06-06-2008, 02:05 PM
[/gdwl]
[/read]
07-06-2008, 03:38 AM
|
المشاركة الأصلية كتبت بواسطة فاااتن
أخيتي الغالية أم فهد
صار لي زمان وانا اتابع قصتك وادعي لك ان ربي يفرج لك ويكتب لك اللي فيه صلاحك وصلاح عيالك ذكرتني مأساتك بمعاناتي قبل الانفصال تقريبا مثل المراحل اللي مريت فيها كنت مثلك خايفه متردده أفكاري مشتته حاليا مافي مجال اني اسرد واقول قصتي ربي ييسر أمورك وينور بصيرتك ولي عودة بإذن الله |
07-06-2008, 03:44 AM
|
المشاركة الأصلية كتبت بواسطة ليتني اسلى
ام فهد يالغاليه تراني معك قلباً وقالباً وان شاء الله ارد عليك الليله لاني مسافره وسادعي لك بالسفر ساعة الاجابه وانت كذلك اختي انتهزي ساعة الاجابه وان شاء الله ستحل مشكلتك بحول الله وقوته واكثري من الاستغفار اختي فانت لاتستحقين الا كل خير اختي الله يفرج همك ويجعلك من كل ضيق مخرج ويجمع شملكم على خير همسه زوجك يحبك |
07-06-2008, 03:53 AM
|
المشاركة الأصلية كتبت بواسطة سعوديه نشميه
انا قريت ردك على الحبيبه ليتني اسلى
وصراحه اقشعر بدني وبغت تنزل الدمعه بس رديتها لاننا نبي نفرح مهما غضبت الزوجه لابد ولها حنين لزوجها يحنن ربي قلبه عليك ونصيحه حطيها على بالك عدل [gdwl] لاتخرجي من بيتك نهائي لو يجرك بشعرك يقول اطلعي قولي لا لاتخرجي ان عدتي لاتخرجي وان قال روحي لااهلك قولي انا طلعت منهم وانا ماسكه ايدك وماارجع لهم الا انا ماسكه ايدك [/gdwl] |
07-06-2008, 09:30 AM
08-06-2008, 12:10 AM
|
المشاركة الأصلية كتبت بواسطة ليتني اسلى
السلام عليكم ورحمة الله وبركاته وعليكم السلام ورحمة الله وبركاته ... شلونك اختي الحبيبه ام فهد أنا بخير ولله الحمد ... وجزاك الله عني كل خير ... وطمنيني عن نفسيتك إن شاء الله مرتاحه ؟ الحمد لله ... نفسيتي مرتاحه بفضل الله وتيسيره ... شوفي يالحبيبه أنا لاأملك لك عصى سحريه لكن كلنا ياقلبي متزوجات ونتكلم من خلال تجاربنا وسوف أعطيك نصائح بعد ماتوكلت على الله وإستختره ودعيت لك بساعة الاجابه في يوم فضيل فلو قدر الله لك لم شملكم فالفضل له وحده فقد قال ادعوني أستجب لكم ولن يجيب رجاءنا به الله يتقبل منك يااااااارب ... ويجزاك كل خير ويحقق لك كل أمانيك ... أحرجتيني بطيبك ووقفتك .. يالحبيبه قرأت مشكلتك وتمعنت بردودك واكتشفت إنك ضحيه لطيبتك وحسن نيتك كما أنه ليس لك من يسدل لك النصائح والتوجيه بين أهلك وهذا مايدفعك لطلب الانفصال فشعورك بالوحده مع زوج يتصف بالانانيه أمر مدمر وتحملك لكل هذا العناء وحدك أمر قاتل ياحياتي انت ... بالعكس انا لقيت كل النصح والأرشاد من أهلي ... ومحد نصحني او شجعني على الأنفصال الا بعد ماشافوا قد ايش انا تعبانه وراغبه اني اتطلق ... وشافوا كمان معاملته لي ولهم ... يكفي انه اذا تكرم وجابني لبيت أهلي ما يكلف نفسه ينزل يسلم على ابوي لو من الباب ... يحطني عند الباب وياخذني من عند الباب ... واعتذرت لأبوي عن تصرفه وبيني لي انه أهم شيئ انا اكون مرتاحه ومو لازم يسلم ... بس بالنسبه لي شيء يحرق الدم !!! يعني والله لو انه جايبني من الشارع عشان يسوي كذا !! وكمان ماله عذر لأن من وين لوين يشوف أهلي يعني مره او مرتين بالسنه !! بس مايتنازل الأخ !! لكن بالرغم من كل ذلك فأنت رائعه بحق هذا من فضل الله أولا ً .. ومن ذوقك يالغاليه ثانيا ً .. بك كل ما يحلم به الزوج ولن يتخلى عنك من كنت زوجته بكل سهوله أتمنى إني أكون عند حسن الظن بي .. لذا دعينا نتفق على أمور ومنها 1 زوجك يحبك فعلا ً .. بس بأسلوبه وطريقته كما وضحت لك سابقا ً .. 2 طيب جدا يمكن ... بس الكبر والغرور مو مخلي مجال للطيبة تتضح !! 3 عصبي جدا وإذا فيه وصف أكثر من جدا ً يكون أفضل ..!! هذا اذا عصب ما يعرف امه من ابوه !! 4 يحب أبناءه يحبهم بس بصراحه ماعنده أسلوب في التربية .. ويفرّق في المعاملة بينهم!! 5 لايظلم بينك وبين زوجته الاخرى بالعكس !! ...... من قالك انه مايظلم ؟؟ هو لو انه عادل ماكان وصلنا لهالمرحله !! خليني أعطيك نماذج وانتي أحكمي : مايصرف على بيتي ولا ريال ... ولا على عيالي ... يجي من برا محمل بأكياس لبيته الثاني ويجيني عطيني البطاقه ابي اسحب فلوس!!! وعشان مااظلمه هالحكي صار مؤخرا ً ... بس نفقتي الشرعيه ومصاريفي مايدفع فيها ولا ريال .. المستشفى يودي زوجته هو بنفسه وانا السولق متكفل فيني عشان مايضطر يدفع ...( مع العلم ترى زوجي غني ومو محتاج لا لراتبي ولا غيره) إذا بغيت اروح لأهلي يااما الطيارة توديني انا وعيالي وعلى حسابي ... يا اما أجي مع اختي وزوجها اذا كان لهم نية سفر ... والرجعه نفس الشيء!! أما زوجته فيوديها بنفسه وياخذها بنفسه !! إذا احتاجوا عيالي للمستوصف انا اوديهم بنفسي ونادرا ً هو ... أما بقية عياله فهو يوديهم ! اذا راحت أي مكان شغالتها معاها ... اما انا فلا .. واللي يقهرني اكثر انه مايناديني باسمي ولا حتى لقبي !! يناديني يافلانه او ياولد ... اما هي فيناديها باسمها ... يمكن تقولين شيء سخيف وما يستحق الزعل بس والله قهررررر مع انه اسمي حلو وكله دلع !! في العزايم كل شيء علي ... وماأخفيك هذي هي الناحيه الوحيده اللي الظلم فيها حلو لانه يبت اني طباخه وعندي ذوق في ترتيب السفره والأكل .. 6لايجلس كثيراً بالمنزل وهذي سلبيه مو إيجابيه.... بس في حالتي اعتقد ايجابيه لانه لو كان 24 ساعه في وجهي كان صارت علوووم ! ربما لديك الكثير ولا اعلمه فعلا ً ومافيه مجال لذكره الآن !! جميع تلك المذكوره تساعدك على التعايش المطلوب في كل بيت بالمقابل فأنت أيضاً تحبين زوجك بل وتشتااقين له يمكن أحبه بس مو مثل اول ابدا ً ... واشتاق للذكريات الحلوه .. يالحبيبه تعلمين المراره الحقيقيه ماهي؟ عندما تجتاحنا نسمات الشوق ولكن لامن سبيل تقتال كل لحظه جميله في حياتنا تغرس الاهاات والونات تبدل النور لظلمات حين تشتاق الزوجه لزوجها وهي في صفوف المطلقات كيف هي الحياه بعد ذلك؟ يا لحبيبه والله ليس كل حب ولا عشره يداخلهم الشوق واللهفه وماهذا صدقيني الا رحمه بك من الله عزوجل فأنت بين يدين من تشتاقين له وتتلهفين لرؤيته انا معاك انه احساس صعب ... وصعب جدا ً ... بس هذا يرجع لطبيعة كل وحده ... وللأسف انا طبيعتي أحب الحب وأعشق الحياة الرومنسيه... وواله ان اغلب اللحظات الحلوه انا التي اختلقها لنفسي وله .. ومع ذلك ..... مافيه اي تقدير لأي جهد بذلته معاه ... وكل أمر الان مقدور عليه وكله بيدك فالحقي قبل أن لاتستطيعي أن تلحقي أنا موكله أمري الى الله ... بس وش ألحق عليه ؟؟؟ اذا زواجي صاير كأنه مسيار !! انا حرمة ورجال البيت !! ... أصرف وأخدم وأطبخ وأربي وأداوي ومتوليه كل الأمور خارج البيت من مستشفى وسوق ... وفوق هذا كله لاإعتراف بالجميل .. ولا كلمة تطيب الخاطر لو حتى (شكرا ً) ... وظلم وإهانه وشتم ... ومالي حق أزور أو أحد يزورني ... بإختصار ... أنا وش مستفيده منه كزوج ؟؟؟ آمانه جاوبيني ... إذا حتى عياله مو عارف يربيهم صح ..وماعنده استعداد يتقبل أي نقاش أو توجيه في التربيه لو كان بأسلوب لطيف وبعيد عن أفعل ولا تفعل اللي مايطيقها الرجل... الان يالحبيبه كل ما أطلبه منك وأترجاه أن ترسلين لزوجك رسائل شوق وعتاب حاني عتاب بان كيف تحمل غيابك ولم يشتاق لشوفتك وهكذا طلبك على عيني وراسي ... ويعز علي اني أقولك مستحيل ... تدرين ليش؟؟ لأني خابزته وعاجنته وعارفه ايش راح يكون رده ... بل متأكده منه!! وانتهزي الاوقات التي تعرفين أنه رايق ومرتاح فيها طبعاً قبل الارسال إستخيري الله اخيتي بكل ماتنوين فعله ليبارك الله فيه وييسره لك ام فهد عندما قرأت مافعله زوجك لاجلك في الـ 5 سنوات الماضيه تحديداُ دموعه أكبرته وقدرته هذه أصعب المواقف ... بس تدرين انها كانت بعد شهر من الزواج ... يعني المشاعر كانت في أوجها واشتعالها .. ونار شوقه لي مابعد انطفت ... وماألومه ... انا لما أسافر كنت آخذ فانيله سبق ولبسها وأشمها في غيابي كل ما أشتقت له وأقوله عشان تظل ريحتك معاي .. واحسك جنبي حتى لو انا بعيد .. صدقيني لا أعلم لم أشعر بذلك الرجل السيء وتعاطفت معه رغم أنه بنظرك وبنظر الاخرين متهم ومحكوم عليه بالاعدام ما أدري أنا بحيره مايعلمها الا ربي ... بس لابد من اتخاذ خطوة واضحه وقويه ومنعطف اتمنى انه يغير حياتي للأفضل ... والعلم عند الله ... تعلمين يالحبيبه لي أكثر من 11 سنه مع زوجي لم أعش معه يوما جميلاً الله لا يضيع لك تعب .. ولا يحرمك أجر صبرك وجهادك معاه .. والان بدا يعدل حساباته ويسعى بكل جهده لاسعادي الحمد لله ... ان بعد العسر يسرا ... وهذا اللي أرجيه من رب العباد .. فجميل ان تكوني عشت تلك اللحظات الجميله خلال السنوات القليله تلك والاكيد هناك الكثير لديك من تلك اللحظات.. اللحظات الجميله تنعد على الأصابع ... ومع ذلك تبقى جميلة ! لدي الكثير يالحبيبه لكن دعينا نسير بخطوات وكل خطوه لها حديث أتمنى اني اكون ماأزعجتك بردودي ... ولكن حبيت أني أكون صادقه معك في كلامي واحساسي .. أرجو أني ماخيبت ظنك ... وتعبتك عالفاضي مثل مايقولون ! وتذكر ي الاستغفار ورددي اللهم اجرني بمصيبتي واخلف لي خيراً منها واقري سورة البقره كل ليله بعد كل صلاة خمس صفحات للتمكنين من تختميها قبل النوم فان كانت عين حلت بكم او سؤ فسيصرفه الله عنكم بحوله وقوته الله يوفقك ويكتب لك الخير وين ماكنت ويفرجهمك ويفتح على بصايرك ويهدي زوجك ويفتح على بصايره ويحنن قلبه عليك |
08-06-2008, 12:20 AM
08-06-2008, 12:31 AM
09-06-2008, 05:06 AM
09-06-2008, 06:43 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
