المشاركة الأصلية كتبت بواسطة في الاتحاد قوة

مشكلتي أصدق ... أعتذر بس الصراحة مو مبين من الاسم ... على أي حال راح أجاوبك بصراحة ..

1. قبل الزواج اتفقنا على أن ألتزم أنا بإيجار البيت ومستلزماته، وهي بأغراضها وملابسها ومصروفها واحتياجاتها الشخصية من غير أن أجبرها على الدفع. بس وعدتني إذا أنا طحت بضائق مالي كبير ستساعدني. وبس صار عندي ديون قالتلي هذي ديون عادية وديون عندك من قبل الزواج أنا شنو دخلني فيها !! قالت أنا أساعدك إذا لا سمح الله عجزت عن الشغل، تفنشت من دوامك، مرضت واحتجت حق علاجك ... غير كذا قالت الرجال كلهم متحمين ديون مو بس إنت وكافي إني أصرف على نفسي. صراحة أنا حسيبت من هالكلام إن بحياتها ما راح توقف جمبي حتى بوقت الصج.


اشرح لي الاسود العريض ..
فعلا ياخي ديونك وش عليها منها ليش تحملها تسدد معاك؟
وكلامها جدا عادي جدا جدا جدا .. بس انتم التفتم للماديات وشي اكيد الاتفاقات الماديه دايما تعور الراس .. واذا انت مالك عديل روحك هي اكثر منك
على فكره اتفاقك انها تصرف على نفسها ترى مو حلو بحقك.. و رح اسأل اي اخصائي علاقات اسريه واي شيخ دين ثقه وهو يعطيك العلم



2. السبب الحقيقي للانتقال إلى المسكن الجديد. يوم عصبت عليها وصارحتها إني ما أبغى أكمل حياتي معاها ووصلنا لطريق مسدود ومن هالكلام، راحت خبرت والدها، ووالدها شد معاي بالحديث وأمرها تنزل عنده بالبيت، وهي سمعت كلامه.

وانت وش متوقع يعني تقول مابيك وتقعد تتغزل في عيونك مثلا والا تضحك تقول تمزح !!
شي طبيعي ابوها يشد معاك اجل بنته ملطشه؟





ولما أنا خبرت الوالدة، قامت تتناقش معاهم على أساس نعطيها الأثاث وتتنازل هي كل كافة مستحقاتها. وما رضوا، وصار في شد كبير بينها وبين الوالدة، قامت الوالدة غيرت مفتاح باب الشقة ونقلت كل الأثاث مع أغراض زوجتي على هالمسكن الجديد (لأنها هي اللي تركت البيت وراحت عند أهلها). أنا اليوم أقولها ليش تركتي البيت !!! تقولي عبالك ما عندي كرامة أقعد مع واحد يقولي ما أبغيك، على قولتها المفروض كنت نزلت عن أهلها وراضيتها وطيبت خاطرها بكلمتين.





فعلا زي ماقلنا ... امك سبب تدمير العلاقه ... رحت علمتها .. مع ان اللي اعرفه الرجال مايدخلون اهاليهم وكم رجل اهله مايدرون عن مشاكله .. زوجتك راحت لأبوها لأنها انثى ضعيفه شي طبيعي تروح لأبوها يحميها .. لأنك قلت لها انا عايفك.. انت مازعلتها بكلام عادي .. انت قلت لها ما ابيك ..

رحت انت علمت امك وهي ماشاء الله اللي تحل وتربط ونقلتك!!!!!!!!!!!!!!!!!!!!!!!!!!!!!!!!!!!!!!!!!!!! !!!!!
بدل ماتهدي النفوس وتعطيك كلمتين في العظم وتقول لك استهدي بالله وتروح تهدي زوجتك تقوم تسوي مساومات على بيتها وعفشها. اقسم بالله قهر ماحصل .. وفعلا زوجتك ما الفروض تنتظر انت وتخليها الين تروح بيت ابوها .. كان افضل تهديها بكم كلمه خصوصا انك قلت انها بسرعه تفور وبسرعه تهدا .. زي مازعلتها تهديها... ولما راحت كان افضل تقول النفسيات تعبانه خلها فتره نروق ونرجع وهذا بس الشيطان حاضر


تدخل امك يهد مايببني .. الظاهر ماتحبها فناويه تصفي حسابات معها.. تصرفاتها جدا مدمره مو من مصلحتك.. واللي سوته مع بنت الناس هذي بتسويه مع اي وحده..




مسالة الاثاث هذا وش تسوي فيه الحرمه؟ مو انت اللي قلت ماتبيها .. خلاص عطها المؤخر ولا تعور راسك وتدخل متاهات


زوجتك معها كل الحق انها ماتطب بيتك الجديد ..حط نفسك مكانها وخلك حقاني








3. بين القديم والجديد تقريبا من ثلث إلى نصف ساعة.