حابة ابشركم اني رجعت لبيتي الحمدلله ليا يومين احكي لكم ايش صار قبل امس الفجر كنت دوبني صاحية عشان اصلي الا لقيت 9 اتصالات من رقم غريب طنشته الا جات رسالة ردي انا فلان الي هو زوجي رديت عليه قال لي انو قريب من المدينة وقال تبين ترجعين معي البيت انا انبسطت وما كنت مصدقة قلت اكيد قال يلا تجهزي ساعة كدا وجاني كلمت بابا واهلي وودعتهم الا بابا قال خليه يطلع يرتاح شوية واتكلم معاه زوجي طلع وسلم على اهلي وقال لبابا شوف اذا كانت كرامتك اهم من كل شي فأنا زوجتي وبناتي وبيتي اهم من كرامتي ونفسي وقال خلاص انا برجعها بس شرطي ان لو واحد طلعها مرة ثانية من بيتي بدون ما ادري فهيا طالق بالثلاثة العلم وصل بابا قال طيب وانا رضيت بشرطه ودعت اهلي ورحت معاه وفي السيارة قال لي اظن سمعتي كلامي فوق قلت سمعت وان شاء الله ما اعيدها قال لي خلاص كويس وكانت كلمة كويس اخر شي اسمعها منه لين دحين ولا لمسني ولا كلمني مرة
حتى امس لمن كنا نايمين تشيكت له وحاولت اني احك جسمي فيه راح جاب بناتي وحطهم وسط السرير وكمل نوم هههه انا ان شاء الله بحاول اغير من شخصيتي واترك عني الدلع والسماجة وارضي ربي وارضي زوجي قبل ما يدخل رمضان الله يسعدكم دارية متعبتكم معي بس لو يمديكم تنصحوني وتعلموني اشياء تنفعني في هدي الفترة |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|