شوف يااخوي ،

طبايعي نسخة من زوجتك و عشت في الغربة مع زوجي و كنت مثلها على كل شئ يقهرني زوجي
حتى لو أنا اللي غلطانة اتصل على اهلي و ابكي أو على اهله و لدرجة الكل صار يكرهه و ما يبغى يسمع سيرته
زوجي يدلعني و حنون و يصبر علي و إن كانت تصير مشاكل مرات بسببه لكن الصراحة ما كانت توصل إلى اني
اتصل على اهلي و اهله و مابقي أحد ما عرف الصراحة ،، لكن تعال و شوفنا كيف في البيت مع بعض ؟
نحب بعض و يموووووووووووووت علي و أدلعه

ليه كنت أعمل كذا في بداية زواجنا ؟؟؟؟؟؟؟؟؟؟؟؟
لإني برضو أبوي ميت و اتعودت في بيت اهلي عالدلع و ماحد يقول لي لأ .. مثل ما قالت الأخت اظن كيوت بيببي
و الأخت اطياف الرياض ، و عندي كانت كبريااااااااااااااااااااء مثلها بالضبط

بأقول لك كيف حليت المشكلة بنفسي و الحمد لله إنه ربي هداني
انا حنونة و الحمد لله فكنت الوم نفسي و اندم و ازعل من نفسي بعد ما نتصالح و اسمع اهلي يكرهوه و هو يحبهم
و شفت كيف معاملة اهلي مع أزواج اخواتي و مع زوجي و عرفت إنه أناا السبب

كيف عرفت ؟؟؟؟؟؟؟؟؟؟
يوم قالي اخوي مرة ، ما بقيتي أحد ما نشرتي غسيل بيتك عنده من الأهل ، حسيت بسكينة في قلبي
مع إنهم هم السبب لإنهم كانوا دايما في البداية ينتقصوا من قيمته امامي و بس يشوفوني صح في كل شئ
هذا اللي عزز موقفي ، إنهم دايما يشوفني صح و هذا اللي خلاني اتطمن و اعمل نفسي مظلومة و ابكي
وو انا من جد كنت اشوف نفسي مظلومة ، و السبب إنه قال لي ( لأ ) و اهلي ما يفهموا الشئ هذا
اهلي يفهموا إنه بنتهم تبكي و معناها إنه زوجها ظالمها و معذبها و هذه بنتنا اللي كانت مستحيل تبكي في البيت
و ما يفهموا اهلي إنه ببكاء دلع و كلام فاضي و أنا و زوجي ننسىى الموضوع لكن هم مستحيل ينسوا

اللي صار اني قلت لازم ارجع احسن العلاقة بين اهلي و زوجي .. كيف ؟؟؟؟؟؟؟؟؟؟؟؟
لإنه بدأوا من خوفهم علي ، يحرضوني بطلب الطلاق و يوم أقارن عيوبه بعيوب ازواج اخواتي ، ألاقيه افضل منهم
لكن اهلي يحبوا ازواج اخواتي .. و عرفت السبب من نفسي
لإنه اخواتي ابدا ما يشتكوا من ازواجهم عند اهلي و لإنه اخواتي ما تدلعوا مثلي عند امي و اخواني

المهم
صرت احسس امي و ابين لها إني انا اللي اغلط على زوجي و اقولها رفعت صوتي عليه و عملت كذا و كذا
علشان تبدأ أمي تحزن على زوجي و تقولي كويس انه صابر عليك الرجال و لا غيره ما يتحملك
لإنه أمي و اهلي و الحمد لله نفس الشئ متربيين عالأصول و كذا و امي كذا كانت تعامل ابوي و تقدره

فأمي يوم اقولها اليوم عملت كذا في زوجي و سكت ما قال شئ ، صارت تقولي احمدي ربك انه متحملك
صرت اقلب الطاولة علشان تحب زوجي لإنه أنا بنتهم و مهما عملت ما راح تكرهني


( ركز معاي هنا )
اخر مرة عملت حركة و كانت بجد لها تأثير قوي و قلبت اهلي كلهم و صارواا يحبوا زوجي و هذا اللي كنت اهدف له

قلت لزوجي امي ما تحب الرجال اللي يسكت و يعجبها اللي يدافع عن نفسه .. ابغى اثير الحماس في داخله
ففي يوم تخاصمنا على سبب تافه و انا غلطت عليه و هو استفزني فقمت نفس الشئ دقيت على امي و ابكي
و نحن في الخارج في الغربة .. و امي تعبت و خلاص نفسها تشوف زوجي و تذبحه

قام زوجي أول مرة يتكلم وو يتصل على امي و أنا ما كنت موجودة و تقصدت اني اخرج و استفزه حتى
يتصل على امي و يتكلم بنفسه و ترجع العلاقة تتحسن حتى لو على حسابي

و قالها شوفي يا أأمي أنا بنتك احبها و الله و اغليها ووووو إلخ ( هنا أمي تطمنت و هديت و بدأت تلين مع زوجي )
يعني زوجي بدأ أول شئ يثبت بالكلام إنه شاريني و كذا و كذا علشان قلب أمي يتطمن ..

ثم قالها ، بس شوفي الموقف اللي صار اليوم .. بنتك عملت كذا و كذا و غلطت علي و أنا سكت لإني احبها
و كل مرة ترفع السماعة و انا اسكت لإني شاريها .. لكن هي كذا و كذا و كذا عملت ..

يوم دقيت على امي كانت هادية و تضحك و مبسوطة .. حسيت إنه كلمها و من جد كلمها زوجي
و اتاريها قالتله إذا زعلتك بيوم بنتي طنشها و اخرج من البيت و لا اقرص اذنها و صارت تحرضه علي
و خاصمتني أمي و قالت لي أنا أوريك يا شيطانة ،، تحكي عيوب زوجك و ماا تقولي إنك إنت عملتي كذا في البداية
و طبعا أنا ما قلتلها شئ ،، و ما بررت نفسي لإني كنت أهدف إنه المياه ترجع لمجاريها بينهم

و من يومها أمي تمدح فيه قدام أهلي و يوم اهلي شافوا امي مبسوطة من زوجي و انا بطلت اشتكي
لإني كنت بحاجة لكلمة قاسية من أمي توقفني عند حدي ،، صاروا من جد يحبوه اكثر من قبل
و امي دايما تقولهم اسكتوا مافيش احسن من زوجها و ماحد يسواه

و الحمد لله من يومها كل شئ اتعدل و ربي هداني و مستحيل ادق اشتكي
فإنت لازم تكسر كبريائها و انا اقولها لك عن تجربة .. و لإنه اللي كان مخليني اتفرعن على زوجي
إني كنت فاهمة نقطة ضعفه و اعرف كيف اتمسكن عند اهلي

بس كبرت عقلي و ربي هداني و خفت إنه زوجي يطفش و تتغير محبته

تبغى نصيحتي ، إذا جبت لها الطقم دحين ، هي راح تفهم إنه بسبب تطنشيها لك و راح تزيد أكثر
حتى لو تكلمت و قلت مو علشان كذا و كذاا ،، بس هي راج تكون متأكدة و واثقة إنه بسبب عنادها و تطنيشها لك
و كأنك يازيد ما غزيت


و اليتم مو عذر تراه أبداااااااااااااااااااااااا ،، أنا كمان يتيمة و الدلع هو اللي خربناا

بس الحمد لله من يومها علاقتي تحسنت مع زوجي كثييييييير

صح إني مثلت عليه اني مقهورة ليش يكلم اهلي ووووو إلخ و قال اخر مرة بس كان لازم تعرف امك
و لمتى اسكت ؟؟؟ بس بداخلي كنت أقول لنفسي ( أستاهل أنا ) لازم أحد يحط لي حد و حطيت لنفسي
حدود و الحمد لله

تعليق اخير

يمكن من الافضل انه يكون طلبك هو احترامها لك بشكل عام وبكل الاحداث .. اعتذارها وطلبها الرجوع لبيتها خاص بهذي المشكلة بحد ذاتها ويمكن بعد ما ترجع البيت تتصرف بعدم احترام بمواقف ثانية ونرجع لنقطة الصفر ....

الحقيقة موضوع الهدية غريب ولا أرى له موقع من الإعراب أخاف ينفهم بطريقه خطأ

وهذا يعتمد بالدرجة الأولى على كيفية طريقة التفكير لديهم وهل ستحسب الهديه لك أم ضدك

كما أنها قد ترفض قبولها وتحرجك أمام أهلها فالموقف غير مناسب للهدية

مادري هذا رأيي وإن شاء الله الأعضاء يفيدونك أكثر

نقطة أخرى أود توضيحها عن الأيتام هناك يتيم يفتقد الحنان والإهتمام ممن حوله

وهناك يتيم يحظى بالحنان والإهتمام والدلع أكثر ممالو كان طفل عادي وهذا يسهم بالتأكيد في تكوين شخصيته

وأعتقد أن زوجتك من النوع الثاني وهو ما جعلها تتمرد

عموما كنت أود أن تضمن شخص أو أكثر في صفك قبل الجلسة حتى لا يكون الجميع عليك وتضييع في المعمعة
لكن لا مانع إذا كانوا أهل زوجتك من النوع المتفهم وسيعطونك فرصتك في الكلام وليسو ممن يهاجم وينفعل


موفق

__________________

[استغفرالله وأتوب اليه.]

مع اني قررت بعدم المشاركه

لكن يالا نعمل الخير و نرميه بلبحر (( للتطنيش))


بنساعد و نيتنا لله


بلنسبه للهديه

خليها مفاجاه من بعد ما ترجعو للبيت و قدمها مفاجاه

بينك و بينها

ثاني يوم ولا اقولك على زوجتك بنفس الوقت تتصل بامها و تخبرها بلمفاجاه

مهما كانت نيتك و علانيتك مبطنه فانها ستفهم انك غلطان عليها و الحق معها


كذلك لازلت اقترح عليك ان تجد لك عملا بمدينه اخرى حتى تستطيع ان تكونو علاقه زوجيه مستقره بعيده

عن تاثير اهلها و اهلك

__________________

بعد الاعتذار ....تأتي الجلسات الأخرى مع أخوها اللي قاعد يصلح بينا ألحين ..

يعني بعد ما تتعتذر ....نتفاهم كيف نخلي علاقتنا مستقرة ...وكيف نعيش بحب وسلام بدون وجع رأس وان نختلف باحترام ....مو بإهانات وبنشر الغسيل .



بعد ما تعتذر تكبت وش تبي هي ...ووش أبي أنا بعدين نتفاهم ....


هالمره حل جذري فعلاً.

ليش أختي قررتي بعدم المشاركة ...بالعكس كانت أراؤك من الأراء الناضجة كنت أراها هكذا ويشهد الله على ما أقول .


يا الله علي يدك الوظيفة ...تراني ما بعد أحصل وظيفة توني جاي من الخارج صار لي شهر بس .

أخي ... مجرد انك رايح عندهم وبتجلس تحاول تحل المشكلة معاها فهذا أكبر دليل على انك شاريها وما تبي الزعل .. وراح هي وأهلها يفهموا هذا الكلام ..وتقدر تقوله ببداية حديثك حتى تأكد عليه وما يكون في لبس ... من رأيي تخلي الهدية الى ما بعد رجوعها لبيتها وبعد ما تظهر احترامها لك ...

خليك واضح وحازم بطلباتك وبنيتك ... لازم يفهموا انك ما راح تكمل معاها اذا ظلت أطباعها مثل ما هي ... وانك راح ترجع المياه لمجاريها وترجع تدللها مثل أول اذا احترمتك ووفت بطلباتك .

اخاف تقول علي شريره

و حابه ابعدك عن اهلك

قدم منحه ثانيه للدكتوراه اذا كنت ماخذ ماجستير

او ماجستير اذا ما عندك

او دوره سنه سنتين او حتى 6 اشهر


عندنا في بريطانيا ولا اقولك استراليايكون احسن او نيوزيلانده


سامعه انه في جامعات بتنفتح جديد و فيها فرص وظيفيه ان شاء الله تلاقي عندهم وظيفه






احنا ما اتربينا ،،،،،،،،،،، الا بعد ما اتغربنا وذقنا المر ،،،، جننته لزوجي

اسكوب خاص 66n

__________________

للأسف إنت مو فاهمها

اسمع كلام الأخت أطياف الرياض هي اللي راح تدلك بإذن الله و حتى شوف تحت اسمها ماشاء الله
عضو الهيئة الإستشارية

الهدية من جد مالها موقع من الإعراب + إنه اليتيم مرات يتدلع أحسن من اللي عنده أم و أب عايشين مثل زوجتك
و مثلي

لا تتكلم مع أمها و اخوانها بحضور زوجتك

تكلم أول شئ مع أمها لوحدكم ، إنت و هي .. و أمها هي االلي راح تلين راس الجميع
خليك مركز عالأم و اكسبها في طرفك فقط

و الهدية بعد ما زوجتك تعتذر ، إنت تجيب الهدية كأنك تترجاها تعتذر لك ، أو كأنه اعتذار منك أمام اهلها بشكل خفي
و ما راح تصير لك قيمة ، بنتهم طردتك و جايب لها هدية ؟؟؟؟؟؟؟؟؟؟؟؟

كرم الأخلاق مو بموضع الضعف ، بموضع القوة

[QUOTE=اطياف الرياض;2463692]

بفكر فيها أكثر....بس حتى لو تحرجني هذا بيقلب الطاولة بالكامل عليها .....وعادي لو أحرجتني لأنها في الحقيقة هي تحرج نفسها لا تحرجني ....فأنا آتيها بخلق وترد إحساني بإساءة ...وهذا الذي أريد أهلها أن يطلعوا عليه ...



واثق ثقة شبه عمياء أني بكسبهم ......عندي أدلة ملموسة ضد زوجتي ...دايم ترسل لي كلام فيه إهانة لي وتطلب الطلاق ....وكل هالرسايل محفوظة عندي ...والطرده ما يبغالها كلام ...