شقرديه يمكن هوا فاكر اني خايفه من الطلاق
وانا مو كذا
أغلب قهري بيكون عليه لانه أبو عيالي وشتات الأطفال مو سهل
لكن ممكن تصرفاتي وضحت له هالشي الله أعلم
وماأنكر اني أخاف جدآ من شي اسمه طلاااق لأنه دمار نفسي وحياة جديده تماما
حياة صعبه بالنسبه لي
الله ييسر الخير مابيدي شي

الله يفرج همك ويسعدك .

__________________

هلا ياقلبي
لما يجيب سيرة الحريم انا ازعل وعارف هالشي لكنه يرد علي يقول مايسوونك! !
يعرف يطلع نفسه من أي خطأ أو زله من لسانه .
ويرجع ثاني لنفس الموال ثاني يوم اذا مو نفس اليوم! !!

بالنسبه لضميري انو مأنبني
هوا عارف الشي هذا واستغل الموقف لصالحه
اول ماحصلت المشكله اعتذرت شفهيا وحلفت له أنه ماراح أعيدها وعدته
قلتله وعد مني ماعاد أعيد نفس الأسلوب أبد أبد بس ماابيك تزعل
كان وقتها يعيد ويزيد في اني كثير جرحته وبيشوف نفسيته أن قدر يتحمل أكثر
على كلامه ..

كل الخطوات اللي ذكرتيها سويتها من البدايه بنفس اليوم
وعدت اعتذاري بعدها بيومين قال خلاص خلاص هوا مايحب الاعادات بالكلام.

بقت نقطه انو أقوله انا ضميري مأنبني وإني زعلانه على نفسي انو ماسامحني
أن شاء الله يجي لها الوقت المناسب على حسب تجاوبه لأنه جالس يصدني بالكلام
خاصه انه مو موجود امامي للأسف

اشكرك عزيزتي على نصائحك. .افدتيني والله
الله يسعدك

الحي على الله في سجودك ان يهديه ويحنن قلبه عليكم
مدري ليش مسيطره فكرة الطلاق براسك يا باءعه
لو ما عندك عيال بقول يمكن لكن بينكم عيال مستحيل يطلق بهذا العمر وعنده عيال يخاف عليهم على الاقل

لا ترددين فكرة الطلاق بعقلك الباطن وتجذبينها لحياتك من كثير ما تفكرين فيها..

خليك طبيعيييييه لا يحس منك خوف من الطلاق..

ان كنتي تعرفين زوجك من النوع اللي ما يبغاك تتركينه وقت الزعل
لا تتركينه رسايل واتصالات وبطلي بتجي عشاني ولا مو عشاني
هذا نوع من الضعف ورساله منك انك خايفه من شي
هذا الكلام ممكن بعد ما تتصافوووون ويطيح الحطب تفضفضين له
اما الحين هو مضغوط وانتي لسا ما رسيتي على بر تقولين له عشاني ولا مو عشاني
انتي خليه يجي الحين بعدين نعرف عشان مين جا

وان كان من النوع اللي ما يحبك تلزقين فيه وقت الزعل
خلاص لا تلزقين ورساله وحده باليوم تكفي

وانتي ادرى بزوجك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

والله أحاول ارضيه بكل شي بما يرضي رب العالمين.
اكلمه عادي وهوا أسلوبه ياليتكم تسمعونه احسه يبيني اتعود على هالنظام الجديد
رضيت كان بها أو يبي يطفشني أو فعلا كرهني وماعاد يطيقني
حرام علييييه
هوا مسافر حالياً انتظر جيته وكله بيبان أن جا أو ماجاء
لو كتبت اللي بخاطري يطنشني
واخاف ارسل بالواتس سؤال لين متى بيظل أسلوبك كذا معاي
أخاف مايرد واحترق أكثر
استغفر الله العظيم

مافهمت قصدك على
رسيتي والا مارسيتي
قصدك غلط أقوله هالكلام ممكن يكون يبي الإنفصال واحط نفسي بموقف محرج؟ ؟
قصدي تلطيف جو أو اشوف ايش بيرد عالاقل

بائعه ياقلبي كفايه لوم لنفسك احسك اعطيتي الموضوع اكبر من حجمه والله لو طنشتي من يوم ماخرج من عندك واكتفيتي بالاطمئنان عليه فقط بلا حب بلا صور عشق كان ممكن حس فيك وتعدل

ذكرتي انه خمسيني يعني تفكيره مختلف وبعيد عن تفكيرك حاولي الفتره هذي الاطفال الي يكلموه وانتي اخر وحده تكلميه كيفك الحمدلله الله يرجعك بالسلامه ومع السلامه فقط

يابنت اشغلي نفسك الان باي شي وقفلي التفكير فيه مارح تطلعي بنتيجه وهو مسافر بس تحرقي اعصابك والله لو استغليتي فتره سفره بختم القران كان خير لك من التفكير فيه


والله لو ذكرتي شي كبير سويتيه له كان قلت معليش تقربي منه وجددي العلاقه بينكم لكن قلتي كلمتين وله ايام مو راضي ينسى والله دلع شياب الله يغفر له

انقهرت عليك كل شوي داخله الموضوع ومحترقه منه ...وهو عايش حياته...

متفائله
حاسه بعصبيييييه بشكل فضيييع افرغها احيان بضرب اطفالي
آخر شي تذكرت اني لي شهرين أخذ حبوب منع الحمل سببت لي عصبيه وتصرفات
فوضويه
واللي قاهرني بهالشهرين اللي صرت عصبيه فيهم وخرج مني كلام على قوله جارح
احسه من الحبوب
كيف الزوج مايقدر تقلبات النفسيه عند الحرمه
الرسول عليه الصلاة والسلام اوصاهم علينا
وهم لاحياة لمن تنادي
صادقه عطيت الموضوع أكبر وأكبر كمان لكني من القلق اللي جايني
استغفر الله العظيم

احلى كلمتين ختمتي ردك فيهم ( استغفر الله العظيم)

بعدين حبوب الحمل لازم توقفيها ركبي لولب او تصرفي ايش تنتظري يجيك ضغط او سكر او جلطه بعيد الشر

وارجوك اطفالك هم وناستك تعوذي من الشيطان اذا فكرتي تمدي يدك عليهم والله مالهم ذنب

كنت زيك قبل اضربهم والان غيرت
لما أكون معصبه او حزينه والله احضنهم من قلب وتنزل دموعي غصب عني وارتاح حسيت حضنهم دواء لنفسيتي خاصه لما يضحكو وانا احضنهم جربي

وزوجك صدقيني من كثر تفكيرك فيه رح تتخربطي لما تقابليه وتجيبي العيد
اشغلي نفسك الان بأمور تحبيها ومنها قراءة القران رح تهدأ نفسك وتكوني طبيعيه لما تقابليه صدقيني بتندمي انك ضيعتي وقتك بالهم لشيئ مجهول ....