توقعت انى اواجه هجوم على كلمتى ..
خاب ظنى فليست كل الزوجات كما من قابلتهم ..
احرجتنينى مهره ..
نحن لا نريد جزاء ولا شكورا .. فقط اكره نكران الجميل ..
حقولك شغله .. بلهجة اهل الشام ..
لى جاره للصيدليه .. ام وزوجها متوفى وتاتى الى لشراء الادويه ..
انا من طبيعتى احب ان اقيم علاقة ود مع كل من اعرفهم ..
جاءت لتقيس السكر والضغط لشعورها بتعب ..
قبلها بمده صغيره كان ابنها وزوجته عندها ولم يبقى سوى دقائق ..
قلتلها شكلك متخانق مع حد ..بنتك ؟ قالت بنتى غالبانه .. امال مين ؟ ابنك ؟ راحت معيطه
وانتى عارفانى حنين قمت جبتلها كرسى واحكيلى ياام ....
هى مستاءه من ابنها لانه لا يزورها بالقدر الكافى وان زوجته لا تريد الاقامه معها وهى مريضه محتاجه رعايه ..
طيب ياستى مانتى عندك ولدين غيره اشمعنى ده ..المهم هزئته وقالتله مش عايزه اعرفك ماتجيليش تانى ..
قعدت افكر وانتى عارفانى مخى راكب شمال ..
الله هو حب الام لابنها ممكن يوصلها لانها تدمره .. يعنى زى الدبه اللى قتلت صاحبها ..
استفادت ايه لما عكننت عليه ..
استفادت ايه لما يكذب على مراته ويقول مارحتش لماما ..
استفادت ايه لما الواد يجيلها سرقه ويرجع فى معاد عودته حتى لا يعمل مشكله مع مراته ..
ايه التميز عند الام لما تعلم ابنها الكذب والخوف وعدم الصراحه ..
اه ربت وتعبت ومن حقها ان اولادها ييجو يتطمنوا عليه ..
طيب ماالاب ربى وتعب ومن حقه ولاده ييجو يتطمنو عليه .. ليه مش بيعمل زيها ..

اخى عاشق مافعلته ليس خطا
وما تطلبه زوجتك ليس خطأ ..
زوجتك ادرى بنفسية ابنك .. كما ان ابنك لازال طفلا فلا تجبره على سماع القرآن فقط ..
اتركه يعيش طفولته ولا مانع من المزج بين الاثنين حتى يدرك مانقوله وبالتدريج سيترك المضر ويذهب الى للمفيد ..
انا شخصيا اسمع ده وده وحسب الحاله النفسيه ..
عاوزين برضه ماننكرش محاسن الامهات

متهيالى اتاخر كده فى الكلام .. المفروض يقعد فى وسط اطفال تشجعه على الكلام ..
كما ان حديث الام والاب مع الطفل ينمى فيه مهارات الحديث ..
ان تاخر كثيرا فيجب عرضه على مختص تخاطب
اما بخصوص ابنك فكويس انك تجلس تخاطبه وحبذا لو كان الكلام خال من افعل ولا تفعل ..