتمال الثاني.

وإذا صدق الاحتمال الثاني واعتقدتي انج بعد ما بتكونين خسرانة .. وعادي كل واحد يروح في حال سبيله .. فهذا معناه انج ما تحبينه يا روضة .. وانج بس تبين (تشترين) زوج لمهمة معينة وخلاص.

__________________


اللهم طِيبَ الأثر .. وحُسْنَ الرحيل.

اختي احبك انبهك ع نقطه يمكن انت مو منتبه لها
ان اهله يكون عندهم علم بزواجكم حتي لو قبلتي تكوني الثانيه
لان اتوقع والله اعلم حيتزوج بدون معرفه اهله وزوجته ويمكن يكون توقعي خطا بس عشان تفكري بالموضوع بجميع الاحتمالات
وليش مستحيل تطلعي من بيت ابوك يعني كذا بيحط بباله كانه متزوج مسيار محيتكلف في شي

ادري مايبا يخبر امه الا عقب الزواج وقالها امي ماارح ادخلها دخلتها اول مرة ومارضت توافق بالرغم انه عمله في دبي موب في جده يعني الاولى انه يتزوج ويستقر هني
خاله اللي يدري بس .. رجع يعني متمسك فيني كيف اقدر افرط فيه
سالم بالنسبه لي جوهرة جفتها وعيبتني موب صعب املكها طالما انا قادره اني املكها وادفع ثمنها
اشكرج الغاليه واحسنتي على المداخلة الطيبه

مهره والامل بس ارجع البيت بترك مداخلتي ... ان شالله