جعلك الله مباركا اينما كنت يارجل الرجال
متزوجين من اربع سنوات وماعندنا اطفال
حياتي فيها اكشن كثيـــــــــــر
تجمع بين الهدوء والسكينه والموده والرحمه والكره والعناد وطوالة اللسان ومدة اليد
وتجمع بين الطفوله واللعب والوعي والثقافه والكهولة وحسن التصرف
وكل هذا بيني وبينه ولا اي مخلوق يدري باللي يصير بينا
المهم
كنت دايم افكر بالطلاق واني استحق افضل من زوجي
بسبب المشاكل اللي صارت بيوم زواجي وخلال السنه الأولى
ولان زوجي شبه عقيم
استمر معي هذا الشعور ثلاث سنوات مع اني كل ماتخيلت الموقف
احزن كثير لدرجة البكاء
وحاليا لي سنه احاول اثني نفسي عن هذي الفكره نهائيا لانها غلط
وراح تورثني هم كبير
بصراحه مدري وش اكتب كلامي كله مخربط
اكثر شي مأثر في الخوف من المستقبل وانه ماراح يستمر معاي بالطيب
اصلا مشاكلنا اغلبها اكون انا الغلطانه
بس ما اغلط الا اذا قهرني كثيـــــــر بسبه وشتمه لي واحيانا يلعني
اذا انفجرت اضربه بشكل فضيــــــع فكل مره
وهو بس يصدني بيده
واذا ماهديت يضربني كل ماضربته
بعني يقولي اضربي وراح اردها لك
اخر مشكلتين
الأولى
سويت له اكل ولا اعجبه وجلس يسب ويشتم وانا ساكته
وكنت باااارده واقول بخاطري هذا هو يعصب ويطلع الكلام اللي ببطنه وبعدين
يهدا ويسكت ويجي يراضيني
بس ماسكت زودها كثيــــر لدرجة اللعن
انا هنا بديت اسبه مثل مايسبني ببرود واستفزاز له
قالي يعني مانتي غلطانه قلت له لا
مسويه لك ثلاثه اصناف من الأكل ولا عجبك فيها ولا واحد
وش اسوي لك
رجع قال يعني شايفه نفسك مانتي غلطانه قلت له لا
قال لي والله لخليك ببيت ابوك معلقه سنه كاااااااامله
(هذي الكلمه مأثره فيني بشكل كبير والأن انا ابكي بسببها )
المهم لما قال لي هالكلمه
قلت له بالطقاق ماهميتني والله من البكره ليطلقني القاضي منك لو وريته الاوراق (اقصد الاوراق الطبيه اللي تثبت انه تعبان)
بصراحه وجهه تغير بشكل كبيـــــر وحسيت اني كأني عطيته عشره كفوف
كان يبغى يروح بس يوم سمع كلامي تراجع كأنه يبغى يحل الموضوع
المهم تراضينا وخلصنا ولا كأنه صار شي
مع ان كل اللي صار كبير وكان يقولي وقتها ابغاك مثل مانتي لاتتغيري
ولاتسكتين لي
مع اني تعبت من هذا الاسلوب كثيــــــــــــــــر
وثاني مشكلة
رحت لأهلي وجلست عندهم كم يوم لان عنده شغل
وكان بينا اتصالات كل يوم على مرتين او ثلاثه او اربع او اكثر
المهم صارت مشكله عن طريق التلفون
كنا نتراسل ونتكلم بموضوع حافز
قلت له ابي اعطي امي وابوي منها ان شاء الله
قال لي ماهو لازم حنا محتاجينها اكثر منهم
مع انا ماحنا محتاجينها نهائيا
بس يبغاني اعطيها له يحطها بحسابه الين نبدا نبني بيتنا
مع الفلوس اللي عنده
قلت له اعطيك بس ماهي كلها
قالي انا متضايق وزعلان
قلت له ليه وش السبب
بعدين ما ارسل لي ولا شي
ارسلت له كذا مره مايرد علي
ودقيت عليه كذا مره مارد نهااائيا
قهرني تصرفه
بعد اربع ساعات على الساعه 6 الفجر
رد علي وكأن صوته فيه النوم قال وش فيه
قلت له ليه طنشتني قال كنت نايم
ماصدقته وقلت له ليه طيب تقول انك زعلان قالي كنت امزح معاك
بصراحه قهرني بشكل فضيع قلت لازم اردها له مع اني ماقدر استغني عن مكالماتي له ولا ربع يوم
المهم هذاك اليوم مارديت عليه نهائيا لمدة يمكن اربع ساعات
انقهر وارسل لي رساله بعدين رديت عليه
جلس يسبني كالعاده وماسكت له رديت عليه بنفس السبه
قفلت بوجهه وطنشته نص ساعه
ارسل لي حرام عليك جسمي كله يترعش
رجعت اتصلت عليه مارد الا بعد كم اتصال
تراضينا وخلصنا
رجع ارسل لي رساله بعد وقت
يقول فيها انه يحبني ويموت فيني ويحب عنادي ولا يبغاني اتغير نهائيا
رسالته صدمتني حسيت يا اني انا مريضه نفسيا او هو مريض
انا احبه بس بنفس الوقت خايفه منه مستقبلا بشكل جنوني
التعديل الأخير تم بواسطة وابل الندى ; 14-12-2012 الساعة 02:38 AM
04-01-2012, 02:49 AM
ضوابط المشاركة
العرض المتطور