كان الموقف في صالحج لانه اجبرج يوديج . .
الحين مابيقدر يجبرج ..

ماحد بينتقم من أحد ..

مهرة تستحق انها تعيش سعيدة و مرتاحة البال ..
و الخطوات اللي هي ماشية عليها ، تزيدها قوة و استقلال أكثر ..

هي تبني طوبة طوبة ، لجدران قلبها ..
ماحد يستحق محبتها التي بدون شروط .. غير - نفسها / أولادها / أمها و أبوها الله يرحمهم - ..
أما الحب المشترط ، هذه خليها ( لزوجها ) ..

عادي مهرة سياسة لونها كذا في مكان كذا
و تراني تعبت من استغفالك و ادعائك انك مش فاهم قصدي الله يرضى عليك
الجملة الاخيرة للترطيب

__________________

لاتردين

جا الوقت الي تاخذين مواقف اقوى

لعلمكم

الاقي بين فترة وفترة

بكلات في السيارة لما ابحث عن شي اما لبناتي او لزوجتي

ياترى ليش تركوها في السيارة؟

عشان يغيظو الزوجة الاخرى؟

بس انا مش متزوج غير زوجتي فقط

__________________

اذا ما اثبتي له و قال نعم حقك علي المفروض انتبه
راح تستمر حالة الإنكار عنده انه فعلا شيء ما يضايق
و لا ما صار اصلا و لا في شباصة و لا شيء

__________________

يعني اذا مو فاهم. فهميه
اذا مو اكبر همه. بيفهم انه شيء مفروض يدخل بهمه من باب الاحسان و التفهم

__________________

اخ لماذا نتزوج
هذا انت تنظف سيارتك وتحرص على
رمي البكلات عشان مايشوفها اصدقائك يمكن او اي احد
لكن هو متزوج يفترض يكون احرص
ومهره ماطلبت مستحيل ليه تضغط على نفسها وتتحمل
ولا قالت حتى شيلهم
بس رفضت تركب معه مره ثانيه

الإجازة الماضية ما كنت أعمل حسابه في الغدا .. لكن هالإجازة رجعت أطبخ له معانا.

دايماً في وقت الزعل ما ياكل من أكلي .. حتى الشاي اللي أسويه الصبح ما يشربه .. سواءً أنا اللي زعلانة أو هو اللي زعلان .... لكن هالمرة ياكل الأكل اللي أسويه .. ينتظر لين أخلص أنا واليهال الغدا .. وعقب يدخل المطبخ يتغدا .. والصبح يشرب الشاي اللي أسويه وياكل إذا كنت مسوية له ريوق.

بس من شوي عمل شي أول مرة يعمله.

عقب ما خلصت الغدا وغديت اليهال .. كنت ناوية أرفع له سهمه وأحطه في الميكرويف كالعادة .. لكن فاجأني إنه دخل المطبخ قبل ما نخلص!

كنت مسوية كشري.

سألني: في كشري حقي؟

قلت: هيه.

قال: في صوص حار وبصل؟ (عادةً ما أسويهم وهو في الدوام لأن أنا واليهال ما نحبهم)

قلت: هيه.


غرفت له غداه .. وحطيت صحنه على الطاولة وطلعت من المطبخ.




بعد ما خلص بعث لي: مشكورة على الكشري .. بس إذا شايفة إنه غصب عليج ما في داعي تعملين حسابي في الأكل معاكم.

رديت: ما أسوي شي غصب عني .. بيتك ومن حقك تاكل فيه.
.
.
.
ما شلت الشباصة من مكانها .. ومب متأكدة شافها وإلا لا .. بس غالب ظني إنه حصّلها.

__________________


اللهم طِيبَ الأثر .. وحُسْنَ الرحيل.

ماشاءالله تبارك الله حتى بالزعل محترمه
الله يريح بالك