دعوووووااااااتكم لي لان الكلام عني قام ينتشر بين النااااس وكلن يالف عني سالفه ،، انا مصدومه من عمتي اخت ابوي طلع فيها خيير اعترفت لولدها ان الكلام اللي قالوه عني بناتها كذب اعترفت لولدها وقالت بنت اخوي مالها سوالف مثل ماتظن وقام زوجي سال خواته اللي كانو معاي قال امي تقول ان زوجتي مالها سوالف قالو خوات زوجي امي عجوز وش عرفها الا زوجتك تدخل شات معنا وتعرف شباب ،، وزوجي مدري وش ناوي عليه هالكلام وصلنا من ولد عمي عمتي قايله له تقول بناتي هن اللي يحركت اخوهن ومالي حيله احاول اصلح وهن يخربون وقالت عز الله خسرت اخوي بسبة بناتي قصدها انها خسرت ابوي وقالت المشكله ولدي مصدق خواته وخواته مدري ليه يسون كذا ،، اموري كل يوم تتعقد كل يوم سالفه جديده صايره كل يوم الكلام يتشعب انا الحين عرفت ان خواته هم اللي تكلمو وعماتي اللي هم خالاته اول قلت يمكن خواته طايح عليهم وقالو حتى زوجتك تدخل شات قبل تتزوجك طلع لا ماطاح عليهم طلعو كذا مايبوني من غير سبب وجلسو مع اخوهم وقالو زوجتك وزوجتك يعني قالوله على شكل سالفه ،، اه وانا اللي كنت احط اعذار واقول يمكن شاف اخته بشات طلع لا شافها ولاشي طلع هن متكلمات فيني عند اخوهم ،، حسبي الله ونعم الوكيل

أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) .
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .

3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .

__________________

زوجك اسمح لي طفل صغير يصدق كلام ناس واغلب الفتيات تدخل شات وتتكلم كيف هو صار يتدخل في ماضي مات وانتهى وماعد يفكر انه يدمر عائلة واولاده بسبب ماضي مات وهلك عليه الدهر وفاضي وقته يصدق كلام نسوان قال وقال ياسيدي مثل العجوز الثرثار

وانت بالخصوص اعطي لنفسك قيمة وكرامة وبترجيك له خلاك يمسح بك الارض اضبطي نفسك واتركيه يعتذر لك والا ستجعل نفسك محطمة طوا ل حياتك

حسبي الله ونعم الوكيل وكفا،، دعواتكم مصدومه من زوجي زاد الكلام علي وهو لا كاني عرضه وام عياله كانهم يتكلمون عن غريبه طيب لو مايبيني على يسكت الناس بحكم كان بينا عشره وايام حلوه لا هو مانطق حرف شب النار بين اهلي وبينا وهو ساكت تخيلو عمي الصغير توه راجع من السفر وماكان يعرف بالسالفه راح لبيت عماتي قال اخونا الكبير ليه طاردكم قالو عشان قلنا الصحيح بنته عندها خرابيط وتعرف واحد وكانت تكلم بشات وحبت واحد وحلفو ع المصحف كذب ان صحيح وجا عمي عندنا للبيت وكان بيتهجم علي بيضربني من غير لايسمع وابوي ارتفع ضغطه وحاول يفرق بيني وبين عمي وتدخلو خوالي امي اتصلت فيهم وجو وفكونا من بعض ،،. اقسم بالله بلحظتها تمنيت الموت ولا عماني يصدقون عماتي شيستفيدون مدري وش يبون مني مدري كل اللي فهمته انهم بيذلوني ويخلون ابوي يغير موقفه معي ،، والله اكتب لكم وعيوني ما اشوف منها من للدم قهر ان لحمك ودمك يتهمك وعارفين انك مظلومه بس مايبون يقولون ليه يسون فيني كذا مدري وش الهدف عجزت افهم وش يبون ،، كنت الوم زوجي لكن الحين لا لانه عمي وهو عمي صدق فيني فكيف زوجي ،، وعماتي مسويات نفسهم مطوعات ويبكون يقولون لابوي ماتصدقنا ليه قال ابوي لو نفرض السالفه صحيحه بنتي قبل تتزوج لها علاقات ليه جيتو خطبتوها ليه سكتو وتكلمتو بعدين طفلين قالو اخذناها نستر عليها وعشانك اخونا قال ابوي يعني ونحبك قال ابوي يعني قبل عشاني اخوكم وتحبوني سترتو بنتي والحين عشاني اخوكم ماعاد تحبوني وفضحتو بنتي سكتو ماردو على ابوي رحت انا طحت منهاره قدام عماتي والله العظيم بدون شعور جلست اضرب نفسي بالجدار ماكنت بوعيي واقول حوبتي ماتتعداكم وجا ابوي يسحبني يقولي يابوك ماعليك منهم الله بينصرك شافوني متعذبه ومتاثره وهم ساكتات ما اعترفو بالحقيقه ولا بعد حلفو ع القران كذب ،، كل هذا يصير وزوجي مانطق ولا جا ولا ضميره انبه طيب ماتبيني طلق ليه للحين معلقني طيب ماتبيني من اول كان طلقت من غير شوشره ،، لكن يارب توريني عجائب قدرتك عليهم وتاخذ بحقي منهم وحسبي الله الحي الذي لايموت ومابي منكم الا الدعاء لان زوجي وبيتي خسرته ماعاد باقي شي اخسره بيتي وانهدم سمعتي ولعبو فيها وحياتي وانتهت ،، دعواتكم لي والله ياخذ بحقي من اللي فضحتني وخططت لكل شي

رددي حسبي الله و نعم الوكيل

ماشا الله ابوكي انسان رائع
و الحمدلله انه واقف معاك

صبر جميل وبالله المستعان صبر جميل وبالله المستعان. صبر جميل وبالله المستعان. اتهمت اشرف واطهر النساء في عرضها وشرفها فصبرت واستعانت بالله فاظهر براءتها. استعيني بالله ياختي والجأي اليه وادعيه ان يظهر براءتك اقرأي قصه عائشه رضي الله عنها تجدي فيها بإذن الله مايهون عليك اسأل الله العظيم ان يفرج همك وينصرك على من ظلمك ولن ننساك بإذن الله من دعواتنا في اخر الليل ولا في ساعه الجمعه * حسبنا الله ونعم الوكيل حسبنا الله ونعم الوكيل حسبنا الله ونعم الوكيل

سجن الحجاج بن يوسف شخصا ظلما ، فأوصى أحدهم المظلوم بدعوات :

يامن لايعلم كيف هو إلا هو ، ولا يعلم قدرته إلا هو،فرج عني ما أنا فيه .

فقالها ففرج عنه .

__________________

الله ينصرك عليهم نصراً مؤزراً يعلم عنه القاصي قبل الداني
ويريك فيهم عجائب قدرته وقوته وجبروته اللي تعدوها بحلفهم به ظلم وكذب
ويجونك يحفون يترجون سماحتك لهم
لاتخافين اختي الحبيبة الدنيا تدور تدور تدور واللي سووا كذا والله الذي لا إله الا هو بيشوفونه في انفسهم عاجل غير اجل
عليك بالصبر والاحتساب والله ان ربي يحبك يبي يسمع صوتك وانينك ناصر المظلومين ودعوة المظلوم مابينها وبين الله حجاب فلاتنسي ذلك
استغفري ربك كثير فالفرج قاااادم لامحالة وكل ماضاقت اكثر اعرفي ان الفرج قرب ومااشتد الحبل الا وينقطع ومااشتد سواد الليل الا وبعده فجر صباح جميل
وتذكري ان مع العسر يسرا ان مع العسر يسرا اي ماياتي عسر الا ومعه يسرين
والله معك فان الله مع الصابرين

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

هلا فايض حنان
سجلت عشانك

وماقول الا حسبي الله ونعم الوكيل

اول شي اقولك انك للاسف اهنتي نفسك وقللتي من نفسك وقيمتك وارخستي سمعتك
عشان كذا كلن بدا يتعدى عليك حتى الطفل راح يتكلم فيك لانك ماعزيتي نفسك وحطيتي حد لهم

اذا تبين الامور ترجع زي ماهي لاتشغلين نفسك فيهم توكلي على ربك والجي الى الله فهو القادر على كل شي
قدري نفسك وحبي روحك واذا حبيتي نفسك راح تحبك الناس اما اذا كرهتي نفسك ولا اهتميتي بنفسك وركضتي ورا كلام الناس راح يدسونك الناس ولايشوفونك شي


بعدين الله معك ليش تسوين بنفسك كذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ايه الله معك ويشوفك ارفعي راسك لسماء هو قدامك ليش ماتتعلقين فيه وتنشغلين برضاه وتنسين ماسواه ؟؟؟؟؟؟؟؟؟؟؟؟

فكري بعقلك شوي فكرررري ارجوك مافي شي يستاهل اني اهين نفسي عشان شخص باعني لانه بس سمع عني كلام وشوه سمعتي وروح اركض وراه وحاول افهم وابرر واصيح واهين سمعه ابوي وامي وضايقهم واخلي الي مايسوى يتكلم فينا وكبر السالفه بس عشان قصه مختلقه من بنات تافهات واخوهن اردى منهن



فيااااااااااض انتي معك ربي ومع الله نكتفي عن البشر
ومعك ابوك المسكين الي يحاول فيك لكن انتي ماسالتي عن راحته وشاغله تفكيرك بزوجك الي مايسوى ظفر ابوك




الحل

غيري رقم جوالك وانسي انه كان لك زوج >>>اذا عنده شي يجي لابوك لاتشغلين بالك فيه
والزمي الاستغفار حديث <<من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب

شفتي كيف يعفل الاستغفار وانتي شاغله نفسك بحلول جاك تفريج الهم والرزق بس انتي الزمي الاستغفار بكل وقت

واقراء القران وانفثي على جسمك حتى يرتاح ان شالله

اهتمي بنفسك وبشكلك مافي احد يسوى اهمل نفسي عشانه عاد شلون بشخص باعني وشوه سمعتي
انتي تبين تقهرينهم احقريهم <<<الحقران يقطع المصران
سووي نفسك انك مبسوطه وكان شي ماصار البنت القويه كلن ياخذ له الف حساب وكلن تلفت انتباهه
خلي عماتك يقهرن اذا شافوك تضحكين اول شي بينقهرون على انك ماتثرتي وبينقهرون على انهم خسرو اخوهم وسبحان الله يمكن تنقلب السالفه عليهم والناس تتكلم فيهم لانهم فرقو بينكم وشوهو سمعت بنت اخوهم
ابسطي اهلك وضحكي وفرحي بعيالك وربك كريم وابشررررري راح تشوفين فيهم على ظلمهم بدنيا قبل الاخره
بعدين زوجك يبي يتعلق فيك ويدور رضاك اذا شافك قويه ولا سالتي عنه
واذا وصلت له الاخبار من عماتك انك مستانسه ولا سالتي عنهم راح ينقهر على الي سواه وعلى انه ضيعك بسبب كلام

من الان ابدي غيري حياتك
استغفري وتوبي الى الله من كل عمل ابعدك عنه
راح تتغير حياتك للافضل وراح تضحكين على ايامك الي زعلتي نفسك على شانها
وبعدي عن الحرام
زي سماع اغاني او لبس لايرضي الله
وبري في والدينك
تاكدي راح تتفتح لك ابواب الخير والرضاء وراح تجيك الدنيا على قد رضاء ربي عليك

وتاكدي ماكتبه الله لك هو خير لكم اختي لحكمه ارادها الله
وهذي قصه اعجبتني اتمنا تستفيدين منها

يحكى عن رجل خرج في سفر مع ابنه إلى مدينة تبعد عنه قرابة اليومين، وكان معهما حمار وضعا عليه الأمتعة، وكان الرجل دائما ما يردد قول: ما حجبه الله عنا كان أعظم!!

وبينما هما يسيران في طريقهما؛ كُسرت ساق الحمار في منتصف الطريق، فقال الرجل: ما حجبه الله عنا كان أعظم!!

فأخذ كل منهما متاعه على ظهره، وتابعا الطريق، وبعد مدة كُسرت قدم الرجل، فما عاد يقدر على حمل شيء، وأصبح يجر رجله جرًّا، فقال: ما حجبه الله عنا كان أعظم!!

فقام الابن وحمل متاعه ومتاع أبيه على ظهره وانطلقا يكملان مسيرهما، وفي الطريق لدغت أفعى الابن، فوقع على الأرض وهو يتألم، فقال الرجل: ما حجبه الله عنا كان أعظم!!

وهنا غضب الابن وقال لأبيه: أهناك ما هو أعظم مما أصابنا

وعندما شفي الابن أكملا سيرهما ووصلا إلى المدينة، فإذا بها قد أزيلت عن بكرة أبيها، فقد جاءها زلزال أبادها بمن فيها.

فنظر الرجل لابنه وقال له: انظر يا بني، لو لم يُصبنا ما أصابنا في رحلتنا لكنا وصلنا في ذلك اليوم ولأصابنا ما هو أعظم، وكنا مع من هلك

ورددي
اللهم اني مسني الضر وانت ارحم الراحمين

محبتك في الله سمو ذات

مع كلام الاخت سمو ذات