توني أنتبه لهالرد
يبدو أن احد المشاكل بينكم هو لومك لزوجك على مساعدة أهله ماديا (وهالنقطة تكررت في أكثر من موضوع لك) أحبه كيف علاقتك مع أهل زوجك؟ |
مد رجولك على قد لحافك
حاولوا تعيشون يومكم ولا تخلون تفكيركم كله في المستقبل ديون وقروض واراضي وسيارات الواحد ما يدري متى يموت فاذا ماصرف على نفسه ودلع نفسه الحين متى ؟ بخصوص موضوع السياره زوجك كان يدري انه ما يقدر يدفع القسط من البدايه لذلك سجلها باسمك واول ما انزنق قال انه ما بيدفع .. ثانيا اذا بتمنين عليه باللي تعطينه فلا تعطينه بالاساس .. ثالثا زوجك غلطان من الاساس انه ياخذ فلوس من حرمته .. حاولوا تفتكوا من الديون اللي عليكم ان كان بعتوا السياره او بعتوا الارض وسكرتوا ديونكم بتزين حالتكم .. اما ماعندكم اكتفاء اقتصادي ما راح تزين حياتكم معمى سويتوا |
شي جميل فكرت تريحي زوجك بس اخترتوا سيارة غالية مو مناسبة لإمكانياتكم
أتمنى تكوني فهمت قصدي من كلمة ترشيد استهلاك. المهم أختي إنت تبغي تفهمي زوجك إنت الرجال والصرف عليك وأنا مسؤولة منك.وإذا أعطيتك فلوس فهذا مو واجب علي .. هو من باب المساعدة ..و المفروض تشكر ربك وتقدرني على وقفاتي معاك..وتبغي تمشيه بالقوة على هذا الشي. لكن منت قادرة تستوعبي معظم الرجال إلا من رحم ربي يبغوا يستفيدوا من فلوس الزوجة بأي شكل من الأشكال.. بما فيهم المجتمع سواء أهلك أو أهله.. بدليل زوجك استفاد من فلوسك أشكال وألوان..(برضاك) بدليل هو شايف نفسه جالس يخدمك بسيارتك إنت واللي في النهاية تكون بإسمك. (ماراح يشوف إنه مستفيد منها).. بدليل أخوان زوجك ماقدروا راتب زوجك أقل منهم، ساووه معهم.تعرفي ليش؟ لأن( زوجته مدرسة) وبنظرهم المفروض يأخذ ويستفيد منك انت ..وزوجك يعطي أمه زيه زيهم ولو كنت (ربة بيت) كان ممكن راعوا مسألة راتب أخوهم أقل من رواتبهم.. شوفي ياقلبي هذول رجالنا وهذا مجتمعنا ماتقدري تستغني عن زوجك ولا تقدري تقاطعي مجتمعك وتعيشي لحالك عشنا كدة لاتتوهمي كثير وتعيش في الخيال كثير لا تحلمي بزوج يصرف عليك وماياخذ منك..ويقبل منك تساعديه بكيفك وقت ماتيغى حسب ظروفك.. هذا الخيار مو موجود عندهم . ولا عندهم مراعاة لظروفك . واجب عليك تسدي وتشيلي طالما تشتغلي. وعشان ماتحزني على نفسك كثير مدرسات زيك وأخس..والخلاصة معظم الرجال مستفيدين من فلوس حريمهم اللي بيشتغلوا ..اللي يأخذ قليل واللي يأخذ كثير ،واللي يأخذ بشكل مباشر واللي يأخذ بشكل غير مباشر.. المهم لازم تكيفي نفسك مع الواقع.ولا تشغلي نفسك بالتفكير لأنك حتموتي قهر على نفسك. مستقبلا لازم تكوني فطنة واعية ماتقدمي على أمور تندمي عليها لاتنفعلي وفي لحظات عاطفية تقرري قرارات (مادية)ماتعرفي أبعادها والمترتب عليها. اللي صار صار وانتهى الآن إذا تحبي زوجك وشايفة فيه إيجابيات وحسنات تشجع وقررت تكملي معاه برأيي لاترجعي السيارة وكملي أقساطها طالما هي باسمك يعني السيارة باقية لك. أحس عيب تبيعيها وكمان هذا التصرف بصراحة يقهر. إنت أتعاملي مع زوجك بأصلك .والرأي لك . انسي حكاية الفلوس فترة حاولي فيها ترجعي الحب والاحترام لأنه انفقد بشكل كبير بينكم..وكلكم مو حاسين بالأمان ناحية بعضكم. لا تراددي زوجك وتجادليه في الطالعة والنازلة والكبيرة والصغيرة،، يعني مثلا في حكاية القسط كان ماحاسبتيه ليش أخوانك مايدفعوا أكثر منك ،ماراح يتقبل منك تقولي له رواتب أخوانك ومدري ايش . مهما كان حيشوف أمه أولى وأحوج للفلوس،،أما أنت لو قصر معاك مو مشكلة لأنك موظفة ذات راتب. أعطيه فرصة يعيد اتزانه المادي لأنه واضح هذه الفترة مضغوط بعدها حاولي باللين والسياسة تحسسيه إنك مضغوطة من الأقساط واطلبيه يدفع القسط وإذا مايقدر يدفع القسط يشاركك فيه.. وآخر شي لا تكوني دبشة في الكلام مع زوجك(ولا تنسوا الفضل بينكم) وترى الأسلوب المباشر مع الرجال غالبا غير فعال. شوفي لي ساعتين وانا اكتب ياويلك لو ما استفدت من كلامي |
بصراحة كلامك واقعي وفي مكانه وهو الحاصل بالفعل .. وإذا أنا أخطات عندما حطيت نفسي بموقف صعب علي اني أتحمل تبعات هالشيء .. وهذي ضريبة الزوجة الموظفة حتى أهل الزوج عينهم على راتبها .. وهذا بالفعل صار من أبو زوجي بس زوجي وقفه وبين له إن ماله حق وإن الزوجة ماهي مسؤولة عن زوجها ..
|
ياأخي أنت فاهم غلط .. أنا اللي طلعت السيارة باسمي من البنك .. مو هو اللي طلعها وكتبها باسمي .. ثاني شيء مستحيل ابيع الارض عشان اسكر ديني وتزين حياتنا .. حياتنا هو مسؤول عنها .. هو الرجل اللي له القوامة .. ولا الرجل مايحس برجولته الا في التعدد وفي فرض كلمته على زوجته وبس!!
|
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|