جزاكم الله خير
ردودكم تطمن

انا مقتنعه دام افتعل مشكله وانا عند اهلي
وتركني انا والاطفال بدون سؤال
وبدون ولا ريال
فالافضل يتفاهم معهم

هو طول الشهر مافكر يكلم اهلي
امس بس لما ارسل زوديتها ردي احسن لك الخ
ارسلت له : ليتك تتفاهم مع الوالد
وقامت القيامه!

لكن قلبي حاس ان الفرج قريب
والحمدلله على كل حال

بالعكس لاتسوين بلوك
خليه يرسل
عشان تكون دليل ضده
انتي اعصابك بردت من رفع الضغط اللي سواه
خلاص جاك برووود
ربي يضع في قلبك الرضى..

كلمت روضه جنب بيت اهلي
حتى اسجل بنتي فيها
قالوا لي خلص التسجيل
بس جيبي الاوراق ورسوم الفصل الاول

معي صورة من بطاقه الاسره
وقيمة الرسوم

لو سجلتها ودفعت يعني طلاقي مسأله وقت
ولو تركتهم واستمريت منتظره الباشا
بيروح الفصل الدراسي على البنت

المدارس الكويسه كلها قفلت تسجيل


ماني عارفه كيف اتصرف

الجبان مافكر يتواصل مع اهلي كل هالمده
ولافكر يمرنا البيت
ولا ارسل لي ريال واحد وانا معي طفلين


لكن هذا الشي اكد نظرتي فيه اكثر


افكر ارسل له يطلقني
وامشي اموري ولا اتعطل اكثر
اسجل بنتي بمدرسه وارتب لها النقل
واروح مع اخوي اخذ كل اغراضي غصبا عنه

الطلاق صعب اصبري عسى ربنا يحلها من عنده

ليش ما سجلتيها؟ بسبب الاوراق؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

ليالينا
انا صابره ومل الصبر مني


مسك
يبغوني ادفع رسوم الفصل الاول كامله
اذا دفعتها اكيد مالي رجعه للباشا
الروضه جنب بيت اهلي
والمسافه بين بيتهم وبيته فوق نص ساعه

ودي ادفع واخلص
بس لو طاح الشر اللي براسه ماراح تدرس فيها بنتي
وبتروح علي الرسوم
فهمتي علي؟
المدارس الحين عندها رسوم تسجيل
ورسوم زي مدرسي وكتب وكلها لاتسترد
غير رسوم الدراسه نفسها


والدي سألني قبل يوم وين بسجل بنتي
ونصحني بمدرسة جنبهم
قلت له ان شاء الله وسكت


اكتب لكم الان
وزوجي يكتب نكت بتويتر
هم يضحك وهم يبكي والله

انتبهي انتبهي انتبهي تسجلي البنت بدون علم ابوها ولسى موضوعك منتهي
باقي ع الدوام شهر ونص لاتستعجلي ياكنافه
اقسم بالله انا معلمه واشوف عناد الاهالي في الابناء كيف؟ الاب يسجل البنت الام تجي وتاخدها عندها ويضيع العام الدراسي ع البنت
اصبري ياكنافه هي روضه مو مدرسه اصبري ولا تستعجلي

__________________
ريم نواف سابقا

لاتتهورين ياخية ربما يستلم الرسالة وهوا في حالة
غضب ويتم الطلاق وتندمي الهون ابرك مايكون
بصراحة انا اشوفك طايرة بالعجة اركدي لو يومين بس
وتنحل الامور ..الله يهديك بس

__________________
سبحان الله وبحمده سبحان الله العظيم

عموما حبيبتي أتوقع تقدري تسجليها مع بداية الفصل الاول بعد بدء العام الدراسي .. عشان كذا أقول لاتستعجلي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..