الله يصلح احوالكم...
بس ملاحظة اخيرة... انا.. مسانده للمرأة ومكافحة بامتياز.. لست ابدا ممن يخضعون ----حتى انصحك به..

انا تركت زوجي وبيتي والفلوس والسيارات وكلشي عملناه سوا..طلعت باولادي الثلاث بايدي وبسسسس.. وبهالوقتت ساكنه مع اهلي بشقة وعندي مصروف يكفيني ولله الحمد...

النصايح كانت من القلب...بعيدا عن الخضوع والمذلة..

واعتذر ان تسببت في ايلامك زيادة.

واحتراما لكي سأنسحب من موضوعك..

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..

تسمعين مني يا كنافة
ارتاحي في بيت اهلك كم يوم،
ترى فيه ناس عندها قدرة على قتل اللحظات
وإذا انجبرنا عليهم
نحاول نسرق أنفسنا حنا بعد لحظات
عشان ما نفقد ذواتنا ولا لون الحياة الجميل اللي ربينا عليه

لسى متفائلة انا اللي اكرر اعتذاري
ماكان قصدي والله اللي فهمتيه
بس من قهري والله العظيم
اعذريني يا الغاليه
واحترامي وتقديري لكفاحك الله يحفظ لك اهلك


شوك
فهمت عليك.. الله يعين

صافي عزيزتي...

__________________
وإني ذقت الطيبات كلها، فلم أجد أطيب من العافية..
وذقت المرارات كلها، فلم أجد أمر من الحاجة إلى الناس..
ونقلت الحديد والصخر، فلم أجد أثقل من الدَّين..

غلط عليك وغلطتي عليه ماسكتي رديتيها له بوقتها رجعتك معه مومعناها إرضي وإنسي الي صار لكن حليها ببيتك أحسن ، ترى المره عزيزه في بيتها بيت أهلك مو بيتك ، إحمدي ربك على النعمه في بيت لحالك أنتي سيدته لا تشاركك فيه أمه ولا أخته ولا زوجه ثانيه فيه حريم صابرات على الويل وماسكات بيوتهن . إدعي الله يهديك للحق .

__________________
الحمدلله حمدا جزيلا ...

زوجي جاني
ماكنت محضرة اي كلام
وهو جلس يحسسني ان اللي صار خلاف وراح
لمته وقلت اللي بخاطري
وهو عطاني تبريرات وعود
وجلس يذكرني باشياء فعلها عشاني
الى هنا اوكي
لحد ماطلبت منه نكلم مستشار
قال انا كلمت وانتي كلمتي وما استفدنا شي
قلت له الافضل انا واياك عند مستشار واحد
رفض بشده وقال خلاص احنا عارفين اغلاطنا
قلت له بعد اللي وصلنا له لازم هالخطوه
رجع رفض وقال خلاص لاتصيري نشبه قلنا مالك الا اللي يرضيك بدون مستشارين

هذا الشي المحبط
والمشكلة انه اصر يجي ياخذنا بكرا
طلبت وقت كم يوم ورفض
قال خلاص لاتطوليها وهي قصيره

احس استعجلت لما تقابلنا
ما ادري ماني متطمنه
او يمكن فاقده الثقه بعلاقتنا انها ممكن تتحسن
قلبي مو مرتاح

ما سألتيه عن الطلاق الثاني ؟
--------
بس الخيره فيما اختاره الله

صاحب النعمة لا يشعر بها الا بعد فقدها

__________________
سبحان الله وبحمده سبحان الله العظيم

كنافة طمنينا عنك .. وش صار معك؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حاتميه لا ما سألته
وافكر ما اسأله ولا اعطي الموضوع أي اهتمام
ما ابي احسسه ان هالشي شاغلني او اني خايفه من الطلاق




لست كغيري
اشكرك على السؤال
امس كان المفروض ارجع معه البيت
لكن كلمته وقلت يأجلها لبكرا (اليوم)
على أساس اني تعبانه امس
حاولت اكسب يوم زيادة لاني خايفه ارجع معه
وداخلي كره عظيم للبيت وصاحبه
خصوصا ان اليوم لي سادس عند اهلي
والله العظيم مانزلت مني ولا دمعه ومرتااااحه
بعكس بيته اللي كل يوم او يومين ابكي فيه
حاسه اني منجبره ارجع مو اختيار ابدا
ومقتنعه اننا ماننفع نكمل مع بعض
خصوصا بعد مارفض نتواصل مع مستشار
وفي شغلات اثارت شكي فيه هالفتره
بس ما ابي اخوض بشكوك
انا كارهته واشوفه ابشع مخلوق بالدنيا
والفرق اللي اشوفه بين بيت اهلي وبيته يكرهني فيه اكثر
لكن برجع عشان اطفالي وحتى ما انكد على اهلي
وماعندي استعداد اقدم ربع اللي كنت اقدمه له
يكفي انه معترف بلسانه اني حاولت بكل الطرق ارضيه
وانه تعمد يقسى علي ويهيني حتى تبرد ناره
بسبب كلمة قلتها من أسابيع طويلة
ويقول الحين بردت ناري خلاص وارتحت!!
ارتاح هو لما انهرت أنا.. احسه انسان مريض
انا برجع واعيش لنفسي واطفالي
عاجبه والا كيفه يطلق يروح يتزوج براحته