حبيبتي انت طبعا ما اتضايق والله نعمة انتم اني اقدر اتكلم معاكم
مافيه ولا مخلوق افضفض له.

هو يا عتبات 4 سنين من يوم تزوج، اي مرة يصير موقف او مشكلة يصير كذا ويقعد فعلا أسبوع نفسيته زفت ومهو انسان طبيعي ابدا.

وسيلة ضغط عليج عشان هو يرتاح
ضميره مشغول ، وفي نفس الوقت خايف
يحس انه خرب حياتج خصوصا لما يشوف الزعل بعينج انتي تعطينه تأكيد او رسالة انك جرحتني
لذلك يشعر بالتأنيب ويجلد نفسه
وخوفه واضح من قبل و زاد بعد العملية
يحس ان عندج كل المقومات اللي تخليج تتركينه بعد الجرح
لذلك يعيش تحت ضغط الهواجس
عشان يتخلص من هالشيئيين يبيج تسكتين وكا يبيج تظهرين الزعل لان الخوف والتأنيب يزيد
اي هو فعلاً كان يبي الزواج الثاني
وتوقع انه بيكون سي السيد
الثنين بيحبونه وبيتنافسون عليه وووو
وتوقع انج بتظلين معاه نفس اول
لكن لما حقت حقايقها وصار اللي صار حط روحه بهالموقف
الغلط مو منج الغلط منه هو ..
هو حط نفسه بهالموقف

لكن يبيج انتي تقولين له " انت براءة " منت مذنب وانه عادي مو زعلانه
يبيج تعطينه تطمين ان انه معاك ما بتركك

كلامك كله صح يا زين، بس أنا يئست منه.
ينطبق عليه المثل: ضربني وبكى سبقني واشتكى

الله يفرج همك ويجبر خاطرك

__________________
لاتشكو للناس جرحا انت صاحبه ....
لا يألم الجرح الا من به ألم

حبيبتي مشكورة اللهم آمين 💕💕💕

لما قال انتي تكرهيني ولا لك رغبة فيا،
قلت له انا ماقدر افصل
احتاج مساحة بالذات بعد ماشوف شي قوي لانه جسمي ومخي حاجتين متصلة، ماقدر زيك افصل وامارس حياتي بشكل طبيعي


والله تجيني أوقات احزن عليها متوهقة زيي ،
وتجي اوقات اقول احسن تزوج ، خليها تتشارك الغثا معاي وتشيل عني


آمين واياك يارب

والله يا اشراقة .. انتي ماجبتي كلام غريب .. ولا شي جديد ..
زوجك حاس انه غلط .. وتوهق مب عارف كيف يرقع المشكلة ..
طبعا مايقدر يعتذر عشان مايثبت عليه الغلط ..
فماله الا انه يتمسكن ويتميرض وبدل ماهو يراضيك انتي تراضينه..

اذا الشيء ما يتعبج سايريه
يمكن ترتاحين من هالحركات!

يعني كل ماشافك مضايقه يسوي كذا عشان يبعد عن تفكيرك الموقف اللي متعبك؟ الله يعينك يارب وتمشي الحال على نفس الموال

__________________
أفضل طريقة للالتزام بالوعد هي ألا تعد بشيء
اللهم صل على نبينا محمد

متعبه انتي اشراقة.... محتاجة استراحة محارب.... يحتاج توقفي شوي عن العطاء...
دعمك العاطفي له صاير يتعبك وفي نفس الوقت هوه ما قادر ولا مهتم انه يبادلك... ارتاحي عزيزتي... توقفي شوي عن العطاء

لا هو لما يفك من حالته هذه، يقولي زعلك يزعلني ويأثر عليا

اذا شفتك مبتسمة انبسط وارتاح، واذا تضايقتي اتعب لاني انا السبب في تعبك.

بس انا كل الكلام ما يهز فيا شعرة
لو يهمه زعلي ماسوى هذه الشغلة من بدايتها

جدا جدا.
مع اني مقارنة بزمان صرت مرة اريح نفسي
يعني مو مهتمه ابدا انه يرضى وانه اخذ بخاطره،
والله طناااااااش !!

هو انسان درامي لدرجة مقززة
مواقف كثير لو اسردها لكم بتستغربوا كيف متحملته.