رد : كوفي شوب الصبايا 2 ( المشاركة للنساء فقط
صباح الخير صبايا كيف حالكم عساكم بخير وسعادة يارب شوك الله يشفيك ويعافيك يارب من السكر هذا داء العصر لا يكادوا يخلو منه بيت لكم الاجر والمثوبة انا زوجي عنده سكر من 15سنة تقريبا وماينتظم عنده اوقات جهاز التحليل مايعطي نتيجة خلاص فوق 500وال 400 واذا حس نفسه تعبان يسوي حمية الين ينخفض شوي وهب للحلويات والتمر وياخذ حبوب ما ياخذ انسولين رغم انه في مثل وضعه المفترض ياخذ انسولين بس هو يكابر يقول انا طيب مافيني شئ والواحد مايموت ناقص عمر يروح يمشي ساعة ساعتين ويجي يقيس السكر يلاقيه نازل شوي يقول سوي قهوة وجيبي التمر ولا الحلا تعبت معاه عاد خليته عجزت قلت صحتك مالي شغل فيك تبي تهتم فيها ولا انت حر بكيفك ننصح عيال صغار مو واحد اكبر منك وانا صار عندي سكري حمل بالشهور الأخيرة من حملي قبل 7شهور من الشهر السابع ياهم جننوني بالمستشفى كل دكتورة ودكتور يعطيك سالفة واعطوني اوراق جدول اسجل فيه قراءة السكر قبل الاكل وبعد الاكل عاد تخيلي اسوي التحليل بالبيت ست مرات بالبيت وجيتهم واستمريت شهر اراجعهم كل اسبوع ما فيه دكتور اعترض الين اخر اسبوع بالشهر جيت موعدي عند دكتور غير الاولين وقام يهاوش وليش كذا في اليوم تحللين 6مرات مابقي فيك دم انتي وزوجك صار عندكم نفسية من كثر ماتحللين ماحبيت اجادل واناقش بالسالفة ولا زوجي وش دخله بسالفتي المهم قلت له ترى انا مو من راسي احلل ولا انا ماني مستمتعة بالوخز باليوم 6 مرات. انا مشيت على كلام زملائك اللي بالعيادة هم اعطوني هالاوراق وقالوا حللي وسجلي القراءت اول باول
قال وانا من الحين اقول لك وقفي وكل يومين بعد الاكل بساعة سوي تحليل واحد ومشينا من عنده المهم اطلق رصاصة الرحمة والله اصابعي خلاص من كثر الوخز صارت منخل وفي عيادة الحمل الدكتورة ناشبة لي تقول بعد الاكل سكرك لايرتفع عن 130 وش اسوي انا اعرف انه حتى 150 عادي بس انا شكلهم كان يسون عليه بحث وتجارب كل دكتورة ودكتور يقول لك سالفة لدرجة اني مليت وكرهت شئ اسمه مستشفى كرهوني بكل شئ وانا والله لو اكلت يوم عندي سكر الحمل وثقلتها مرة مايتعدى 170 في القراءة بس يهبلون فيك بس كنت مطنشة كلامهم وحميتهم وآكل اللي اشتهية عاد زوجي يقول لي تنهي الناس عن خلق وتأتي مثله اول شئ علمي نفسك عندك سكر بعدين انصحيني اقول انا مستوياته مو مثلك انت اضعاف مستوياتي عاد الحمدلله ولدت بعيد الاضحى وعقبها 3اشهر كان عندي موعد وجيتهم صايمة وضيفونا بعصير الجلكوز اللي عندهم شكله مايفشل عمل البنكرياس الا هو عصيرهم ذاك البرتقالي قضى على خلايا بيتا اللي باقية نشطة بالبنكرياس عاد ترى يمدحون الحلبة لمرضى السكر والقرفة يقولون زينة تخفضة والله يشفيك ويعافيك ومرضى المسلمين يارب
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
06-03-2015, 07:31 AM
ضوابط المشاركة
العرض العادي
