يله نتضامن بالدعاء وربي ماراح يترك عباده

وانشالله فيه اخبار زينه بس ماودي استعجل واقول خلوني ساكت الين يتم كل شي وافاجئكم

ماشاء الله عليك والله انك تستاهلين صراحه واللي يوثق بربه مايخذله

وترا مشاكلك اللي تواجهينها مع خطيبك بسيطه يعني بالهداوه اشوي تنحل
وانصحك حاولي انك ترضين زوجك باللي يبي يرضى عنك ربك انشالله

موفقه

امين الله يكتب لنا الخير ويرزق شبابنا بزوجات صالحات وبناتنا بازواج صالحين ويجمعهم على طاعته ويزرع الموده والرحمه والحب بينهم يااارب

لوعشتيه ماكرهتيه مع انه صعب وبثر بس ينحب
وتجربتك ماهي الا اثراء لفكرك وخيره لك والمفروض تحمدين الله انه ماحصل زواج بعدين توهقتي صح
يعني فتره بسيطه ومرت
وليه تفقدين الامل الانسان عايش على الامل بدونه تموت روحه (فلسفه)
ومن ناحية استعراض العضلات انا اقول لك الواحد اذا تزوج وحده وحبها خلاص يبي يتملكها يحس انه بيموت بدونها والرجال مايجلس يبكي ويندب حضه فطريقته الوحيده يقعد يهاوش ولايذكرها بافضاله عليها وخاصه اذا حس انها ماتحبه ويقول بنفسه اكيد اذا حست اني ماابيها بتحاول انها تراضيني ويجلس يهبل فيها ولايسحب الكرت الاحمر اللي هو التعدد يمكن هذا اسلوبنا معكم لو تلاحضون وخاصة الجاهل مننا وتراه تصرف على الطبيعه ومايدري ان اختنا فالله عايشه فبيت ابوها معززه مكرمه وماناقص عليها شي وماتزوجت الا تبي العز والاستقرار ويجي هو بزعمه ان ذلها بترضخ له واخر شي يحترق ويحرقها معاه

واقسم بالله تجينا نصايح تحسين انها من ناس كفار يعني اقصد بمجتمع الرجال مو الكل طبعا
لاكن فيه ناس اعطتني نصايح صراحه بايخه وخصوصا الكبار في السن ولو الواحد جاهل بالنساء وبطريقتهم وصدق بالكلام اللي يقولونه انا اوعده يروح السجن
صراحه بعضهم والقليل منهم يعتبرون المرأه مجرد قطعه اثاث بالبيت ومالها انسانيه
وارجع اقول القليل منهم خاصه اللي مجتمعاتهم متشدده بزياده يعني اللي مايقبلون بالشوفه الشرعيه
وانا اقولك اكتبي وخلي كتاباتك كلها حب وعيشي الحب مع اهلك واخوانك وترا الحياة ماتسوى الحزن
ويوم لك ويومين عليك
وانشالله ربي بيعوضك بواحد احسن منه واقول نصيحه للبنات اي وحده يتقدم لها واحد حطي من ضمن الشروط انه يحضر دوره للمقبلين على الزواج ترا الرجل مهما كان رزين وعاقل فيه اشياء كثيره يجهلها عنكم وعن طباعكم واشياء ماشافها من امه او اخواته وبعض الامهات غير واعين عندها ولدها الصح والناس كلها غلط
والمفروض انتم بعد تتحملوننا لان طبيعتنا شوي قاسيه وانتم رقه واحنا فعصر السرعه يعني المشكله على طول تصير وبسهوله وانتم احضروا الدورات ذي بعد
وانا صراحه اشكر اعضاء المنتدى كلهم من اولهم لاخرهم والقائمين على المنتدى لاني احس فهمت حواء اكثر يمقن صح يمقن يبيلي دوره قبل الزواج بعد انا
لان صراحه حرام الناس يعطونك بنتهم اللي ربوها وتعبوا عليها واخر شي تتزوجها وتطلقها وفرصة البنت المطلقه ماهي زي فرصة اللي ماقد تزوجت والرجل مايتأثر كثير سبحان الله اللي له حكمه في هالشيء

والله يرزقني واياك جنة الفردوس ويهنينا بدنيانا واخرتنا وجميع الاعضاء

واعذروني على الاطاله بس في الدوام وفاضي جدا جدا جدا

تحياتي لكم (لووف)

اللهم آمين آمين آمين ..
كلآمك جميل جدآ مشاء الله ..
وبالعكس نبي نسمع تجارب بنفس اللي مروآ بحالتنآ لآ طولت ولآ شي ,,
الحمدلله احمد ربي ليل ونهار ورايتي بيضا عند اهل خطيبي السابق اللهم لك الحمد والشكر ..
صدقني فرد العضلات ماتوصل لدرجة التهديد بالضرب ومد اليد والسب والشتم وترقيع الغلط بحجة الغيره
اخر الايام قبل فسخي ومع بداية المششاكل كنت ادور واسال كثير عن اماكن تعمل دورات قبل الزوآج
لاني حسيت ان طريقت تفكيره جدآ صعبه لآ يقدرني ولآ يرآعي مشاعري نهآئيآ ..
وكنت بحاول مع الوالد الله يطول بعمره يخليني اروح معه حتى احضر ه الدورات عشان لا يحس
بشي او يزعل لانه كان رافض نهائيا حتى انه يقرا كتب او في النت عن الطريقة
والاسسساليب في التعامل مع الانثى .!
والله والشيخ اللي مسك قضيتي بعد المآسآة اللي سمعها مني بعد ما فسخنا قالي ان شاء الله راح نعمل
الدورات تكون اجباريه قبل عقد النكآح للطرفين ..
مشكلت شبابنا يقراء بـ اللي خبري خبرك ويبي تطبيق من اول شهر ..
وطبعا هذا الشي مستحيل بالنسبة لـ الانثى تتجاوب معه بما انها ماتعرفه او ماتحبه والخجل يلعب دور كبير.!
لو يفهمون شبابنا الانثى عدل ويتحملونها اول كم شهر لان البنت معروف انها عايشه في بيئه
مغلقه وكل شي عيب ومايصير فصعب انها تتجاوب مع الشاب في البدايه بـ الكلام او بالحركات ..
يبيلها صبر ومسايسه من الرجل .!
حلو فترة الملكه تكون اول شهرين تقارب وتعارف ثم اذا حصل الانسجام والاعجاب يجي الحب من نفسه ..
لان الحب الحقيقي مع التنازلات والتقدير والاحترام والمراعاة يفرض نفسه ..
انا خلاص ما ابي اتذكر الايام السودويه اللي عشتها
لاني بديت انطلق والتجربه علمتني اشياء كثيره بعد كنت جاهله عنها امكن لعدم ادراك لصغير سني .!
يلآ الله يوفق الجميع ونلقى حب مثل حب عنتر وعبله
| ولقد ذكرتك والرماح نواهل مني وسيل الهند تقطر من دمي |
هذا الشي الوحيد اللي اذكره من كتاب الادب اولى ثنوي

وانتم صدقتوا انووه فيه شي اسمه حب ترااه كذب بكذب حنا بزمن المصلحه
يعني معكك شي تجمعوا علييك ماعندك شي وش يحبونك عليه على سواد عيييونك بعض الناااس تختفي تختفي
واذا يبي شي فجأه يطلع لك>> كنه ضب
صديقتي صديقتي الروح بالروح جلسست معهاااا 7سنييين ولنا مفترقين عن بعض 3سنين كل مره انا الي ادق واسال عنها لا
وماتكلفت والى مررره تتصل حملت الوااتس قلت يمكن تتحلحل يفرز عندها هرمون الحب والوله والى حولك علم قسسسم قسسماات انه خرطي والى الي تقوول زوجي يحبني ويموت فيني لو يصير فيهااا شي بكره تحترق والى تنشل يرميها مثل الورق لمهاا وش يبي برووح بلا جسسد ازواجكم يحبونكم مصلحه لانفسسهم جنس ترتيب وتنظيف وغيره
وحده عقييم بيقعد معهاااا70سنه بلا عيااال بيرووح يتزوج عليهااا والى يطلقهاا ومافيه شي اسمه حب من اول نظره
شغل افلام ومسلسلات >>باختصاارمافيه اصدق وانقى واطهر من حب الام لعيالهااا تبي لهم الخير ماترتجي منهم شي
حب عالفطره من ربي غرسه بقلبهااا تتحمل ولدها كيف ماكان والى الباقي زوج صديق اخ اخت
وقت العوووووووووز مايدروون عنككك وبس

شي كان يقرقععع بقلبي وطلعته ودي

ههههههههههههههههههههه كويس تذكرين بيت من كتاب الادب باولى ثنوي
المشكله اللي ماقد حفظ شعر والله كنت اكره الادب ماادري ليه ولاقد حفضت بيت واحد ماادري وشلون نجحت فيه والحين مااذكر الا مكرن مفرن مقبلن مدبرن وماحفضتها الا من دعاية كيت كات

صراحه انت ماجربت الحب ومايجب عليك تتكلمين عنه لانك لوعرفتيه ماانكرتيه
واللي فاقد الشي مايعطيه يمكن صديقتك مصلحجيه بس ماتحكمين على الناس كلها بسبب تجربتك معها
اتمنى الله يعوضك عنها بوحده تحبك وتزعجك وتصيرين تصرفينها وتعيي تروح عنك وبعدها تبحلين بزوج يعشق الارض اللي تمشين عليها وبعدين تعالي اعطي رايك بالحب تعرفين قيمة الحب

يوم بنجرب بنرمس

مايصلح تحكمين عالناس كلها من تجاربك الشخصية
الحب الحقيقي موجود سواء بين الزوجين والاصدقاء والاخوان وفي كل مكان
انا عن نفسي صديقاتي من ثالث متوسط وخلصنا الثانوي والحين لي تقريبا ست سنوات متزوجة ولله الحمد
الى اليوم والليلة نسال عن بعض ونلتقي مافي اي مصالح بيننا الحمد لله اخوة وصداقة ومحبة دامت سنوات
وان شاء الله بتستمر الين الممات
الله يجمعنا على حبه وطاعته اجمعين