وبالنسبة لنكديتها يمكن فعلا هي كذا , لأنه كل يوم متخانقه مع وحدة وخناق كبير , وتشرشح أبوهم بعدين تتصل وتسولف معاهم ولا كأنها أمس مكسره جدفها!!!
لكن وش نظرة صديقاتها معاها ما أدري هل هم متقبلينها ولا هي لاصقة نفسها فيهم ما أدري.

لا ياخوي لاتستغرب من نظرة صديقاتها(الطيور على اشكالها تقع)تلقاهم كلهم من نفس الصنف..حقون القيل والقال...والله اعلم

عارف لما أكون مريض وأغيب عن دوامي من شدة المرض وأكون عندها تدري وش تقول ؟؟
ايووووووه جات من الله , الحين أعلمك انه الله حق وانك الحين بأمس حاجتك لي , لذلك أنا بطلع بروح لأهلي

أكبر دليل على عدم حبها...وتكذب عليك يوم تقول احبك...ترى الكلمه سهله واي احد يقدر يقولها...خصوصا اذا له مصلحه عندك...والله اعلم متى تقولها لك ..اكيد تكون محتاجه شي بكره او بعد اسبوع وتمهد من بدري..

زوجتك الثانية بتراقبك وبتفتش وراك وكل تحركاتك عارفته

ولا كيف عرفت عن خطبة
اكيد عرفت عن طريق اختك او خالتك او اي حد من طرفهم لان مو معقوله خالتك ماقالت لاحد من العيله ابدا

تقول والللله!! بعد ما أخذت مني أغلى ما عندي تقول ما أجبرك تعيشين معاي؟!!

ضحكتني هذي الجمله...ليش انت ماخذه ببلاش..مادفعت لها مهر؟؟؟

ومرات تقول انا أحبك ولا أستغني عنك , وغيرتي عليك لأني أحبك , عجزت افهمها وافهم تناقضها
تكذب عليك...ماتعرف الحب ..الله يعز الحب عن حبها هذا...
وكل الي ذكرته عنها وعن تصرفاتها مافي شي يدل على الغيره ...هذي سوء اخلاق..اي غيره الي تخليها تفرح لامرضت انت واي غيره تخليها تطردك من البيت.. واي غيره تخليها تفركش زواج اختك..ولا صدقتها يوم قالت احسبك انت الي بتتزوج..
لاتستغرب.من اخلاقها.ترى فيه كثير مثلها رجال وحريم...والله حتى لو انها زوجه اولى واخيره ومالها شريكه فيك..ماراح تتغيراخلاقها وطباعها..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

وعليكم السلام اخ ابو فهد


عندي محاولة لفهم نفسية الزوجة الثانيه و هو مجرد اجتهاد يحتمل الخطا او الصواب

زوجتك الثانيه حسب مافهمنا منك فيها مؤهلات كثيره تحبب اي رجل فيها وهي متاكده من هذا الشي وكونها الثانيه هذا حسسها قبل ماتعيش معك انها راح تاخذ كل تفكيرك وراح تحبها الى حد الجنون ويمكن كانت تقول انك مستحيل تحب الاولى لو تحبها ماتزوجة عليها ومعروف الشي هذا عندنا معشر النساء غالبا اذا الرجل تزوج يعني الزوجة الاولى مالها مشاعر يبدو زوجتك جتها ردة فعل انو انت باقي تحب الاولى وعادل بينهم وهي ماكانت متوقعه هذا الشي ويمكن كانت تفكر تنسيك الاولى بس مواقفك مع الاولى خلت عندها ردة فعل انك مازلت تحب الاولى

لعل هذا التفسير لنفسية الثانية يساعدك في فهم مشاعر الثانيه وسبب تصرفاته

و لكن هذه المرأة (الزوجة الثانية) ببساطة كانت تطمع بأن يطلق زوجها زوجته الأولى و يتخلى عن أطفاله كذلك

لسواد عينيها و هذا ما كانت تنتظره خلال سنتين و عندما وجدت أنه متمسك بالأولى و أطفالها بدأت تظهر حقدها و غلها

و بدأت تجلد زوجها لعله بهذا الأسلوب يستجيب لها !!! أو ربما تعاقبه حتى يستجيب لها !!

و ما يؤكد كلامي من أنها تريد إلغاء الاولى و أبنائها من حياة زوجها أنها تقول له لو كنت لي وحدي

لجعلتك أسعد رجل في الدنيا كإيحاء لعقله الباطن ليطلق الأولى ليذوق طعم السعادة معها

كلام صحيح 100%...ومو بس هي اي وحده يتقدم لها متزوج يجي في بالها انه مايبي الاولى..وتنتظر بعد الزواج فتره على امل يطلق الاولى...(لكن حامض على بوزكم يالثانيات)
من ضمنهم خالتي اخت امي يوم نسالها انتي اخذتيه ممتزوج بعياله ليش الحين تزعلين قالت توقعت يتركها بس ماتركها..اجل ليش تزوج عليها..اذا يبيها..سبحان الله..المفروض الي ناوي يعد يفهم الثانيه قبل العقد عليها ان زوجته الاولى تكون اخت لها وانها ام عياله ومستحيل يفرط فيها..ولو فعلا كل معدد قال هذا الكلام لخطيبته كان مافيه بنت ماخذه متزوج ..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اخواتي
في نقطه حابه اوضحها

الضرب الموجود شرعا هو ضرب خفيف جدا مو الضرب في العقال وغيره حتى التكسير

لو ايش ماتسوي مو من حق زوجها يضربها ضرب مؤلم لو راحت لطبيب شرعي وثبت ضربه لها ممكن تقاضيه على الشي هذا لانه شرعا مايجوز هو حاب يكمل معها اهلا وسهلا مو حاب كمان براحته بس مايهينها هي كذا ماببتتغير .عنده طرق يغيرها بس من غير مايتجاوز حدوده عليها حدوده الشرعيه كان بها مايقدر في حل الطلاق
بس الضرب غلط في غلط
رجاء خلو العنف خارج نطاق تفكيرنا
تعاملو مع بعض بانسانيه

يا اخي خوفها بالله ذكرها بالاخرة مو معقول تفكيرها
ذكرها بعاقبة الظلم والدعاء وان الاثر بيرجع عليها في عيالها
الدين يهذب الاخلاق و من ما قرأت زوجتك غير سوية نفسيا ولاعقليا
لايوجد امراة عاقلة تخلق مشكلة لانها تريدك ان تكون ابو سارة وليس ابو فهد
يعني تجاوزت العقل والعرف وعادات المجتمع لشيء غريب في راسها

سجلها في تحفيظ و احرص على تثقيفها دينيا

والله يا اختي بغيت اكتب هذا الشي في البدايه ولكن قلت ما ابي ادخل مع اخواتي في نقاش طويل ،
ولكن انتي كتبتيه بيض الله وجهك ،،
واتمنى من اخوي ابوفهد يجرب هذا الضرب ولكن مايكون على الوجه !!!
الله يوفقك يا اخوي ابوفهد ويصلح حالك ،،
مع كل اللي اقراءه عن حال التعدد بس انا مقتنع بالتعدد والله يوفقني قريبا بالزوجه الثانيه والعدل بينهم ،،
واحب اقول شي لاخواتي مب شرط الزوج يبي يتزوج عشان زوجته مقصره ،ولكن يبي يتزوج (ادري صعب تفهمون هذا الشي ولكن واقع )
الله يسعد الجميع ،،

__________________
سَلام عَلَى الدّنْيَا إذَا لَم يَكُن بهَا صَدِيقٌ صَدُوقٌ صَادِقُ الْوَعدِ مُنْصِفَا

معليش اخي الكريم بس هل تقصد نفس سبب بوفهد,,
هل حبكم للنساء يفوق خوفكم من كسر مشاعر المرأة او انوثتها
اتمنى ان يهبك الله اكتفاء عاطفي من زوجتك و رحمة بها

__________________

تزوج الثالثه

وعليكم السلام ورحمة الله وبركاته

اقتباس:

وقالي وحرصني على بعض الاعضاء السيف المهند أخي في الله وشاطئ المحبة وأبو فلان والبليغ والحكيم ومعدن الرجوله ولا يهونون الباقين من أخوني وأخواتي الأعضاء.

صراحة شرف كبير لي أن يذكر أسمي مع كوكبة من أفاضل أعضاء المنتدى ولايهونوا الباقين وهذا إن دل فإنما يدل على أصالة العضو الكبير اللي رشحني عندك ، بالله سلملي عليه وقوله الله يرفع من قدرك وشأنك ويسهّل عليك أمرك والله يقدرني أكون قد المسزولية.

وأسأل الله أن يفتح علي أبواب فضله كي اكتب مايفيدك ويفيد أختي "ف" وأختي "د" وأبني "فهد" و"ناصر" وأـبنتي "سارة" والله على كل شيء قدير.

- أولً أحسبك والله حسيبك ولا أزكي على الله أحدً انك إنسان تخاف الله في الرعية التي استرعاك عليها وعادل معهما على حسب فهمك للعدل وصابر وطويل البال وأتمنى من الله أن تستمر على ذلك وأفضل .

- أنت الآن لو عشت بسعادة مع الاولى و الثانية وتوفيت على ذلك بالله على أي أساس تريد القصر الفلاني أو العلاني في الجنة (وأنت عارف أن درجات الجنة على حسب الاعمال ـ أسأل الله أن يرزقك الفردوس الأعلى ) ، وأن الله إذا احب عبداً ابتلاه.

- لاتفكر بالطلاق وخاصة انك استنفذت الفرصة الأولى ، فخلي الطلقة الثانية إذا لاقدر الله فقدت أعصابك ، وطلقت فسيكون يكون بإماكانك إرجاعهان ه>ه زوجتك منك وفيك وعندك منها ولد وبنت .
- وجهة نظري تتلخص في التالي : واحد من أعضاء أسرتك يعاني من مشكلة نفسية اجتماعية ( بذاءة اللسان – القلق – التسرع في اطلاق الاحكام) وأثر هذه المشكلة متعدي على غيره من باقي أفراد الأسرة (أنت وزوجتك الاولى وأبناؤك وعملك) ، فهل نتركه لوحده يعاني ؟ أم نبتر هذا العضو ونتبرأ منه ونجعل بقية الأعضاء تعاني (عيالها وعيال زوجتك الاولى ) وبالتالي انت ستعاني أيضاً وكأنك ياأبو زيد ماغزيت ؟

- في ناس ياأبو فهد ماتتعدل إلا عندما ينفذ صبرك وتقولهم مثلاً انتي طالق وقتها تقولها وانت غير نادم وتضرب بكلامها وتوسلاتها ووعودها عرض الحائط وتقولها بدري متى جاية ؟ بعد مافات الفوت ؟ . في واحد من قرايبي متزوج له أكثر من عشر سنين وزوجته أخذت تصبر عليه وتسايره في أخر سنتين من غير أن ينتبه لما في داخلها من غليان لأنها لم تظهر له شيء ، وبعدها إلى أن وصلت إلى أهلها (في مدينة ثانية) قالت له في أمان الله واختر لك واحد من أثنين يا الطلاق يا الخلع . هنا عمنا انهار وانصدم صدمة ليست بالسهلة (من وجهة نظري لأنه عرف أن الشغلة جد) ، ومن يومها إلى يومك ذا وهو يحاول في إرجاعها مابقي أحد في العيلة إلا وطلب منه التوسط عند زوجته عشان ترجعله . طيب أخوي أبوفهد لو الزوجة هذه قبل ماينفذ صبرها بكم شهر عملت نفس هذه الحركة وبنفس هذا الحزم ماكان أفضل ؟و سوف يتعدل ولاتتفكك أسرة ؟؟؟ (طبعاً بعد توفيق الله سبحانه وتعالى).
طيب أخوي أبو فهد أحنا ليش مانستفيد من القصة السابقة و نقدّم هذه اللحظة قبل أوانها (تميثيلياً جاداً بغرض الحفاظ على إستقرار الأسرة ) ، ليش مانمثّل هذه اللحظة مع الأخذ بالحسبان قول الرسول صلى الله عليه وسلم بما معناه ( ثلاث جدهن جد وهزلهن جد ، النكاح والطلاق و (الثالثة نسيتها) . فما ينفع ابداً نمزح (نكذب) في حكاية الطلاق لأنه يقع في هذه الحالة.

- "اللي يجرب المجرّب عقله مخرّب" هذا مثل سمعته من والدي ومعناه يتلخص في ان الشخص اللي يجرّب نفس الحل لنفس المشكلة مهما طالت المدة (سنة سنتين ثلاث سنوات) فهو لن يتقدم خطوة واحدة للأمام.

وبالتالي انت تحتاج إلى حل من نوع جديد ، أنت تحتاج إلى خطة محكمة ماتخرش المية ، وبالتالي تحتاج إلى مدّرب وهذا المدرّب يجب ان يكون ذو خبرة في نفسية الرجل ونفسية المرأة ، نفسية الزوج ونفسية الزوجة، وأن يكون محايد وأن يكون شغله على أساس علمي ويبدأ معك في فهم أبعاد التحدي الذي تواجه مع زوجتك ومن ثم من منطلق معرفته بنقاط الضعف والقوة في شخصيتك(نعم شخصيتك أنت وليست شخصيتها هي) يبدأ في إعداد خطة محكمة على هذا الأساس . ماهو رأيك ؟
هذا المدرّب يطلق عليه مسمى "أخصائي سلوكي اجتماعي" وليس طبيب نفسي . تجده في العيادت النفسية وإذا انت من أهل الرياض خبرّني عشان ارشحلك اسم مركز.

ختاماً :

زوجتك مرأة والمرأة ضعيفة وهذا هو نفسه سبب قوتها في نفس الوقت ، فهي لضعفها و لتهويلها للمشاكل وقلة صبرها تبدأ في أرتكاب المصايب (تخريب زواجات – عمل سحر – استخدام مواد حارقة على وجه الزوج أو الزوجة الأاخرى – القتل .... الخ ) وهذا سبحان الله كله من ضعفها تخيل !

حبيبي ابو فهد
توها تمرّ خمس سنوات وهذ مرحلة ذروة المشاكل ، توّكل على الله وهيئ نفسك لكسب التحدي والقادم أحلى وأحلى والله يهنيك بما رزقك ويصلحهم لك. ولا محبة إلا بعد عداوة.