رد : الظاهر هذي النهاية ..[مستجدات في الرد -102-122]
القطيعه برايي مرض الزمن في ناس تقاطعك من دون اسباب وتختلق الاعذار لذلك يا اختي ارتاحي من المشاكل واكرمي ضيوف زوجك واذا شاف كرمك وطيبك راح يرضى على اخوك تساهلي قليلا وحطي في بالك او تخيلي بان احد اخواته غلطت عليك في بيتك هل راح ترضين بسهوله
اسمحي وسامحي يا اختي من لايسمح لايسمح له ومن لايغفر لايغفر له بيتك الحقيقي هو بيت زوجك وليس بيت اهلك بيت اهلك هو ملاذك وقت الزعل فقط انتي ضيفه عندهم
حبيبتي جهزي ليله جميله كيكه حلوه اطلبيها او سويها بيديك لزوجك ادري بالخاطر زعل بس تنازلي شوي انتي من الداخل تحبين زوجك فحافظي على حبك الى اخر لحظه وجهزي قلاصين عصير وحطي كم شمعه واذا جا زوجك رحبي فيه اول ما يدخل قولي له كلمه جميله مثل (( يامرحبا بدنيتي .. يامرحبا بعزوتي .. هلا وغلا بالغالي )) راح تطيحين نصف الحطب بكلمة الاستقبال بعدين سلمي عليه وادخلي معاه بالمكان اللي انتي مجهزته وقولي له انا مسويه لك سهرة حبايب وابدي المناقشه بهدوء قولي له خلاص نبي نرتاح بدون خناق ولا هواش نبي نتكلم من القلب للقلب بصوت هادي ونحط النقط عالحروف وصدقيني راح تنتقلون نقله جميله تتجدد مشاعركم تجاه بعض بعد المصارحه كل واحد يفضفض للثاني ويجب على الثاني بان يتقبل ويعترف باخطائه الاعتراف بالخطا فضيله يا اختي ومريح جدا وراح تحسون برااااحه بالتعامل وصفحه بيضاء جميله بدون شوائب ولا زعل
بمجرد مواجهة المشكله وحلها راح ترتاحون اثنينكم اللي كبر المشكله هو تعليقها بدون مناقشه وبدون حل
اذا بغيت حبيبك دوم عاتبه كل يوم والعتاب زيادة محبه
والله يوفقك يارب
__________________
اللهم اجعلني مقيم الصلاة ومن ذريتي ربنا وتقبل دعائي